وهذا العشم فيك اخوي ابو محمد مشكور على الأسئلة الأرض جو وعلى العصير اللي في وقته تماما !!
سؤالك الصاروخي
كلّنا سمعنا عن المقاطعة الأمريكية ، واعتقد انتِ وكثير من بنات المنتدى من زبائن أشهر الماركات الأمريكية
سواء كانت بالملابس أو المكياج أو حتى بالـ fast food
ليش ما تقاطعون ؟!!!
جوابي الصاروخي :-
صحيح الكل ينادي بالمقاطعة واللي يحط قائمة بالماركات والبضائع بس وين اللي يطبق ؟؟ نسبة بسيطة .. انا في فترة من الفترات اخذتني الحماسة خاصة بعد الانتفاضة الظاهر سنة 2000 اذا ما كنت غلطانة وصرت اشارك في منتديات وارسل رسائل اعتراض للكونجرس الامريكي وأدخل غرف الchat الأجنبية واناقش وادافع واهجم بعد ..وغيره .. بس بعد الصمت العربي الرهيب ( والمتعودين عليه ) حسيت بفتور شديد في حماسي تجاه القضية الفلسطينية سابقا والعراقية حاليا ايضا !!!
تدري ليش ما نقدر نقاطع ؟؟ لعدة اسباب ، اولا مافيه بديل بنفس الجودة ،، لا في ملابس ولا مكياج ولا حتى في الأكل .. مثثل الاكل تعودنا عليه من الصغر ومن الصعب نتركه بكل سهولة .. يعني لو تركته ايش آكل ؟؟ انا خلقة ما آكل اي شي بعد اترك الكم اكلة اللي احبها .. يعني راح اموت
ارجع وأقول انا ما احب المثاليات ولااحب ابين للناس والأعضاء اني مثالية .. بس انا حتى لو حاولت اقاطع ما أقدر .. والسبب الثاني .. تلفت حواليك اخوي ايش راح تشوف ؟ في كل ركن في كل شارع في كل مجمع في كل سوبرماركت المنتجات اللي موجودة في قائمة المقاطعة موجودة .... ايش الحل ؟؟؟؟
مافيه حل جذري للمشكلة .. صحيح المفروض الواحد يبدأ من نفسه بس مو احنا اصحاب القرار الحاسم ... يمكن لو نصحى في يوم من الأيام نشوف كل هالأشياء اختفت .. راح نقدر نتركها اذا مو بكيفنا غصب عنا .. اما اننا ما نشوف بديل اكيد ماراح نستغني عنها ...
بانتظار سؤال ارض جو آخر