@ الخيمة الرمضانية * مع شجونة الحلوة@

شجونة الحلوة 03-10-2005 534 رد 30,580 مشاهدة
a
[grade="00008B FF6347 008000 4B0082"] السلام عليكم ورحمة الله وبركاته

مبارك الشهر عليكم وعلينا

مشكوره حبيبتي شجونه ع الفكره

بالنسبه لعادات عايلتنا
احنا بعد الاسبوع الاول من رمضان تقريبا تبدا العزايم

يعني كل يوم في بيت نجتمع من بعد الساعه 9 باليلالى الساعه 1 تقريبا
واذا كانوا من القريبين مره مثل عماني او خوالي نروح نفطر عندهم

وفي ايام مثل الاثنين والخميس نتجمع في بيت لتحفيظ القران وحفظ احاديث0000

وبالنسبه للاكولات المشهوره بعاليلتنا

الشوربه - السمبوسه -الاصابع -اللقيمات - الفلافل - الفطاير - الشفوت - غير الحلى المعروف

وانا توني اتعلم الطبخ
اليوم سويت الحلا (( الجلي- والكريم كرامل - ))
وسويت مع امي الشوربه توني اتعلم يعني بس اقطع معاها


لي عوده يالغلا
وكل عام وانتوا بالف خير[/grade]
&
فكرتك حلوه وطبعا الحلو مايجيب الا الحلو
خليني اقول عن يومي الاول
انا طبعا ماداومت في الجامعه(استفتاحية خير)وشكلي ابربطها ببكره :clap:
لان جامعتي بعييييده عن بيتي(حلوه بيتي هي بيت اهلي بس يعنني مثل المتزوجات وش هم زود عننا):D2
اما الحين دخلت للنت وباقي نصف ساعه على الاذان دخلت اشوف اخباركم وراجعه للسفره والطبخ
ولاتساليني وش طبختوا لاني مابعد دخلت المطبخ :o
لاني توني قايمه من النوم:shy:
الله يهديهم اهلي خلوني لاني شوي تعبانه
اما بالنسبه لعادتي انا اوهلي لان السعوديه كبيره وكل واحد له عادته
انا بالنسبه لاهلي ابفطر باذن الله الحين وبعدين جلسه مع الاهل لاننسا انه يتخللها طقاق مع البزران وتهاوش بعدين بروح اصلي التراويح
بعدين ماادري وش ابسوي
طبعا حريصه جدا هالشهر اني اختم القران كم مره لاني ختمته مره في كل شهر وهالمره رمضان بازيد عن بقية الايام
قصية قصة حياتي
ولي ايام اخرى اذا ربي احياني ادخل واقص لكم فلمي الهندي
أ
سلاام عليييكم ورحمة الله وبركاته

شجوونه .. موضوعج very nice تعالي مس انجلش شوفيني لوووووووووووووول

اول يوم رمضاان كان عاادي .. رحت المدرسة عالساعة 8 وثلث وحضرنا طابوور الصبااح ... والله متفجين حد يسوي طابور في رمضاان ؟؟؟ عجب !!
وبعديين كان علينا امتحاان عربي ... شجوونه سمعتي ؟؟((عربي)) ولاتتساليني شو سويت ..

وبعدين مر اليووم وحسييته طويييييييييل مع انه كان قصيير .. فهمتوا شي خخخخخخخخخخخ

وبعدين رديت البيت نمت ساعتين وبعدين قمت .. ورحت المطبخ ..(( حدث تاريخي بنفسوجة في المطبخ ))اشوف امي شو تسوي .. ساعدتها الين ما اذن المغرب وبعدين حطوو الفطوووور


يااسلام .. اليوم كانوا مسوين هرييييييييس ( اكلة شعبية وعلى فكرة تراها اكلتي المفضلة .. بس لاتسالوني عن المقادير .. مااعرف ))
وسولنا ثرييييد وفتووش وشوربة وسمبوسة ومهلبية ....و Fruit salad

وبعدين رحت شويه ادرس والحين يلست عالنت .. وبعدصلاة التراويح بروح بيت يديته بسلم علييها وبباركلها بالشهر .. حد يبى ايي وياي ..لوووووول

هذا باختصار كييف كيف كان اول يوم رمضاان ..

ولي عودة ان شاء الله .. عشان اخبركم بكل يديد ..

بنفسوجة
أ
العنيدة طرشيلنا من البرياني اللي سويتيه .. ابى اطعم .. بس ياويلج لو ياني تسمم ولا شي ..
اقول .. اطعميه انتي اول شي لو ما ياج شي خبرينني عشان اطمن ... واكل وانا مطمنة لوووووووول
P
[grade="00008B 00BFFF FFA500 4B0082"]قمت صليت الظهر ورجعت نمت شوي [/grade]
[grade="00008B FFA500 00BFFF 4B0082"]ماحلاااااااااااا النوم[/grade] :cool2:
يعني كلكم نايمين


[grade="00008B 00BFFF FFA500 4B0082"]دخلت المطبخ ساعدت امي سوينا شوربه
سمبوسه دونات تبوله حلا

ااذن المغرب فطرنا اللهم لك الحمد

رجعت ابغى انام بس قلت الحين ادخل النت اشوف البنات شمسويين

والحين بروح اتجهز على شان ابغى اصلي التروايح

وبكره نلتقي لا ليش بكره الليله اذا مداني لاني بسوي السحور (a)

انا طباخه مااااااااااهره ومعروف عني هالشي خخخخخخخ

لا ماهره ولابطيخ بس بسوي السحور بسويه عجبهم ولا ماعجبهم لان براسي اكله قريتها من اختنا RoOoOmy_M

ونفسي اسويها لأهلي

ومع السلامه [/grade]
س

كل يوم رمضاني وأنتم بخير ..
هلا بالسلاحف .. الله يكثرهم .. هههههه
ولا تخافين رومي الخيمة أمان .. بس ياليت مادام ما عندك شيء كان تسوين لنا طبق وتخلينه بالخيمة وحنا بالليل نسهر عليه ..

بنفسوجة إذا وصل برياني العنيدة .. لاتخلينا ربعك ..

أشوف الجماعة متحمسين عالطبخ من أول يوم ..
نبي عقب كم يوم .. وش راح يصير.. ؟؟

المهم اليوم عدى ما باقي إلا بكرة وبعده إجازة الاسبوع
ياخف دم يوم الأربعاء ..!!
بس بصراحة اليوم روعة كونه أول يوم والناس يهنون بعض وفرحانين
ليلة سعيدة ومباركة ( ما أدري منهم بناته ) هههههه

مشكورة حبيبتي شجونة على الجلسة .. نبي نعرف أخبارك اليوم ..
e
كل عام والجميع بخير

رجعت لج يا شجونه اخبرج باول يوم من رمضان

طنشت الجامعه اليوم عشان احس انه في شئ غير بعيد عن الروتين.
المهم
طبعا اليوم كان كلش غير, لان صوت القران ما توقف من الشقه, والصلاوات كانت في وقتها, تدرين على الدراسه تتلخبط الاوقات في مرات نشتغل على اجهزه تكون محجوزه وما تفضى الا في وقت صلاة الظهر مثلا ومرات المختبر ما يخلص الا على نهاية صلاة العصر فعشان جذيه طنشت اليوم, وان شاء الله هالسنه بتكون غير لاني تقريبا خلصت دوام بالجامعه فراح تنتظم مواعيد الصلاه ان شاء الله , الله يكون في العون على الايام الجايه. دعواتكم.

بعد اداء العبادات وقراة القران والحمد لله رحت المسجد قبل صلاة المغرب بساعه, عشان احس بنفحات روحانيه, تدرين هنا ممنوع صوت الاذان يطلع للخارج فما نسمعه الا اذا كنا بداخل المسجد, رحت الحمد لله وتحسين بعزة الاسلام لما يجمعنا جاليات مختلفه وجنسيات مختلفه تحت مظله وحده وكل وحده تبتسم للثانيه وتسلم عليها

الحمد لله فرحت من كل قلبي لما سمعت صوت الاذان
الامام كان سعودي والله فيهم الخير اثنين من اخوانا السعوديين يجون هنا كل سنه عشان ياموا الناس لصلاة التراويح.

اتمنى اقدر اروح صلاة التراويح هنا ما عمري رحت صلاة التراويح وانا هنا ببريطانيا متعوده اروح لها وانا بعمان, السبب ان المسجد بعيد عني يحتاج لي اخذ باص في حدود ربع ساعه اذا كنت ملحقه على الباص في نفس الموعد والا اضطر انتظر لمدة نص او ربع ساعه غيرها عشان اخذ غيره, وثانيا اكيد تخلص التراويح متاخر بعد العشاء والوقت يظلم معانا بسرعه وانا لوحدي في هالغربه فما اضمن بصراحه. وربي يسامحني, اهم شئ اصلي فروضي وعسى الرب يتقبل.


المهم صلينا المغرب واحنا بالمسجد لما تبدا الاقامه يكون موزع بالصاله تمر نفتح بيه فطورنا. بعد الصلاه الناس راحت تفطر بغرف مخصصه جنب المسجد للمصلين, يكون مجهز الفطور للمسلمين, بس انا كنت مخططه اطبخ وكانت زحمه وايد بالمسجد. المهم خذيت الباص ورجعت للشقه وطبخت مكبوس دجاج , يمممممممي وايد حلو


والحمد لله

هذا كان اول يوم لي
ا
بسم الله الرحمن الرحيم
السلام عليكم ورحمة الله وبركاته

ما اشاء الله خيمة وفي رمضان ومع أحلى بنوتات المنتدى

أسأل الله أن يرزقنا صيام وقيام هذا الشهر وأن يتقبله منا وأن يرزقنا العتق من النار

سهرات إذا أنت سلحفاة أنا وش أصير

عموماً

موضوعك رائع يا شجونة وفرصة لتبادل الخبرات ولا ننسى التذكير بواجباتنا تجاه هذا الشهر الكريم

بالنسبة لي أختكم في الله أخذت استثنائي في هالشهر - بتفرغ للطبخ في رمضان - ( اللهم لا تجعل بطوننا أكبر همنا )

واليوم الأول صحيت الساعة 9 وكان عندي شغل في البيت وخلصته وطوالي رحت عند الأهل الله لا يحرمني منهم وأفطرت عندهم وفطور الوالدة أسأل الله أن يحرمها عن النار ووالدي وجميع المسلمين شيء خيالي ( الشوربة - السنبوسة - السلطات - البتزا - الفطائر ) كل ما لذ وطاب وخلال هالفترة استغليت الوقت في ذكر الله ومراجعة القرآن ثم انجزت بعض أعمالي

أما اليوم الثاني فأنا معزومة عند أهل زوجي - وحده ما تنعطى وجه

واليوم الثالث يا ربي لك الحمد يوم الخميس وأنا متعودة يوم الخميس لازم أكون عند أهلي وبعده الجمعة كمان عند أهلي لأني أنام عندهم ( تراني قاطه معهم في البيت لا تحسبونه بلاش )

وإن شاء أوافيكم بأخباري يوم السبت إذا الله أحيانا واتمنى إن الغمامة اللي عندنا تنزاح عشان نعرف نكتب الاخبار المهمة

وسلامتكم

أختكم
المرتحله
م



مشاء الله الحبايب تجمعت
أدري قلت بجمع أنفاسي وأرد وبالتالي ختفيت
مو عارفه أحك شعر راسي من ضيق الوقت بالأخص اليوم لان جدولي شوي تلخبط عن الفطر المسؤليه زادت مشاء الله
والمطبخ اللي حايسه فيه حوس <<<< هذا اللي مايتعلم ويدخل على طول

على العموم أنا الحين طالعه أقوم بشئ ينفعني دنيا وأخره
وعقب صلاة الفجر بإذن الله لنا عوده
وللحديث بقيه

ولكم فائق تقديري وإحترامي
دمتم بخير
s
كل عام وانتم بخير صراحه انا صلحت شوربه وصلاته ومعكرونه وبطاطس وفطرت انا وزوجى ربى مايحرمنى منه وانا كل رمضان مع بعضنا لافى اهل ولافى شيئ الان اهلى بسوريه فطرنه وبعدين صلينه التراويح مع بعضنا والحمد لله والساعة 10 جت جارتى وجلسنا وسولفنا وتقهوينا و بعدين راحت ونيمت الاولاد وسهرت انا وزوجى واستمع على قرائته القران وربى يحفظلى زوجى قولو امين :clap::shy::salam:
م



مشاء الله طلعت ورجعت والخيمه تصفر ماكو أحد
تسلمين عيوني شجونه على ذا الترحيب توني أشوف ردك

ياطويلة العمر 00
أول تجربة لي بالمطبخ كان وأنا بصف الثالث متوسط صغيره لكني كنت أحب الطبخ والمطبخ بشكل مو طبيعي عسى ماقالت أمي بسوي هذا إلا ونطيت وجهي وقلت أنا أسويه عنك ( سبحان الله هذي الصفه ورثتها بعدي أختي الصغيرونه اللي في إبتدائي )
المهم كان بدايتي حدي ( جلو .. وأمسك خلاط الكيك هااا بس امسكه يعني أني أنا اللي مسويه الطبق .. وأحرك البصل على النار والطماط .. الخ )
تدرين الوالده وش كانت تقول لأبوي؟؟؟ اليوم بنتك هي اللي طبخت وهي اللي سوت علشان تشجعني عقبها تحمست للطبخ أكثر
لكن عقب قل دخولي لمن دخلت الثانوي وتراجعت للورى وأنا الحين أحاول أتقدم وان شاء الله نفلح

أطباقنا المشهوره على السفره
( هريس .. مرق .. مكرونه .. لقيمات .. الشورب .. سمبوسه .. بيتزا .. سلط ) هذا بشكل عام غير التوابع وخرابيط الكتب
وأنا تخصصي حلويااااااات شئ مايدخل في شغله فرن وتزيين الأطباق (تراني أتيكيت الله يسلمك )

وعندنا عاده مادري عندكم ولا لا ؟؟
وهو توزيع بعض من أصناف الطعام بين الجيران
يعني بعد مانجهز الأكل ناخذ من كل طبق ونوديه للجيران أو الأهل لو كانوا ساكنين جنب بعض

هذا اللي حضرني الأن وبس أتذكر زود راح يكون لي عوده
وعلى فكره عيوني 00 مو أنا اللي أحترق؟؟ الطبخ هو اللي يحترق ( بعيد الشر عنك الأخت نسايه بشكل مو طبيعي )
يعني توني أحط الشغله وأنساها على النار وتوني اليوم كنت بحرق عجينة البف بستري بالفرن مشاء الله علي نسيته بالفرن لولا أمي ووجودها في الوقت المناسب كان أحترق
ويوم كانت هي معزومه مع الوالد الأخت تفننت بالطبخ والكوراسون فحمته بالفرن أسووووووووووود من زود الحرق ( ربي يهديني )
وتسلمي عيوني على الموضوع
أدري سويت مسلسل من ردي

ولكم فائق تقديري وإحترامي
دمتم بخير
ش
هلااااااااابج زووود قلبي ميمو ..

وتسلمين على هالكلمات الحلوة والله يتقبل
يارب منا جميعاً ولا يجعلنا من المحرومين


اتصدقين تونا اليوم انسولف بالموضوع هذا
فعلاً ياليت ايوقفون الدراسة في شهر ارمضان
عشان الواحد يتفرغ للعبادة وانا سمعت عندنا
بالكويت مقدمين اقتراح انه اجازة الربيع
ايخلونها لنا برمضان يعني ما كو اجازة ربيع
والله اعلم ..

ولا تطولين علينا يالغلا حضورج يكفينا
وتسلمييييييييين ياعيوني على هالطله
الحلوة ..

نحن بانتظارج ...
لج شكري وتقديري
أ
سهرات
خلييه يوصل قبل .. العنييدة وين البريااني .. لا يكون كليتيه رووحج


[line]

الساعة 8 و14 دقيقة صباحا بتوقيت الامارات
ثاني يوم رمضاان
اول مرة ادش المنتدى في هالووقت .. لا ويالسة بمريول المدرسة بعد لوووووووووووووول
المهم ....
اليوم المسا ان شاء الله بخبركم كيف كان ثاني يوم رمضان ..

الحين برووح المدرسة .. يالله مع السلامة
بنفسوجة
س

صباح رمضاني جميل .. على الحلوات في الخيمة
هلا بالغالية .. المرتحلة ..
وما أكثر السلاحف حين تعدهم ..ّّ!!
ويوم تقررين تطبخين ببيتك .. قولي لنا نفطر معاكم ( هذي والله قطت الوجه من جد ):o
بس معليش نمون .. ( أي ميانة ):eek2:

شكلنا كل سوالفنا في الأكل والطبخ .. وش رايكم بهالكاركاتير


وعن خاطري شوفوا بعد هذا ..


والطبخ تون الناس عليه .. ويحلها ألف حلال
كل لإفطار وأنتم بصحة وعافية ..
وحافظوا على نظافة الخيمة إلى أن نعود ..
R
صبحكم الله بالخير ياللي مداومين صباح بالخيمة

ياحلوكم وحلو سوالفكم

انا ودي اسولف بعد بس مالي خلق وراسي يعورني
نفسي في القهوة

ما أقدر اعيش بدون كوب النيسكافيه من الصباح وهذا اصعب شي علي في رمضان

مايقول الله أكبر الا وكاسة الموية عندي وموية القهوة تغلي على النار

ادمان بعيد عنكم

لي عودة
ا










صباح الفل والياسمين عليكم جميع

صراحة اليوم المود طالع رخصة .. توني طالعة من اجتماع وبدخل اجتماع ثاني بعد ساعة
لوعو جبدي هالأجانب يرغون كأنهم مكاين .. يعني ما يدرون إن الناس صيام ومالهم خلق للحجي !

شخباركم مع اول يوم برمضان !!
بالنسبة لي كان يوم سهل والحمد لله رب العالمين الصيام كان حلو ومافي جوع ولا عطش

وبالنسبة للافطار امس كان .. سيد الأكلات برمضان .. ثريد
صالونة لحم وخضار مع عيش أبيض وخبز لعشاق الثريد
سلطة إيطالية والحلى بسبوسة وكراميل










http://go.3roos.com/3ItVSaZxBqI[img][img]


&
ماشاء الله عليك مملكة القلوب
تحبين الطبخ
الله يزيدك من عنده
انا اذا احد يبيني اتعكنن يقولي ادخلي المطبخ
واذا طبخت صارت حفله وعلى قولة امي بيضة ديك
واذا طبخت تعالي شوفي المطبخ عقبي تقولين ذابحه ذبيحه وطابختها ومافي شئ بالدرج قاعد
اما بخصوص عادة تبادل الاكل مع الجيران فهذي عندنا لازم
واما مع القرايب للاسف مافيه احد قريب عندنا من قرايبي
واليوم ابشركم مارحت للجامعه
صراحه راحه نفسيه
ماشاء الله على الي ماعندهم دوام والله انكم في نعمه ماتحسون فيها
وعاد اليوم مقرره ادخل مع امي المطبخ
عشان مايقولون اختها الي اصغر منها دخلت وهي قاعده متكيه
هذا يومي
m
السلام عليكم ورحمة الله وبركاته

كل عام وانتم بخير
وشخباركم مع رمضان وكم عدد الطبخات اللي حرقتوهم ..
مشكوره شجونه على الموضوع اللي ما قريته كله ..



milk..
ش
السلام عليكم ورحمة الله وبركاااااااته
حياااااااكم ربي جميعاً ونووورت الخيمة
بوجودكم وحضوووركم ويا هلا فيكم
جميعاً ..
اخواتي الغاليات اسمحوا لي بأن اضع لكم
هذا الموضوع وهو يتكلم عن بلدي الكويت
وعن رمضان فيها وسأعود بإذن الله للرد عليكم
جميعاً .
.

بسم الله الرحمن الرحيم

السلام عليكم ورحمة الله وبركاته

اسمحوا لي بأن ابدأ معكم وأصحبكم في ضيافة بلد

غالي على قلبى وعلى قلوبكم بعد وهي بلدي...


دولة الكويت







الكويت، وعاصمتها الكويت تقع ما بين العراق و المملكه العربية السعودية .
يقدر عدد نفوس الكويت بموجب البيانات ألإحصائية لعام 1999 ب 1.991.115 نسمة.

يتمركز العدد ألأكبر من السكان حول المدن القريبة الواقعة على طول ساحل الخليج العربي .

اللغة العربية هي اللغة الرسمية للبلاد بالأضافة الى أستعمال اللغة ألإنكليزية بشكل واسع .

الديانه :يدين الكويتيون بالديانه الاسلامية 100%



رمضان في الكويت

يكتسب رمضان في الكويت مذاقا خاصا، يحرص من خلاله الكويتيون
على إحياء تقاليد وعادات توارثوها من أزمنة بعيدة عن الأجداد
و نكهة خاصة وأجواء روحانية في ظل ترابط اجتماعي متميز .


مائدة رمضان

تحتفظ موائد الكويتيين منذ عقود من الزمان بأطباق مختلفة،
واصلت الأجيال المتعاقبة من سكان الكويت المحافظة
على معظمها حتى وقتنا الحاضر.

ومن أهم هذه الأطباق وهى بمثابة أطباق رئيسية نادرا ما تخلوا منها
الموائد التي تقدم في شهر رمضان، «الهريس» التي تعد واحدة من الأكلات
الكويتية المعروفة خلال هذا الشهر والتي تشكل طبقا رئيسيا وأساسيا فيها،
وهى تصنع من القمح المهروس مع اللحم ويضاف إليها عند التقديم السكر الناعم
والسمن البلدي والدارسين «القرفة» المطحونة.

ولا تخلو موائد الإفطار في البيوت الكويتية من أكلة التشريب
التى هي عبارة عن خبز الخمير أو الرقاق مقطعا قطعا صغيرة ويسكب عليه
مرق اللحم الذى يحتوي بالغالب على صنفين هما القرع والبطاطس
وحبات من الليمون الجاف الذي يعرف ب(لومي) الصحاري الذي يتم جلبه
من سلطنة عمان حيث يفضل الصائم اكلة التشريب لسهولة صنعها وخفة
هضمها على المعدة ولذة طعمها.
ويعتبر الجريش من الاكلات الشعبية المفضلة في شهر رمضان حيث يطبخ من القمح
وكان الكويتيون قديما يقولون صالح مالح ما يحب الا الجريش لقمته
في العيش كبر المنصبة.

اما اللقيمات فهى من حلويات شهر رمضان وتعرف بـ (لقمة القاضي)
وتعمل من الحليب والهيل والسمن والزعفران والعجين المختمر وتقطع
لقيمات وتلقى فى الدهن المغلي حتى الاحمرار ثم توضع فى سائل السكر او الدبس.

وهناك اكلتا البثيث والخبيص وهما اكلتان شعبيتان غالبا ما تقدمان
فى شهر رمضان وتصنعان من الدقيق والتمر والسمن.
ومن حلويات شهر رمضان قديما فى الكويت اكلة الساغو وهى
تشبه المهلبية وتسمى الماغوطة ويدخل فى تركيبها مسحوق
جمار جوز الهند عوضا عن النشا وسميت ماغوطة لان سائلها مطاطي.

واهم ما يميز هذه الحلويات نكهتها ومذاقها الطيب ورائحتها المميزة
فكان يدخل فى صناعتها الهيل والدارسين والزعفران وهى مجموعة
من البهارات الحلوة المذاق

وايضا القهوة الحلوة وهى عبارة عن الزعفران المغلي بقليل من السكر.
وقد اعتاد اهالي الكويت فى السهرات الرمضانية بالماضي وبالأخص فى
الدواوين التي تستمر فى استقبال روادها إلى ساعات متأخرة من الليل
إلى تقديم أطباق خاصة من الأكل تعرف ب(الغبقة) وتختلف بالشكل والنوع
عما يتم تقديمه في الوقت الحاضر حيث يتم الآن تقديم وجبات دسمة
وفى ساعة متأخرة وبوقت يقارب السحور.
أما فى الماضي فكانت الغبقة تقدم بوقت لا يزيد على الساعة
العاشرة مساء وهى تحتوي على أصناف شعبية خفيفة مثل
الباجلا والنخي والمحلبية وخبز الرقاق بالإضافة إلى تشكيلة
منوعة من الحلويات الشعبية مثل الزلابية واللقيمات والغريبة وبيض القطا.

ليلة القرقيعان



في منتصف شهر رمضان من كل عام، كان الأطفال في الكويت
يجولون على المنازل وفي أيديهم "أكياس" يملؤونها بالحلوى والمكسرات،
وهو ما يعرف بالقرقيعان.. الآن أصبح هذا التقليد سنويًّا،
ولم يَعُد مقتصرًا على الأطفال بل يشارك فيه الكبار،
وتقام له الاحتفالات وتوزّع فيه أكياس "القرقيعان"
على الجميع ابتهاجًا وفرحًا بأيام وليالي شهر رمضان الجميلة.

ليلة القدر


تحظى ليلة القدر بمكانة خاصة لدى الكويتيين؛ حيث ينتظرها الآلاف
منهم كل عام ليتجمعوا في المساجد داعين الله أن يفرج
الكروب ويدفع الشرور عن بلادهم.

ويستعد الكويتيون لإحياء ليلة السابع والعشرين بالمسجد الكبير
بالعاصمة الكويت حيث يزيد عدد رواده من المصلين على40 ألف مسلم.

لكم منى اطيب التحايا
(
السلام عليكم ورحمة الله وبركاته

اختي شجونة الحلوة

كل عام وانت والجميع بصحة وعافية وجعلنا الله واياكم ممن يتقبل صيامهم وقيامهم

اختي دائما ما اجي متأخرة وتضيع علي اجمل المواضيع وأذا انت يا أختي ياسهرات سلحفاااة اجل وش اقول عن نفسي

سلحفاة معمرة متأخرة ومخررررررررفة

بالنسبة لي بهالشهر ما افضي على قولة اهلنا ( ما اقدر احك راسي من الشغل)

اولا الدوام بعده ابو العيال والعيال الله يصلحهم مدوخيني كل واحد له طلبااات بعض الاحيان افكر

اهههههههههج من البيت :cry:

لا الطبخ مو مشكلة عندي لأن عيالي قرود :mad2: مايكلون الواحد كأنه دبوس تدورينه ماتلقينه

ذبحوني بس عيشتهم شـــــــبس

بديتها بصياح ونياح

لي عودة معك حديثنا حلوووووووو
X