@ الخيمة الرمضانية * مع شجونة الحلوة@

شجونة الحلوة 03-10-2005 534 رد 30,580 مشاهدة
م



صباح الكناري
البنت صبحت على تهمت أغتيال (( تجيك التهايم وأنتَ نايم ))
مملكة القلوب تتواجد في الخيمة في وقت مبكر والسهورة تتغيب أكيد في جريمة أغتيال
ملوكة بسرعة جاوبي كيف تم التخطيط لأغتيال السهورة
وفي أي ساعة تمت العملية
ماهي الأداة المستخدمة في عملية الاغتيال

أجل هذا جزاتي قاعده طول الليل بالخيمه وبروحي أدور عليها وأسئل عنها أكون أنا القاتله؟؟؟ أصلاً ماحدن فتقدها غيري ياباشا
ياحظرت المباحث 00 أنا أشوف أن أصابع الأتهام تتوجه الى شجونه !!!
أنا أقولك ليه ؟؟
الأخت تدخل وتتطلع بالطفره وتحاول تتغيب عن الخيمه يعني ماكو غيرها مرتكب الجريمه

أو في سبب ثاني
ماتكون أنصكت بعين لأني أمس أقولها داخله طالعه من ذا الخيمه

أو الجوري أو المها <<<<<<< كل شئ وارد
ترا ماتخافي إلا من الساكت

وينك ياشجونه ؟؟

ولكم فائق تقديري وإحترامي
دمتم بخير
ا
بسم الله الرحمن الرحيم
السلام عليكم ورحمة الله وبركاته

ملوكة حبيبة قلبي لا تزعلين ترى فيه استئناف وبعدين الوراق ما بعد كملت وأنا ما أشوف أحد من المحققين وصل

وعموما تراك من غير قصد حطيتي رجلنا على أول طريق للوصول للفاعل ماتكون أنصكت بعين لأني أمس أقولها داخله طالعه من ذا الخيمه

يعني التهمة لا تزال لازقة فيك

وشجونة بنحاول نتحرى عنها ووين كانت وقت وقوع الجريمة

وصباح الفل والورد والياسمين



أختك
المرتحله
س

صباااح الخيرات والمسرات ..
على كل السلاحف والبنات ..

خبر عاجل
القتيلة وصلت .. والمتهمين مازالوا على ذمة التحقيق ..
س/ من المخطط والمدبر ( يعني الراس الكبيرة ) لقتلي ؟؟
س/ لماذا أخفى القاتل أداة الجريمة من الموقع ؟؟
س/ من المشتركين في قتلي ( أنا أختكم البريئة ) ؟؟
( البنت صدقت انها قتية ) هههههههه

مشكورين حبايب روحي على سؤالكم ..
لكن لو تعرفون سر الاختفاء الغريب .. كان تضحكون ..
بس تدرون ماراح أقول .. مثل ماخططتوا لقتلي ..
راح أموتكم قهر .. وما أقول .. خخخخخخخخ

يالجوري ..
كل هالقصايد فيك .. وناوية أنزل ديوان بعد العيد من أجلك
وآخرتها تأكليني .. طبخاتكم الفاشلة ..
لا تخليني أقول أنك ..... والا مافيه داعي ..

المها ..
تسلمين على سؤالك .. اعرف أنك مو مع المتهمين لأنك مشغولة باللقاء
الجوري ما وراها سحور .. تراها خياش نوم ..ههههه
جوعتنا على الفاضي يوم فطور .. ويوم سحور .. وماشفنا شيء

ملوكتي ..
وين أيامنا الحلوة .. والعيش والملح ..
بسرعة نسيتيها .. ما هقيتها منك ..
لو أحد غيرك كان صدقت اللي يأكلون خويتهم ....!! فاهمة قصدي

المرتحلة
تسلمين ياعمري .. أبد أبشري باقي عندي الطبعة الأصلية للديوان راح أوصل لك إياها لباب البيت وقبل المغرب ( تبي عزيمة فطور ) هههههههه
لأن خبرك من زين الشعر ماراح ينطبع مرة ثانية .. خخخخخخخ
بس خلي بالك على الخيمة لأن اليوم بعهدتك .. توهقوني مع شجونة أشيل الخيمة وأزقلب الأغراض وأتعنى للنفحات .. وبعدين تفشلوني .. بس المشكلة إنا استانسنا على البراد والمكيف
هقوكم أبوداحم يرضى يعطينا المكيف إلى منا رجعنا للعام ؟؟

شجونتي يالحبيبة ..
عندي فكرة وش رايك تأجرين الخيمة على البنات في اللقاء نجيب لنا طباخة وشغالات ينظفون .. ومنة الله ولا منة خلقه ..
ذلونا الأخوات بطبخاتهم وآخرتها فاشلة كريمة وجلي ذايب .. ويقولون طباخات بعد !!
شكلكم ماذقتوا طبخي ياحلوااااات .. بس لما أعرف الجاني في قتلي ..

صباحكم ورد .. وألقاكم على خير .. وتسلحف جديد
ويا قاتلي أظهر وبان عليك الأمان
ش


هلااااااا فيكم جميعاً.
يسعد ربي مساكم ...

يعلكم العافية شخليتوا حق
اجاثا كريستي على هالاغتيال
والقتل انا من اليوم قايله فيكم
شي مو طبيعي يا اهل عروس
شفيكم قتل واغتيالات ومدافع
او اسلحة بيضاء الظاهر هذي
اخرت عمايل الصيام فيكم الله يستر
من اخر يوم لا نلاقي جنايز صج
بدال الاكل والشرب هههههههه
e
مملكة القلوب

أو الجوري أو المها <<<<<<< كل شئ وارد
ترا ماتخافي إلا من الساكت
لا تحاولين يا الطيبه كل اصابع الاتهام عليج, واذا تبين تصويت من بنات الخيمه احنا حاضرين<<<====الله على الوهقات بس
اما عني انا فبراءتي باينه مثل عين الشمس,تسلمين على سؤالك .. اعرف أنك مو مع المتهمين لأنك مشغولة باللقاء<<<====وشهد شاهد من اهلها, القتيله تكلمت وبراتني(بسم الله عليج) بس بيني وبينج يا سهرات خبريني بالسبب ووعد اني ما اخبر احد_______(حريم لا تاخذين مقلب فيني.خخخخخخخخ)

شجونتنا
والله ما تحلى الخيمه بدون طلتج, لما ما نشوفج ما تسمعي الا هذيج الويلات والبريكات من سيارات بنات الخيمه تكون متاخمه على حدود كل ركن يدورون عليج
بس ديري بالج اشم فيه طبخه عليج كانه مملكه تبي تلزق التهمه فيج الحين , ترى احنا طلعنا براءه, وتدرين السالفه فيها رقاب عاد قالت علي وعلى اعدائي<<---------الله عليكم يا الحريم بس.

رحولتنا
لا تحاتين , عندنا جميع الاعتبارات في طرح الاسئله ابتدأنا من اعتبار السن وانتهاءا باعتبار الارتباط, بس انتي شمري عن ساعديج والخيمه خلاص تفاهمنا على الاجار وكتبنا العقد.


اقول شجونه
صدق الصيام ماثر على البنات اخاف بدل ما تعيدون تحصلون جريمه بالخيمه وساعتها بيبدا كتاب القصص جميع الفبركات عشان تكون احلى مسلسل تاريخي او خليجي ما يهم المهم له متابعين طول الحلقه والفم مفتوح
ش
مرحبااا صبايا اعلااان هام على مرتادي الخيمة الرمضانية
في الساعة الثالثة والنصف التوجه الى الباصات وذلك في
رحلة الى دولة البحرين الشقيقة لانا معزومين على فطور هناك
عند اختنا ام الوله لا تأخرون .......
ها مو تقولون ما قلت لكم ......
اللهم اني بلغت اللهم فشهد .......



السلام عليكم ورحمة الله وبركاتة

اعزائى اليوم رحلتنا ستكون الى العزيزة

مملكة البحرين

رمضان في مملكةالبحرين

لشهر رمضان دلالاته الروحية والاجتماعية والدينية والتراثية في البحرين
ان استقبال شهر رمضان كان يتم في الماضي من خلال البدء

بعملية »تصفير القدور« أي تنظيف أواني الطبخ وإعدادها

للاستخدام، ومن خلال »دق الحب«، وكذلك انشاد الأهازيج والأناشيد

التي كانت تنساب كأغنيات عذبة من افواه الأطفال والنساء،

وكلمات التبريك والتهاني بمقدم الشهر الكريم،و لشهر رمضان في

البحرين والبلدان الخليجية والعربية، كما يمثل الاحتفال بمقدم

النصف من رمضان فيما يعرف بـ »القرقاعون« احد ابرز المناسبات

ولا تقتصر مظاهر الاحتفال بليالي الشهر الكريم بأوائل ايامه

فحسب وانما تمتد لتطال »أيام الوداع«. وهي الليالي التي تسبق

ليلة عيد الفطر . »المسحراتي« و»المجالس الرمضانية« ومجالس

الذكر وتلاوة القرآن، والليل الطويل المفعم بروح الابتهاج

والالفة بين الناس كلها مكاسب اجتماعية كانت ولاتزال تعطي رونقا

لهذا الشهر الفضيل في تعزيز حالة التواصل الاجتماعي بين الناس

واذكاء روح المودة والألفة والتسامح بينهم.




مع بداية الافطار يتم التجمع في المسجد وتكون بجانب المسجد

خيمة او مكان تقام فيه مائدة الافطار التي يتجمع عليها جميع

الرجال ممن هم قريبون من المسجد حيث يأتي كل بيت بالافطار

لتلك المائدة التي غالبا ما تشتمل على التمر واللبن والقهوة

والشوربة وبعض الحلويات ويختلف ذلك من مكان لآخر حيث ان بعض

الموائد يتم تحضير بعض الاكلات الثقيلة ويكون ذلك اما قبل او

بعد الافطار وفي بعض الاماكن يتم الانتقال من المسجد الى المجلس

حيث يكون التجمع وتناول مختلف الاطعمة والفواكه والعصائر.

سهرات ترويحية

يستمر التجمع الى ان يحين موعد صلاة التراويح حيث يذهب الجميع

الى المسجد وبعد الصلاة في معظم الاحيان يتم التجمع بين الناس

كل على شاكلته فمنهم من يتجمع للعبادة وقراءة القرآن وتدارس

السيرة النبوية والاحاديث الشريفة ومنهم من يتجمع في لقاءات

عائلية وصلات للارحام والبعض نجدهم يتجمعون في سهرات ترويحية

وترفيهية منها المسابقات الثقافية والرياضية والاجتماعية

والمحاضرات الهادفة وممارسة بعض الالعاب خصوصا الشعبية

تمر ولبن

ان العادات والتقاليد في شهر رمضان لم تتغير وانما الحياة

وانماطها هي التي تغيرت حيث ان الناس يجتمعون قبل الافطار في

المسجد لقراءة القرآن الكريم لحين وقت الافطار والذي يتم

بتناول التمر واللبن والماء والقهوة ومن ثم يذهب الجميع لاداء

صلاة المغرب والعودة بعد ذلك لتناول وجبة العشاء ومختلف الاكلات

الشعبية والتي من اهمها (الثريد والهريس والعرسية) وبعد ذلك

يذهبون لصلاة التراويح وتدارس القرآن الكريم بعد الصلاة وبعد

الانتهاء من الصلاة يتجمع اهل الحارة من معارف وجيران ويتبادلون

اطراف الاحاديث والقصص الدينية ويتناولون التمر والقهوة

والفواكه والخضراوات ثم يعودون الى منازلهم للراحة والاستقرار

حتى وقت السحور وبعد ذلك يخرجون الى المسجد لقراءة القرآن

الكريم لحين وقت صلاة



العبادة.. ثم السوالف

تستغل اغلب اوقات رمضان في العبادة وقراءة القرآن الكريم

ويجتمع الاهل والجيران على مائدة واحدة ويتبادلون اطراف

الاحاديث والسوالف الرمضانية ومن ثم يذهبون لتأدية الصلاة واهم

ما يميز رمضان الحاضر عن الماضي اقامة مسابقات مختلفة

ومحاضرات وندوات دينية لم تكن موجودة في الماضي بينما كانت

هناك الالعاب الشعبية الجميلة وكان الناس في معظم اوقاتهم

يحرصون على تدريس وتحفيظ ابنائهم القرآن الكريم في المنازل.

اهم الاشياء التي يحرص عليها البحريني وعلى تواجدها في رمضان

القمح والارز والتمور واهم الاطباق على المائدة تكون الشوربة

والهريس واشهر الاكلات في الفطور (الثريد) وهو عبارة عن الخبز

مع اللحم بينما جاءت بعض المأكولات العربية الجميلة مثل

اللقيمات والمكسرات والبسبوسة والسمبوسة وغيرها حيث يتجمع

الاهل والاصدقاء والجيران لتناول تلك الاكلات من خلال الجلسات

النسائية الجميلة التي تجمع فيما بين الارحام.



حلقات الذكر والمحاضرات

كان الناس في الماضي يقضون اغلب اوقاتهم في التعبد والتقرب لله

بتلاوة القرآن الكريم في المساجد والتجمع في شكل حلقة درس

بالمسجد حول الامام لذكر الله وتدارس القرآن الكريم وكان ما يميز

هذه الحلقات بأنها تتناول كل يوم موضوعا مختلفا عن سابقه وقد

يكون موضوع الحلقة آية قرآنية مع شرح لسبب نزولها او قصة من

قصص الانبياء صلوات الله عليهم او شرحا لحديث شريف


زيارة الاهل وصلة الرحم

في رمضانً تكثر زيارة الاهل والاقارب والسهر في تبادل الاحاديث

حتى منتصف الليل وبعدها يخرجون للتجمع في المساجد لاقامة

الثلث الاخير من الليل الى صلاة الفجر.



المسحراتي

كما يمثل المسحراتي احد ابرز معالم فرادة الشهر الكريم حيث

يحمل المسحراتي الطبل ويرافقه شخص آخر يمر في وسط الحارات

ويعرف كل طرقاتها يصدر صوتا عاليا يضرب عصا على طبلة ليوقظ

النائمين للسحور وقد يكون احيانا ينتقل على رجله او راكبا على

الدابة (الحمار او البعير) وقد كان الخبز مع الحليب والتمر مع

الماء المادة الاساسية التي يتسحر بها البحريني ايام زمان..

وهنا يكون ختام جولتنا الى دولة البحرين الشقيقة

متمنية ان تكونوا قد استمتعتم واستفدتم .....

لكم اطيب التحايا
ش
هلا والله مهاوي تسلمين ياقلبي والله اني احبكم في الله جميعاً
ودووم الخيمة عامرة بحضوركم .....

والله يستر منكم لا تغتالوني انا صج وانا مسويه فيكم خير
وحاطه لكم خيمة وسمره ومركه او مسباح هههههههههه
اغنيه هذي ههههههههههه

مها لا تطلعون من اللي مالهم صاحب انتبهوا لا تخونون فيني
بس هههههههههههههه..


صباااااااايااااااااا اللي عندها سؤال لبنفسجة او سهرات او
المرتحلة او المها او مملكة او ام الوله او رومي او انا ههههههههه
حلوة انا اعوذ بالله منها .....
باختصار اللي عندها اضافة او سؤال عن رمضان في اي بلد خليجي او عربي تسأل
انتظركم ......
ها لا تنسون شعاري يقول .......

شاركوني ولا تفشلوني
دمتم سالميييييييين
e
معلومات حلوه وايد
بارك الله فيج
بغيت اسال هل موجود المسحراتي لحد الحين بالبحرين؟


شئ ثاني

بما انج يا شجونه بديتي اليوم باص الرحله ايش رايج كل اسبوع تكون لنا رحله لاي بلد عربي خلال هذا الشهر الفضيل وتكون وحده من بنات الخيمه هي قائد الرحله والقياده بالتناوب او اللي يسبق على الباص

هاه ايش قلتوا؟
ش
هلاااااااا والله مهاوي
يالللللللللليل ما اوطولك ياعسل
حنا من بدينا الخيمة شن قول
ياناس تكلموا ياناس عطونا عن بلدكم
معلومات عن رمضان وانتم رحتوا للقتل
والجرائم ههههههههههههههههههه

خلاص مها باجر دورج ان شاءالله يالغالية
لا تنسين انتِ بتكونين قائد الرحلة باجر
ترانا بننطرج عند محطة الباصات لا تأخرين
علينا و تقولين تأخرت عشان الجامعة ومادري شنو
عندج خبر من الحين اوكييييييك مهويه ..
ومشكووووورة ياقلبي على تواصلج او حضورج
ترى مالنا غنى عنج ......
لج تحياتي وقبلاتي
ش
مهااااااا صج شخبار العصيدة اضبطت معاج
امس يوم شفتج حاطه بركن المطبخة تبين الوصفة رحت دورتها لج
عسى اضبطت بس بشريني ......
e
هلاااااااا والله مهاوي
يالللللللللليل ما اوطولك ياعسل
حنا من بدينا الخيمة شن قول
ياناس تكلموا ياناس عطونا عن بلدكم
معلومات عن رمضان وانتم رحتوا للقتل
والجرائم ههههههههههههههههههه

هلا بيج
بس ترى ذكائي الخارق خاني هالمره, توقعت كل واحد يتكلم عن بلده, فانا تكلمت عن السلطنه حتى بالنت ما حصلت<<===خبرج فاشله في البحث, فقمت االف من عندي على قد المعلومات اللي معاي, عاد تبيني االف عن بلدان ثانيه, ما تشوفين الا الغبره وراي.خخخخخخخ
اوكيشن اكون معاكم باكر واي احد يتاخر عن الموعد ما اوقف له الباص في الطريق ولو حتى اشوفكم ميتين من حر الشارع وتاشرون لي.هههههه<<====بدا الابتزاز
اما عن الطبخه فتوني شفت ردج عليها والله ما اعرف اشلون اشكرج دايما ما ترديني خايبه, بارك الله فيج, وشفت الطريقه فيها عصد وتقليب كل 24 ثانيه.خخخخخخخ راح نجربها قريب واذا ضبطت بخبرج بعون الله.
ا










السلام عليكم ورحمة الله وبركاته

تسلمين يا بعد عمري شجونة الحلوة ع المقدمة الحلوة عن ديرتي البحرين
وحياكم الله جميع في ديرتكم الثانية البحرين

بالنسبة للمسحراتي هذا كان وما زال يدور بالشوارع والفرجان القديمة خصوصاً بالعاصمة المنامة والقرى وآآآخ لين تسمعون صوت الطبل من بعيد ويقرب عليكم تحسون بنشوة وفرحة ما حسيتو فيها من قبل وكانكم عيال صغار ما يهم لا السن ولا العمر ولا التعليم الكل يكون فرحان بصوته ويغني معاه خصوصاً بيوم الخميس والجمعة يكونون العيال ما عندهم مدارس ولا مسئوليات وقعده من الصبح وتشوفونهم محاوطين المسحراتي اللي احنا نسميه بالعامي ( أبو طبيله ) نسبة للطبل اللي شايله بيده ويغنون ويصفقون معاه وغصب عليك وقتها تصحى من نومك عشان تشارك معاهم ولو من بعيد

صراحة أيام أول كانت أحلى من الحين والله يخلي اللي يحييون هالعادات الحلوة اللي كانو أول محافظين عليها والحين نوعاً ما اندثرت

شكراً للجميع وأشوفكم على خير باجر













ا
بسم الله الرحمن الرحيم
السلام عليكم ورحمة الله وبركاته

حيا الله سهرات

من طول الغيبات جاب الغنايم

اسفرت وأنورت واستهلت وامطرت

القتيلة وصلت .. والمتهمين مازالوا على ذمة التحقيق ..
س/ من المخطط والمدبر ( يعني الراس الكبيرة ) لقتلي ؟؟
س/ لماذا أخفى القاتل أداة الجريمة من الموقع ؟؟
س/ من المشتركين في قتلي ( أنا أختكم البريئة ) ؟؟
( البنت صدقت انها قتية ) هههههههه


سهورة ترانا ما سكتنا والمحقق كونان اشتغل بغيابك وأصابه الاتهام تشير إما لمملكة والقلوب أو لمملكة القلوب ويمكن بعد مملكة القلوب ما ندري

بنستمر في البحث وراح نوصل لتفاصيل الجريمة بس حسك معانا مادام القضية قضيتك


المرتحلة
تسلمين ياعمري .. أبد أبشري باقي عندي الطبعة الأصلية للديوان راح أوصل لك إياها لباب البيت وقبل المغرب ( تبي عزيمة فطور ) هههههههه


خلاص تراني في انتظارك اليوم - على المغرب تماماً - وحدة بتوهق

لأن خبرك من زين الشعر ماراح ينطبع مرة ثانية .. خخخخخخخ

أكيد إذا الجوري ما علقت على الشعر وش بيقولون الناس أقول أخاف يطيح في كبدك بس وأخافك بتوهقينا مع هالديون أقول استخرت الله خلي الأصل والنسخ عندك


بس خلي بالك على الخيمة لأن اليوم بعهدتك .. توهقوني مع شجونة أشيل الخيمة وأزقلب الأغراض وأتعنى للنفحات .. وبعدين تفشلوني .. بس المشكلة إنا استانسنا على البراد والمكيف

مافي فرار يا سهورة بنسوي الترشيحات وإنتِ على راس القائمة يعني فيك فيك زقلبة الأغراض وبعدين احمدي ربك حطينا لك مكيف وبتتبردين على كيف كيفك


هقوكم أبوداحم يرضى يعطينا المكيف إلى منا رجعنا للعام ؟؟

الله يستر أخاف يسوي فينا مثل ما سوينا فيه وهقناه بدفع الإيجار

صباحكم ورد .. وألقاكم على خير .. وتسلحف جديد
ويا قاتلي أظهر وبان عليك الأمان


لا تكفين يا سهور وين التهديدات والتوعدات والمرابطة والاعتصام كلها صارت فشوش

لا للتسلحف من جديد

حياك يالغالية

في انتظار عودتك

وعودة كل البنات اللي وحشونا ومن زمان ما طلوا




أختكم
المرتحله
a
هلا برجعه سهوره حبيبتي

وين طسيتي؟؟؟

علمينا عاد تري القافه ذااااااااابحتني

ومن ناحيه السحور والفطور انا غيرت رأئي بعزمكم على الغداء في تاريخ 10/9<<<<<<<< خوش يووووم

هاه شقلتوا؟؟

وبالنسبه للشعر ياقلبي والله تسلمين
واذا بتطلعين في ديوان مافي اشكال انتظره
<<<<<<< بوهقك

-0-0-0-0-0--0-0-0-0--0-0-

هلا ببلاندنا الثانيه هلا بالبحرين واهلها

استانست وانا اقرا المقدمه
وياشجونه تري انا بكون جنب الدريشه بالباص وباول مقعد
0-0-0-0-0-0-0-


وعلى سالفه المكيف ياشجونه تري موووووت حر
مدام ابو داحم هو اللي بيدفع خليه يسوي لنا

الخساير عليه ولله الحمد
0-0-0-0-

يالربع يا النشامى الفزعة تكفون ترى اختكم نفسها شينة تروح فيها الحقوني وإذا فيه ترشيحات سقطوا الجوري

هلاااااااااااااا بالمرتحله
يسقطوووووووووووني بعد هاه

هين ماعليه
خخخخخخخخ
-0-0-0-0-0-0-0

أو الجوري أو المها <<<<<<< كل شئ وارد


المتهمه تتهم؟؟؟؟؟؟؟؟

اولا انا اللي بلغتكم عن الاختفاء شلووووووووون بخطفها وانا اللي بلغت؟؟؟

ثاني الادله على اختطاف سهوره كلها تدل على انك انتي الفاعله

ويكفينا اعترافك الغير مباشر

ماتكون أنصكت بعين لأني أمس أقولها داخله طالعه من ذا الخيمه


صددددددددددددناااااك

مافيه مفر
اقول بدال ماتقعدين تتهمينا روحي جيبي لك محامين كبار

ههههههههههههههههههههههههه
ا
بسم الله الرحمن الرحيم
السلام عليكم ورحمة الله وبركاته

هلااااااا فيكم جميعاً.
يسعد ربي مساكم ...

يعلكم العافية شخليتوا حق
اجاثا كريستي على هالاغتيال
والقتل انا من اليوم قايله فيكم
شي مو طبيعي يا اهل عروس
شفيكم قتل واغتيالات ومدافع
او اسلحة بيضاء الظاهر هذي
اخرت عمايل الصيام فيكم الله يستر
من اخر يوم لا نلاقي جنايز صج
بدال الاكل والشرب هههههههه


قلنا لك يا شجونة لا تروحين وتتركين خيمتك

شفتي انحاست الدعوى عقبك

وصارت جرايم وطقاق والله يستر

بس الحمد لله كنا مسكنا الجاني

ماله فكه منا

مملكة القلوب وينك يا الغالية


رحولتنا
لا تحاتين , عندنا جميع الاعتبارات في طرح الاسئله ابتدأنا من اعتبار السن وانتهاءا باعتبار الارتباط, بس انتي شمري عن ساعديج والخيمه خلاص تفاهمنا على الاجار وكتبنا العقد.


الله يبشرك بخير يا المها

بس ها شوي شوي علي تراني ما استاهل أنا اللي كشفت لكم الجريمة والجاني وملابسات القضية

فلا تشدون علي بالأسئلة


مرحبااا صبايا اعلااان هام على مرتادي الخيمة الرمضانية
في الساعة الثالثة والنصف التوجه الى الباصات وذلك في
رحلة الى دولة البحرين الشقيقة لانا معزومين على فطور هناك
عند اختنا ام الوله لا تأخرون .......
ها مو تقولون ما قلت لكم ......
اللهم اني بلغت اللهم فشهد .......


مو كنت بكرتي يا شجونة بالأنطلاق البنات شكلهم نايمين في العسل وعقب وراهم فطور

يعطيك العافية على هالمعلومات القيمة

وبالفعل هذه فرصة لنتعلم الكثير مما كنا نجهله من العادات والتقاليد في بلادنا العربية

ان العادات والتقاليد في شهر رمضان لم تتغير وانما الحياة

وانماطها هي التي تغيرت حيث ان الناس يجتمعون قبل الافطار في

المسجد لقراءة القرآن الكريم لحين وقت الافطار والذي يتم

بتناول التمر واللبن والماء والقهوة ومن ثم يذهب الجميع لاداء

صلاة المغرب


يا ليت هالعادات تستمر

وما نراه اليوم من الاشتغال بكثرة الكلام قبل الإفطار ثم ملأ البطون بأنواع الطعام والتكاسل عن صلاة المغرب لهو أمر يحتاج إلى إعادة النظر فيه وتصحيحه

بعد انتهاء رمضان بنسوي موسوعة

ونكتب عليها

موسوعة العادات والتقاليد في البلاد العربية من مراسلينا في الخيمة الرمضانية



أختكم
المرتحله
a
[grade="00008B FF6347 008000 4B0082"]حبيايب القلب كان ودي اجيب لكم موضوع عن بلدي الغالي اليمن

بس تدرون ماااااااااااعرف اي شي عنهم لاني عايشه بالسعوديه ومارحت لليمن من 7 سنوات

وعشان كذا مااعرف عنهم اي شي

ونتبع في رمضان عادات اهل بلدي الغالي السعوديه
ونختلف في بعض الاكولات<<<<<<< جمعها صحيح ولا لأ

مثل الشفوت والشوربه<<<< شوربتنا غير شوربت اهل السعوديه

وبالنسبه للقرقيعان اختفى وجوده بالسعوديه او يمكن اختفى بالشرقيه

بنات ابيكم تدعون لي بإن ازور بلدي الغالي لاني اشتقت له مووووووووووووووووت وبذات خوالي

فدييييييييييييييييييتهم[/grade]
ا
بسم الله الرحمن الرحيم
السلام عليكم ورحمة الله وبركاته

حياك الله أختي

أم الوله

الصراحةما شاء الله عليكم إذا لا يزال المسحراتي موجود أحس بالفعل فرق لأن هذا اللي يميز شهر رمضان ونحن أختفى من عندنا ما عدنا نشعر بوقت السحر

واليوم الآذان الأول يذكرنا بوقت السحر وصوت الآذان طبعاً أرق واشجى

تمنياتنا لبلدنا الثاني البحرين بمزيد من التقدم والحضارة



أختكم
المرتحله
ا
بسم الله الرحمن الرحيم
السلام عليكم ورحمة الله وبركاته

الجوري

ترى ما في فكه

لازم الاسبوع الجاي تتواجدين بمحطة الباص وتسوين لنا رحلة لليمن واستعيني بصديق ( أم العوامر )

صحيح هي مختفيه بس ما راح تقصر

هاه شدي العزم وبلا خرابيط

والا من صدق ترى بتسقطين في الترشيحات

سوي الرحلة عشان تزيد درجاتك



أختكم
المرتحله
س
هلاااا بالغاليات ..
شكلكم للحين مالقيتوا قاتلي ..
ليكون تسجلون القضية ضد مجهول ؟؟ وأروح فيها ..

بنات حلوات ..
اليوم فاضية وقاعدة لكم .. تدرون ليش ؟؟
فطوري عند المرتحلة .. مع انها شكلها تراجعت عن الديوان يوم عرفت انه فيها توهيقة فطور
بس جايتك .. وبيني وبينك .. راح أساعدك في إجابات اللقاء .. ولايهمك .. أنت بس صلحي الفطور السنع .. وبدون لقيمات ..

الجوري ..
جيتِ والله جابك .. همتك معلومات عن اليمن ..
ننتظرك .. مع دعواتنا لكِ بزيارة بلدك ..
ومرحباً بك بين اهلك في السعودية

المها ..
تسلمين يالغالية ..
وننتظر باصك إلى أي مكان ..

شجونة
مشكورة على هالمعلومات الحلوة عن البحرين ..
وتصدقين لي زميلة من البحرين .. ودايماً أسألها عن عاداتهم ..
وأذكر أنها تقول أن عادة تبادل الأطباق قبل المغرب مازالت موجودة
وتلاقين السفرة عليها أكثر من طبق من اكثر من بيت ..
والشوارع قبل المغرب تخترش بالناس والصياني ..
بصراحة اعجبتني الحركة تمنيت انها موجودة الآن عندنا

بس أول ماشفت عنوان سهرات ترويحية
قلت وش وداني للبحرين وأنا ماأدري
يمكن البساط السحري ..

ألقاكم بعد الفطور .. إذا قدرت أحظى بفطور المرتحلة
والا أمري إلى الله راح أخبركم عن فطور بيتنا ..
إلى الملتقى ..
e
هلا بالغاليين

ونختلف في بعض الاكولات<<<<<<< جمعها صحيح ولا لأ

لالالالالالالالا, غلط يا بنتي الجمع هو ماكولات<<<====مصحح غلطاوي.خخخخخخخ

نتريا معلومات عن اليمن من عندج يا الجوري

تنبيه
الرجاء الالتزام بالمواعيد, يتحرك الباص في التوقيت المخصص من قبل المشرف العام شجونه, والسلاحف مالهم مكان, لقد اعذر من انذر.<<<<=====القائد شديد شوي في سالفة المواعيد
X