@ فقط لبنات الخليج ... رأيكن يهمني جداً @

هلا

طلوع الفجر

اشكرج على هذا التشجيع الطيب
تحيتي

هلا

نوووسه

بس اعتقد في فرق وايد بين الطب والتصميم
الطبيب الغير ثقة يمكن تموتين لا سمح الله بسببه ، بس المصمم راح تشوفين شغله قبل ماتفصلين عنده
شكرا لح
تحيتي

السلام عليكم ورحمة الله وبركاته

هلا يا خوي بو محمد...

الفكرة وحدة سواء الخياطة والا التصميم ما دام عندنا طاقات نسائية ليش نلجأ للرجال..

انا ما احبطك وأنزل من همتك بس هذا رأي.. ولو ما حصلت الكفاءة النسائية راح الجأ لأبن بلدي وابن الخليج طبعاً قبل الكل..

بالتوفيق يا صارع..

ليش تسأل هالسؤال ؟؟ :think:

رغم اني فاهمة

المهم ...... انا ما اشوف فرق بين مصمم خليجي او اجنبي ........ اللي يعجبني تصميمه اكيد بروح له في المناسبات

احنا في السعودية عندنا مصممات كثير لكن كل ناس ولهم زباين يعني انا تعودت على محل معين اروح له .. والنظام اللي عندنا مرة حلو المصمم يرسم الموديل
وبعدين احنا نروح محل خاص باخذ القياسات ... تاخذ المقاسات فلبينية او لبنانية وتفهم المصمم بالضبط على كل شي وتعطينا نسخة .. وخلاص

ماعندي مشكلة اني اتعامل مع مصمم سعودي بشرط يكون انسان محترم قبل لا تكون تصاميمه ضاربة في السوق

شكلك يا الهادي يقول إنك انت راح تفتح مشغل تصميم الملابس ....(r)(r)(r)(r)(r)(r)(r) بس لا تخاف انت جرب وانا أول من يصمم عند ك

ولو إني ما أحب الخياط كل ملابسي جاهزة حتى الاعراس بس ما يصير خاطرك الا طيب راح اخيط عندك والله تستاهل......:clap::clap::clap::clap:

انا افضل ولد ديرتي لان اكيد بيكون عليه غيرة على اخته وبكدر اروح لحالي وانا مأمنة على حالي

هلا

الصبوره

بالفعل ، أهم شيء تواجد العنصر النسائي حرصا على الإحتشام
اشكرك على هذا الرد الكفيل بتشجيع أي مواطن خليجي يحب تصميم الأزياء على دخول هذا العالم الغريب
تحيتي

هلا

&][قـصايد][&

وانا لو كنت مصمم ، أكيد يكون لي الفخر اصمم لبنات بلادي
شكرا لمرورج الطيب
تحيتي

هلا

ريف الصبا

شكرا على المرور الطيب وإبداء الرأي الأطيب
تحيتي

هلا

هو قلبي

شكرا على هذا الرأي المنطقي جداً ، تحيتي

اخي العزيز
من راي قبل لااعرف اذا هو شاطر ولا شغله حلو واروحله لازم اتاكد من انه رجال سمعته محترمه واتاكد من اخلاقه هو محارمه اللي يشتغلوا معاه لازم تكون متاكدة انهم ثقة 200% قبل لا اتعامل معاهم

انشاءالله افدتك بالرد

هااه بو محمد .. بتفتح محل تصميم؟؟؟ صدقني بكون اول وحدة بفصل عندك هههههه

شوف اخويه بومحمد ...بقولك الصراحة ..
اروح عند المواطن ولا اروح عند الاجنبي ..
انا دايما احب اشوف اخواني عيال بلادي في كل شبر من البلاد كل واحد يفيد مجتمعه وبلاده باللي عنده من افكار ... اذا كان موهوب ويعرف يصمم ليش ما يفيد مجتمعه بهالشي ؟؟ اذا كان متميز بشي ليش ما يفيد الكل ...
يعني مثلا شي وايد شباب عندهم مواهب بس هالمواهب ما يبرزونها ولا يستفيدون منها .. ما بقول السبب نظرة المجتمع .. السبب منهم هم ... اذا هو عنده الثقة في نفسه وقادر انه يفيد بلاده بس ما يريد عشان كلام الناس .. فهذا ما عنده ثقة بنفسه .. دامك ما تسوي شي غلط ولا حرام ليش تستحي ؟؟؟
يمكن انا طلعت عن الموضوع شويه .. بس هالكلمة كانت في خاطريه
الحين برجع لصلب الموضوع
اذا كنتي بين خيارين .. بين مصمم اجنبي وبين مصمم اماراتي ... شي طبيعي واكيد وبدون تفكير وانا مغمضة بروح عند الاماراتي .. اقولكم ليش ..
1- لانه ولد بلادي والمفروض اشجعه واوقف وياه .. اذا ما وقفنا مع شبابنا عيل ويا منو بنوقف ..
2- لانه ادرى بعاداتنا وتقليدنا ودينا .وكيف المفروض البنت تلبس .. يوكون لبسها حلو ومحتشم .. اما الاجانب وبعض العرب تصاميمهم غالبا تميل للعري .. وهذا يخالف عاداتنا واصلا هم ما تهمهم العادات بالعكس الفستان عندهم كل مكان مكشوف بيكون احلى ...
3- لانه ما بيقص عليه مثل الاجنبي اللي همه يلهف فلوسنا وخلاص ..


نظرتيه كبنت للشاب اللي يشتغل مصمم ازياء او عبايا او كنادير ..نظرة كلها احترام ..دام انه محترم .. عمري ما حسيت ولا بحس بانه اللي يشتغل موظف او دكتور او مهندس او اي شغلة ثانيه احسن من هالشاب ... الكل له دوره اللي يقوم فيه ..

شكرا اخوي بومحمد عالموضوع الطيب
والسموحة عالاطاله


بنفسوجة