مصطلحاتي اللغوية.. كل أم تقول لنا كلمات أبنها الغريبة

اغرب كلمتين يقولها ولدي

الاولى شقلااااااطه يعني (((( ملعقه )))) اش الرابط الله اعلم

والثانيه ماطل يعني (((( طمااااطم ))))



وبس

المسالمة،، ماشاء الله على ولدك، كلماته حلوة ، الله يخليه...

اني حمودي عمره سنة و5 شهور ويقول بابا ماما عمي خالي والكرة يسميها في البداية قول والحين كولة والمرضعة ميمي وبنت اختي يسميما ميميم يعني مريم ولد اخوي عبود يسميه ابوب واخوي ناصر نانن وعلي عيي والاكل ام والمفتاح تاح والجوتي توتي الروب بوب

السلام عليكم

وايد حلو الموضوع .... الصراحة عجبني

ولدي يوسف عمره سنتين عنده شويه كلمات غريبة يخليني آنه وأبوه نموت من الضحك

يسمي الثلاجة : جلاذة !!
سيارة : سرّاية
طيارة: طرّاية
جاكيت: كداج
صاروخ: سالوك

ياحلوه ولدك ياأم يساف كل كلماته فيها مد بالألف،، الله يحفظه..

مشكورة اختي رانيا البحرينية

ولدك - الله يحفظه - جم صار عمره الحين ؟

الله يسلمك ام يساف، الحين عمره سنة وسبع شهور وأسبوعين....

هههههههههههههههههههه حلو الموضوع بقولكم الكلمات الي بنات يتفننون فيهم وهم صغار
عاد شوفو بنات هذا الزمن من صغار فاست فود وتسمي بنتي الماكدونالدز انوناز
والبطاطا اتاتا
والكتشب اسب

والكمبيوتر ايووتر

وجدها اديه

وحلاوه اوااوه

ويوم يعورها شي تقول اولني اووووف

ويوم تمشط شعرها تقول الله لاني انا بعد ما امشطها اقولها الله حلوه بنتي اليوم

والبانيو00بحر ههههههههههههههههههه دايما ماما سويلنا بحر

وتلي تبيز 00ابيز

وخبز00 ابذه

وطياره 00تياره

والسيكل 00كيكل

والدكان الي هو سوبر ماركت00اكان حواوه00يعني دكان الحلاوه هههههههههه

وشيشه لي الحين وهم كبار يوم يبغون حلاوه من الميني مارت مال محطة البترول يقولون بابا شيشه0000لانه فالامارات نسمي محطة البترول الشيشه مو يروح بالكم للشيشه ههههههههههههههههههههههههههههه

والسمك 00نيمو هههههههههههههههه
والجمعيه 00دمعيه

مابخلص شكلي اليوم بسوويلكم قامووووس هههههههههههههههههه

fa6ama الله يحفظها طريقتها حلوة بالكلام،،، بالعكس نستانس على سوالفهم..

الحين ولدي متعلم على كلة سلة ورا بعض ، يعني يبي يلعب كرة سلة).
نينس، يعني كلينكس..
أخو، لما تكرمون يوصخ يلفت إنتباهنا بهالكلمة يعني مايبي حفاظته...

الله يخلي اولادكم جميعا
موضوع مميز