حسبي الله ونعم والوكيل ....المبالغة في الأسعار...

جزاك الله كل خيـــــــــر شهادة

السلام عليكم اختي ..


اول شي اذا كان قصدج النصح فأنا اشكرج وايد وايد على قلبج الطيب اللي خلاج تخصصين موضوع كامل عن هالشي ..


واذا كان قصدج الله اعلم .. فألله يسامحج و ربي كفيلج ..


عموما انا ماحبيت اضيع وقت واتكلم بس دام الموضوع خص بضاعتي وهي الملابس التنكريه .. عشان جذي راح اتكلم ..

اختي الانترنت عالم لا منتهي من المحلات التجاريه .. و في محلات تشتري بضاعه من المحلات الاساسيه و تروح ايضا تبيعها في النت فسعرها يزد و تصير اغلى من السعر الاصلي و هذا شي طبيعي و تجاره ..


وانتي تقولين ان الملابس التنكريه اسعارها ما تتعدا 30 دولار ..

حبيبتي اني من وين تشترينها؟؟؟ اذا اقل شي اللي مايسوى و شكله عااااااااااااادي والله والله والله و ماحلف بربي جذي انهم فوق ال 50 دولار

و الزيين والله يوصل لي 80 و 100 دولار و فووق بعد

كل بضاعه و لها شاريها .. اللي يدور اللارخصي يمد ريله على قد لحافه و ياخذ الرخيص

واللي مايهمه السعر و يبي الجوده و الحلا يشتري ..

و كل واحد عقله براسه يعرف خلاصه

و كا المحلات مليانه سوالف ماركات و غاليه ماشوف احد اشتكى و قال سكروها ذيل ربحهم حرام؟؟؟؟؟؟؟


هذي تجاره اللي شايف انه عاجبه بيشتري محد بقص عليه ..

و الكل شايف القمصان النوم طقم مايسوى يتكون من قطعتين ينباع 30 دينار ضربوها اب 12.8 عشان تعرفون جم ريال سعودي


و الله انا مو قاعده اقول هالكلام عشان احد يشتري من بضاعتي .. لانه في وايد طلبو و وايد شرو و عارفين الاسعار انها مناسبه ..

بس قاعده اقول هالشي لانه انا وحده عايشه في امريكا طووووووووووووووووووول عمري و ازيدج من الشعر بيت ماما امريكيه ..

يعني ماينقص علي:)

والكلام اللي قلتيه في منه صح و في منه غلط مع اني ما اتاجر بالصواني :) بس في الغالي و في الرخيص
لا تحددين ليميت معين لانه انتي قاعده تضلمين بنات وايد والطلم حرااااااااااااااام و في بنات سعوديين رزقهم على البضاعه يعني مايشتغلون (مع العلم انا كويتيه) بس انتي بهالطريقه تسدين باب رزقهم والسبب شنو؟؟؟

كلام ماله داعي ..

قلتلج يا اختي الواحد عقله براسه يعرف خلاصه و لو وحده تبي تشتري شي اهيا تشوف مقدرتها و تشتري ..


و طبعا البنات كفو و فو ماشالله

اتقي ربج هذا اللي اقوله

صاجه مس رازان اللي ماجرب التجاره مايعرف في هالامور الموضوع مو اشوف بكم بالمحل او في الموقع الموضوع فيه رسوم ثانيه ماتنحصر مثل ماوضحوا كل البنات ومااشوف لهالموضوع اي فايده غير التشكيك في بعض التاجرات السوق ماعرفله الا اللي يدخل فيه ويجربه

تسلمين اختي شهادة على هذا الموضوع

وجزاك الله خيرا

مشكورة اختي على تنبيهج لبعض الفئة

انا صراحة ما جربت اشتري من هالشغلات اللي قلتيها

واتمنى ان الكل يراعي المرة الياية

حبيبة قلبيا والله كلامج عين العدل ،،، وهب هاي الأسعااار ضاربة عند العضوووات اللي هن خارج البلاد حتى بعض التاجرااات اللي في البلاد ضاربات في أسعهارهن (( فوق ،،، فوق ))) ولما نسأل التخفيضات !! يردن : بأنها أسعار مخفضة وخاصة بالمنتدى ..

أسعااار خيالية الصررراحة

صدقج الغاليه التجاره أصبحت نصب واحتيال كل واحد يبغي الربح يكون فوق 100% الدنيا استوت جذه فكل مكان

حبيبتي والله انا وياااج قالوا كريم كريم يبيض ويبيض وغالي ومصاريف التوصيل 30درهم
واخرته سودني اشوفه ما بيضنا ولا طشه ؟؟

انا وياااج والله لوشفتي الردود حلو وحلو وحلو ويشكرونها وحاالتهم حاله

بس يالله الواحد يتعلم من تجاربه

اشكرج ع موضوعج الشيق

الله يوفق كل تاجرة ويساعدها على تجارتها
بس اولا واخيرا لازم تخاف ربها قبل المبالغة ولو بتزيد تزيد بالمعدل المعقول

والله يكون بعون الجميع

اختي في نقطه حبيت اوضحها انتي اذا تطلبين من النت من امريكا لانج عايشه بامريكا
سعر الشحن يطلع عليج اقل من السعر الشحن اذا احنا طلبنا اكيد في فرق
وبالنسبة لقمصان النوم التنكريه الي تقولين اسعارهم ب 100
مااعتقد هالكلام صحيح لاني اطلب بنفسي وعارف الاسعار غير الشحن فوق ال 150 ريال
ولو كلامج صحيح ياريت تحطين الموقع عشان نوفر حق البنات هذه القمصان بسعر اقل او مو لازم تعطين الموقع لتاجرات عطيه حق البنات عشان يشترون منه

لاني اطلب حق البنات وعندي خبره بهذه الامور
وكفاية الخساير الي نتحملها
يعني وحده تطلب مني الجلوسات الي تنفخ الشفايف وتعطيني رقمها ونتفق على كل شئ
وتكون مستعجله وتكلمني وعقب مااطلبه اتصل فيها ماترد على التيلفون شرايكم في مثل هذه التصرفات
هني من يتحمل مسؤليه خسارتي
والي تطلب شغاب بالاسم واللون الي تبيه وعقب ماترد على رسايلي على الاقل اذا ماتبون البضاعه قولوا من البدايه ليش تضيعون وقت البنت وتسألون عن كل التفاصيل ولما تطلب لكم ماتكلفون نفسكم تعب انكم تقولون مانبيه تطنشون ولاتردون
غير البنات الي يتواعدون معاي في مكان عشان تسليم البضاعه وينطروني بالساعه وعقب ولايجون ولايتصلون ولايعتذرون
شرايكم في هذه التصرفات
يعني التاجره تقضي وقتها بالساعات على النت واكيد بتهمل امور ثانيه في حياتها واخرتها يجون البنات ويكملونها بمثل هذه التصرفات
ماشوف اشتكينا ولاتكلمنا
وبعدين انا عن نفسي مادخلت هذا القسم عشان اكسب رزق من ورا هذا القسم
دخلته بس عشان اقضي وقتي بشئ مفيد وانفع البنات بالاشياء الي مايقدرون يوفرونها
وبعدين احنا بنات ناس واالله كافينا بالحلال يعني هالثلاثين ريال الفايده لابتفقرنا ولابتغنينا
والحمدالله عينا شبعانه
وصارت لي مواقف بنات مايعرفون السعر الاصلي للحلق مثلا يرسلون 100 بدل 130 والله اعطيهم اياه ولا اقول شئ لاني ابي انفهم
وحتى بالنسبة لمبالغ التحويل ساعات تجيني ناقصه ولا اقول للبنت شئ ارسلها بضاعتها عادي
المهم اني كسبت البنات الي في المنتدى وكونت سمعة والحمدالله
وفي النهاية اقول الخيار راجع للبنت نفسها واحنا ماغصبنا حد يشتري منا
انا عن نفسي مايهمني اي شئ ينقال لاني مو معتمده على المنتدى كمصدر دخل لكن في بنات يترزقون من هذا المنتدى حرام تضرونهم بكلامكم

بيض الله ويهج ومشكوره اختي

تعرفون خواتي ..اللي إيده في الماي الباردة مش نفس اللي أيده في الماي الحارة


يعني كل وحدة تتهم التاجرات بالنصب والإحتيال ما بتحس فيهم ألا لما ببروحها تجرب وتدخل الميدان وتشوف الخسر اللي يخسرنها التاجرات

مثل مصاريف المواصلات والبترول
مصاريف المكالمات والمسجات
وغيره وغير ..

وعن النت مثل ما قالوا الخوات وأنا دومي أشتري من النت : كل المواقع تخلي المشتري يدفع قيمة التوصيل والشحن

والمواقع اللي توصل مجانا هذا حق داخل أمريكا بس وبشرط وإذا اشتريتي بمبلغ كبير يعني مش كل الطلبيات ....

يعني زيدي على السعر اللي حاطينه 10 دولارات وطالع على حسب وزن البضاعة

وهذا من غير الضرايب

ومتأكدة إنه الخوات اللي قالوا ما يكلف أكيد هذيلا ما اشتروا من النت اطلاقا مجرد إنهم يتصفحون ويشوفون الأسعار

ملاحظة : أنا مش تاجرة في المنتدى لكن هذي كلمة حق لازم أقولها لأني دايمن أشتري حق نفسي من النت

ملاحظة: في جملة سخيفة دايما أقراها في المنتديات ، وهي : ( ما تعرفين ليش سوت التاجرة جي يمكن تكون محتاية )

عيب والله هالكلمة ... لأنه التجارة مهنة وحرفة حال باجي المهن

والرسول صلى الله عليه وسلم قال في ما معنى الحديث : ( بورك لأمتي في التجارة )

يعني ألحينه الموظفة لما تشتغل معلمة أو موظفة في شركة .. اشتغلت علشانها محتاية !! ؟؟

ولا يعني كبار التجار اللي عندهم ما شاء الله محلات و شركات محتايين ؟؟!! ( ولا كأنه كل الحريم يخقون ويقولون نعرف بنت التجار الفلانين )

وجميع كبار التجار بدأوا بتجارة بسيطة

وهذا لا هو بعيب ولا بمنكر ولا يعني إنه التاجرة محتاية لما تبيع وتشتري وتحط الأسعار اللي تشوفها مناسبة لها حسب ما كلفها

إهية مب قاعدة تسرق ولا تطرر ( أي تشحت ) ، هذي تجارة والتجارة شطارة

شهادة:

وبعدين الغاليه انا قارنت البضاعه بامريكا لانه البنات يقولن هذي البضاعه من امريكا ...وبعدين بالنسبه للشحن ...الغاليه انا قلت كذا مره انا اطرش لخواتي من كريمات وقمصان نوم وبدل اطفال وماتاخذ سعر كبير بالعكس كان سعر اغلى صندوق طرشته مايقارب40 دولار والكرتون فيه بلاوي...
لو حسبت سعر الشحن مع العلم انه الوحده ما بطرش قطعه او قطعتين بطرش على الاقل 20 قطعه ومافيهن وزن شو بتكون تكلفه الشحن ولا شي بالنسبه لسعر السلعه بروحها....

أختي الفرق بينج وبين الخوات ..إنج تشحنين من أمريكا بنفسج يعني تاخذين البضاعة من السوق أو النت وتطرشينها بال cargo

أما الخوات عندنا يشترونها من النت ويدفعون لشركة شحن في أمريكا غيابيا يعني الشركة هيه اللي ترتبلهم هالأمور في أمريكا

عسب جي ياخذون منهم فلوس غالية في الشحن

يعني هم يشحنون شحن تجاري مش شخصي علشان تطالبينهم إنهم يسون نفسج

هم هنيه في البلاد وانتي في أمريكا .. أكيد انتي بتلاقين فرصة أرخص في الشراء منهم

وهم ما عندهم حد يعرفونه شخصي في أمريكا عسب يوفرلهم هالشغلات بشحن أرخص مثل ما انتي توفرينه لخواتج

علشان جي يتعاقدون مع شركات شحن

فلا تظلمينهم وتشوهين صورتهم لمجرد إنج في أمريكا وملاقيتها برخص

الظلم ظليمة ..وترى والله أنا مش تاجرة في المنتدى لكن أنا أشتري من النت نفس طريقتهم

وفعلا هذا اللي يكلفني لما أشتري لنفسي

وهم يزيدون عمولتهم فقط

صــــــــح لسانج الغالية ....
و انا معاااج في هالشيء لانه الاغلبية ودهم يصرفوون بضاعه لا اكثر مش انها تفيد الطرف الثاني ..
بس يمكن يبن ياخذن كم قرش على حساب الغير " و الله يعينهن على اللي يسونه "

و يزاج الله خير فديتج " شهاده "

يزاج الله خير الغاليه
وكلامج صح

والله يهدي البنات اللي صدق يزيييدن في الاسعار

الغالين انا يوم اشحن ما اشحن لامريكا اشحن للامارات ...ثانيا...انا ما اتهم حد بعينه انا اقصد البعض وكررت هذي الكلمه الف مره البعض ..ثالثا ..اذا الادراه تسمح لي اني احط المواقع على العام والله اني مستعده وماعندي اي مانع...لاني ما احب اقول كلام على الفاضي انا اتكلم وعندي يقين اني صح.... رابعا وهو الاهم ...مب علشان انا في امريكا قاعده اتفلسف على البنات لا والله انا كان قصدي انه الواحد ينتبه اشوي الوحده لو ابى تستوي تاجره على العين والراس لاكن اولا واخيرا المفروض تستحضر ربها فكل الي اتسويه ومب علشان الناس ماتعرف الاسعار انا اروح وادبل السعر ....
اقولها والله لو الادره تسمح اني اكتب عناوين مواقع والله مستعده...
لو تبون حتى بحط مواقع اتبيع هاى الاشياء برخص التراب ....يعني فيه 15 و19 و25 دولار وفيه الغالي طبعا بس بعد ما نزل سعره...واهل الامارات دوم يشترون منه لانه موقع معروف...انا ما اتهرب انا اقول الصدق...
ولو حابيبن ادخلوا google ما اعتقد حد مايعرفه واكتبوا .....custume او halloween costume وبيطلع لكم العجب ...وبعد اكتبوا sale costume وكل شي بتشوفوا بعيونكم
والسموحه اذا حد فهمنى غلط انا ما اقصد اتبلى على حد

.

شهاده...معاج حق والله....انا من كم يوم دشيت وسويت بحث على الملابس هذي...وشفتها وشفت الاسعار ...فررررررررررررق كبير ...نفس الصور ونفس البضاعه اللي عارضينها (بعض الاخوات)...للاسف الاسعار مضاعفه !!!

والمضحك بالموضوع ان هالمواقع توفر الشراء مع الشحن (مجانا) والله مجانا !!! واذا تتطلب عنوان في امريكا الحين اراميكس يسوون هالخدمه...يعني انا من قطر مثلا بس عندي عنوان مال اراميكس في امريكا احط عنواني هناك واراميكس يجيبونه لي لين بيتي في قطر !! وماخسر شى ابدا

هذا للعم واتمنى البنات ينتبهون ويفكرون عدل قبل لا يشترون لان فيه (البعض) يستغفلونكم عشان يتنفعون !! بس اتمنى انهم يتقون الله لان خداع الناس مستحيل يجيب لج رزق حلال !

وسلامتكم

يزاج الله خير على طرحج ها الموضوع المهم
وان شاالله الكل يستفيد من كلامج

الحلم الهادىء:
شهاده...معاج حق والله....انا من كم يوم دشيت وسويت بحث على الملابس هذي...وشفتها وشفت الاسعار ...فررررررررررررق كبير ...نفس الصور ونفس البضاعه اللي عارضينها (بعض الاخوات)...للاسف الاسعار مضاعفه !!!

والمضحك بالموضوع ان هالمواقع توفر الشراء مع الشحن (مجانا) والله مجانا !!! واذا تتطلب عنوان في امريكا الحين اراميكس يسوون هالخدمه...يعني انا من قطر مثلا بس عندي عنوان مال اراميكس في امريكا احط عنواني هناك واراميكس يجيبونه لي لين بيتي في قطر !! وماخسر شى ابدا

هذا للعم واتمنى البنات ينتبهون ويفكرون عدل قبل لا يشترون لان فيه (البعض) يستغفلونكم عشان يتنفعون !! بس اتمنى انهم يتقون الله لان خداع الناس مستحيل يجيب لج رزق حلال !

وسلامتكم

اختي الموقع اللي تقولي عليه مجانا انا اطلب منه لكن الشحن المجاني ياخذ من اسبوعين إلى شهر و الله شاهد على كلامي
اي زبونة بتنتظر هالمدة!!!!!
لذلك آخذ الشخن المستعجل و طلبياتي فوق ال100 دولار دخلي و شوفي شكثر يكلف
حرام عليكم تتبلون على البنات