" ضيف تحت المجهر ـ 6 "

ابو داحم 19-08-2005 207 رد 13,982 مشاهدة
R


عاشقة الجوري50

ومين قال يمكن ما تفوزين ؟؟ يمكن تفوزين ؟؟ خلاص اذا فزتي الجائزة من نصيبي

يالله ابو داحم متى النتائج ؟
R
ومنكم نستفيد اخوي ابو محمد ... مشكور على المتابعة
R


منورة على طول اختي مملكة القلوب

1/ من هو قدوة رومي ؟؟

بدون تفكير .. امي وابي .. امي بكل رحلة كفاحها مع الوالد الى ان يصل الى ماوصل عليه الآن وتحملها فراق اهلها والعيش في الغربة .. وكل اللي تحملته عشانا .. ونشاطاتها الاجتماعية والخيرية كلها تدفعني لان احاول اكون مثلها ولو بجزء بسيط .. والوالد الله يخليه برحلته الصعبة في الحياة .. الوالد تيتم بعمر ال12 وطبعا الحياة كانت صعبة .. عمره ما اشتكى ولا قصر على اهله في شي .. والحمدلله الكل يشهد انه كان بامه الله يرحمها .. صحيح ان الوالد على العكس من امي ..يعني علاقاته الاجتماعية محدودة لكنه محبوب والكل يذكره بالخير .. الحمدلله عندي قدوة ولا أروع وان شاء الله اقدر احقق ولو جزء بسيط من اللي حققوه

2/ ولو أنتِ تملكين 3 ورادت لمن راح تهدينها 000 و 3 أشواك لمن راح تهدينها ؟؟

الوردة الأولى : امي وابي
الوردة الثانية : زوجي
الوردة الثالثة : معلماتي في المرحلة الثانوية ( لغة عربية - انجليزي - رياضيات )

اما الاشواك فهي لا تهدى ...

بانتظار اطلالتك ومجموعتك الرابعة من الأسئلة
R
ما شفتي شي angel eyes للحين ترى ما حميس وطيس المعركة

الله يستر
R
الله يخليكم لبعض اخوي ابو محمد ولا يجيب زعل

انا نوعا ما عندي نفس قناعتك .. اذا الزوج مو مرتاح مع زوجته .. فالانفصال هو الحل .. لانه لو ماكان مرتاح معاها وحياتهم مشاكل ليش يزيد البنزين على النار ويتزوج مرة ثانية ... يعني بتشب زيادة وبتصير حياته جحيم في جحيم

بس ترى صوت الكيبورد تغير لاني ناقلة مكتبي .. بالعكس اول مرة اكتب بكل هدوء لاني خلاص تعودت اناقش مشكلة التعدد
ا

السلام عليكم ورحمة الله وبركاته..

حبيت ارحب بالضيفه وعندي سؤالين لو سمحتي..

1. لاحظت من خلال بعض المواقف انك سريعة الحكم على الناس.. هل هالشيء صحيح في الواقع ايضا او في المنتدى بس...؟

2. ممكن اعرف شو تعريفج لل" تخلف" ؟؟


السموحه اذا أسئلتي مكرره.. ما قدرت اتابع من البدايه..
ولج حق الامتناع عن الاجابه

------

استاذ ابو داحم.. شكرا لك

:flower: :flower:
a
:)

ههههه ...احس و هقه..ان شاءالله عمري ما انحط تحت مجهر او تلسكوب :)
R


نتوقف مع استراحة بسيطة لاعلان اسم الفائز في مسابقة المجهر السادس

اول عضو عرف الاجابة الصحيحة هي الاخت

~*¤ô§ô¤*~العتب ~*¤ô§ô¤*~

مبرووووووووووك مشرفتنا تستاهلين التوقيع .. الاجابة الصحيحة هي الاجابة رقم 1

والآن اعذروني على الوقفة القصيرة وان شاء الله لنا عودة .. لأني طالعة بدري من الدوام اليوم

دمتم بود ومشكورين على تواصلكم
أ
العتب
الف مبروووك يا مشرفتنا الحلوة ...
وتستاهلين التوقييع ...

روومي .. صح انه التوقيع راح عليه بس بعدني مصرة ابى اللزانيا ... وابى بعد بيزا بس ما تكون بالخضار .. لو تكون بالدجاج احلى

سؤاالي : -

1- من خلال اسئلة الاعضاء .. شو هو السؤال اللي خذيتي وقت في التفكير للاجابه .. ؟؟
2- مَن مِن الاعضاء افتقدتي وجوده في المجهر .. يعني ودج يكون حاضر الحين ويشارك في طرح الاسئلة ؟؟
بنفسوجة
س
RoOoOmy_M:


سهرات ..... الاجابة وصلت ... وان شاء الله تكوني فايزة ... بس عطينا اسئلة عشان نتوسط لك عند اللجنة


هلاااا غاليتي .. رومي ..
أبشري بالأسئلة إذا بتصير واسطة ..
ومادام الغالية شجونة وصلت مع شنطتها ..

أستلمي ..
السؤال الأول :
ماذا يعني لك مايلي من خلال تعاملك مع الحياة:
ــ التحدي
ــ المجازفة
ــ الطموح
ــ الغيرة

السؤال الثاني :
كونك موظفة مارأيك بكل من :
ــ الموظف المتهور
ــ استئذان الموظف في أوقات الدوام
( كأنها نغزة على اللي طلعت من الدوام بدري )
ــ مدى نجاح الشخص في عمل لايتناسب مع طموحه وتخصصه

وتسلمين غاليتي .. ترى ماتعديت الشرط .. ماحطيت إلا سؤالين .. بعدين من قدك عندك واسطة قوية ..
&
اختي رومي RoOoOmy_M

اشكرج على تفاعلج مع اسئلتي واجوبتج على العين والراس وانا اوافقج بكل كلمة قلتيها على كلا السؤالين

والله يبارك في عمرج حبيبتي

ويرزقج متى حبيتي ان شاااء الله ويخليلج زوجج ويكون لج دنيا واخره يـــــــــــارب
ا
السلام عليكم ورحمة الله وبركاته

الله يبارك فيكم ويعطيكم ربي العافية

رائعة غاليتي رومي ... متألقة ومتجدده وقد كشف لنا تحت المجهر خفايا جميله
اتمنى لك التوفيق رائعتي جعل الله الجنان ملك يمينكِ ودائما الى الله أقرب ...

رائعتي رومي ...

1 ) ماذا تعني لك العوده الى البيت بعد الانتهاء من العمل ؟ وماذا كانت تعني لك
العودة الى البيت بعد الانتهاء من المدرسة ؟

2) اليوم يتكون من 24 ساعة رائعتي ... ولابد ان يكون هناك لحظات تنتظرينها
لتعانقيها فتنعم نفسكِ بهدوء يحالك خلجات نفسك ؟


العتب
M
غاليتي روومي ،، بجد فرحت من تجوابك اللي اثبت للجميع مدى ثقافتك واسلوبك الرائع في التحاور
وانا معاج بنقطة تأخير الأنجاب ،، مو بس عشان الزوجين يستمتعون بهذي الفتره ،، كذلك مثل ما قلتي التفاهم مهم جداً في هذه الفتره

اخوي بو محمد ،، اشكرك على توضيحك ،، والظاهر مثل ما قلت اني فاهمه غلط..
الله يسعدك مع ام محمد ،، و يخليكم لبعض دوووم و تفرحون في محمد و اخوانه

سهرات
ماعاش من يبكيك ،، افاا ليش استانس عاد
مو بس توقيع ،، لو تبين عيوني ما تغلى عليك

اختي العتب
الف مبرووك و تستاهلين كل خير عزيزتي
ا

ألف ألف مبرووك أختي العتب
وأشكر على من شارك وفكر في الإجابة
والجايات أكثر بإذن الله

وأكرر شكر للأستاذة رعبوب
على مبادرتها وتصميمها الرائع




ا

تفضلي أختي العتب
وأعتذر عن التأخر الخارج عن إرادتي




وهذا الرابط

http://www.3roos.com/upload/al3atab.jpg





e
هلا اختي رومي

قصدي من السؤال مشكله بينهم
يعني مو مسالة حياة او موت
R


أسعد الله صباحكم بكل خير

مرور سريع لقراءة الأسئلة ولي عودة مع كوب القهوة

لحظات مع الاعلان ........
R


يا هلا فيك مشرفتنا العنيدة .. نورتي

1. لاحظت من خلال بعض المواقف انك سريعة الحكم على الناس.. هل هالشيء صحيح في الواقع ايضا او في المنتدى بس...؟

في البداية احب اؤكد على ان شخصيتي في المنتدى هي نفسها في حياتي العادية .. بشهادة من يعرفني حق المعرفة .. فأكيد لو كان عندي صفة شخصية راح اتميز فيها على طول .. مع احترامي لرأيك لكني اعرف اني مو سريعة الحكم على الناس .. يمكن سريعة الانفعال ... حساسة .. لكني لا اتسرع في حكمي على الآخرين .. ولا احكم على الشخص من موقف تعرضت .. الحمدلله اقدر اعرف معدن الانسان من اول مقابلة ( يمكن انخدع في بعض الاشخاص لكن معظم الأحيان اقدر احدد ) .. بس ما اسميها تسرع بالحكم ..

2. ممكن اعرف شو تعريفج لل" تخلف" ؟؟

تعريفي للتخلف يعتمد على نوع هالتخلف .. هل تقصدي التخلف الفكري ؟ الثقافي ؟ الاجتماعي ؟ الحضاري .. ما اقدر اعرف لك الكلمة الا اذا وضحتي قصدك اكثر اختي

يعطيك العافية
R


angel eyes

تصدقين المجهر يخلي الواحد جالس على اعصابه كانه في اختبار الثانوية العامة

بس حلو ..
R


بنفسجية العين ... ولا يهمك المرة الجاية اللي تزورين فيها السعودية .. أحلى لزانيا وأحلى بيتزا خضار عشان عيونك الحلوة

وان شاء الله تفوزين في مسابقة المجهر السابع .. شكل ابو داحم بيحمسكم وكل مرة بيسوي مسابقة غير

1- من خلال اسئلة الاعضاء .. شو هو السؤال اللي خذيتي وقت في التفكير للاجابه .. ؟؟

سؤال المتألقة مملكة القول عن من اعتبره قدوة ... الوقت اللي اخذته مو عشان التفكير لاني اعرف من قدوتي من البداية .. بس كنت اتمنى اكتب موجز مختصر وما أطول على الأعضاء .. وحسيت اني مو قادرة اوصف ولا اعبر !

2- مَن مِن الاعضاء افتقدتي وجوده في المجهر .. يعني ودج يكون حاضر الحين ويشارك في طرح الاسئلة ؟؟

أعضاء كثير توقعت انهم يشاركونا لكن حز في نفسي اني عضوة معينة كنت اتمنى انها تشارك وماشفناها في المجهر (( ام الوله ))

يعطيك العافية .. ولا تنسين اي وقت تزورين فيه بلدك الثاني
مطبخي الايطالي كله تحت امرك
X