اللي ولادتها في شهر (ديسمبر) ذو القعدة حياها الله ..

السلام عليكم ورحمة الله وبركاته كيفكم وكيف اطفالكم يعنى ما حد رد عليا ايش شعوركم اول ماحضنتوا اطفالكم المهم انا للان ماولدت الرحم مفتوح 1سنتى والضغط مرتفع عندى والدكتوره اعطتنى موعد يوم الاربعاء تنويم وتعطينى طلق صناعى

ياربي والله انا هذا اللي افكر فيه ياميلاد اشلون لو رحت بيتي اشلون بنام واشلون بينام زوجي مسكين واشلون بقوم وبروح عنه الغرفه الثانية والله قلبي معورني من كثر ماافكر حتى ساعات اقول في قلبي اشفيه لونام البيبي طول الظهر وطول الليل ويصحى الصبح والعصر يعني بيصير شي ...افكار غريبة قامت تجيني

وبالنسبة لاحساسي بالبيبي اول ماحضنته حسيت اني حاضنه هالعالم كله سبحان الله شعور مميز...


وبنتي فيها شي غريب كله تتعصر اففففف مااحب هالصوت اكرهه..

ههههههههههههههههههههههه سارة وانا بعد بنتي تتعصر وتعصر قلبي معاها
بنسبه لي اول ماحظنة بنتي من غير شعور قعدت اقول يمه بنيتي ولليوم زوجي يعايرني فيهاا يقول انتي قلتي اول شي بنيتي وبعديييييييين قلتي بنيتنااا
شعوري وانا احظنهاا اني ملكة الدنيا اني بديت مشوراي بالحياة وعندي رساله وامانه لزم احافظ عليهاا



تعالو صج انا بسجل بنتي بالمنتدى باسم زهورة بنت امها وابوها شرايكم ؟؟؟

ســلام يا عســل
كيف الأمهات الحلوات
كيف البيبيات الأحلى ..
انشاء الله تمام
الأخت لورا .. بالنسبة للخياطة
أنا من كملت اسبوعين كان عندي مراجعة
راحت الدكتورة تقص الخيوط ..يوووه طلعت روحي حسيت بوجع قلب وحرارة
وخفت لأني ماقد سمعت عن احد يقص خيوط العملية كله على بالي هي تذوب وتطيح لحالها
والحين حاسة بالغرزة أظنها العقدة الأخيرة بعدها موجوده
مدري ليه خلتها .. بس الدكتورة قالت لي انها قصت الغرز اللي برت (طابت) عشان طول المدة ممكن يسبب التهابات
وعندي مراجعة على آخر الأربعين .. وياخوفي هالغرزة الأخيرة تتم الين آخر الأربعين
وتروح الدكتورة وتقصها بعد .. والله وجع قلب


على فكرة بنات أخبار الغسول وياكم
تغسلون بشي .. تجلسون بماي وملح ؟؟
تتبخرون بشي ؟؟

بالنسبة لشراب اليهــال أقصد البيبيات
سمعت ان العسل والماي حار على معدة البيبي وما يتحمله .. انتبهوا منه
بس الكل نصحني بالمــاء والنعنــاع .. وجربته ومشى بطن بنتي وريحها
وناويه أجرب اليانسون والماء بكرة أو بعده

جود مذر
اي ياعيني تطمني نوم ولدك طبيعي .. وكان الله في عوننا
وبالنسبة لزوجي والله ما تتخيلين اشلون شايله هم روحتنا عنده وتقبله لهالوضع
أخاف يهاوشنا ولا يعصب والله كان اقعد أصيح من الحرّة والقهر

لي رجعة .. بس بنتي قاعدة تبكي
ســلام

بنات انا عندي لكم فكرة كل وحدة تجي وتكتب تجربتها وشنو تعلمة من معلومه من امها او احد من الحريم اليي عندهم خبره
انا تعلمت اشياء واايد

اهم شي انه لزم بعد كل رظعه طلعون الهواا من البيبي والرظاعه لها قوااعد
اذا بترضعين بصدرج لزم توزعين الوقت بين الصدرين......ديري بالكم يتعودون على صدر وااحد...

واذا صدرج وحليب صناعي الاول من صدرج طبعا 30 دقيقه توزعينها على الصدرين اول 15 بعدين طلعين الهوا وترظعينها من الثاني بعدين تغيريلها لانها اكيد نامت او غفت بعدي ترضهينها من الحليب الصناعي
انا علمتها على صدري وحليب صنااعي

اييييييييييي صج تذكرت اذا تبون تعلمون بيبياتكم يتعلمون على الصدر والصناعي خلي فتحت الرضه صغيره مو كبيرة

الشغله اثانيه لا تستخدمون الورق المبلل لان بيسبب حساسيه يعني خلي مرة مبلل ومره ماي ونطري لين تنشف تماما وطبعا خلي عندج احتياط الكريم الخاص بهذي المنطقه

الشغله الثالثه بليل اذا بتنومين بنتج خليها نايمه على جانب يمكن ترجع او شي وانتي نايمه وماتحسين عليها سم الله عى بيبياتنا بس الاحتياط وااجب

التسبح خلي كل ثلاث ايام بنسبه لي انا ماسبحتهاا الى مرة وحدة لان بصرااحه عندنا بررررررررررررد واخاف عليهاا

السره لايحوشهاا ماي وحطيلها بودره

راسهاا ماي لاتظغطين علي ولاتستخدمين مشط كبار<<<<<<<ادري تعرفون بس لاني تذكرت يوم مشطة راس اخوي خخخخخخخخخ


اذا صاب البيبي امسااك لاتخاافين الامساك طبيعي لرضيع وحده اربع خمس ايام لو زااد يصير مو طبيعي وديها لطبيب
حاولي تسويلها مساج لبطنهاا

اذا بيبيتج بنت راح تلاحظين انتفاخ صدرهاا لاتجيسينهم ولاتسوين مساج لهم لانها هذي هرمونات طبيعي فهي بنت

وبعد شنو شنو اي هذاا لليوم وان شاء الله اذا كسبت معلومه جديده اقولكم

لان هني تجيناا ممرظه للبيت لمدة اربع اسابيع وانا بصرااحه استفدة منهاا واايد وقلت اقول لصديقاتي وحبيباتي عرايس المنتدى

وسلامتكم بنتي اقعدت اروحلهاا باي

اختي دمعة بحــر
الله يسلمك انشاء الله ويخليك
ويهون عليك الولادة ويرزقك بيبي سليم ومعافى يارب

الأخت نور الأيام
الله يقومك بالسلامة انشاء الله حسب كلامك احتمال تكونين ولدتي
أمس يوم رحتي للموعد
عموماً الله يهون عليك
بالنسبة لإحساسي أول ماحضنت بنتي واااو.. ذكرتيني
عن جد احساس لا يوصف مصدقه وماني مصدقة اخذتها بستها تحسست ملامحها .. يالله
حلم ولا علم أنا ما كنت أحب الجهال قبل ولا احب أو أعرف أتعامل معاهم
وزعلت يوم دريت اني حامل.. لكن الحين أنا أم تموت ببنتها وتخاف عليها من الهوى

العزيزة روز
حلو الكلام .. صحيح احنا ممكن نستفيد من بعض
بتبادل الخبرات ونقلها بيننا
وتقريباً الى الحين صار عندنا خبرة مش بطاله ( على قدنا)
نقدر نفيد بعض
أنا تقريباً تعلمت الأشياء اللي قلتيها من أمي وتعاملها مع بنتي
بس استفدت من كلامك عن الرضاعة الصناعي
لأني يمكن ادخلها لبنتي ..لأان الرضاعة عن جد امتعبتني تاخذ وقت وجهد
والحين انا عند اهلي مو مهم بس بعد الأربعين بتوهق بالرضاعة الطبيعية
الوقت بيقل علي البنية تبي .. وابوها يبي ، البيت يبي مدري اشبسوي بعمري

في نقطة استفدتها من امي ابعرضها عليكم
هي ولما بنتي يزيد بكاها وصراخها بالليل من المغص
أدفي كف يدي وأدهنه شوي بزيت زيتون (باطن الكف) احنا نستخدم الدفاية الكهربائية هالأيام لأن الجو برد عندنا هالأيام
بعدين أحطها على بطن بنتي .. مسكينه أشوفها تهجد وتهدا مسكينة
واذا تذكرت شي بعد ابشروا بالخير

بنات وينكم ماقلتوا لي عن نظامكم في الأكل والشرب
والغسول .. ما تستخدمون سوالف النفاس
في أشياء حرمتوا نفسكم منها ؟!!

حبيبتي ميلاد تسلمين والله يخليلك بنيتك
بنسبه للاكل انا ولا نظاام ولا شي عليك يا الله
بس ما اكل البصل والكاكو والبقوليات علشان ما ياثر على بنتي

تصدقين حلوة هالمعلومه عن زيت الزيتون وبجربهاا ان شاء الله

العزيزة روز
ليه البقول والكاكاو مو زينة ؟!! اش ممكن تضر فيه بنتي ؟؟

خلاصتها تروح للحليب الي نرضعه للبيبي وتسبب بالتالي الغازات
هذا الي قالتلي عنه الدكتورة ومنعتني من اكل هالشغلات وانا بعد لقيت نفس الكلام لدكتور نساء بموقع طبي

مشكورة على الإفادة روز
ماقصرتي يا عمري

معلومه جديده اذا خلصتو من ترضيع البيبيات عطوهم ملعقه صغيره ماء دافي بس مو حيل دافي علشان الحليب الي باقي بحلجهم يروح ولاياذيهم لان اذا طول بيسبب فطرياات او ما ادري شنو المهم ياذيهم
بسررررررررررررررعه بنتي تصيييييييييييييييييييييح باي

مشكورة روز .......معلومات اول مره تمر علي


المهم بنات.......مو خايفين من بعد النفاس؟
بليز بنات اللي تعرف شي للمنطقه تخبرنا لأن اخافها توسعت........هالموضوع مسبب لي قلق

مرحبا بنات وحشتوني

والله مو لاقيه وقت الله يكون في العون..

بالنسبة لي بنات انا في كل دخلة حمام الله يعزكم احط ماي وملح فارسي للتطهير لان خواتي كانوا يستخدمونه وماشالله لا التهاب ولا شي..

وبنتي يوميا اعطيها منقوع التمر وايد زين يربي البيبي هذا كلام امي..

ويوميا في الليل قبل ماانام نسوي لها مساج بزيت لجسمها وايد يريحها مع انها تموت من الصياح وقته لكن بعدها ترتاح..


جود موذر صح كلامج انا وايد خايفة لبعد الانفاس ماادري شصار فيني توسعت والا شصار بالضبط الله يستر..

الللللللللللللللله يعني انا الي ماشاء الله وااثقه والله خااااااااايفه لايكون في تغيرات ملحوظه
انا سالت زوجةاخوي اهي عندها ثلاث عيال الله يخليهم اول مرة خياطات والباجي طبيعي تقول عااااااااادي تردين طبيعيه ولا كان كان <<<<<<<اسئل مجرب ولاتسئل حكيم

بنسبه للغسول انا عليك يا الله غسلة ثلاث مرات بالماي والملح العادي وكنت داااااايم ولزلت اغير عزكم الله الفوطه الصحيه باستمرار يعني كل نص سااعه اخااف لاطولة تسبب لي التهابات وله حكه

والله يستر مااااااااااااابعد النفااس


معلومه جديده لاتغسلون بيبياتكم بالشاامو خليهم يكملون 8 اسابيع الاول هذاا الي قالتلي عليه الدكتورة لا اليااهل جلدة حسااااااااس جدا

ونسيت اقولكم شغله الدكتورة تقولي وتعيد علي اشربي ماء ماء ماء لزم لاني ارضع طبيعي لزم اشرب عن شخصين
وانا قريت بالمنتدى بنات يقولون المااي موزين يسوي كرش مااعرف شنو بس انا والله الزم ما علي صحة بنيتي لان وزنه نزل وظل ينزل لين ماسلمت امري وظليت اشرب لترين ماي باليوم واكل كل الي بالمطبخ


وبعد الي ترضع طبيعي شربو شاي اسمه اممممم ما اعرف بالعربي بس يسمونه بالاماني كميليان تي بس شكله ينسون وله ما ادري
المهم وشاي الاطفال تقدرون تشربونه لانه راح يروح مع الحليب الي ترظعينه للبيبي

اي ونصيحه ثانيه ويليت انا اسوي فيهاا
لاتهملون ارواحكم فرصه مدامكم بالنفاس دهنو جسمكم شعركم اهتمو بروحكم علشان بعد الاربعين تطلعون عراايس


يله انا اروح اشوف شنو عندي من كريمات الطخه بويهي وجسمي خخخخخخخخخخخخخ

امي اخر مرة زارتني يابتلي مقشر البشرة وشويت زيوت اروح ادور عليهم باي

اي والله روز هذي فرصة لان نهتم بعمرنا ..


ابيه انا وايد اشرب ماي وخايفه من الكرش الحين لي شوي كرشه صغيره واخاف تكبر ..

الا بنات تعالوا تلبسون مشد والا ؟؟؟؟؟واشلون الكرشه معاكم اشلون حجمها؟؟؟؟؟

لا الحمدالله ماعندي كرش بس شويييييييييه يعني توني واللده لزم يبقى من اثاار البلونه الي كانت جدامي تسع اشهور <<<<< اقصد من خمس اشهور

لاتخافين من الكرش لبستي مشد من اول الايام؟؟
استمري على المشد حتى بعد الاربعين بشغل البيت بالمشي الرياضه وبطنج ترجع احسن من اول