@ الخيمة الرمضانية * مع شجونة الحلوة@

شجونة الحلوة 03-10-2005 534 رد 30,580 مشاهدة
ش
ضحكتوني حسبي الله على بليسكم
على سالفة اللقيمات ......
يعني كلنا في البداية عندنا فيها اعاقة
وتشوهات خلقيه هههههههههههههههه

مملكة انا نفسج تخرج بشهادة امتياز
ولله الحمد ...

عقبالج يالجوري بس نصيحه لا يصكج احباط
وتتهاونين وتقولين صعبه انا اول مرة جذيه
ومليت وبعدين قلت لي متى يا انا يا هاللقيمات
ولوعت جبد اهلي كل حزات العصر ما اسوي
لهم حلو مع القهوة الا القيمات وهم صابرين
ههههههههههههه ليمن عرفت لها
عدددددل مددددددل ...
وعقباااااااااااالج يالله بعد اسبوع
ان شاءالله بشرينا عن النتيجه وشنو
صار للقيمات عقب العلاج الطبيعي ...
e
هلا
انا جيت

وياعيني على التطنيش يالله يوم
مايضر ههههههههه خوش اخت تنصح...

هههههههههه السموحه والعذر منج تدرين مشاغل الدنيا<<<=====من كثر ما تسمع هالحجه حفظتها عن ظهر قلب.

عدل حلات ارمضان
بأجواءه الروحانية وصوت الأذان وقراءة القرآن
وبما انكم في بلاد غربيه احس صعبه عليكم اتحسون
بهالاجواء
صدقتي في كل كلمه قلتيها, والله ما تحسين بالنفحه الروحانيه للشهر , الا في حالة وحده انج تروحين المسجد بس عشان تسمعين الاذان تدرين عاد ممنوع الصوت يطلع للخارج احتراما للديانات الثانيه , وعاد اللي زودها ان المسجد مبناي جنب كنيسه!! بس عادي ايام العيد المسيحيين يفضون لنا كنيستهم عشان اطفال المسلمين يحتفلون فيها,, يعني في ناس متفاهمه وتحترم الديانه ولله الحمد.

تدرون والله اروح للجامعه اشوف اللي ماسكه النسكافي على الصبح وتروح نفسي فيها, مع اني ما اشرب لا شاي ولا قهوه بس تدرين الشيطان ساعتها يحلي لج كل شئ,, يعني لما تطلعين او موجوده بالشقه ما تحسين باي فرق,, ربنا يعينا يا رب.
الشئ الحلو ان الجو بااااارد فالواحد ما يحس بعطش او جوع الحمد لله,

المها ماقلتِ لنا شنو دراستج هناك طب جذي
توقعت هههههههه ادري غلط هههههههههه


توقعج صح!!! اقصد التوقع الاخير اللي كتبتيه,,(
ادري غلط هههههههههه)
. ادرس كيمياء مو طب.

وتسلم ايدج على مجبوس الدياي الصراحه
شي ( يعني ذايقته)ههههههههه


الظاهر شجونه ماثر عليج الصوم اشوف تتخيلين مجبوس دياي,,,, اي مجبوس دياي؟,,, لا يكون سويته لكم وعزمتكم عليه ونسيت روحي واكلتوه عني هاه؟:think:

والله عاجبتني خيمتكم, بس ما يصير تحطون لها مكيف, متنا من الحر وتدرين على السوالف الواحد يخاف ينط له عرق من كثر الاندماج في الحجي, وتزداد نبضات القلب وبالتالي يتصبب الجسم عرقا, خبرج عاد هالاليه موجوده وبكثره معانا بالخليج.ههههههههه

اجيكم واحصل مكيفكم موصل بالخيمه زين يا شجونه<<<====طرار ويتشرط.
م



جعل الضحك دوووم ياقلبي الجوري
وحقك محفوظ واليوم سويت لكم ( مكرونه مع صلصة - توست باللحم - خبز بالدجاج والبطاطس - عش النحل - كفتة بطاطس - حلى البسكويت - سلطة الكوكتيل - ومطبق - جلي - للقيمات )
عاد القيمات اليوم شكلي نصكيت بعين هههههه رجعت لسالفة الحيونات لاني من العام ماجهزت عجينة القيمات واليوم مشاء الله بدعت فيها
الباقي ماعليهم كلام الحمد لله لقيت مديح وإطراء أحم أحم
صورتهم متى ماقدرت أنزلهم راح أنزلهم بالمطبخ (أقصد بركن المطبخ )
------------------

جعل الضحك دوم مو يوم ياقلبي شجونه
اللقيمات يبالها فن
تدرين لما تبداء الاشكال الغريبه بالظهور وتشوفني أمي تقول أقول يابنتي عطي الخباز خبزه
لكن الان مشاء الله قدرت أتعامل مع اللقيمات

-----------------

مشاء الله أختي المها بصراحه عادات حلوه وتقريباً دول الخليج تتشابه الى حد ما في عاداتها وتقاليدها
قرنقشوه يوناس
عطونا شوية حلواي
دوس دوس في المندوس
حاره حاره في السحاره
واذا لم يحصل الاطفال على القرنقشوه
يرددون:
قدام بيتكم صينيه
ورا بيتكم جنيه

أول مره أسمع بهذي الأهازيج مشاء الله حلوووه
يسلمو عيوني

وين بنات البحرين وقطر نبي نسمع عاداتكم

ولكم فائق تقديري وإحترامي
دمتم بخير
e
هلا عزيزتي مملكة القلوب

أول مره أسمع بهذي الأهازيج مشاء الله حلوووه
يسلمو عيوني

يسلم غاليج ومغليج , عاد هاه لو طرشت عيال الحاره لبيتكم تعطونهم, مثل ما قلت لج بمدينتنا ما عندنا قرنقشوه لكن يالله نطرشهم للخيمه يسوون تغيير, وهم الكسبانيين, في شعبان ياخذون فلوس وفي رمضان تعطينهم الحلوى , عاد لا تردينهم اخاف يخرعونج باخر مقطع من اللي يرددونه.هههههههههه

اقول مملكة القلوب
ما ينوبنا نصيب من هالفطور الحلو اللي مسويته ترانا الى الحين ما فطرنا., باقي نصف ساعه<<====تحسب حتى الدقايق والثواني
س

مساااااء السعاااادة .. لكل المخيمات معانا ..

مراااحب بأسرع سلحفاة .. عنودة الغالية ..
تسلمين يالغالية على شعورك الطيب .. الحين تأكدت انكم ماراح تخلون لحالي بدون خيمة هههههههه

خذي يالجوري الشعر ..
يالجوري يالجوري
ياورد بخيمتنا منثور(ي)
عسى يومك دوم
بالطاعات معمور(ي)
وتسوين لنا طبخات
وحنا نلف وندور(ي)
هههههههههههههههههههه ( شعر ولا أحلى ) خخخخخخخخخ
س

ماشاء الله عليك .. يامهاوي
على هالمعلومات الحلوة عن عمان ..
تصدقين اني كان ودي أزور عمان .. والحين يوم عرفت انك من عمان شوقتيني أقرر أزورها ..
يعطيك العافية على الموضوع الحلو مثلك ..

بس يالمها .. شدي حيلك وراك اليوم المقابلة التلفزيونية اللي سميناها وجهاً لوجه ..
إذا تبين فزعة .. مساعدة حتى ( تغشيش) حاضرين وعند وجهك ..
ترى صحيح سلاحف .. بس فينا خير .. وأهل فزعات ..
لاتخافين وراك سلاحف أقوياء وشجعان ويشدون ازرك ..
ماصاروا سلاحف .. تحولوا أسود هههههههههه
شدي حيلك والله معاك ( مجرد تطمين )
e
شدي حيلك والله معاك ( مجرد تطمين )


:cry::cry:

خوفتووووووووووووووني,,

تصدقين اني كان ودي أزور عمان ..


هلا وغلا فيج يا سهورتنا, تعالي وفالج الطيب, بس خبرينا متى ناويه تيجي, واحنا معاج وبنشيلج فوق الراس,
بس عاد لا تروحين عمان وانا هنا,, خليني ارجع ونلففج عمان حته حته,, وان شاء الله بتعجبج ويمكن ساعتها ترابطين على الحدود وتسوين لنا مظاهرات تبين الجنسيه من كثر ما راح تحبينها:D2

سهرات اتخيل شكلج مرابطه على الحدود وما احد قادر يطلعج,,,,,يا خطيره انتي.:cool2:
ل
السلام عليكم ورحمة الله وبركاته

كييييفكم بنــــات اشتقت لكم كذاااااا شجووووووونة عاملين ها الجمعة الحلوة و ما عزمتووووني زعــــلت خلاص صـــالحوني<<<<<< خخخخخخخخخخخخخخخخخخخ

أووووكيه ســامحتكم <<< هههههههههههههههه مصدقة نفسها

شـــوفو أنـا الحين لازم أروح أراجع شوي غدا راح أكلمكم عن الأجواء عندنا هنا في بلجيكا تدرووون أحس بشي غريب لما أشوف أجنبي يـاكل <<<<<<قلت غدا تخبرييييهم يا بنت

شجوووونة إنتظريني غدا إن شاء الله و ما تنسي تصالحيني ههههههههههههههههههههههههههههههههههه
e
هلا بلحن المشاعر

نفس الاحساس والله لما اشوفهم ياكلوا تخيلي الكل يلط الا انتي الوحيده بينهم.خخخخخخخخ

والله لج وحشه يا لحن
ننتظرج باكر
س

تسلمين مهاوي ..
على الدعوة .. وأكيد ماراح أزور عمان إلا لما تكونين هناك ..
ولاتخافين حبيبتي .. وحنا معاك ( القوة الثلاثية للإبادة ) ههههههه
بس أنتِ روحي هناك .. ونستلمك بالترحاب .. ونحاصرك بالأسئلة ( أمزح )هههه

شوفي ماعندي مانع ارابط على الحدود بس تحطون لي خيمة زي هذي ونجمع فيها بنات المنتدى كلهم ..
صدقوني راح كلكم ترابطون فيها وماتردون لديرتكم ..
فيه أحسن من خيمة .. ولمة بنات .. وسواليف .. وطبخ ..

وبعدين تصير مظاهرة عالمية .. ويجيبون لنا قوات صديقة يطلعونا من المكان ..
وسوون لنا نداءات .. وتحقيق مطالب ..
وحنا معتصمين .. ومرابطين .. وما احد يقوانا .. ( بنات آخر زمن ) مستانسين بالسوالف
توته توته .. خلصت الحتوته
كأني صدقت نفسي ( بس تعالوا نجرب ) ههههههههههه
e
وبعدين تصير مظاهرة عالمية .. ويجيبون لنا قوات صديقة يطلعونا من المكان ..
وسوون لنا نداءات .. وتحقيق مطالب ..


على جذيه بنشوف صورنا بالجرايد والتلفزيون

يا سلام مشاهير ولا عندنا خبر
عيل يالله من الحين نفك خيمتنا ونرحل للحدود


ايش رايج؟
a
ملوووووكه شهيتيني

جعل الضحك دوووم ياقلبي الجوري
وحقك محفوظ واليوم سويت لكم ( مكرونه مع صلصة - توست باللحم - خبز بالدجاج والبطاطس - عش النحل - كفتة بطاطس - حلى البسكويت - سلطة الكوكتيل - ومطبق - جلي - للقيمات )
عاد القيمات اليوم شكلي نصكيت بعين هههههه رجعت لسالفة الحيونات لاني من العام ماجهزت عجينة القيمات واليوم مشاء الله بدعت فيها
الباقي ماعليهم كلام الحمد لله لقيت مديح وإطراء أحم أحم
صورتهم متى ماقدرت أنزلهم راح أنزلهم بالمطبخ (أقصد بركن المطبخ


ماشاء الله عليك
عقباااااااااااااااالي

--------------------

شجونه

عقبالج يالجوري بس نصيحه لا يصكج احباط
وتتهاونين وتقولين صعبه انا اول مرة جذيه
ومليت وبعدين قلت لي متى يا انا يا هاللقيمات
ولوعت جبد اهلي كل حزات العصر ما اسوي
لهم حلو مع القهوة الا القيمات وهم صابرين
ههههههههههههه ليمن عرفت لها
عدددددل مددددددل ...
وعقباااااااااااالج يالله بعد اسبوع
ان شاءالله بشرينا عن النتيجه وشنو
صار للقيمات عقب العلاج الطبيعي ...


مافي اي احباطات وتعدلت اللقيمات ولله الجمد

بس احيانا تطلع لها قرون احيانا بس خخخخخخ

طبعا بعد العمليات التجميل

--------------------------------

سهرات

الله يضحك سنك

شي بصراحه

انا برابط ماعلي منهم

حتى لو جابو المدفع

خخخخخخخخخخخخخخخخخخخ
م



ياعمري يالمها
تصدقين عاد مابقى شئ من الفطور قلت بدز لك اللي بقى لكن راحت علي نومه وماوعيت إلا وكل شئ طار وكلوه خبرك بنات الخيمه مايخلون شئ كل شي لفوه (عليهم بالعافيه) أنا أشك بسهرات من عقب الفطور وهي داشه طالعه من الخيمه ماتكون هي اللي كلته

ولايهمك بعوضك بالسحور
ماتتأخرين

بالعافيه عيوني الجوري 00 شدي حيلك وتصيرين شيف مره وحده ترا الطبخ مايباله شي <<< علمي نفسك

-------------
بخاطري سؤال لدول الخليج
سالفة المدفع اللي عند الفطور موجوده عندكم ولابس بالتلفزيون ؟؟
------------

بخاطركم الان بطلع من الخيمه واللي تقعد لنهاية الليل تكنس الخيمه وتقفلها أنا برجع عند الفجريه
في أمان الله

ولكم فائق تقديري وإحترامي
دمتم بخير
ا
بسم الله الرحمن الرحيم
السلام عليكم ورحمة الله وبركاته

مساء الخير والورد على الحلوات اللي مبسطين في الخيمة الرمضانية

هلا والله بالمرتحله

ضحكتيييييييييييين مووووووووووت

تصدقين قاعده اتخيل شكلها شلون طلعت بس مدامها منك اكيد حلوه


لا يا عيوني يا الجوري تكفين طالبتك لا تتخيلين :no: شكلها ترى بتكرهين شيء اسمه لقيمات:sad:


سهرات يا زينها من لقافة إلا بتخلي الانسان يبحث ويستفيد

أما لقيماتك سالفة .. وش كان شعورك يوم صارت بهالشكل ؟؟ بصراحة حسيت فيك كسرتِ خاطري ياعمري ..

تصدقين سهرات بغيت أصيح الا شوي:cry: تاركه الدنيا وراي وجالسه بالمطبخ والمصيبة إني كنت أيامها من المتابعات للمسلسلات في رمضان _ أيام الجاهلية طبعا - :eek2:وانقهرت :mad2:لأنها كانت تجي مسلسلة كويتية في وقت العصر وفاتت علي بس قلت معليش في سبيل اللقيمات ويالله أطبخ لا تطبخ واقلي لا تقلي وآخرتها ( جلد عجوز ومحترق ) حلوها عاد :think:

انزين رحولتنا الغاليه.. ما قلتيلنا ريلج شو قال؟ وام ريلج ما سألتج كيف طلعت؟؟

شفتي عيوني العنيدة مأساة بعيد عن السامعين وزوجي يا عمري ما تصدقون جلس يجاملني وأكل منها ويعني يعلق بأدب وما يعلم بحاله إلا ربي _ عجين ومحترق وش تتوقعون ) وهذاك اليوم من بعد هاللقيمات ماذاق شيئ وهو طالع وهو داخل يا بيرة يا سفن أب _ حسيت بتأنيب ضمير _ وأعلنتها صراحة قلت له شوف يا ابن الناس تبغى لقيمات رح عند الوالدة وكل عندها لقيمات لين تشبع ولا للقيمات في منزلنا من جديد :no:
أما خالتي سألتني مرة كنت عندهم على الفطور :eek2:وقدام زوجي وأبوه وأخواته وأنا الله لا يوريك الوجه أحمر وأخضر وأصفر :o:o:oعاد أنا مسوية نفسي شيء عندهم :cool2:ورحمني ربي إن زوجي جلس يمدح فيها ما يبي يفشلني وأنا ما صدقت سكت :pain:ويا دار ما دخلك شر أقصد _ ما خربت فيك لقيمات _:bigsmile:

الله يديم السعادة والفرحة علينا يارب ويزيد فرحتنا بتعجيل نصر المسلمين

اللهم آمين



أختكم
المرتحله
ا
بسم الله الرحمن الرحيم
السلام عليكم ورحمة الله وبركاته

الحين تعبت من الكتابه اذا ذكرت شئ برد وبخبركم به ان شاء الله

سلامة قلبك يا المها كفيتي ووفيتي معلومات رائعة عن سلطنة عمان وصلالة وروعتها ما تخفى على احد في هالأيام وشفنا لها صور شوقتنا بالفعل لزيارتها

يعطيك ألف عافية


هلا ملوكتي الغالية

مشاء الله عليكِ حبيبتي المرتحله أكيد اللقيمات طلعت معك غير شكل
هذا الطبق الوحيد اللي ماحد يفلح فيه من أول تجربه

أقول الظاهر أنا لا أول ولا آخر مرة


أنا الله يسلمك أول ماقرررت أشمر الأكمام وأسوي اللقيمات طلعت معي صور للحيوانات بطه خروف دجاج ... ومن هذا القبيل
بس الحين تعالي لا إله إلا الله باقي علي شوي وأخذ جائزة نوبل للقيمات


:up: ما شاء الله عليك عيني عليك باردة شرهتك على اللي كررها مرة ثانية

لا ثم لا ثم لا للقيمات


ضحكتوني حسبي الله على بليسكم
على سالفة اللقيمات ......
يعني كلنا في البداية عندنا فيها اعاقة
وتشوهات خلقيه هههههههههههههههه

مملكة انا نفسج تخرج بشهادة امتياز
ولله الحمد ...


هلا توأم روحي شجونة

أي والله شر البلية ما يضحك ما شاء الله تخرجتي عقبال كل الراغبين في إتقان فن التعامل مع اللقيمات

وزين لقيتي أحد يصبر علا البلاوي لين حصلتي الشهادة


والله عاجبتني خيمتكم, بس ما يصير تحطون لها مكيف, متنا من الحر وتدرين على السوالف الواحد يخاف ينط له عرق من كثر الاندماج في الحجي, وتزداد نبضات القلب وبالتالي يتصبب الجسم عرقا, خبرج عاد هالاليه موجوده وبكثره معانا بالخليج.ههههههههه

اجيكم واحصل مكيفكم موصل بالخيمه زين يا شجونه<<<====طرار ويتشرط


:pain: وأنا أقول ليش سهرات تقول حافظوا على نظافة الخيمة أتاري الدعوى فيها ........................

حسبي الله على شيطانك يا المها


عاد القيمات اليوم شكلي نصكيت بعين هههههه رجعت لسالفة الحيونات لاني من العام ماجهزت عجينة القيمات واليوم مشاء الله بدعت فيها
ملوكتي تراني ما صكيتك عين توني أقرأ ردك ( برئ يا قاضي ) دوري اللي صكك واحنا بنتصرف - ولا يا بنات وش رايكم :think:

خذي يالجوري الشعر ..
يالجوري يالجوري
ياورد بخيمتنا منثور(ي)
عسى يومك دوم
بالطاعات معمور(ي)
وتسوين لنا طبخات
وحنا نلف وندور(ي)
هههههههههههههههههههه ( شعر ولا أحلى ) خخخخخخخخخ

سهورة الديوان صادر صادر الله لا يعوق بشر واحجزي لي أول نسخة :salam:


كييييفكم بنــــات اشتقت لكم كذاااااا شجووووووونة عاملين ها الجمعة الحلوة و ما عزمتووووني زعــــلت خلاص صـــالحوني<<<<<< خخخخخخخخخخخخخخخخخخخ

أووووكيه ســامحتكم <<< هههههههههههههههه مصدقة نفسها

شـــوفو أنـا الحين لازم أروح أراجع شوي غدا راح أكلمكم عن الأجواء عندنا هنا في بلجيكا تدرووون أحس بشي غريب لما أشوف أجنبي يـاكل <<<<<<قلت غدا تخبرييييهم يا بنت

شجوووونة إنتظريني غدا إن شاء الله و ما تنسي تصالحيني ههههههههههههههههههههههههههههههههههه


حياك لحن المشاعر والظاهر السلاحف كثروا هاليومين وعتبك على السلحفاة الأم هي اللي ما خبرتك وين مكان الإلتقاء بعد انطلاقنا الأخير

عموماً ننتظرك بفارغ الصبر

والله يصبركم على الغربة



شوفي ماعندي مانع ارابط على الحدود بس تحطون لي خيمة زي هذي ونجمع فيها بنات المنتدى كلهم ..
صدقوني راح كلكم ترابطون فيها وماتردون لديرتكم ..
فيه أحسن من خيمة .. ولمة بنات .. وسواليف .. وطبخ ..

وبعدين تصير مظاهرة عالمية .. ويجيبون لنا قوات صديقة يطلعونا من المكان ..
وسوون لنا نداءات .. وتحقيق مطالب ..
وحنا معتصمين .. ومرابطين .. وما احد يقوانا .. ( بنات آخر زمن ) مستانسين بالسوالف
توته توته .. خلصت الحتوته
كأني صدقت نفسي ( بس تعالوا نجرب ) ههههههههههه

:clap: سهورة سيري ونحن من وراءكِ ترى الحرمة إذا حطت شي ببالها تسويه وما أحد يقدر عليها ( إن كيدهن عظيم )

أسأل الله إن لم يكن لنا لقاء في هذه الدنيا أن يجمعنا في الآخرة




أختكم
المرتحله
e
هلا المرتحله

شفتي عاد انا اجيب لكم اراء لتطوير الخيمه مثل وجود المكيف

ورحمني ربي إن زوجي جلس يمدح فيها ما يبي يفشلني وأنا ما صدقت سكت

اقول المرتحله لا يصكوج بعين بنات الخيمه ترى قليل رجال يسوون جذيه<<====عيونا بارده ومحطوطه في الفريزر لا تخافي
ههههههههه
مملكة القلوب

اتريا السحور من عندج<<====ولو اني ما اتسحر دايما,
بس طبخاتج شهتني,

تدرون ما احب اللقيمات وايد, يعني ما اكل اي شئ اللي اشوف شكلها مشجع اكله<<====اسوي لهم فرز قبل واختبارات واللي يعدي يتاكل.خخخخخخخخ
بصدق, اخر مره اكلت فيها لقيمات يمكن من سنوات,, مو اني ما احبها بس عادي معي,,اذكر ايام الطفوله كنت ما احبها حتى قبل لا اجربها واذوقها<<=====تحكم من البدايه
حتى اذكر مره امي كانت تحاول فيني اكل الشمام, تعرفون الشمام اكيدظو نفس المسمى اتوقعه في دولنا, حضرتي ما كنت احبه بالرغم من اني ما عطيت نفسي الفرصه اني اذوقه, وهذاك اليوم امي شمرت عن ساعديها<<<-=---حلو شمرت صح
المهم وحاولت فيني, بكل سبل الاغراء, سوت لي دعايات يومها, واكلت منها واذكر كنت مغمضه عيوني وفجاه فتحتهم وابتسمت لامي وقلت لها ايوا حلو, ههههههههههههه
نفس الحال للرطب,, والله كنت اتشرط الحين كل شئ قدامنا ناكله الحمد لله والشكر على النعمه

الجوري وين طبخج؟
الفطور عليج لا تنسين؟ نترياج في الخيمه
e
بالنسبه لسؤال مملكة القلوب

فما عندنا المدفع اوقات الفطور لكن يضرب المدفع لما يشوفوا هلال رمضان
م



صباح النور والسرور لأحلى بنات الخيمه

أوه رحوله معنا مشاء الله 00 ماكو دوام ؟؟
ملوكتي تراني ما صكيتك عين توني أقرأ ردك ( برئ يا قاضي ) دوري اللي صكك واحنا بنتصرف - ولا يا بنات وش رايكم
بريئه ياقلبي
ولو أنك كنتِ موجوده قبل ما أخبز اللقيمات كنت حطيتك ضمن القائمه ( اللي صكتني بعين ) هههههههه
ما أمداني طريت جائزة نوبل إلا وذيك اللقيمات اللي تبيض الوجه أحمد ربي أن أبوي مسافر لشغله كنت ماتفطرت من الفشله

جلد عجوز ومحترق ) حلوها عاد
يماااااااااااامي
عندنا وعندك خير ياقلبي أنا مره زهقت منه مو جاي يتكور قررت أسكبه كله بالدهن
ياختي يعقد في البدايه

مملكة القلوب
اتريا السحور من عندج<<====ولو اني ما اتسحر دايما,
بس طبخاتج شهتني,
مهاوي عيوني ذا الحين حنا على وش الصبح خلاص طاف السحور
ولايهمك بكره عازمتك على الفطور <<<<<<< الظاهر ماكو عزيمه إلا بأخر رمضان

تصدقين أختي
أنا مثلك بالضبط في أشياء كثيره ماحب أكلها لكن عقب التخصص اللي درسته بالجامعه عدلت أشياء كثيره من أنماطي الغذائيه
وفي أشياء الى الان ماني متقبلتها

بالنسبه لسؤال مملكة القلوب
فما عندنا المدفع اوقات الفطور لكن يضرب المدفع لما يشوفوا هلال رمضان
أهااا مشاء الله
طيب وباقي الدول ؟؟


ولكم فائق تقديري وإحترامي
دمتم بخير
ش
صباح الخير على الحلوين
ماشاءالله الخيمة عامره دوووم يارب
سامحوني يالغاليات طولت عليكم
بس اعذروني ظروفي اقوى مني
وبرد على الجميع ان شاءالله ..
طلبتكم ادعولي ...
م



معذوره يالغاليه
وفي إنتظار عودتك بس مو تطولين

وربي يوفقك دنيا وأخره

ولكم فائق تقديري وإحترامي
دمتم بخير
X