اللي ولادتها في شهر (ديسمبر) ذو القعدة حياها الله ..

هلا خواتي

ساره حبيبتي لا تضايقن وكل شي في وقته وبذات انت بكريه انه اول مرة صادني الطلق 10 ساعات وقت الي رحت المستشفى قالت لي 1 سم واني فيني الطلق حامي

وبعد اشوي بس انفتحت 6 الا ان انفتحت كامل بس في ساعتين

لان هذا الشي اول مرة اصير للرحم لازم تاخير بس ان شاء الله اتقومين بالسلامه وتفرحين باول صرخه للبيبي

ومثل ما قالت اختي بعض الدكاترة اضخمون الشي امشي حبيبتي لان المشي يسهل الولاده بس بدون ارهاق

اكلي تمر لان التمر يمدد عضلات الرحم وايد زين

بالصراحة اسم الرميصاء غريب وثقيل

زهرة الندى ان شاء الله يرجع لك زوجك بالسلامه وشاطرك الم الولاده لان ما في احلى من وقفت الزوج مع زوجته وقته الولاده شعور وايد حلو

روز انه بعد قالت لي الكتورة 80 بالمئة بنت بس دكتورة ثانية قالت لي اكيد فيك ولد وما ادري مين الصح

كود ماذر شخبارك حبيبتي

السلام عليكم ورحمة الله وبركاته

مرحبا حوامل ان شاء الله الى هاللحظه أموركم تمام .....انا اختكم الله يسلمك تنـــــــــــــام وتطلع لكم يوم بس عذروني مااقدر اتواصل معاكم كثيررر

انا الحين باخر الثامن تقريبا وبدخل التاسع بنص ذي القعده والله يسهل علي يارب وأولد باول التاسع وماأتاخر لان الكل يقولي انتي بكر بتطولين وانا اقول لااااااااااااااااااا ان شاء الله انا غيرر

الله يسهل علي وعليكم يارب ويرزقنا وياكم الذريه الصالحه

اختكم دمعة بحر

هلا دمعة بحر ان شاء الله ما طولين هذا كل شي بيد الله

انه اول حمل لي قدمت عن موعدي 10 ايام

والحين الله يستر اخاف اطوف الموعد بس يالله كل شي في وقته صدق تعبنه مت الحمل ومن الثقل بس هانت كلها ايام او ساعات ونربي ونقوم يا رب بالسلامه وبالصحه وعافية

وينكم يا حوامل سارة شخبارج

زهرة الندى وصل زوجك اكيد بتتاخرين علينا لان وصل الحبيب

روز شخبار الوضع معاج

بخليكم الحين لان بروح بيت هلي في الليل اشوفكم واضمن على اخر اخباركم وشنو سويتون اليوم

بايات

يسعد صباحك نوالي

جيت اتطمن على الموجودين
وزوجي بيوصل بالليل ..
مشكورة حبيبتي على إضافتك اللي انشاء الله تريح قلب سارة

للجميع
كل الحب
ميــلاد

ووين الحلوات ما شفناهم اليوم
روز عندها موعد في المستشفى
والباقي
شكل راحت عليهم نومة
نوم العوافي وانشاء الله يكونون بصحة وعافية
سارة انشاء الله اليوم نفسيتك احسن من أمس

محبتي
ميــلاد

اهلين حبيباتي

انا اليوم بخير واحسن حال من امس بوايد والله انكم خواتي وانا وايد مستانسه معاكم انشالله نتواصل بعد الولادة وكل وحده تقول البيبي شمسوي لها ...

اليوم الله يسلمكم رحت مع امي لمجمع ومشيت فيه تقريبا ساعه ورديت بس مافيني الآلآم ولاشي ومن امس اكل تمر الله يعجل ويسهل,,,


ميلاد الله يجيب لج زوجج بالسلامة بس مو تصيرين من شاف احبابه نسى اصحابه لازم تدخلين وتطمنينا عليج وتطلعين لو دقيقة ..

نوالي مشكورة ياعمري على كلامج الحلو وسؤالج عني

جود موذر حياتي شخبارج شتحسين فيه؟؟؟؟

روووووز ياحبي طمنينا عليج؟؟؟

زهرة الندى ايييييييييييييييي بعد من شاف احبابه نسى اصحاابه ابو العيال يااي بعد شتبين بالعيال خخخخخخخخخ
لا ان شاء الله مافي شي يخوف لاتحاتين
والحمدالله على سلامة ابو الشباب

المهم اليوم رحت لدكتورة والحمدالله طمنتني قالت الاتجاه صحيح لهبوط الطائرةوانه بوابة المسافرين سليمه ومهيئه <<<<<اخاف احد من العيال يتسمع من الباب خخخخخخخ
والي خوفني قالت انتي متجهز عندج كللللل شي يعني توقعي اي وقت تولدين وعطتني موعد بعد اسبوعين الاعتيادي كل اسبوع بس قالت خلاص لاني مطمنه انج خلال هالاسبوعين احتمال تولدين



تصدقون انصحكم لاتقرون من النت سوالف الحمل الي قبلنا يختي يخرعون بالوحدة بصرااحه بيني وبينكم....والله منحرجه قريت مرة يقولون بشهر الاخير موزين الوحدة يجيها زوجه احتمال انفجرا السائل ومدري شنو بصرااحه يخرعون لا والاسلوب حربي بحت سئلت الدكتورة قالت لا عاادي ماله اي علاقه واهو يعتمد على الشخص نفسه اذا يبي او لا اما غير ذالك مافي ضرر
هذي شغله
سالتها عن الولادة الطيعيه والعمليه قالت طبعا الطبيعيه احسن في ناس يفظلون القيصريه لانهم يخافون من الالم .

وكنت بسالها عن ساارونه اذا باجي لها كم يوم لموعد الولادة ورحمها صفر سانتي .............قالتلي بالانجليزي وبلكنه المانيه وعينها تظحك...... اوكي اتمنى ان اراكي بعد اسبوعين هذا ان لم تكوني قد ولدتي.........<<<<<<<<<<<<<<هاا انا هني ظاعت الصفرة والحمرااا انا قلت ظحكتهاا يوم فحصتني خبيثه بس ماتبي تخرعني المهم طولت عليكم السوالف اخليكم طمنيني عنج يا زهرة الندى سارة لاتحااتين سهاله ان شااء الله

هاي بنااااااااااااااات

اخباركم اليوم شو مسوين؟؟؟؟؟؟؟؟

أنا احس أني خلال 10 ايام بوووووووووولد

ادعولي افتك وأولد

بعد حبيت اقولكم احس شي غريب لمن اركع في الصلاة مدري كيف اوصفه

ابيه ابيه روووووووووووووووز دكتورتج شقصدها من الضحكة يااااااويلي:cry:


انا توني جايه البيت وماشيه ساعه بعد ومافيني الم ولاشي..:mad2:



اييييييي ياميلاد الله يونسج مع ابو الشباب وتدخلين بكرة تطمنينا:smile:

صباح الخير

امس دخلت اخر وحده واليوم دخلت اول وحده ..

ليلة البارحة نومي كان مقطع وايد وكان بطني وظهري فيهم ألآلآم مش قوية ماادري لاني مشيت الصبح ومشيت بالليل يمكن.....


طمنوني عليكم وقولوا لي امس مشيتوا؟؟؟؟؟ وايش شربتوا؟؟؟؟؟وايش تحسون فيه؟؟؟؟؟

كل يوم نقرب من يوم الولادة واحنا مانحس بشي الله المستعااااان

بدخل الضحى او الظهر علشان اتطمن عليكم يااحلى حوامل

ولكمو سارونه...........امس مشيييييييييت لكن ما شربت شي........شكلنا ما بنشوف ميلاد اليوم (6)

والله يعينك على النوم المتقطع

سلام للجميع وشلون فريق ديسمبرللحوامل
انا معاكم من زمان الحال من بعضة وكانت ردودكم لبعض تكفي للاستفسارات اللي عندي
بس عندي سوال هااااااااااااااااااااااااااااااااااام جدااااااااااااااااااااااا
لذوات الخبرة طبعااااااا
هل شرب زيت الخروع يساعد على الولادة ارجوكم افيدوني لاني محتارة وايد وودي اولد طالت الحكاية ومليت خلاص
وابي شي مايأثر على النونو بعد التعب هدا

سارة اليوم كنت اكلم حماتي عن الحمل والولادة سالتها عنج قالت اذا عندها دري خليها تطلع وتنزل بس مو بسرعه بسرعه يعني على راحتج

اهي تقول انا اول حمل ما ادري سويتها وانا ماخذه من التاسع بس عشر ايام
وطبعا ودلدت.......<<<<<<<وصفه مجربه خخخخخخخخخخ


بسمة الحريه ما ادري عن زيت الخروع مو جنه لشعر هذاا؟؟
انتي شربي دارسين البنات ينصحون في
بنسبه لي امس ماجاني الم بظهري ومشيت تقريبا ساعه
مع اني بعد على اخر التاسع بس بصرااحه ودي اولد مدام عديت الثمن شهور ان شاء الله كل شي تمام لاني كنت خايفه يقولولي البنات موزين الوحدة تولد بالثامن

هلا حوامل كيفكم والله وحشتونى لى مده ماعرف اخباركم من يوم دخلت التاسع وامى ماسكتنى عندها خايفه تجينى ولاده وانا فى البيت بحالى وبيتى بعيد عن المستشفى وزوجى ماصدق يفتك منى مطمن على طول طلعات مع اصحابه ويروح ينام عند اهلى ماصدقت الا يوم الاربعاء روحت بيتى الا امى تتصل تقول يوم السبت تكونين عندى المهم رحت المستشفى والحمد لله كل شى طيب والبيبى راسه تحت وطلع عندى ولد كان فى خاطرى بنت لكن الحمد لله زوجى واهله مبسوطين اول حفيد لهم ولااهلى وبسميه عبد الرحمن انشاء الله

نور الايام ولكم باك حياتي الله يقومج بسلامه وتيبين عبدالرحمن وينورلج كل ايامج ان شاء الله

الله يسهل علينا يااااااااااااااااااااااااااارب

مساء الفل عليكم,,,

اهلين روز حبيبة قلبي واشكرج على وقفتج معاي وسؤالج عن حالتي ومن بكره افا عليج بسوي اللي قالته حماتج بجرب والله المستعان...:shy:


وهلا بباقي البنات الله يهون عليكم:smile:


ميلاد شسالفتج لايكون ولدتي من اول يوم وصل فيه ابو الشباب:think:

بسمة.........زيت الخروع سمعت انه زين وقت الطلق....يحمي الطلق

ميلاااااااااااااد.............وينج؟

هلا حوامل...
انا رجعت لكم بعد غيبة...
للحين ما ولدت بس كنت مشغولة بالمنهج ابي اخلصة.( الاخت تشتغل معلمة)...
المهم شكلي ما راح اطول اشوف من امس ياني الم مثل الم الدورة.. و بعد افرازات دموية...
اول ما شفتها خفت... بس ركض على كتابي ( ماذا تتوقعين عندما تكونين حاملا؟).. و طلع ان هذي الافرازات احد اعراض المرحلة الاولي من الطلق... اعتقد اني ما راح اطول اليوم او باجر بالكثير... ان شاء الله..
تعرفون احس اني متحمسه وايد وايد.. ابي امسك هالمخلوق الي في بطني...
بس اعتقد اني بفتقد ركلاته وايد.. بخلي فيني فراغ ..... ههههههه
تدرون ما بطول عليكم ... و الله يسهل على الجميع...

انا سمعت عن زيت الخروع
تشربينه عند الشعور بالألم وبنهاية الشهر التاسع

طريقة زيت الخروع مع البرتقال

ملعقة وسط خروع + كاس عصير برتقال
يشرب على الريق

بس ماتشربينه الا اذا كان الرحم مفتوح لو 1 سم... لانه يسبب الاسهال

نسيت اخبركم ...
صديقتي معلمة تربية اسلامية... قالت لي اقري سورة الحج... بتسهل الولادة..
مب شرط كلها بس ركزي على هذا الاية...
بسم الله الرحمن الرحيم
يَا أَيُّهَا النَّاسُ اتَّقُوا رَبَّكُمْ إِنَّ زَلْزَلَةَ السَّاعَةِ شَيْءٌ عَظِيمٌ

(يَوْمَ تَرَوْنَهَا تَذْهَلُ كُلُّ مُرْضِعَةٍ عَمَّا أَرْضَعَتْ وَتَضَعُ كُلُّ ذَاتِ حَمْلٍ حَمْلَهَا وَتَرَى النَّاسَ سُكَارَى وَمَا هُم بِسُكَارَى وَلَكِنَّ عَذَابَ اللَّهِ شَدِيدٌ )

=====================================================================

و هذي ايات حصلتها في موقع ثاني....


سأدلكم أخواتي على طريقه تقومي بها لتسهيل الولادة وهي من فتاوي الشيخ أبن عثيمين
1- ( الله يعلم ما تحمل كل أنثى وما تغيض الأرحام وما تزداد وكل شيء عنده بمقدار ) اية 8 سورة الرعد .
2- ( والله خلقكم من تراب ثم من نطفة ثم جعلكم أزواجا وما تحمل من أنثى ولا تضع الا بعلمه وما يعمر من معمر الا في كتاب ان ذلك على الله يسير ) ايه 11 سورة فاطر .
3- (والله أخرجكم من بطون أمهاتكم لا تعلمون شيئا وجعل لكم السمع والأبصار والأفئدة قليلا ما تشكرون ) اية 78 سورة النمل .
4- سورة الزلزله .
5- اية الكرسي .
(( تقرأ في ماء ويشرب منه ويرش بعض الماء على البطن ))
أتمنى من الله أن أكون قد نفعتكم ولا تنسوني أخواتي من دعواتكن