@ فقط لبنات الخليج ... رأيكن يهمني جداً @

الصراحة إذا شغله وايد فنان ومرتب ليش ما اروحله ومادام عنده محارم

وأنا اؤيد الصناعات الوطنية

انا احس انه الناس ماتق بابناء وطنهم

خاصة لو يسمعون دكتور مواطن ماادري ليش على بالهم مايعرف شيء ويمكن نجح بالواسطه

وهذا الي اسمعه من الناس اللي حوالينا

بالنسبه لي أكيد راح أروح له ويكفي انه ولد بلاي

والأهم ان عنده خياطات واللي تاخذ المقاساات حرمه

والاقربون أولى بالمعرووف يعني الفايده له ولا للغريب

ويكفي انه مسلم واكيد راح تكون عنده غيره على بنات بلاااده وبقدم لهم الأفضل

ولان أغلب المصممين الا فلبيني ولا لبناني ولاااا ..

والله يوفقك الجميع ان شاء الله

أخوي هادي تسلم عالطرح الراااائع

الله يعطيك العافيه ودمت بخير

أختك الصبوره

هلا

مرحبا بك يا اخوي هادي

بالنسبه لي أفتخر اني اصمم عنده لأنه ولد بلادي

وأحسن من الغريب

:smile:

مشكور ع سؤالك

أنا بعد من رايكم اقول ما فيها شئ بالعكس راح أروح عنده

بالنسبه المهم شغله حلو*****وبس

هههههههههههههه

ليش لا بالعكس فكرة حلوة و تضحك في نفس الوقت

يعني لو الفستان كان يهبل و الكل سألني منو هالمصمم .. بقولهم واحد اماراتي احسن من 10 فلبينين هههههههههههه


و خاصه ان الحينه دور الازياء الراقيه يا لبنانين يا فلبنين

عندنا بالكويت في مصممين كويتيين وناجحين ماشالله
وسمعتهم زينه ماشالله وشغلهم روووووووووعه

وغالي بعد

الفكره مو غريبه يعني


بس اتمنا لك التوفيق اذا كنت المصمم


ورده العشاق

والله افضل من ها الكفره اللي غزو الخليج

بتكون الوحده في ايد امينه ان شاء الله

وخاصة لوجود حرمه مسلمه مثلها

ان كنت تبي تخطي ها الخطوه .. فاليبارك الله خطاك

تحياتي

السلام عليكم ورحمة الله وبركااته
اخي الفاضل لا تفهم ردي على انه غير تشجيع بالعكس انا اشجع الصناعات المحليه وااايد واحب اشتري من المواطنات والمواطنين وايد

اما بالنسبه لتصميم الملابس انا عن نفسي ما اقدر

انا افضل التعامل مع الحرمه ولما اروح عند مصمم فلبيني ممثلا احس بخجل وايد يوم اوصف اشياء معينه فالفستان لانه يتم ريال لو انه ما يبين هالشيء عفان الله فالريال اللي بيكون من بلادي اكيد بكون مستحيه منه اكثر (ما اعرف افسر ليش بس صدق احرااج بالنسبه لي)

يعني لو امور تصميم غير ملابس بلا شك بسير بس التصاميم واللبس احس وايد فيه احراااج

اذا مصمم كوش, قاعة افرااح ,مصمم ديكور, ممكن اروحله اما ملابس لااا :)

وجهة نظر اتمنى ما تزعل منها

اختك
حاشمه نفسي

السلام عليكم ورحمة الله وبركاته

اولا وبما اني اشارك في اول موضوع لي احب احيي وارحب بجميع الموجودين ..

وبالنسبة لرايي في الموضوع اكيد راح اصمم عنده اذا تصميمه حلو وباخلي زوجي يشجعه نيابة عني ..

انا مااشوف فيه مشكله اني اصمم عند رجل
دام الي تتولى التفاهم معي واخذ القياس امراه وهذا الي صاير عندنا بالسعوديه


لو فكرنا فيها بالعكس انفع ابن بلدي احسن من اني انفع ابن شرق اسيا او اي دوله ثانيه
ولو كان الشغل الي يصممه لي تمام اكيد ابدل عليه

انا مااشوف فيها مشكله

وهذا رئيي

اهو شي طبيعي بس بالنسبه لي استحي اروح حق مصمم خليجي افضل فلبيني او اجنبي بس اكيد الخليجي اوله من الغريب ويعتمد طبعا


تحياتي ...
زيـــن

اخوي بو محمد ،، للأسف وصلت متأخره بس اهم شي اني وصلت ..

بقول رأيي بالموضوع ..

بغض النظر مصمم او مصممه من بلادي او اجنبي ،، اذا تصاميمه شدتني اكيد هذا سبب يخليني افكر افصل عنده ..

مسألة وجود حرمه تاخذ القياسات و تسوي البروفات .. هذي نقطه ايجابيه وبتخليني اقتنع فيه اكثر ..

اما مسألة ان عنده موهبه وذوق ومتابع للموضه ،، فهذا هو المطلوب ،، وبنظري الرجل المواطن ذوقه بيختلف عن المرأه احس تصاميمه بتكون محتشمه و تراعي التقاليد اكثر .. لأن نظرة الشخص لنفسه تختلف عن نظرة شخص له

اذا انا اصمم عند مصمم لبناني او فلبيني ،، ليش ما اصمم عند ولد بلادي !!

اللبناني او الفلبيني عنده مميزات اكثر ؟؟ ما اعتقد

سوري بس انا رأيي ان اللبناني او الفلبيني ممكن يفتح مشغل على اساس انه بزنس بالمقام الأول

اما ولد البلد ماعتقد يخطي هالخطوه الا اذا هو فعلاً عنده موهبه مميزه ،، وحاب هالشغله ،، معناته بيبدع فيها ..

و حلو ان احنا نشجع الشباب على هالشغله ..

مداخله بسيطه : عندنا جامعة فرجينيا كومنولث للتصميم فرع قطر ،، مختصه بالتصاميم : ديكور داخلي ،، جرافيكس ،، تصميم ازياء ..

و فرع الجامعه بقطر بس للبنات .. واقل التخصصات في الاقبال هو تصميم الأزياء ..

قررت الجامعه تسوي استفتاء على امكانية قبول الشباب في الجامعه ..

الشباب قدموا اوراقهم و اختيارهم للتخصص ..

المتوقع ان تكون غالبية الاختيار للشباب بتكون كالتالي : جرافيكس ،، ديكور داخلي واقل تخصص هو تصميم الأزياء

بس النتيجه جائت مختلفه عن المتوقع : ان الغالبيه اختاروا تصميم الأزياء :clap:،، من ثم التصميم الداخلي و اقل نسبه كانت الجرافيكس

و غالبية الشباب كانوا مواطنين :up:

اسمح لي على الأطاله اخوي بو محمد

بالمختصر انا مع شبابنا انهم يخطون هالخطوه لو حابينها و عندهم الموهبه وحاسين انهم بيبدعون في هالمجال

هلا

نور المدينة

احترم رأيك جدا
ولكن هُناك فرق كبير بين التصميم والخياطة ، وماقصدته هو التصميم !!!
شكرا لمرورج الكريم
تحيتي

هلا

أم أنوار

شكرا لمرورج وإبداء الرأي الطيب ، وانا ابصراحة عندي موهبة التصميم
وقريباً راح افجّرها ، بصراحة عندي تصاميم وايدة بس كوني ريّال ماقدر اعرضها لكم في المنتدى
تحيتي

هلا

جسور المحبه

شكرا على الرد الجميل ، بالفعل أسلوبج جدا مشجع
الله يكثر من أمثالكم ويحفظ بناتنا ، لأن للأسف في وايد بنات يرضون رياييل ياخذون مقاساتهم
شكرا لج

هلا

أم المهند

لا شكر على واجب ، وانا بدوري اشكر حضورك الطيب هنا وإبداء رأيك المحترم
تحيتي وتقديري

اذا تصاميمه حلوه ومميزه اكيد عادي بروح وبجرب

هلا

سحايب دبي

اشكرج على هذا التشجيع
بالنسبة لتفاصيل التصميم ، انا افضّل انها تكون من اختصاص العنصر النسائي المتواجد في المحل
عشان نمنع الإحراج مهما كانت اسبابه
تحيتي لج