اللي ولادتها في شهر (ديسمبر) ذو القعدة حياها الله ..

صباح الخير بنات
الظاهر كلنا سهرانيييين

بنات انا ماستخدمت شي ابدا حتى الملح..........ولدي مو معطيني فرصه حتى للأكل :mad2:

هلا صبايا شلونكم

انا بالنسبة لي ياروز لبست المشد من رابع يوم يعني اول ماطلعت من المستشفى ولله الحمد ماعندي كرشه بس بسيطه يعني لما لبست التنورة مابينت لذيك الدرجه وانا وايد مستانسه وابيها بعد تدخل اكثر ..

جود موذر لازم تحطين الملح اخذيها نصيحه اخت وخاصة في هذي الفتره عطي البيبي امج او احد من اهلج وادخلي الحمام وحطي حتى لو ثلاث مرات باليوم ..

الا بسألكم بنات شنو المانع اللي تفكرون تاخذونه؟؟؟؟؟

انا افكر في حبوب منع الحمل وانتوا اشرايكم؟؟؟؟لاني بصراحه ابي شي مضمون لاني ماافكر احمل قبل السنتين

والله الملح انا غسلة في يمكن مرتين بس ما ادري يعني احطه بطشت يعني وانقع في؟؟؟

بنسبه للمانع انا افكر استخدم شغله جديده وتنحط بالجتف عباره عن شريحه تفرز هرمون او شغله جذي بس مظمونه ومخاطرهاا اقل

انا بعد ماعندي كرش جبيره لاني من الاول كنت العب رياظه ومشدوده مرة والحين ان شاء الله ارجع للرياظه وان شاء الله تنشد

ليش ياقود مذر ولدج مايناام بليل؟؟؟؟ انا سنعت نومة بنيتي الحين الحمد الله تجر اربع ساعات متواصله
والف حمد وشكر

اهم شي ياقود مذر انج تريحين البيبي علشان يناام وقت اكثر
اكتبلج بعدين الطريقه اروح لبنيتي اقعدت

اي حبيبتي روز تحطين الملح مع ماي دافي في طش وتنقعين فيه دقايق بس ..

غريبه والله سالفة هالشريحه اول مره اسمع عنها يلا جربيها وقولي لي علشان اخذها اذا نفعت ...

وانتظر طريقتج في تنويم زهوره علشان اتبعها مع مريومه حبيبة قلبي؟؟؟؟لاتأخرين

اي يسارة هذي صديقة اختي حاطتها من ثلاث سنين وتقول مظمونه ومتسبب العوارض الي تسببها الحبوب
وبعدين تصدقين امس قالتلي حماتي على سالفه عن الولاب قالت انه وحده حملت على الولب ولما دوروه مالقو يوم ولدة لقو براس الياهل ومايقدرون يسون اي شي لان على عرج , وانا بصرااحه خفة ولاني بعد قريت عنها اذا ماتعتني المراه ممكن يسبب عقم الله يستر.

طريقتي بتنويم زهورتي حياتي
اول شي لزم تراعين اهم الاشياء وهي
تكرمون الحفاظه
جلدة عظوالطفل او الطفله
الغازات
درجة حرارة الغرفة

اذا بجى الطفل ترضعينه من صدرج وبعدين تطبطبين على ظهرا يطلع الهواء
ثاني شي تغيرين الحفاظ وبعدين ترظعينه من الصدر الثاني
بس هذا مو كل شي
الحفاظ مو دايما تخلين الحفاظ خلي شوي على الهواء
واذا الجلد احمر لزم تدهنين بكريم واصفه لج الدكتور ابدا لاتستخدمون الورق المبلل لان راح يزيد حرق الجلد

والملابس غيريها بس توصخهاا تكرمون باي شي الخروج او التبول او تفريغ المعدة
لاتخلين ملابس الطفل مرطبه

الغازات الغازات هي الي تاذي الطفل وتخليه ماينام عدل
وبعدين ملاحظه لزم تحطين الطفل على جتفج وطبطبين عليهاا وموبس يطلع الهو نزلتيهاا لا خليها يعني لزم تكون على جتفج خمس دقاايق

طبعا الاشياء الاخرى مثل التسبح مهمه وتعرفونهاا والاهم لاتغسلونهم بشاامبو هذا الي قالتلي عنه الدكتورة لان طفل جلدتهاا حساسه يعني 8 اسابيع من غير شاامبو

واهم شي اهم شي انتي اي نعم انتي اذا تتاففون وتظايقون وتعصبون الطفل بتالي يتظايق
الحين انا اذا بنتي قامت الساعه 3 الفجر قمت من نومتي وانا اتبسم واقول ياحياتي ياعمري يبنيتي يوعنه واذا زادت بالبجي اقول يحلات هالصوت يابعد عمري لين مع الايام صرت متقبله واوله على هالحظات الحلوة الي تقعدني فيها والاهم الاهم ان ابوهاا ماينزعج منهاا لانا يشوفني مو منزعجه والاهم انج تسمعينه وانتي تكلمينها وتقوليلهاا يحياتي يوعانه مالومج مالومج يله الحين تشربين وتنامين .


شرايييييييييييييييييييج بهالنصايح باجر ناطرة النتيجه
واذا تذكرت شي اقولكم

والله انا ياروز هذا اللي متبعته مع ميمي وايد ينكسر خاطري عليها لين قامت يوعانه وصج احسها لاخذتها في حضني ترضع بسهولة وماتعبني وصج اشوف رفيجتي تقوم وهي متضايقة انها مقعدتها من نومتها وتحطها في حضنها وترص عليها الا ترضع بسرعه علشان ترجع تنام وتقول ان البنت تتم تصيح لين الصبح ,,

في هذي معاج حق ,,بس احسها دوم حرانه ماادري ليش ؟؟ومااعرف اشلون اتأكد انها حرانه والا لا؟؟

وبعدين على طاري السبحه بنتي تمووووت من الصياح وانا اسبحها ماادري زهوره نفس الشي والا لا؟؟؟وبعدين لما اخلص تسكت وتنام

وبعدين انا ماافكر اركب لولب مستحيل اخاف يطيح واحمل...

زهورتي حيااتي تصدقين انها تحب الماي وتسكت بس احطها بالماي .

بنسبه تتاكدين انها حرانه انتبهي لحرارة الغرفه وملابسهاا لايكون ثقيله وعليها غطا وترضعينهاا
بتعرفين اذا الغرفه حارة رطبه من بشرت وجها

بصراحه بنات اللولب مو مظمون ويخوف اذا صار حمل عليه........والحبوب هم لها مظارها فمادري شو احسن مانع

روز انا ادري ان الغازات اهي اكثر شي تظايقهم بس هم بصعوبه تطلع

مساكم الله بالخير


الا ميلاد وين؟؟؟؟؟؟؟

مرحبا امهات …
انا ولدت يوم الجمعة 9-12-2005
ويبت ولد يقول للقمر قوم اقعد مكانك… سميته محمد
ما دخلت النت من ذاك اليوم لاني في بيت اهلي .. طبعا لازم اكمل الاربعين بس عطوني اللاب توب اشفاقا على حالتي…
المهم ولادتي كانت شوي صعبة بسبب الطلق المتواصل… بس الحمدلله يوم طلع القمر محمد نسيت كل الالم..
بس بعد الولادة طلع عندي نزيف و قالوا لازم ندخلها العمليات… شفتوا النحاسة..
و طلع ان عنق الرحم مجروح… طبعا الحمدلله خلصت هذيك المرحلة..
اما بالنسبة للحمودي فديت عمره … فوايد تعبني في البداية… اما الحين فالحمدلله ..
الغازات عدو الطفل الاول.. طبعا انا ولدي كان وايد يصيح لمدة ساعتين متواصلات… نصحوني اروح المستشفي …باختصار لان ولدي نش من الرقاد..
انا استخدم له دواء اعطية بالليل… و كل قريباتي استخدموه و نفعهم .. الا وحدة ما مدحته طبعا انا الحمدلله نفعني … اسمه infacol
و اعطية شاي اطفال بعد بنصيحة الطبيب... و الحمدلله يتحسن يوم بعد يوم..
و بالنسبة كيف تعرفين ان الطفل بردان او حران... امي قالت لي المسي انف البيبي .. اذا بارد يعني الطفل بردان... بس اهم شي تدفين الطفل لانه ما ينام اذا كان بردان ...

تعالوا ...بسالكم الي سوو ليها الخياطة .. هل طاحت الخيوط...
انا للحين و لا خيط طاح كملت اربع اسابيع..
و الماي و ملح وايد زين للمنطقة... بس في مرهم هو مضاد حيوي بعد يفيد .. عن الالتهاب..


ولدي يصيح للحديث بقية لاحقا ..

ولكم باك اوسكار نورتي الموضوع

والف مبروك على الولادة والحمدلله على سلامتج وسلامة حمووودي فديته...

تصدقين اوسكار حتى انا جاني نزيف بعد الولادة بس الله ستر.. وانا صار لي شهر ويوم ولدت بتاريخ 15 -12
وجبت احلى ميمي ..

والخياطة من الاسبوع الثاني طاحت والحمدلله الحين انا بخير ولله الحمد..

وبالنسبة للغازات اففففف منها ذابحتها يقولون بعد الاربعين تخف وتروح بروحها..

افاااا موضوعنا راح\بالصفحة الرابعه


وينكم ميلااااد
رووووووز
جوووووود موووذر
اوسكار
وباقي البنات

عسى المانع خييير

خير ان شاء الله بس زهورتي ماخذه وقتي كله انتو شلونكم؟؟؟

واخيرا في حد رد

والله اني يأست

روووز طمنيني عليج وعلى زهوره الاموره ؟؟؟

الا تعالي روووز عظم الله اجركم في فقيدكم الشيخ جابر الله يرحمه..ويسكنه فسيح جناته

انا كاني موجوده

بس ولدي عنده امساك شدييييييييييييييييييييييد .........جربت كل شي ماكو فايده

مســــاء الورد
لأحلى رفاقة درب 9 شهــور
أنا موجودة ومو موجودة بنتي ماخذه كل وقتي الله يستر
قالوا لي ما بتفتكين الين اتدخلين لها حليب صناعي
على الأقل رضعة باليوم بالليل عشان تنام زين
ولي 4 أيام أطبق هتانصيحة .. لكن بنتي مو متقبلة الصناعي وصايره بس اترجع

هذا غير بطنها مسكينة أنواع المعاناة
أصوات و مضاربات فيه وهالكلام من جبتها
يعني مو بسبب الصناعي
تكسر خاطري اذا جت اتوصخ أحس روحها تطلع

والله واحشيني بنات وخاطري أتابع تواجدكم وسوالفكم دايماً
بس حال الدنيا

أوســكار الحمد لله على السلامة
أنا ولدت بعدك بـــ 4 أيــام
و اليوم أكمل الأربعين .. بس زوجي ماعنده إجازة وما بيجي الا بعد 8 أيام
بعدها بروح بيتي

ســارة , روز و جودمذر
اعذروني على القطاعة والله اني جالسة الحين اكتب لكم وبنتي على يدي
وهذا هي تصيح يمكن تبي ترضع
يالله عن اذنكم

هلا يا جماعة ..
انا كل ما افتح الكومبيوتر ولدي يصيح تقولون حاس..
كنت اقري قصة هاري بوتر و كل ما افتحها يصيح قلت لامي قالت ان الولد يحس بامة و بينهم اتصال و هو يكره القصة..
قود مذر اذا على الامساك.. تري الاكل الي تاكلينه هو السبب..
غيري الاكل و بتشوفين.. كثري من البرتقال و لا تاكلين جزر...
الخوخ بعد زين للاسهال...

سوري ولدي قعد و الا السالفة حلوه ... ما قلت لكم يحس...

والله وحشتوني ووحشتني سوالفكم...

انا بنتي من اول ماجبتها في صوت يطلع ماادري من صدرها والا بلعومها ماادري ووديتها للدكتور وقال لي ان بعض الاطفال ينولدون وبلاعيمهم طريه فجذي يطلع الصوت والا صدرها مافي شي وانا احس اني مب مقتنعه وخايفه عليها وخاصة الناس من اول مايشوفونها يقولون لي ايش هذا الصوت؟؟

حد عنده خلفية عن هالموضوع وشتنصحوني فيه؟؟؟

سارونة أنا بعد عرووبة بنتي لها نفس الصوت حسبت
في البداية انه بلغم بعدين خفت ان معاها ربو
وفي النهاية الدكتور قال لي عااادي
تطمني يالغالية

أوسكار
غيرتي شي بشكلك بعد الأربعين
و كيف صحتك الحين تستخدمين فيتامينات ولاشي
وكيف تحسين زوجك حس بفرق عن قبل الولادة

لجميع الأمهات وبيبيهاتهم
كل الحب