اللي ولادتها في شهر (ديسمبر) ذو القعدة حياها الله ..

السلام عليكم يا بنات

تذكروني :::؟؟؟

انا ولاتي بهالشعر وكان اول موعد عطوني اياه على 23 من هالشهر بس ما شرف النونو لين الحين

وحالتي سيئة للغاية

نومي ما نوم وجلوسي موب جلوس

حاسه بثقققققققققققل رهيب

وتقلصات في بطني واحس بطني يصير صلب وايد والالام في الظهر والخصر والرجول واسفل البطن

آآآآآآآآآآآآآآآآآآآآآآآآآآآآه احس ان صبري خلص

ومافيني قوة لأي شيء

ادعوا لي اربي وارتاح

اليوم بروح امشي وامر العياده لعل وعسى الرحم مفتوح ولا شيء يبشر بولادة

ادعوا لي

الله يسهل على الي ماولدو للحين

يبنااااااااااااااااااات لحقوني والله بموت ماااااااااا انام اليل ولا النهااار شسوي قولولي؟؟؟؟؟؟؟؟؟؟

البنيه الله يخليه ماتنام ولو نامت خمس دقااايق تعبت الحين لي يومين مانمت الى ثلاث ساعات بس

روز شوفي الحليب يمكن ماناسب النونو
او يمكن عندها مغص او غازات في الاربعين تكثر معاهم ها الاشياء
اعطيها نعناع او يانسون تراها زينه للاطفال
ويمكن ما تشبع زين عشان كدا ما تنام كويس
او عطشانة شربيها مويه وتفحصي الحفاظ يمكن مسبب لها حساسية
او لبسها مضايقها لا تكثري عليها الملابس واللفات
وابعدي النور عنها عشان تريحيها في نومها

ولكم بااااااااااااااك لاحلى حوامل ((سابقا)) واحلى امهات ((حاليا)):clap:


الف مبرووووووووووووووووووووك روز وجود موذر حبيبات قلبي ويتربون في عزكم ..:flower:


جود وذر ماقلتي لي شسميتي ولدج؟؟:think:

روز الحال من بعضه لانوم ولا راحه انا اليوم صار لي 12 يوم وبنتي ماطاح سرها واحسه يعورها ولا بقادرة تنام منه الله يهديها يارب وتريحني..:smile:

اختي مـرام
( أم ماجد) حفظه الله
أولاً عاشت الأسامي
الحمد لله على سلامتك
تأثرت كثير بأحداث ولادتك اللي ذكرتيها
بس الحمد لله جت سليمة وأهم شي كانت ولادة طبيعيـة
يتربى بعزكم انشاء الله
وجعله الله ممن حفظ كتاب الله وممن يجعل النصر المبين على ايديهم ويسعدهمفي الدارين ...اللهم امين امين

محبتي

الف مبروك مرة ثانية للحبايب
وخصوصاً سارة .. قودمذر .. وروز
جعلهم الله من مواليد السعادة

سارونة (أم مريم ) الحمد لله على السلامة
أظن بنتي أكبر من بنتك بيوم انا في 13/12
ولي الحين 13 يوم من ولدت
طاحت سرت بنتي بس نفس الشي طول الليل صياح وتنتيف بعمرها
البسها القفازات بيديها طول اليوم
لأني أخاف انها تخطف عيونها ولا تجرّح وجهها
وتسوي فيه حفريات الله يهديها
حبيبة قلبي هالنتفه مسويه الهوايل
الله يحفظها ويحفظ كل طفال المسلمين

ميــلاد

هلا سارونه......سميته سالم....وهم سره ما نزل للحين مع ان صارله 8 ايام.....بنات اهم شي تتأكدون ان البيبيات شبعانين وماعندهم غازات والحفاظ نظيف

هاي بنات

الحمدلله امس طاح سر بنتي بس لاحظت ان سرها بارز طالع على برى امي تقولي بيروح بروحه وانا خايفه عليها اشرايكم؟؟؟؟

ان شاء الله راح يرجع بروحه....اعتقد كلهم كذا :think:

بنات بالنسبه للخياطه شلون اعرف انها تعافت بدون ان اشوفها او المسها؟ هل راح اشوف خيوط نازله؟

السلام عليكم ورحمة الله وبركاته هلا بنات الحمد لله على سلامتكم انا لحد الان ماولدت خلاص بطق مليت مو قلت لكم حالف يخلص الشهر الدكتوره قالت بتعطينى كمان اسبوع اذا ماولدت بتعطينى طلق صناعى ادعولى لان نفسيتى خلاص بهدلت امى كل يوم اقعد ابكى من التعب والحمد لله على كل حال بنات ايش شعوركم اول ماحضنتوا اطفالكم لانى بصراحه كل ماتخيل الموقف دمعتى تفر منى

جود موذر حبيبتي بالنسبة للخياطة انتي ماتعرفين اذا صارت زينه والا لازم تروحين لدكتورة تشوفها لج انا ناويه اروح هاليومين

بس اهم شي ماتحسين بشي فيها يضايق يعني حكه والا شي


الا بسألكم امهات شخبار بيبياتكم مع النوم ؟؟؟؟؟

السلام عليكم بنااات
خواتي شسوي قولولي بنتي عندهاا امساك رحت الفجر للمستشفى وتكرمون عطواها حقنه شرجيه وفرغة بس ردة اليوم ماتخرج ؟؟؟؟ماني عارفه ليش سالت صديقتي وامي والي عندهم خبره قالولي عاادي بس انا قلبي يتقطع عليهاا وابجي شسوي؟؟
بنسبه لسرة يمكن باجر تطيح

النوم الحمدالله تعدل انا اول اسبوع ماشفت النوم ولا اعرفه رحت للمنظرة وله اخترعت قعدت اتلفت يمين ويسار بشوف منو هذي الي واقفه طلعت انا خخخخخخخخ

الحمدالله على كل حال بس انا انصحكم نصيحه لاني انا جربتها ونفعت معااي واايد
انام مع نومتها واقعد مع قعدتها لين شوي ردت روحي


ناطرتكم بالنصيحه لبنيتي والامساك الي ذابحهاا.

ماتشوف شر حبيبتي زهره

بس المشكلة لو قلت لج شتسوين لبنتج والامساك ماينفع لان تحتاجين اعشاب وهذي مش متوفرة عندكم لكن بقولج شي انشالله بيفيدها عطيها رضعه ماي وسكر يقولون زينه للامساك..


وقولي لي من اي نا حيه تعدل نومها يعني شكثر تنام ابي اعرف بنتي زين نومها والا؟؟؟؟؟؟!!!

يلا ياامهات كل وحده تقول جدول بيبيها في النوم بليييز

روز جربي مثل ما قالت ساره الماي والسكر ........بس مو اي سكر......لازم السكر اللي يكون حبوب كبار

بالنسبه للنوم.......انا ولدي ما ينام اكثر من ساعتين مواصل........وباليل ماكو نوووووووم للصبح صاحي......وبالنهار ينام ساعتين ويقعد ساعه تقريبا

مراحب للأمهات المجتهدات و المجاهدات
ما تشوف شر زهرة وانشاء الله تكون حالتها تحسنت الحين
وتكوني استفدتي من كلام سارة وجود مذر

بالنسبة لنوم بنتي
بالضبط مثل ما تقول الأخت جود مذر
والله وكنها عايشة مع بنتي
(( بالنسبه للنوم.......انا ولدي ما ينام اكثر من ساعتين مواصل........وباليل ماكو نوووووووم للصبح صاحي......وبالنهار ينام ساعتين ويقعد ساعه تقريبا ))
وكنت محسبه نفسي الوحيدة اللي تعاني هالمعاناة الين قريت كلامك جودمذر والله نومي معتفس والسواد حول عيني يزيد
الخوف مو من الحين على الأقل الحين انا عند أمي وساعات تسهر معي وتكمل اختي السهرة بعدها
وزوجي مو موجود بسلامته
طيب بكرة اذا رجعت لبيتي وش بسوي بعمري وزوجي اشلون بيتقبل هالوضع

الله ييسرها ولا يضيع لنا تعب

طمنونا عليكم .. واللس عندها نصيحة ولا تجربة احنا بالإنتظار

تسلمون وبجرب ان شاء الله الماي والسكر
سارة نوم بنتي اشوة يعني تنام نومه متواصله مو مثل اول اسبوع تنام عشر دقايق وتصيح وهاذا لاني سمعت نصيحة عمتي الله يجزاه خير قالتلي اذاا شبعت تناام اكثر يعني مو ترضعينها وتغفى حطيتيها بفراشها لا رضعيها لين تشبع وتنام.

بس ثاني يوم من ولادتها نامة من الصبح لين ثاني يوم بليل خفت وقعدت ابجيييي لين قالتلي الدكتورة هذاا شي عاادي لاتخافين.

وانصحكم لاتعودون عيالكم على الشيل او الهز انا بنتي بس ارضعها حطيتها بفراشها ما ابيهاا تتعلم على الشيل ولاتنومونهم يمكم ديييييييييييييييييييييييييييربالكم ترى خطر اخاف تقلبون عليهم

بنسبه لسكر اي سكر تقصدون؟؟؟ انا عندي سكر نبات اهو هذاالي تقصدونه؟؟

السلام عليكم ...

اشحالكن خواتي

اشتقت لكن ولسوالفكن

أولا: احب اتكلم عن الخياطه

نحن عدنا في الأمارات .. بعد ما نطلع من المستشفى .. لازم نروح العياده عشان ناخذ ابرتين .. وحده للخياطه: وهي الأبره ميزتها انها تمنع اللحم يبني فوق الخيط وتساعد على انه الخيط يطيح .. والأبره الثانيه للدم ... تساعد الرحم للتخلص من الدم بسرعه .. + مرهم يمنع التهاب الخياطه ..
طيب .. انا لدة ثلاث اسابيع ما طاحواعندي الخيوط .. طبعا رحت العياده مره ثانيه وشالتلي الدكتوره الخيوط .. لانها قالت ما يصير انه الحرمه تبقى بخيوطها اكثر من اسبوعين ..

وبعد ما شلت الخيوط ... حسيت براحه عجيبه .. قدرت ايلس مثل الأوادم ..

ثانيا: عشان الأمساك...

انا الحمد الله بنوتتي الصغيره ماتعاني من الأمساك .. بس مرات الغازات تبهدلها..

كنت اعطيها رضعه الظهر ماء + سكر عادي .. رقمين فقط .. بس لاحظت بعد مده انه هو السبب في انها ترجع

وحاليا اعطيها الظهر ماء + عسل ................ وفليل الساعه 12 اعطيها رضعه ثانيه فيها زهورات مخلوطه .. ينسون + مرميه + بابونج + ما ادري شو بعد .. اعشاب .. والحمد الله هي والخير رباعه

هيه بعد جربت النعناع .. وكان ممتاز .. تفورين النعناع وتحلينه بسكر .. وتعطينه البيبي فليل

جربوها يا بنات .. وان شاء الله خير

ميلاد طمنتيني يعني نوم ولدي طبيعي....

بالنسبه لي ان شاء الله راح اروح عند امي بكره علشان تساعدني.........وزوجي مو راضي ينام بالغرفه لان بالليل الولد ما ينام كلا ازعاج.........حتى احس بدوخه من قله النوم

لورا مشكوره على الوصفات وشكلي راح اجربه الماي والنعناع

روز هالحين اذا بجى ولدي راح ارضعه مو لحد ما يغفى.......برضعه لين يمل ويناااااام..........ان شاء الله ينام صج ويخليني انام الليل

السلام عليكم ورحمة الله وبركاته

كيفكم بنات اقصد امهات

انا نــــــمـــــــت وتوني أصحى اعذروني ماكنت اقدر اواصل معاكم

والحمد لله على سلامة ميلاد والبقيه والف مبروك ماجاكم وعقبالي يارب لاني الى الان ماولدت والله يسهل اموري وأولد

انا اليوم لي 14 يوم من دخلت التاسع والله يسهل علينا يارب ونجرب هالولاده

دعواتكم لي بالسلامه

اختكم دمعة بحر