رابطة امهات اغسطس

بنات الله يخليكم طمنوني

انا من بداية حملي واحس بألم فظيع في ظهري ،، وفي آخر فقرة في ظهري (من نهاية الظهر لين قبل الحوض) احس بشي غريب وكل ماله يزيد احس العظام تتبطل وشي ينقع في كل حركة وكل يلسة وكل ما امشي وساعات ايودني الالم وما اروم اوقف وافرد ظهري سيدة

هل الحالة هذي طبيعية؟؟؟؟

هل في حد يعاني مثلي؟؟؟؟

الله يخليكم طمنوني

مشكورة اختي دودة81 انا هذي الحمله الخامسة لي واول مرة يصير معاي هالشيء ويا رب يكون بخير صح احس احيانا بتيبس في جهة معينه من البطن كانه شد او سكين تقطع بطني بعدين يروح تهقون هذا من حركة البيبي ولا انا امشي غلط وما احاسب على الي في بطني
اختي همباية انا اول مرة احس بالم في ظهري كان ظهري بينكسر وبينقسم نصين نفس يوم تبى الدورة تييج هذا الأحس فيه ما اعرف اذا انت الي تحسينه نفسي او لا

مشكورة اختي fashion girlعلى ردج حبيبتي
الله يطمنج يا رب
انا صادني بس يوم واحد واكلت روب وصرت احسن الحمدلله

اختي همباية انا صادني هالالم بس كنت واقفة غلط يعني سويت حركة غلط
الله يساعدج على الم الظهر

تسلمون خواتي ،،، سحابة طيف وام احمد 25 ،،،، عالرد

بس الالم الي احس فيه ماله علاقة بالم الدورة ومرات الالم يخف بس احس الضلوع مادري عظامي تتبطل يعني ما احسها راكبه على بعض ،، والله ما اعرف كيف اشرح حالتي بس والله هالشي مخوفني وايد

هلا همبايه انا قريت في كتاب عن الاام الظهر و تحسين جنه العظمه بتنزلق من الي فوقها ... هاذا شي عادي و سببه المشي او الوقف او الجلوس الغير صحيح ... و عليج بالحليب و الراحه التامه ...

انا ظهري كان يوجعني شوي و الدكتور اداني حبوب magnesium و calcium اكثر غير الي في ال multivitamins قال علشان العضلات ضعيفه شوي

من ساعت ما كنت في اخر الرابع و الوجع ذاد و في اسفل ظهري و ركبي و مفصل القدم متهيألي من الوزن لاني ذايده 6 كيلو :eek2:

مراحب يا احلى بطابيط :)

انا بعدني احاول احس بالبيبي...بس مادري..احس بحركات مادري البيبي ولا غازات :)

الله يسهل عليكم ويتمم لكم بخير

انا اعتقد اني احس بالبيبي ... لان في مرات احس بحيسه في بطني و في جهه البيبي بس... و تكون تقريبا حق 15 ثانيه .. يعني مره او مرتين في اليووووم

اتوقع ان هاذا البيبي ...
و عطوني موعد يوم الاربعا عشان اعرف اذا بنت او ولد ... ياااارب ولد وايد احب الاولاد..

ادعولي انه يكون ذكر و كامل الخلقه و بصحه يااااااااااااااااااااااااااااااااااااااااااااارب

الله ينولني و ينولج الي في خاطرج يا fashion girl وعقبال البقية بعد

الله ينولج الي في بالج يا فاشن جيرل

ويعطينا كلنا الي في خاطرنا

ومشكورة حبيبتي عالرد ،،، الحمد لله طمنتيني يعني الالم هذا طبيعي والله يعيني عليه

[grade="00008B FF1493 FF1493 00008B"]angel eyes ان شالله تكون حركة البيبي
fashion girl الله ينولك الولد وكل وحده اللي ببالها
انا خلصت الرابع اليوم والي الان ماحسيت في حركة البيبي بس شفته بالسونار يتحرك ادعولي احس فيها مشتاقه مووووووووووووت لهذي اللحظه خصوصا اول حمل ليا[/grade]

الله ينولكم كل اللي في بالكم يا رب العالمين...و يرزقنا كلنا اطفال اصحاء تامين الخلقه...ويرق كل اللي تبغي تحمل يا رب :)



بنات

انا بعدني تيني ايام احس باللوعه الصبح...وكأنني برجع..مع اني بخلص الرابع بعد كم يوم

مشكوووووووووووووووووورين على الدعوه الحلووووووووه

والله ينويييييييييييييييلكم للي في بالكم يارب

اتصدقووون انا من دخلت الخامس ارتحت من الوحااااااااااااام يعني استمر عندي اربع شهور الوحاااااااااام
انجل ايز
يمكن انتي مثلي

الله يتمم عليكم ان شاءالله يا بنات وينولكم اللي في بالكم
عادي حبيبتي انجل ايز حتى انا لين احينه احس بلوعة بس الصبح اول ما انش من الرقاد وما احب الروايح سواء حلوة او مش حلوة
وان شاءالله بتخوز عنج اول ما تدخلين الخامس باذن الله

بنات انا معادي مع الدكتور اليوم....اييييي حد عندو سؤال ؟؟؟ انا منتظره لحد الساعه 4 توقيت القاهره - 3 بتوقيت السعوديه -

شكرا حبيباتي...

ان شاالله انا بدخل الخامس عقب كمن يوم :)

surgarcookie

انا كان ودي استفسر عن الجماع....يعني عادي ولا؟؟ و كم مره ممكن بالاسبوع
كل ما ابغي اسأل دكتورتي استحي...:)

مرحبا
angle eyes
أنا معاك باليوم
يوم ولادتي ان شاء الله بتكون زي يوم ولادتك 11 اغسطس
حلو تشوفين وحدة معك بالضبط الله يثبت لنا جميعا ان شاء الله

angel eyes:
شكرا حبيباتي...

ان شاالله انا بدخل الخامس عقب كمن يوم :)

surgarcookie

انا كان ودي استفسر عن الجماع....يعني عادي ولا؟؟ و كم مره ممكن بالاسبوع
كل ما ابغي اسأل دكتورتي استحي...:)

[size=5]
انا بأه خليت جوزي يسأل هو و انا كنت بره العياده. :eek2:...قال له مرتين في الاسبوع و من غير عنف و ما يكون الوضع ضاغط علي البطن....

بس هسأل تاني اليوم أن شاء الله

اي سؤال تاني يا بنات؟؟؟[/size]

هلا بنات كيف حالكم إن شاء الله عال العال ...

أخبار البيبي والحركه .....الله يسهل الأمور للجميع

أنا الألم الي في ظهري مضايقني مره نفس الحاله عندك أختي همبايه بالضبط مع اني ماأتعب نفسي وأبدل جهد يذكر ومريحه حالي

بس ما أدري ويش العله ؟؟

ياليت تفيدونا جزاكم الله خير

بالنسبه لحركة البيبي لسه ماحسيت بها أحيانا بس مجرد نغزات ياربي متى احسها ..

طمنوني عليكم ..