كيف هي علاقتك مع زوجة أخو زوجك؟؟؟

عذاري،، الله يرزقج بوحدة طيبة وعاقلة ورزينة...

مناهل، قصة الساعة وله قصة، بس هي أكيد شايفتها عليك،، جان زين قلتي لها عندي نفسها من سنتين..

عذب القوافي،، الله يكملج بعقلج.

ريحانة_14، صدقتي الله معدنه أصيل يبان...

العين الزرقاء، مثل ماقلتي أبعد عن الشر وغني له.

Katkoota الله يديم العلاقة بينكم..

إنسانة 202، ضحكتيني على الضعف، خففي وزنج علشان لما تخطبون حق واحد ثاني ماتغارين، وخليك بعيدة عنها أحسن..

لحسن حظي زوجي الولد الوحيد في البيت .. واكبر واحد والباقي كلهم بنات وعلاقتي وايد طيبه معاهم الحمدلله

موضوع حلو

و ردود العضوات وايد حلوه

عني انا ماجربت ،، لأن الشباب بعدهم ما تزوجوا

بس اتوقع اذا تزوجوا ،، انا بسيطر على حريمهم :D2 " مرت اخوهم الكبير "

بس تجربة اخواني تزوجوا خوات

عني انا توقعت انهم بيقلبون اخونا علينا :D2

بس ما شاء الله عليهم ،، يساعدون بعض و يفيدون بعض وايد

الحمد الله

انا الزوجه الاولى فى العائله


زوجى اخوانه بعدهم اصغار

وعلاقتى مع حماتى جدا عاديه وبارده

يعنى عايشه فى حالى وهى بحالها


الحمد الله

Pink Angle، أحسن شي سوته أم زوجك ماجابت الا هالولد وايد أريح.

Marshmallows حلوة باسيطرعليهم، خبرينا لما يتزوجون شو بتسوين فيهم ..

ظبية دبي/ الحمد لله أنهم صغار، الله يبلغ حريمهم.

الله يعينكم كلكم ويعيني معاكم وانا كنت احسب اني في الهم لحالي
بصراحة انا في حالي وماحب احتك فيهم ومع هذا ماسلمت الغيرة تارسه قلوبهم الله يكفينا الشر
والبلا في ثنتين مسويييين عصابه على هم وبناتهم والثالثة من يوم تزوجت ماشفتها لي خمس سنين متزوجةوالحمد لله يقلون تقطرشر الله يعين
وشكرا رانيا على الموضوع الحساس

اناعندي اربع علاقتي معهم رسميه وبسيطه ونسلم على بعض عادي ونتزااور بين فترة وفترة
بس الاخيرة اللى عندي بنفس البيت وهى قريبه لى حشا موب صاااحيه
جذيه لله في الله ما تكلمنى وما تسلم على انا بعد قلت بالطقااااق مو لازم الحمد لله موب قاصرة عندي خواتي ورفيجاااتي وهي مو لازم

صمت الجروح، الله يكون بعونك آنه وحده وساعات اتطق بجبدي الا أنت أكثر من وحده,, الله يصبرك عليهم بس..

لبى قلب وليدي، الحمد لله عندك خواتك وصديقاتك مو محتاجة لهم،، بصراحة أحيانا آحس الغيرة بتذبحهم...

للرفع >>المووضوع مهممممممم نبي حلللللللللللللل

اني عندي وحده هي قبلي متزوجه

مع العلم اني مرت الكبير

بس اهو تزوج قبل اخووه

يعني هي القديمه في البيت

اول ما انخبطت حسيت انها تغار من كل شئ اسوويه
ابسط الاشياء حفلة خطوبتي


بس هي طيبه وااااااااايد واااااااااايد

يعني ما شفت منها الا كل خير عني

حتى سافرت وياها الصيف الي راح وكانت كله تسولف معاي

بس المشكله انها كل شئ اشتريه حق خطيبي تاخده هي حق زوجها
وكل شئ اخده حقي تاخده حقها

غبرلتني ,, يعني بختصار اهي طيبه بس ما تبي تشوف عندي شئ غير عنها

مراسيل الهواء ، الحمد لله أنها طيبة بس الحسد والغيرة منك هي بحد ذاتها مشكلة...
براي تبينيين لها بطريقة غير مباشرة أن الي تسويه غلط..

آنه الحين مرتاحة من فترة لأن صرنا مانشوفها معانا لما نروح الغده بيت أهل زوجي علشان مايصير إحتكاك،،

بحاول اقول لها بطريقه غير مباشره

مشكوره رنووي على الرد

والله يعطيج على قد نياتج ان شاء

على حسب

اذا هي اوكي انا اكون اوكيشناااات

السلام عليكم ورحمة الله وبركاته
والله يا بنات يوم قريت ردودكم قلت انكم عاقلين وايد مع حريم حموانك لو تدرون باللي عندنا تموتون من الضحك:bigsmile: في ثنتين حريم حموان من كثر ما يكرهون بعض وحده منهم زوجه حماها على مرة حماها قهر لها

هذيك يوم درت :mad2:
وخصوصا ان الزوجه الثانيه كانت بنت عم مرة حماها الي زوجت ريلها
وبعد سنتين هاذيك فاقت من الصدمه وردت لمره حماها الصاع صاعين زوجت حماها بنت اخوها


وللحين يكرهون بعض كره الله به عليم مع انهم يقربون لبعض

عشان جيه احمدوا ربكم على الي عندكم

الحمدلله ريلي ما عنده أخوان

ربي لك الحمد ولك الشكر :)

المسالمة، خلك أوكي معاها دايما، تسلمون من المشاكل.

nooraqatar صج القصة تضحك كل وحدة عرفت تاخذ حقها من الثانية...

همس القلوب.. الحمد لله أن الله ما رزق أم زوجك غير هالولد...