اللي ولادتها في شهر (ديسمبر) ذو القعدة حياها الله ..

أوســكار

يالله حيّها اختنا الغالية
الله يقومنا ويقومك بالسلامة انشاء الله انتم السابقون 11/12 ونحن اللاحقون 14/12
والعلم عند الله
تدرين عاد اوسكار نصيحة صديقتك عن جد نصيحة صديقة محبّة
والله وأنا اقرا الكلام المكتوب حسيت ان معنوياتي ارتفعت وبديت أتذكر كلام امي
واشلون ان الحمل خاصة الأول له حلاوته ودلاله ومافي شي يتعوض حتى لحظات الألم لها ذكريات خاصة وبكذا ابضم صوتي لصوتك وصاحبتك راعية النصيحة بدعوة للإستمتاع بكل يوم من أيام الحمل خصوصاً واحنا في أيامه الأخيرة ..
.. اييييه اوسكار ذكرتيني بالشهور الأولى من الحمل والفترة اللي قضيتها مع زوجي ودلالي عليه وفرحتي وأنا احس بخوفه علي ومحاتاته لي الين جيت عند أمي الله يحفظها .. أشتقت لقرب زوجي واحساسي بالألم وأنا بجنبه حتى الألم له طعم مختلف
الله يجيبه بالسلامة (زوجي) جاي بعد 5 أيام انشاء الله
صحيح بيتفاجأ بشكلي أكيد تغيرت عليه بس الله كريم ..
وانشاء الله بعد ما اولد واقوم بالسلامة أعوضه بنيولوك يوسع صدره
دعواتكم يالغاليات

ميـــلاد

أوسكـــار

بالنسبة لتسهيل الولادة وهالسوالف الشعبية اللي تساعد عليها
أنا من الناس المؤمنه بأهمية هالسوالف وفايدتها من خلال ما أشوف وأسمع
بس ماأدري أختي بعض الوصفات اللي في مشاركتك مكوناتها غريبة شوي
تخوف لاني ما اعرفها أصلاً .. بس بالنسبة لثمر النخل
ومنتجاته هذا شي ما يختلف عليه اثنين
خالتي في أحد ولاداتها تعسرت شوي راحت الدكتورة جابت لها تمر وقرفة .. تخيلوا في المستشفى وجايبه قرفة وتمر .. وكان التسهيل من رب العالمين
فأنا انشاء الله ما بنسى نفسي من التمر .. حتى البيبي يطلع بسم الله عليه
خدوده حمرا
أوسكــار مجهود تشكرين عليه

و للجميــع كل الحب

تسلميييييييييين اوسكار على رفع المعنويات........وكلامج بصراحه يشجع الوحدة ما تفكر تفكير سلبي....انتي هانت عليج باقي لج تقريبا اسبوع.........وبعدك دور ميلاد ....وبعدين أنا وسارونه........ان شاء الله يسهل علينا جميعا وعلى جميع الحوامل ويرزقنا ولاده سهله ان شاء الله.........

بالنسبه لليوم هل تحسون كل شي طبيعي؟ ماكو ألم أو اشياء غريبة مثلاً؟؟؟؟

السلام عليكم

اختي اوسكاااار كلامج رهييييب ويريح حسستيني ان فترة الحمل صج فترة ممتعه واني لازم استمتع الله يجزاج خير ويقومج ويقومنا بالسلامة احنا والبيبي ..


ميلاد مشكورة ياروحي على طريقة اليانسون وببدأ فيها انشالله..

جود موذر حبيبتي اشلونج اشلون نفسيتج انشالله في العلالي ؟؟

ترى انا اليوم زي الفل مااحس باي شي ياليت اتطمن على جود موذر و ميلاد واوسكار وتقولون لي ايش تحسون اليووووم؟؟؟؟؟؟؟؟؟؟؟؟؟؟؟

الحمدلله اليوم النفسيه أوكي....

أما شنو أحس ........فما أحس بشي من أعراض المخاض والولاده :gum:

وبصراحه قاعده انطركم تولدون وترجعون بالسلامه.........الدور على اوسكار......هذا اخر اسبوع حمل لها..........لكنها من فترة ما شاركت معانا :think:

يالله شدو الهمه وعليكم بالمشي والدعاء

الحمد لله أنا بعد النفسية تمام وصحتي زينة
اليوم رحت الصبح السوق ويا امي أجهز حق البيبي
شنطة للمستشفى واحنا طالعين بالسلامة انشاء الله
مابعد مشيت اليوم .. متعودة امشي بعد المغرب
اممممم وشو بعد ؟؟
بشكل عام الأمن مستتب
جيت بس اتطمن عليكم
اوسكـــار وســارة وقــود مذر
مشاركاتكم قاعدة تسليني وتفيدني
وحاسه انكم معي على الخط
تسلمون لي والله يقومنا بالسلامة

على فكرة .. وشصار معكم على سالفة الأسامي ؟؟
اخترتوا اسامي للبيبي
ياريت كل وحدة تقول لنا وش بتسمي
بانتظاركم

أطيب التمنيات
ميــلاد

الا اوسكار وين:think:

اهلين جود موذر اشلونج ياحياتي انا بخير ولله الحمد ..اليوم مشيت 50 دقيقة :clap:

هلا وغلا ميلاد والله انا اللي مستانسه انكم وياي والله كل وقت ادش اشتاق لردودكم واسوي نفسكم يعني الحين شتوقعون اسوي
:think:



:think:







:think:



قاعده اشرب يــــــــــــــــــــانســــــــــــــــــــــــــــــــــــون:clap:



بالطريقة اللي قلتي لي اياها ميلاد والله طعمه حلو:smile:



تكفون ميلاد وجود موذر اللي تسوي شي للولادة تقولي علشان اسوي نفسها وادعي لها


ويلا انطركم تقولون لي اذا تحسون بشي:pain:

هلا بنات.......سارونه اليوم سبقتيني مشيتي أكثر.....أنا بس 40 دقيقة.......وبالنسبة لشنو أسوي.....أشرب زعتر مرات ومرات يانسون.........


ترى حتى أنا مستانسه بهالموضوع لأن يحسسني بأمان لان احد مثلي راح يولد


ميلاد خلصتي كل اغراضج وشنطتج؟؟.....أنا لسه باقيلي أشياء

هلا حوامل

انه موعدي 18/12

بس تعبانه بشكل فضيع ظهري خلاص وصل حده من الالم الله اسهل

امشي كل يوم ساعه تقريبا ما اشرب شي اخاف بس شكلي بسوي لي دارسين وله شنو رايكم

اغراضي جهزتها وكل شي جاهز

باقي البيبي بس اشرف

عن اسم البيبي اذا بنت ريم واذا ولد علاء

شنو رايكم في الاسماء حلوه

الله اسهل علينا ونقوم بالسلامه

السلام عليكم يا بنات ياحوامل ياحلواات
بسالكم عن الم الظهر الي يني صارله يومين يعني تتوقعون بولد قبل موعدي؟؟
ياني عوار بظهري والم بطني مثل الام الدورة< عزكم الله >

بس االام لمدة ساعه تقريبا خااصه بليل بعدين عاادي يروح واقدر اناام

والله خاايفه يعني ممكن اولد قبل موعد ولادتي؟؟


انا احس بالام من اوخر الشهر الثامن بس هالاسبوع زاايده شويه وحته.....



بسالكم عن البيبي بصرااحه صاايره احس بتقااطيعها خااصه الريل والايد احس مابيني وبينها الى جلد بس سبحان الله


اقول لريلي احسا بايدي مو كانها داخل احشائي احس بجسمهاا سبحاان الله
بصرااحه انا اخااف بعض مراات .


الله يسهل علينا كلنا يااااااااااااااااارب

صباح الخير

ميلاد حياتي انتي امس سألتي شبنسمي البيبي انا فيني بنوته وبسميها مريم.. وانتي؟؟؟؟

جود موذر هلا ياعمري امس ماادري اشفيني مشتطه مشي ويانسون قلت خلاص بكره الصبح بولد وقمت اليوم الصبح ولافيني ولادة ولاشي:no:



نوالي حبيتي اسم الله عليج من الالم حاولي تسترخين وانصحج بشرب اليانسون لاني اللي سمعته انه وايد مفيد وزين وماشاء الله الاسماء اللي مختارتها وايد حلوة بس انتي ماعرفتي جنس البيبي؟؟؟؟:think:


روز ماتشوفين شر يالغالية بس معليش على حسب كلام دكتورتي ان الوحده في الشهر التاسع تمر عليها الآلآم غريب وعجيبه استحملي وانشالله الفرحه بعدها ,,, وبعد انا صايره احس بالبيبي يعني ماشاءالله دايم احس بشي طالع لي في الخصر ماادري هي ريول والا كوع:smile:


انتظركم ياحوامل تقومون من النوم وتقولون لي اشلونكم اليوم واشلون كانت ليلتكم؟؟؟؟؟؟

هلا اختي سارة

شكلك قاعده من الصبح اليوم انه والله طول الصبح نايمه لان في الليل ما اقدر انام

حتى طباخ ما اقدر اطبخ اشوه الخدامه تعرف لان عندي من سنتين وعلمتها عشان في هذي الظروف تنفعني

اليوم الصبح حسين بالالم مثل الالم الدروة بس بقوة شوي قلت خلاص ولاده بعدين راحت

بالنسبة لجنس البيبي اختي سارة انه عندي ولدين عبدالله وعادل

وهذا حملي الثالث في الشهر الخامس سويت اشعه عادية قالو لي بنت وفي الشهر السادس سويت بعد قالو لي بعد بنت واكدت لي الدكتورة

وجهزت كل وردي

وفي بداية الشهر التاسع سويت قالت لي الدكتورة ولد

وما ادري الحين شنو بنت ولد يالله كل شي من عند الله خير وبركة اهم شي الصحه والعافيه واقوم بالسلامه

ههههههه اي لان خلاص صاار المكان صغير عليها

صج انتي نفسي تحسين؟؟ اشوه طمنتيني

انا حااسه ماراح اكمل اخر التاسع
بعدين لا اله الى الله اذا بغت تتحرك و رفسة الريل شوي قويه تقولين بايقه حلال ابوها خخخخخخخخخخخخخخ

يحليلهااا ودي اعضه بخدوودها متحلفه انا لانها هلكتني بطق من الشهر الرابع لليوم وهي طق فيني



الله يسهل يااارب

هلا نوالي انا كل ليله ماانام ولاشي وانا بس الصبح من الساعه 5 لين 9 تقريبا بس وهذي حالتي ..


اهلين رووووز الله يحفظ بيبيج ويفرحج فيها يارب ..


الا بقولكم انتوا تشتغلون والا لا؟؟؟؟لاني انا اشتغل ومطنشه للشغل وماخذه اجازة مفتوحه من اول يوم في التاسع لين الولادة..


روز حبي انتي من وين؟؟

اوسكااااااااااااااااااااااااااااااااااااااار شفت اسمج من ضمن الموجودين تعالي طمنيني عليج وقولي شتحسين اليوم؟؟؟؟ وشسويتي ويش شربتي؟؟؟:cool2:

يمسيكــــم بالخـــــير
حيا الله الأمهــات الحلوات
يالله هــانت .. كلها كم يوم وكل وحده فينا جالسة والبيبي وياها
هههههه
ســارة
انا اللي معي ان صدق ظنهم بنوتـــه وتعبت أدور لها اسم
احترت مدري وش اسميها أبوها عاجبه اسم
عــــروب
بس كل ما قلته لأحد قال لي ثقيل ومو حلو .. مدري والله يا ريت اسمع رايكم واقتراحاتكم
ودي بإسم جديد أو غريب مو مكرر كثير وله معنى وبنفس الوقت يليق بمجتمعنا
أما وش شربت
البارح شربت زعفران .. أمي تسويه مع الحليب
مع ان طعمه طلع حلو ..بس ما قدرت اشرب واجد لأني أشتكي من الحر ..
خواتي قاعدين كل وحدة بقميصها الشتوي وأنا
ميته حر .. قاعدة أهف على عمري
المشي .. أمس حسيت بشوية تعب.. شكلي مشيت اليوم اللي قبلها بسرعة شوي أسرع من اللي متعودة عليه
وأمس من التعب برجولي وحوضي ما قدرت أمشي خير شر
بس اليوم لازم أحاول انشاء الله أقدر
سارونه .. طمنينا عليك أول بأول وأذكري أن احنا مبسوطين
بمشاركتك ومداومتك على الصفحة .. وكل شوي ودي أدخل وأشيك
أتطمن عليكم

الأخــت روز 2006
بالنسبـة للحركة .. عندنا وعندك كل خير
بسم الله ما شاء الله
أنواع الترفيس
أبوها يقول عسى ما تطلع عربجيــة هههههه
والله يقومك بالسلامة إنشاء الله

لي عودة في المســاء عشان أتطمن عليكم
تحيــــــــاتي
ميـــــلاد

نوالي.....حياج الله معانا........انضميتي للقائمة.........بالنسبه لإسم ريم حلو بس علاء نص نص........

روز شي طبيعي تحسين بتقاطيع اليد والرجل.....واعتقد سبب ألم الظهر هو الثقل الزايد خاصه بآخر شهر


يالله تولدون بالسلامه انشالله.......واللي تولد ترجع تخبرنا وش صار معها

اليوم عادي مثل كل يوم .........شكلها الولادة مطوووووووووووووولة...........اوسكار......خير شصار من امس ما دشيتي؟

kسارة k
الله يخليج تسلمين ويفرحنا كلنا ياارب
انا من الكويت بس عايشه بالمانيه


زهرة الندى خخخخخخخخخخخ حلوة هذي عربجيه
تبارك الرحمن الله يارب يسهل لنا كلنا ونقوم بالسلامه

قود مذر لااا ما اعتقد السبب الثقل لانه الام فجاه مو متواصله يعني بس بليل تجيني
انا اتمنى اني ما اولد الحين لاني توني باول التاسع

روز احسن تولدين بأول التاسع علشان تفتكين :).........اريح لج..........اذا كان الألم منتظم بيكون ألم ولاده........بس حالتج غريبة....الألم بس بالليل


بنات وينكم.....شنو شربتوا اليوم ؟ وكم مشيتوا؟