مصطلحاتي اللغوية.. كل أم تقول لنا كلمات أبنها الغريبة

الله يخلي لك عبودي وتشوفينه معرس ان شاء الله

ياحليلهم والله ... سوالفهم وكلامهم يضحك

انا اختي الصغيرة (لمن كانت صغيرة ) كل شي توصفه بطريقتها

مثلا تسمي ابوي لالة طبعا اسم الدلع رغم ان اسم ابوي الحقيقي ماله علاقة بلالة اصلا

وللحين تسميه بنفس الأسم ... خواتي وانا كل وحدة لها اسم بس شبيه باسمها

ما شاء الله عليها كانت مرة فصيحة وهذي ميزة فينا كلنا ... بس تسمي الأشياء بمسميات غير هذي من مخها مو لأنها ما تعرف تنطقها

ووحدة من خواتي تسمي العلك تون !!! طيب ليش ما احد يدري

وتقول احبك >>>>>>>>>>>> أأبك

ياحلو كلامهم

ههههههه حلوة الموضوع..

راح اقولج عن بنت اخويه توها تتكلم بعد..

لما اتطيح على الاراض تيي تركض وتقووول (تيييح)

(عبوووب) يعني عبودي اخوها الكبير

(ييييتي) يعني حبيبتي

وإذا حد أخذ منها شي تعصب وتقوله (موووني) يعني مالي..

واشياء كثييييييييييرة.. بجيبها للمنتدى وبخليها تقوول لكم.. ههههه

تحياتي لج

RoOoOomy حياج الله، ماشاء الله بعدها أختك تنادي أبوك بهالأسم، الظاهر عاجبها ومناوية تغير الكلمة..

خواطر، ماشاء الله عليها كلامها يجنن، عبودي عنده نفس الكلمة بعد (تييح) يعني طاح، او( تقه )يعني بيطقنه...الله يحفظها وخليها تزورنا بالمنتدى

]هههههههههههه انا ولدي لما يصيح وااااااااااااايد يقول( امبواه ه ه ه) ما اعرف شو يعني
ويقول باباباباباباب ..كلمة ماما نادر ما يقولها [/color]

[frame="2 80"]بنتي كلمتها الوحيده اللي مالها معنى ( دندن ) كل شي حلو وتبيه دندن .... وابوها وامها والناس كلهم عندها (دادا) [/frame]

الجميلة 78، الله يحفظ لج ولدج إن شاء الله... آعتقد بكلمة امبواه يقصد الماء، أحنه عندنا يقولون معظم الأطفال جذي،، بس ولدي يقول (مي) حق الماء..

عجبني موضوعك بالمرة وخصوصا صورة عبودي الجديده (الله يحفظة لكم)

ماركوو، ياحلوها بنتج،، الله يحفظها،، إذا أنت بنتج كل الناس دادا، آنه ولدي كل شخص ذكر أسمه بابا من أبوه إلى أبوي وأعمامه وخوالي وغيرهم...

يا حيا الله صباحي معانا، يارب عقبال ما تشاركين معانا وتقولين لنا كلمات ولدك أو بنتك، يالله يقومك بالسلامة، ومشكورة بخصوص الصورة، لأن البنات كلهم يقولون لي غيريها الولد كبر وتغير...

صح يا رانيا ولدي يقصد يبي مااااااااااااااااااااااي ههههههههههههههههههههههه
تسلمين ع الموضوع وايد حلو

عجبني الموضوع
ولدي لحين ما كمل السنة
مثل عبودي كل ذكر بابا
وما يقول ماما إلا إذا كان يبي ينام أو جوعان
يعني الماما بس حق الحاجة
الله يخليهم لنا انشا الله

اي وله يالمياء الماما بس حق الحاجة، قبل يومين كنت عند أهلي ونويت آرجع البيت بس شاف أمي وأبوي مع أخواني راكبين السيارة، يصيح مايباني بالمرة وركب معاهم وكنت اسوق بجنبهم وهو طول الوقت يسوي لي مع السلامة ولا معبرني بالمرة وطلع معاهم ولما رحنا ناخذه بعد مو فتكر فينا آنه أو أبوه,,, ياحلوهم بس مع حركاتهم، يارب ترزق كل محرم الذرية الصالحة...

اما انا ولدي توه مكمل سنه بس بعده ماتكلم عدل ييعني الكلمات اليي الكل يرددها ماما بابا دادا (ننه ) يعني يبي ياكل بس تقريبا ...


بس عندي ولد حماتي فضيع ينطق الكلمه اخر شي يعني اذا سألناه وين ماما يقوول (ناك) يعني هناك مايدري وين بس ناك واذا يبي يسمع اغنيه يقوول (ابقبق) مادري من وين جايبها واذا بيقوول ثوب او فوق نفس الكلمه (بوب) وبعد والله عنده كلمات فضيعه بس لما اتذكر بقوولكم ..

ووبنت حماي عمرها الحين 2 عاد هاذي اذبحيها على الترتيب والنظافه ماتحب اتشووف شي على الارض واذا شافت السجاده معتفسه شوي عدلتها واذا قلنالها شسووين اتقوول (( اسووي ترتيب ))>>>>> هنديه واتعرف اتكلم فلبيني بعد اذا سالناها كلتي اتقول ( اؤو اؤو ) بما معنا ايه كلت وعليها حركات وسوالف فضيعه
والله يعزكم اذا تبي تقول دلاق او (جوارب للي مايعرف) اتقول ( لقلق )

ووبعد فيه وفيه بس ان شاء الله لما اتذكر بقوول لكم

ياحلوهم يا وحدانية وماشاء الله البنات يتكلمون أسرع من الأولاد، آنه أشوف البنات الي بسن ولدي يتكلمون كلمات أكثر من الأولاد الي بنفس السن،، هالحريم حجايات من الصغر...

هههههههههههههههههههههههههههههههههههههه من الحين يتعودوون على الحجي حق المقاعد والمجالس وشااي الضحى

انا ولدي حليله ما يكملها يقول با................>يعني بابا

ومن اسبوع يوم يصيح بس يقول ماما .. واحيانا يقووول دادا ............يوم يلعب يصرخ يقووول أأأأأأأأأأأأأأأأأ

ويوم يلعب بروحه يطلع اصوات تضحكيين عليها ... وما تطلع الا نادر .. وطبعا البففففففففففففف الي يسوونها اليهال في هالسن .. ويرون ويخيس الدنيا

احس هالولد بطئ .. احاول اعلمه close ... open او يصفق مب راضي يتعلم .. بس يستانس يوم انا اسويله او امسك يدينه واخلية يسوي

الله يا رانيا، شحلوه هالموضوع .. تسلم يدينج
توني افكر فيه من كم يوم...

ولدي حبيبي كمل سنة وشهر.. بس ما شاء الله عليه، يقلد كل شيء نقوله مرة وحدة ويسكت!

عنده طبعاً المصطلحات المتداولة بين الاطفال ( امبوه = ماء، نمنم = طعام ، دووول = قول يعني كورة ، دادوا = بيبي ، تيتي = تويتي او طيور ، تاح = طاح، تووون = سبيس تون، ديد او حنن = السيارة.. الخ) وانا اذا بيناديني ما يقول ماما يسميني ايااااه !


بس ساعات يخلينا نبطل عيوننا على قدرته العجيبة على التقليد.. يموت ويقلد الكلمات والاصوات اللي نسويها يستانس..

ساعات نقول روح جيب الكورة ينطقها يقول كورة!!! بس مرة وحدة بعدين نتحايل فيه ما يقولها مرة ثانية :(
اليوم عالغدا قال له ابوه كل تمرة رد عليه تمرة؟!
ذبحته من البوس:D2

هذا غير عن تقليد الاصوات : الصفير ولما اتمضمض بالماء عشان الوضوء، او اسوي غرغرة اذا فرشت سنوني ، ما اسلم منه!

فديته حبيبي

ولدي عمره سنتين و نص و لين الحين ما يرمس عدل ...
نم نم: أكل
امبوه: ماء
اقد: أرقد- أنام
بسيل : بسير- بروح
كالونا : معكرونه
واوا : لما شي يعوره
ويش : سندويش
ليه : ليش
تاليلا: طياره

يختي عليهم والله يهبلووووون الصغارية