رابطة امهات اغسطس

حيا الله همبايه :)

يلا خليج معانا لين تحصلين حد بيربي وياج :)


يا بنات ابا اسألكم عن شي غريب

مادري يايني الم غريب في منطقه غريبه

منطقه العظمه اللي فوق المنطقه الحساسه...هل هالشي عادي ولا اسير اجوف الدكتوره؟؟

النسبه لي لما جالي الوجع ده الدكتور قالي عادي لان المكان بيوسع ف ممكن احس بوجع في المنطقه دي و في الظهر...اهم حاجه عدم الوقوف كتير....بس لزم تسألي الدكتور بردو

sugarcookie


مشكوره على المعلومه

رحت للطبيبه والحمدلله تطمنت على البيبي وقالت لي بعد شهر بسويلج اتراساوند قلت الها بعد اسبوعين اريد اسوي اشعه قالت ما لازم ويله بتوكل على الله


sallami


ااااااااااااااااااامين الله يسمع من بؤأش الى باب السما يعني من فمج الي باب السماء خخخخخخخخخخخخخخخخخخخخخ


همبايه


يا فضولج الي بيذبحج هههههههههههههههه وش عرفش بتربين في سبتمبر يمكن تجدمين في الموعد

يله اسمعي سوالفنا يمكن تستفيدين من شي



angel eyes

نفس المكان احس فيه لكن احيانا وامس شافتني الدكتوره وما قالت شي يعني ماقالت ان البيبي وضعيته غير

الحمدلله طمنتوني :)

bnaaaaaaaaat ... ana gabel they gave me the due date and it was 4 AUG

and yesterday the doc said its 14 AUG

:S

fashion girl


كان ودي اساعدج لكن ما فهمت شو كاتبه

ما ادري بس احس عادي ، ربيعتي قالولها في البداية بتربين شهر فبراير واحينه يقولون لها في مارس
وبعدين لا تخافين متى ما كاتبلج رب العالمين انج اتربين بتربين ......
والله يطمنج ان شاءالله

fashion girl


الحين فهمت يعني كانو عاطينج الموعد في 4 اغسطس والحين قالولج 14 اغسطس

عاااااااادي توقعي تربين قبل

اختي كانو عاطينها 26/12 فربت 16/12 ولا بعد كان فيها الم الطلق من بدايه الشهر

بقولكم قصتي مع الحمل


انا اخر دورة كانت 11/11/2005 و في شهر 12 ما كنت احس بأي الم و انا العاده قبل الدورة
احس بشوية آلام بس هالمرة ما حسيت في ولا الم و انا شكيت فالسالفه بس ما قلت لحد و المفروض
انها تنزل الدورة بتاريخ 9/12 ما ما نتزلت فقلت لإختي قالتلي اصبري المهم صار اليوم الثاني و ما نتزلت
و قلت لازم اسوي تحليل لاني كنت واااااايد متحمسه و انا رايحه العياده كنت ادعي اني اكون حامل و سويت
تحليل دم و السستر قالت اصبري عشر دقايق و انا كنت ادعي من قلبي اني اكون حامل و شوي نادتني و قالتلي
انتي تبغين بيبي ولا لا قلتلها يالله قولي في ولا ما في بس سمعت كلمة مبروك تخبلت و ما كنت اعرف شو اسوي
كنت فرحاااااانه من قلبي و سرت بيت اهلي و اخواتي كلهم كانو فرحانين لي و اتصلت لزوجي بس ما رد علي بعد كم
دقيقه اتصل و خبرته بالقصه و استااااانس وااايد 0

هذه قصتي لما عرفت اني حامل و ان شاء الله بعدين اخبركم عن كل شي صارلي في فترة الحمل
لان حسيت اني طولت عليكم

thanks guys ... matg9rooooooooooooon

شخباركم الوم يا بنات

حالتي مع الوحام حاله...ساعات اقول الحمدلله خلاص مافي وحام اجوف ثاني يوم ردتلي اللوعه :(

مادري متى بتمر يام الوحام هاذي

مب بس جذيه..احس بصداع ايي و يروح طول اليوم...صار لي كمن يوم على هالحاله

و شهيتي بعد ما كانت مفتوحه الاسبوع اللي طاف..الحين رديت كرهت الاكل مره ثانيه :(

حد صار له مثلي؟؟؟

هلا والله بالبنات اختي نورة الف مبروووووووووووك والله ان شاءالله يتمم عليج حملج وتتهنين بشوفة الياهل ان شاءالله
angle eyes اعتقد ان هالشي عادي انا احينه صارلي مدة احس بصداع يبدا تقريبا بعد الغروب ويشتد وقت الرقاد وعلى صلاة الفجر احس انه شوي احسن والصبح يختفي واحينه كم يوم على هالحالة
وعن الوحام بعد احيانا اتلوع جبدي من الاكل واحيانا عادي شهيتي تكون مفتوحة واكل اي شي
مع ذلك استشيري دكتورتج وان شاءالله اتطمنج ويكون كل شي تمام

هلا sallami

الله يعدي هالوحام على خير...:)

نوره

انتي بتولدين قبلي انا اخر دوره كانت 20/11 وكنت بروح اخذ تطعيم ضد الحمى الشوكيه عشان الحج وقلت في قلبي ليش ما اسوي تحليل حمل يوم سويت اهاااااااااااااا طلعت حامل ويوم خبرت زوجي استانس وقال حج يعني حج والحمدلله حجيت وانا حامل لكن ما كان حد يعرف غير انا وزوجي وربيعتي عشان ما يعطوني عين خفيفه وبعد ما ييت من الحج خبرت امي بسسسسسسس لحد الحين

angel eyes

تصدقين في هذا الحمل ما توحمت يوم سالت الدكتوره هاوشتني وقالت احمدي ربج كل مره ما يروح عني الوحام الابعد ما اربي

لكن تلوع جبدي من طباخي احب اطبخ والي انا احبه لكن من يخلص ما اكل ايلس اتفرج عليه واكل فواكه

angle eye
الله يسهل عليج ان شاءالله وقريب بتعدين هاي المرحلة باذن الله
ميرة صغيرة
اتصدقين حتى انا احينه صارلي يمكن اسبوع بس من بديت اطبخ بس مااروووووووووم اكل اكره طباخي
ان شاءالله ربي يتمم علينا الحمل وكل شي يهون يوم نشوف البيبي

الله يسهل علينا جميعا

تصدقون اليوم الصبح ردتلي حاله الترجيع...مادري شو فيني..من حد يجوفني و يسألني عن الوحام و اقوله احسن ثاني يوم ارد اتعب...

الله يعينج اختي وتوكلي على الله وعلى طول حافظي على الاذكار وان شاء الله فترة وتعدي

اشلونكم يابنات
حبيت اشاركم معاكم بالرابطه انا ولادتى 7اغسطس انشاءالله
والحمل معاي غير هذه المره مادرى يمكن فينى ولد لان انا عندى بنتى ساره الله يحفظها وكان عندى الوحم عادي جدا لدرجه ما كنت احس انى حامل ولا كنت اعرف شنو الترجيع
بس هذا الحمل دايما ارجع
اما كيف تلقى زوجى خبر الحمل ؟؟؟؟؟؟؟؟؟؟؟؟؟؟؟
اقولكم
انا اعرف انى حامل اذا مرضت فجأه وبدون مقدمات تجينى سخونه ولوز
اول ما حسيت اشتريت التحليل بنفسى مع ان ما جاء موعد الدورهوطلع حمل من كثر ما انا مستغربه دخلت على زوجي المجلس وهو جالس مع اخوى وقتله بلهجه حاده شوف مادام اخوي موجودانا راح اتكلم واقول اللى بخاطرى واللى تسويه معاى قالى وهو مستغرب اشفيج مخرفه قتله لا اخوى خاف وقال شسالفه قتله ولا شى بس الموضوع وما فيه انى حااااااامل
وااااااااااااااااااااااااااااالله لو تشوفون رده الفعل اللى منهم ولا نطقوا بحرف يحسبون اضحك
قتلهم والله جبت التحليل حااااااامل
مسكين زوجى كان يشرب شاى البياله تهتز فى يده وخفت منه وعليه
خفت منه يكون زعلان انى حامل مع اننا متفقين ان احنا نخلى المجال مفتوح
واخوى طلع من غير ما يقولى مبروك ولا شى تخيلوا
اتصلتله وقتله اشفيك زعلان قال لا بس متفاجئ وطريقتك احسب تضحكين
المهم دخلت لزوجى وانا متخوفه وسألته ليش رده فعله كذا قال والله من الفرحه مو مصدق
(مادرى اللى يشوفه يقول ما عندنا بنت من قبل )
وبس هاى سالفتى
والله يقوم كل الحوامل على خيييير

sallami

احاول اجبر نفسي على الاكل لوشوي بس يالسه على الفواكه


angel eyes

حاولي تاكلين شي حامض انا اذا حسيت بلوعه اكل تفاح اخضر

ام الزين 21

الوحام يختلف من كل حمل
عندي بنتين وولد وكلهم كنت ارجع فيهم الاهذا الحمل بس لوعه

الف مبروك ام الزين 21 والله يتمم عليج الحمل بخير وعافية ان شاءالله
ميرة صغيرة الله يعينج اختي وان شاءالله اتعدي المرحلة على خير