
ذكريات ثائرة
صباح الورد عليك اختي ( مع العلم ان الحين الظهر )
انا خايفة من شنطة شجونة والاسئلة اللي في شنطة شجونة بس مخلية اتكالي على الله
1) سر لأول مرة ستخبرينا به وسنتفاجأبه ؟؟؟
سر ؟؟
خليني افكر
بس اذا قلته ماراح يكون سر .. ايش الحل ؟؟
ممكن خيارات او سؤال ثاني ؟
2) منظر مؤثرمر بك وما زال يلوح في الذاكرة ؟؟؟؟
في مخيلتي مناظر كثيرة اثرت في نفسيتي ولازال اثرها يتجدد مع مرور مواقف شبيهة ...
كلها تتمحور حول منظر انسان فقير او جائع ... اذكر اني كنت في دولة خليجية .. وشفت رجال كبير في السن ( يمكن سبعين سنة او هو اصغر بس الفقر خلاه يبين اكبر ) وبكل ادب وخجل طلب انه يغسل السيارة !!! انا انصدمت .. وبدون مبالغة تأزمت كثير وطول الوقت افكر فيه
اقول الانسان اذا وصل هالعمر بدل ما يرتاح في حياته .. ويعيش معزز مكرم .. مسكين يوقف في هالحر والشمس والرطوبة عشان غسيل سيارة يمكن بعشرة ريال ؟ وكم زبون بيعطيه اصلا مع كثرة المنافسين له في نفس المواقف ؟؟
الفقر مو عيب .. ولا اي عمل شريف .. بس يحز في نفسي انسان بهالسن وصحته على قده مسكين وهو تحت الشمس عشان يدور رزقه ورزق عياله .. واحنا نرمي اكثر من اللي ناكله .. ونشتري بلا حساب .. وكماليات الحياة صارت شغلنا الشاغل
هالموقف كثير اثر في نفسيتي وخلاني اوقف مع نفسي كثير وغيرت من نظام حياتي بناء عليه ونظرتي للحياة بشكل عام
دمتي بود
