كيف هي علاقتك مع زوجة أخو زوجك؟؟؟

والله عجب هالسوالف وتقهر

ماقلت لكم عن زوجة اخو زوجي الثانية دايما تزعل وترضى من غير سبب

مرة تسلم ومرة لأ عجيبة بس صرت اسفهها وإذا تكلمت ما اتحمس معاها زي اول

والمصيبة تحكي عني انها مبسوطة وزوجها على كيفها ومرتاحة وهي والله ماتدري عن شي

ليش؟! بس عشاني إذا رحت بيت اهل زوجي اكون في الغالب كشخة وهذا شي طبيعي لاني مو دايما اروح لهم

وخلاص صارت مقتتنعة بهالشي وعندنا بالسعودية نقول( تتنحتني) يعني تبي تحسدني

على زوجي وبيتي وهي والله ماتدري عني بشي بس تتوقع اني مبسوطة والغيرة تلعب دور كبير

والي يقهر اكثر انها اذا حكت عن نفسها تعالوا اسمعوا هذي ملاك لاتغار ولاتحسد ولا تهش ولا تنش

وانواع الكذب على زوجها


الا على فكرة كل الي دخلوا الموضوع حبوبين مافيه وحدة قالت انا شريرة مع زوجة حماي ههههههههههههه

اي والله شفتي تسأل عنه وانا قاعدة اللي ماتستحي على ويها لا وتسأل ريلها وريلها ولا على جبده خبر مايزفها وله يقولها ليش...هي دوم اذا احنه مجمعين في بيت ام زوجي كلنه النسوان بس تقول لي وين زوجك!!!! اش لج خص فيه؟؟؟؟

السلام عليكم ورحمة الله وبركاته
ؤالله يا الأخت الغاليه شو أقولج حد منهن يكون سمن على عسل وحد عافانا
الله ما له علاقه بحد وهاي الأخيره هي لي ترفع الضغط بس شو نقول لا تعليق

بنت قمر راكبة همر، فعلا السن له دور ، مايصير تقعد مع ناس أكبر منها بكثير أو أصغر منها ، اهم شي تكون بحالها ومالها سوالف..

الجوري، ضحكتيني شكلنه كلنا خيرات ومأدبات،، آنه عن نفسي هادئة من صغري حتى لما كبرت ماتغيرت، بس لما أشوفها بالدوام وتعاملني كأن زميلة بس آروح أحط حرتي في زوجي وآقول له شوف زوجة أخوك شلون تعاملني ولا كله تتكلم انجليزي، يابنت الناس ندري تعرفين بس ماله داعي على طول,,,, لا والحالة الي عندج بعد غريبة يعني البنت مزاجية على الآخر، إذا مزاجها زين رضت وإذا معفوس لحد يقرب منها...

لهيب.. صج حالات ترفع الضغط....

الله يعين الجميع
انا مع الاخت اللي قالت ان الغيره هي السبب قلة العقل بعد سبب الفضااااااااااااواه ما يحتاج بعد سبب
الله يهدي النفوس

أشكر مرورك ياهيفا....

شكرا اختي رانيا على هذا الموضوع فعلا انها مشكلة تعور رأس

انا عندي اخوان زوجي إثنين وحده منهم من النوع المتسلط والمشكلة انها بنت عمهم و دايما تحاول تعمل معي مشكلة بس الحمد لله اني اسكن في بيت منعزل عنهم بس برغم اني ما التقي معها الا مره او مرتين في شهر بس لازم يكون في مشكلة يأما معي او مع شغالتي لانها تغار مني الانه انا من تزوجت وطلباتي مجابة ولانه الحالة انا و زوجي المادية احسن مهم بس انا ويش ذنبي

بذات بدات المشكلة الكبرى لما انا كنت حامل جبت شغالة من حمل الاول وهي عندها 3 وحامل و من تزوجت ما عندها شغالة برغم انها مدرسة والغيرة تاكلها الاني انا اقل من 6 اشهر من زواج جبتها

بس الحمد لله احاول اتجنبا كثير حتى ما في زيارات بيني انا وهيا والحمد لله ما اثرت على علاقة زوجي بي اخو

اما الثانية لا اعرف عنها لاني من تزوجت ما شفتها كانت في استراليا مرافقة زوجها وامس بس رجعت من سفر و رح يستقروا هنا والله يستر كيف بتطلع ثانية وهي تكون بنت خالهم انا الوحيدة الغريبة بيهم

بس من كثر ما اني اتظيق من الاولى لدرجة اني احس اني اكرها واول ما اكون في بيت اهل زوجي وهي موجودة احس بضيق الى يوم الي ارجع في في بيتي لانهم اهل زوجي مو من العاصمة بس والعكس اذا رحت وصادف هما مو جاين اكون بالي مرتاح



بس دايما احاول انه ما يكون في حوار بينا ولا اي شي

moly4 إن شاء الله تطلع الثانية أحسن من الأولى الي ذابحتها الغيرة منك، ترى شوفي آنه أحس ان الوحدة الى زوجها مايسوي لها كل الي تبيه وتشوف حالة أخوه غير تبتدي الغيرة فيها، آنه بعد صرت أحس أن لما نكون في بيت أهل زوجي لوحدنه أحسن لأن ولدي ياخذ راحته معاهم ومافي حد حاط باله...

الغيرة+الحسد+صغر العقول+السموحةعلى هالكلمة التفاهة+الأحساس بالنقص وان الثانية احسن منها= هي الأسباب

صدق لسانج يا حبيبة ريلها...

صباااااااااح الخير
ام عبدالله
شخبارك؟؟؟

موضوعج حلو ومفيد

بالنسبة لي انا زوجه البكر وللحين ماحد من اخوانه متزوج
فما عندي للحين (زوجه اخو زوجي)

اتمنى ان شاء الله لما تشرف تكون عاقلة ومتفاهمة وما تهتم بصغائر الامور اللى تكون اهى سبب المشاكل.

السلام عليكم جميعا اعطونا حلول جزاكم الله خيرا انا باقي شوي راح اجن :down:

^
^
^
^فعلاااااااااااااااااااااااااااااااا الله يصبرنا بنات عرووس العرايس
عندي مشكلللللللللللله رحت عزيمه وشفت زوجت اخوه شاريه نفس ساعتي الالمااس ونفس الجلد نفسهااااااااااااااااااا بغيت اجننن هي عندي من سنتين وهي توها شريتها ما لقت بالسوووق الا هذي ليه ؟؟؟؟؟؟؟؟؟؟؟؟

وش رايكم بغيت اقول لها يوه زي ساعتي وبعدددددددددددين هونت

هلا

ام عبدالله

خووووووش موضوع

وواضح من تصرفك انك عاقلة ماشاء الله وحكيمة...

وبالنسبة عني انه

بشكل عام وما احب اقط الميانة مع اي احد حتى لو اختي ... احب اتعامل بحدود وحياتي الشخصية ملكي ولا احب احب يطلع عليها ولا احب الصداقة الكلووووووز

ولا احتك بأحد وممكن الغير ماخذ عني فكرة اني شايفة حالي .... بس الحقيقة اني حاشمة روحي عن الكل ....

وبس با ام عبدالله

والله هذا أحسن شي تسوينه يا عذب القوافي وأهو الصح

وبصراحة يابنات ... أنا ما أأيد تتكلمون عن حريم الحموان ... وإعتبروهم مثل الخوات لو مهما سووا ... الشمس ما يغطيها المنخل .. وإللي معدنها أصيل راح تبين لما تنحط على المحك وتطيح بالمواقف الشديدة

وسلامتكم

تره عندي حريم حموان .. لا تقولون للي إيدة بالماي مو مثل إللي إيده بالنار ... لأ الحمدلله رب العالمين جربت وشفت .. بس هم الكلام بالطيب عنهم من وراهم يريح بالكم إنتوا بعد مو بس ضمايركم

أختكم
ريحانة

^^
^^
^^
عطوني وجه بليزززززززززززززززززززززززززززززززز

خير سويتي الواحد دايما يبعد عن هالناس

ويقول المثل ابعد عن الشر وغنيله

بس انتي بدل ماتغنييييين انشديييييييييييييييي

عندي ثلاث حريم اخوان زووووجي ,,
وعلاقتي معهم ممتازه وانا احاول اني اكون زينه ,,
ولما اكون معهم اسولف سوالف عاديه عن المطبخ او اليهال أو الانترنت ,, الخ

نصيحتي لكم بنات لا تتكلمون واايد عن ازواجكم او عن الاشياء الحلوه اللي تصير بينكم او عن الهدايا او الطلعات لانها هاي السوالف هي اللي تسبب الغيره والحقد بين النساء ,,

والله يهدي الجميع ,,

تحياااااتي katkooota ,,,,,,

والله موضوعج شيق اختي وبالنسبة لي آنا عندي حمى واحد وتزوج بعدنا بسنة ...
والله أول ماخطبوها ورحنا نشوفها صادتني غيرة رهيبة منها تدرون ليش (لأنها أضعف مني :confused:)
بس بعد ماتزوجو والكل عرف طبعها ،صار الكل يبينلها اني آنا الأحسن ( هذا مب غرور ) ..
بصراحة آنا وايد أحب أهل ريلي ، لأن هم ناس وايد طيبين والحق ينقال ، بس هي تطلع عليهم سوالف والمشكلة إن سوالفها توصلهم ..
وبعد كل ذي (السلام عليك ياحاري إنت في حالك وآنا في حالي ) لأنها جارتي :down:

مناهل عندي وعندج خير اذا انتي ساعة انا اذا شافتني لابسة جلابية ورافعة شعري اليوم الثاني ومن دون مبالغة لابسة جلابية ورافعة شعرها اذا لبست لون غريب ويديد اليوم اللي وراه اهيه بعد لكن ماقط مرة قتلها مثل لبسي او تريحتي لأن هالتقليد واضح سببه شنو :)ربي لك الحمد والشكر