اللي ولادتها في شهر (ديسمبر) ذو القعدة حياها الله ..

ســـارة

طمنيني كيف الأمور معك انشاء الله تمام
والنوم حاولي ترتاحين وتنامين عدل .. ورانا مشوار وسهر
كان الله بالعون
والله يجيب مريومة بالسلامة ويخليها لك
بس ما قلتي لنا مسميتها على أحد ولا انتي مختارة الإسم

بالنسبة للشغل
أنا عن نفسي (عاطلة) خخخخخ
.. أقصد امفنشة من الدوام من تزوجت
يمكن لو كنت اشتغل كان احسن خاصة الفترة الأولى من الحمل على الأقل كنت لهيت عن نفسي شوي
بلا الوساوس حقتي كنت لا شغله ولا مشغله بس قاعده واتحسس

يالله طمنينا عليك وأشوفك بكرة

الأخت نوالي حياك الله معنا يالغالية

والله يحفظ لك عادل وعبدالله .. ويرزقك الجاي من فضله
بالنسبة للأسماء اللي اخترتي
ريم وعلاء
ريــم : اسم حلو .. من الأسامي المتجددة باستمرار تغيب فترة وترجع من جديد
علاء : مدري بس كنّه ثقيل شوي عادل وعبدالله أحلى

نوالي مو تغيبين مثل أوســكار طمنينا عليك ..

تحياتي

الأخت روز

نــاوية تولدين بألمانيا ولا بتجين لأهلك
وبالنسبة لتعب الليل والثقل انا حسيت فيه زايد أمس واليوم
حتى اني خايفة أمشي ( ما مشيت لا أمس ولا اليوم )
أقول يمكن تعّبت نفسي اليومين اللي فاتت وشديت عليها
ومدري وش السبب بالضبط

الله يقومك ويقومنا بالسلامة ويهون عليك غربتك
بعدين ما قلتي لنا اش بتسمين ؟!

تحيــاتي لك

هلا قود مــذر

وصبــاحك ورد انشاء الله
اليوم يا طويلة العمر ما شربت شي ولا مشيت
جايتي حالة جمود ودلاخه مدري وش السالفة غير اني من بديت أحس بالثقل
أمس واليوم خاصة بالليل وأنا حالي ملخبطة حتى المشي ماعاد أقدر ولا استحمل أمشي
عندي موعد بعد بكرة الأربعاء
وبشوف شالسالفة

طمنينا عليك .. وقولي لنا وش الأسامي اللي اخترتيها للبيبي
ووش رايك بالإسم اللي قلت لكم عليه

محبتي
ميـــــــــلاد

اي والله يا قود مذر الام ما يجيني الى بليل بس اما باجي اليوم مافيني شي


زهرة الندى لا بالمنيا وين الحين بعد خلاص ما اقدر اصلب ظهري لزم كله ارفع ريولي واتمدد....................احس اني عيووووووووز كله اون واتشكى بس لما اتذكر انها حاله مؤقته اصبر عمري

بنسبه للاسم في اكثر من اسم

غــدير
شــهد
روان


هذول الي انا للحين عاجبيني بس ريلي


يحب يكون الاسم طابع اسلامي مثل :خديجه فاطمه مريم


وما ادري على الله اكيد اول ماراح انشوفهاا بنحصل لها اسم حلو.

اي والله يا زهرة الندى الله يسمع منج الله يهون علينا كلنا

مساء الخير

اهلين ميلاد وجود موذر وروز صديقاتي ورفيقات دربي


انا اخترت اسم مريم على ام زوجي

ومشيت امس لمدة نص ساعه بسسسس وشربت يانسون

وفي الليل النوم مقطع حده وصايرة احس بثقل وبالم في آخر بطني وبآخر ظهري ومن اقوم الصبح كاني كذابه مافيني شي

اليوم العصر عندي موعد والله يستر

مساء الخير

اهلين ميلاد وجود موذر وروز صديقاتي ورفيقات دربي


انا اخترت اسم مريم على ام زوجي

ومشيت امس لمدة نص ساعه بسسسس وشربت يانسون

وفي الليل النوم مقطع حده وصايرة احس بثقل وبالم في آخر بطني وبآخر ظهري ومن اقوم الصبح كاني كذابه مافيني شي

اليوم العصر عندي موعد والله يستر

وانتوا شخباركم كيف كان صباحكم؟؟؟؟

يا مســـاء الورد سارونة

شكل الثقل والألم في أسفل الظهر والبطن شي مكتوب علينا بهالشهر
عموماً أنا اليوم أحسن من أمس أكلمك والدارسين يغلي على النار
شوي وبشرب لي كم بيالة

والمشي أمس بعد ما طلعت من المنتدى قررت اتحمس اتحدى نفسي
وامشي حتى لو كنت تعبانة وقعدت امشي على السير
أكثر من نص ساعة
صحيح صحيت متكسرة شوي .. بس ماعليه هانت

طمنينا اش صار على موعدك العصر ؟؟
ان شاء الله تطمنتي على البيبي
طمنينا .. بدخل بالليل أطمن عليك

بعدين تعالي هنا سألتكم عن اسم عــروب ورايكم فيه طنشتوني
انا ابي اقرا رد .. حتى لو مو عاجبكم ابي رايكم قبل
لا أدبس بنتي المسكينة وأسميها

تحياتي

قــود مــذر

روز


نــوالي


اوسكــار


وين الناس ؟!!
عســـى ماشـــر !!!!!!!!

اي والله يا kسارةk
نفسسسسسسسسسسسسسسسسسسسسسسسس الشي بليل اتونون من الام الظهر والبطن الصبح لا اله الى الله تقولين جذاابه

زهرة الندى موجودة انا موجوده باجر موعدي مع الدكتورة الصبح انا من اسبوع قايلتلي راس الياهل تحت بس ماني عاارفه شنو هالي يطلع بالجوانب عند الكله وله شوي كورة طالعه بره شكلهاااااااااااا يظحك خخخخخخخخخ
بنسبه للمشي انا بديت امشي من اواخر الثمن
باجر بس ارجع اقولكم عن اخر المستجدات بالساحه

بس بسالكم بصراحه ومستحيه اول احس اكثر الحركه على الجوانب الحين احسهاا تحت مثل الطنين يعني شلون اشرح متتالي يعني جذي تك تك تك تك احس ان الياهل قاعدة تتنطط <<<<<<<<<لا تظحكون على شرحي اول مرة احمل خخخخخ

هلا حبيبتي زهرة الندى

شخباركم خواتي انه اليوم عندي موعد الصبح مع الدكتورة

وطمنتني على البيبي كل شي اوكي حتى انه كل شي فيني اوكي بس قالت لي خففي المالح لان وايد نفخ عندي

امس ما مشيت لان كنت معزومه بس اليوم لازم امشي ابغي اولد اتمللت من التعب

ياترى من فينا الي بتقص الشريط اول في الولاده

بالنسبه لاسم عروب ما ادري احسه ثقيل اشوي البنت حلاته لها اسم ناعم هذا راي

اقول قلتو لي ان اسم علاء نص نص اوكي اعطوني اسماء اولاد حلوه تبتدي بحرف ع

لان اولادي عبدالله وعادل وحابه اسمي الثالث بعد بحرف العاء

بس ان شاء الله اجيب بنت لاني خاطري في البنات ودلع البنات

امس شربت دارسين وحسيت بشويت الم قلت خلاص اتى الموعد المحتوم بعدين طلع بس الم خفيف وراح انه اول مرة اشرب شي في الحمل كنت اعتمد بس على المشي

بس بالصراحه البنات الي في المنتدى شجعوني على اني اجرب الدراسين

شكلي عورت راسكم من الهدرة المعذرة

اوكي اشوفكم بعدين على اخر الوقت مع السهره في المنتدى

باي

اختي روز انه بعد احس مثل الشي مثل نبض القلب القوي

او كانه البيبي يتنطط حملي مرتين ما كنت احس مثل هذا الشي بس هذي المرة يمكن بنت (r)

اختي روز انتي شنو قالو فيك في الاشعه بنت وله ولد

السلام عليكم ورحمة الله تعالى وبركاته
كيف حالكم خواتي ان شاء الله الكل بخير
انا الحين في الشهر التاسع وموعد ولادتي بادن الله في 17 من هالشهر الله يسهل يارب وعلى كل الاخوات
احس بالتقل والالام في اسفل الظهر وتعب كتيييييير الله يهون يارب
شرايكم اخوتي انا ان شاء الله عندي بنوتة وحابة اسميها الرميصاء من اول حملي وانا اناديها الرميصاء شرايكم في هالاسم والي ماحابة هالاسم تديني اسماء اخرى يلا بنات اتمنى اني اسمع عنكو الخير وبعدين في الحقيقة سمعت كتير عن انكو تشربوا الدارسين شو هي ياريت تشرحولي تراني طولت عليكو مع السلامة يا احلى خوات

اهلين حبيباتي

انا اليوم كان عندي موعد والدكتورة سوت لي فحص عنق الرحم تبي تشوف كم فاتح على اساس ان آخر موعد هو الثلاثاء الجاي ولقته للاسف صفر يعني مسكر حده وضايقتني بكلامها وقالت لي ليش جذي رحمج الظاهر انج ماتتحركين تحركي اهلكي من الحركة اتعبي واااايد مافي راحه لا ليل ولانهار اذا ودك تولدين قبل الثلاثا وقبل لاعطيك طلق صناعي والصراحه خفت موووووووووووت وقعدت اصيح ورحت مشيت مشي سريع لمدة ساعة متواصلة ومااعرف ايش اسوي بعد ايش اشرب ايش اكل ياربي والله اني متضايقة وخايفة ..

حبيبتي ميلاد سالتك عنك العافية ياعمري وبالنسبة لاسم عروب مب حلو سميها اسم صغير مثل نور,,

روووز اهلين ياقلبي تراني من الشهر السابع وانا احس بالنبض هذا اللي تقولين عليه بس كذا دكتورة طمنتني يعني عادي وبكرة اول ماترجعين من الموعد طمنينا,,,

نوالي هلا شلونج عندج الاسامي الحلوة اللي تبدأ بحرف العين وايد مثل عبدالعزيز,,عبدالرحمن,,عمر


ام الرميصاء اهلن فيج انتي موعد ولادتج اخر وحده فينا قولي لنا شتسوين تمشين والا لا؟؟؟؟ وبالنسبة لاسم الرميصاء بصراحه كلش مب حلو وثقيل على السمع ومش مقبول سميها اسم صغير وحلو عندج ديما,,نور,,دينا,,عاليا


جود موذر وووووووووووووووووووووووين


اتمنى تطمنوني على اللي قالت لي اياه الدكتورة والله متضايقة ونفسيتي تعبانه

انا كاني تو جايه.........سارونه ما عليكي من الطبيبه مادام الجنين بخير لا تحاتين وبعدين تو الناس.........بدري عليج يفتح عنق الرحم....باقي 10 ايام تقريبا.......

بالنسبه لاسم عروب...........ماحسه حلو........في اسامي كثير احلى

والنبض اللي تقولون عنه اعتقد هذا اللي يسمونه الحازوقه لأن البيبي يدخل في فمه الماي اللي حوالينه

نوالي قالتلي الدكتورة بنت 86 بالميه
ام الرميصاء الاسم طويل وثقيل شوي الدارسين اهي القرفه صح بنات؟؟


k سارةk
اول مااااااااااراجع بطمنكم

قود مذر شلون سبحان الله تصدقين ما ادري يعني في ماي يدخل بفم الجنين سبحان الله

سارونة حبيبتي لا تحاتين وانشاء الله خير يالطيبة
انتي مسويه اللي عليك وماقصرتي بشي
وإذا البيبي صحته زينه .. ماله داعي التخريع من الحين ومب شرط يفتح عنق الرحم قبلها
بـ10 أيام .. بس عشنك بكرية يفضل لو يفتح بدري عشان ياخذ وقته هذي كل السالفة
يعني لا تتضايقين ولا تغثين نفسك
الا انتبهي لنفسك زيادة وخذي الأمور ببساطة محد ياخذ أكثر من المكتوب
وبعض الطبيبات ماعندهم اسلوب يضخمون الأمور
روقي يالغالية وانشاء الله مايصير الا الخير

ميــلاد

روز
هههههه والله جبتيها صح .. هي كذا بالضبط وكأنها قاعدة تنطط
كنت في البداية أخاف وأبلم واحط ايدي على بطني وأقعد أقرى عليها
بس الحين خلااااص صار عندي مناعة شكل البنات قاعدين ياخذون كورسات رقص
من تحت لتحت خخخخخ

أنا بعد عندي موعد بكرة بس ماني رايحة لأن بكرة بيوصل زوجي
وودي أقضي اليوم وانا مبسوطة أخاف أروح المستشفى
وتقول لي شي يخوفني ولا يضايقني .. بعدين اروح المستشفى مع زوجي أحسن

إذا جيتي من موعدك روز طمنينا
وبالتوفيق مقدماً

ميــلاد

هلا روز
ايه حبيبتي
الدارسين = القرفة

أم الرميصــاء

اش يعني الأسم .. اقصد اشمعناه ..لأني أحسه طويل واجد على بنت من هالجيل الجديد
وحياك الله معنا ..ويقومك بالسلامة يارب