يا هلا فيك اخوي ابو محمد
يسعدني ان تكون اول المارين على الموضوع .... وان شاء الله نكون خفيفين على القلب والمعدة
بالنسبة لأسئلتك
ليش الركن اللي انتي مشرفته خاص بالنساء فقط
وش علاقة الديكور بالمجال النسوي البحت على بالي ديكور اجنحة الولادة !!!!
اقتصار ركن الديكور والأعمال اليدوية على النساء فقط هو قرار من الادارة .. وعلى الرغم من اقتناعي بوجوب اشراك الاعضاء في الركن ومطالبتنا بذلك .. لكن يجب علينا احترام قرارات الادارة .. يمكن في المستقبل اذا زاد عدد الأعضاء وزادت مطالبتهم بالمشاركة في ركن الديكور .. يصير معانا مشرف ديكور !!
احس ان مستوى اللغة الإنجليزية عندج ممتاز ، هل هي اللغة الأم بالنسبة لج ام هي لغة مكتسبة !!!!
اخوي ابو محمد اكيد ان اللغة مو لغتي الأم .. شايف جوازي امريكي :smile: بس بحكم ابتعاث الوالد الى امريكا ودراستي فيها وكنت صغيرة في السن .. وبعد عودتنا للوطن سالمين .. درست في مدارس خاصة تدرس اللغة الانجليزية .. ثم دراسة الجامعة ايضا لها دور .. والآن بحكم العمل .. اقدر اقول اني اجيد الانجليزية تحدثا وكتابة
أسعدني مرورك اخوي ...
" ضيف تحت المجهر ـ 6 "
R
20-08-2005 | 08:49 AM
R
20-08-2005 | 08:58 AM

يا هلا فيك اختي سهرات
وأنا سعيدة بتواجدك معانا وبانتظار اسئلتك
دمتي بود

ذكريات ثائرة
اسعدتني كلماتك .. وان شاء الله نكون دائما عند حسن الظن بنا
بانتظار عودتك مع الأسئلة
يعطيك العافية
R
20-08-2005 | 09:04 AM

حياك الله مشرفتنا المتألقة مملكة القلوب
بانتظار عودتك وأسئلتك
دمتي بود
R
20-08-2005 | 09:08 AM

مشرفتنا ام خالد
/ تصميم الديكور بالنسبة لك هواية وانتي طورتيها ،، ام كانت دراسه اكاديميه ؟؟
كل ما يتعلق بالديكور هو مجرد هواية والحمدلله اتيحت لي الفرص اني امارسها اما في حياتي اليومية او من خلال منتدانا الغالي عروس .. كنت اتمنى اني ادرسها اكاديميا لكن للأسف في السعودية دراسة الديكور لا تتيح لي الوظيفة كمهندسة ديكور .. لذا اخترت مجال دراسة آخر
/ سؤالي الثاني مثل اخوي صارع ،، قسم الديكور ليش بس محصور للنساء ،، اعتقد في شباب تهمهم هالأمور و القسم مافيه شي ينطرح خاص بالنساء ينحرجن من طرحه امام الشباب؟
لي نفس التساؤل للادارة الكريمة ، وكما ذكرت للاخ صارع اننا سبق وتناقشنا في الموضوع لكن الادارة لها القرار الأول والأخير
اسعدني مرورك وبانتظار اطلالتك الثانية علينا
ب
20-08-2005 | 09:10 AM
اخيرا وصلت يا مشرفتنا ...
يهلا ومرحبا الساع ..
وفي انا بسألج ؤال واحد بس اترفين ليش ................. لاني متواضعة خخخخخخخخخخخخخخخخخخخ
1) ما هو شعورج تجاه الاعضاء اللي من بلد غير بلدج ؟؟؟ يعني مرتاحة وياهم ولا لاء وشو الصفات اللي شفتيها فيهم ؟؟؟
أختج خيماوية
يهلا ومرحبا الساع ..
وفي انا بسألج ؤال واحد بس اترفين ليش ................. لاني متواضعة خخخخخخخخخخخخخخخخخخخ
1) ما هو شعورج تجاه الاعضاء اللي من بلد غير بلدج ؟؟؟ يعني مرتاحة وياهم ولا لاء وشو الصفات اللي شفتيها فيهم ؟؟؟
أختج خيماوية
R
20-08-2005 | 09:12 AM

خيماوية حتى النخاع
يا هلا فيك اختي .. اعذروني على التأخير وان شاء الله من اليوم معاكم
وين الأسئلة ؟

شجونة الحلوة
كلنا سعيدين بعودة هذا الموضوع الرائع .. اللي من خلاله نتعرف على بعضنا اكثر
وان شاء الله اكون ضيفة خفيفة عليكم
بانتظار عودتك واسئلتك
R
20-08-2005 | 09:16 AM

يا هلا فيك اخوي ابو محمد
والله انك صادق .. انا ما اقاوم السهر .. بحكم عملي
والسهر عندي يعني الساعة 11 .. اكرر اسفي على الـتأخير وان شاء الله اتابع الموضوع
بانتظار مداخلاتك واسئلتك الصاروخية ( اقلد عليك )
يعطيك العافية ومشكور على القهوة
R
20-08-2005 | 09:24 AM

يا هلا فيك رائعتنا مملكة القلوب .. سعيدة بعودتك للمنتدى
ونبدأ الاجابات ..
1/ ماهي الشهاده التي تملكينها ؟؟ وماهو ماهو طبيعة عملك ؟؟
الآن شهادة ادارة مستشفيات وان شاء الله قريبا راح ابدأ دراسة في مجال جديد يخص عملي .. ادعوا لي بالتوفيق ، بالنسبة لطبيعة عملي انا اعمل في شركة سعودية كبيرة في المملكة ووظيفيتي عبارة عن Planning Staff Member يعني احنا اللي نخطط للترقيات للموظفين وننظم الاجازات والبعثات والكورسات طبعا في ادارتنا فقط ، لأن الشركة كبيرة جدا وفيها عدة ادارات ، يعني انا موظفة في هالادارة في مجال التخطيط لتدريب وتطوير الموظفين
2/ كم نسبة مشاركتكِ في تأثيث عش الزوجيه أثناء فترة التجهيز والتأثيث ؟؟
وهل طبقتي شيئاً من المعلومات والمواضيع الموجوده في ركنكِ ( ركن الديكور) على منزلكِ الصغير ؟؟
تأثيث وديكورات بيتي كانت بالمشاركة بيني وبين زوجي ، لأنه يملك حس رائع في مجال الديكور ، وبيتي على الرغم من صغره الا اني مقتنعة فيه 100% لأنه من تصميمنا انا وزوجي والحمدلله كل من زارني اعجب بالديكورات ، يعني فكرة مني وفكره منه وصممنا الديكورات واخترنا الأثاث .. طبعا المرأة بحكم حسها الانثوي وان البيت مملكتها تملك الجزء الاكبر في الاختيار .. بس ما نستغني عن قرارات الشريك ايضا
مشكورة على الأسئلة وبانتظار الأسئلة القادمة
a
20-08-2005 | 09:29 AM
اولا...
اشكر الاخ ابو داحم على هالموضوع الحلو ...و اهنيك اخي على اختيارك الموفق للاخت الغاليه RoOoOmy_M
ثانيا..
RoOoOmy_M
اول مره اشارك في " ضيف تحت المجهر" لانك اخت عزيزه و غاليه و لانك ضيفه شرف كل موضوعاتي اللي تنورينها بحضورك و بردودك الرائعه...
عندي سؤال واحد حاليا و كل ما يكون عندي سؤال برد اسأل :)
سؤالي هو
ما اكثر شئ تحبينه في المنتدى و اكثر شئ تكرهينه؟؟؟؟؟
اشكر الاخ ابو داحم على هالموضوع الحلو ...و اهنيك اخي على اختيارك الموفق للاخت الغاليه RoOoOmy_M
ثانيا..
RoOoOmy_M
اول مره اشارك في " ضيف تحت المجهر" لانك اخت عزيزه و غاليه و لانك ضيفه شرف كل موضوعاتي اللي تنورينها بحضورك و بردودك الرائعه...
عندي سؤال واحد حاليا و كل ما يكون عندي سؤال برد اسأل :)
سؤالي هو
ما اكثر شئ تحبينه في المنتدى و اكثر شئ تكرهينه؟؟؟؟؟
R
20-08-2005 | 09:35 AM

منورة ذكريات ...
لا تخافين من ابو داحم انا بخلي الأسئلة كأنهم سؤالين بس ..
السؤال يقول ..كيف تنظرين للشخص المثقف ..؟؟؟ ومن أين أستقيت ثقافتك ؟؟؟
الانسان المثقف يلزم من حوله ان ينظر له نظرة احترام وتقدير واعجاب ، خاصة اذا كانت ثقافته بوعي .. بمعنى ان يخدم مجتمعه ومحيطه بمخزونه الثقافي وان لايتباهي ولا يصيبه الغرور مها كانت درجته العلمية او الثقافية .. انا لا اعتبر نفسي مثقفة لان الانسان مهما تعلم يظل ينقصه الكثير ولكني ولله الحمد احرص منذ الصغر على القراءة في كل المجالات وكنت اعشق كتب المعلومات العامة ، واشترك في المسابقات الثقافية من ايام الابتدائية سواء كانت باللغة العربية او الانجلزية .. كما اني احرص على متابعة جميع البرامج الثقافية سواء في التلفزيون او في المراكز المختصة في المملكة
السؤال الثاني ...كيف تعرفت على المنتدى ؟؟ وما مدى تأثيره على حياتك ؟؟؟
تبين الصراحة ؟؟ ما أذكر كيف تعرفت على المنتدى .. اللي اذكره اني كنت اقرأ المشاركات والمواضيع في مختلف الأركان الى ان قررت في يوم اني اكون عضوة والحمدلله بعد فترة قصيرة في المنتدى .. ترقيت الى مشرفة .. بس البداية كيف ووين ، ما أذكر !!
بالنسبة للشق الثاني من السؤال .. فلا احد يقدر ينكر تأثير عروس على حياته ، عروس رافقني بجميع اركانه من مشوار الخطوبة ، الى الزواج وتجهيز البيت والاستعداد لليلة العمر ، والى الآن عروس خدمني ولازال يخدمني ومهما ذكرت من فضل عروس لن اوفيه حقه .
مشكورة اختي ذكريات على الأسئلة وبانتظار اسئلتك القادمة
R
20-08-2005 | 09:45 AM

مراقبتنا العزيزة نبع الوفا
نورتي المجهر .. نبتدي الاجابة بسم الله ..
** من خلال توليك مهمة الإشراف في المنتدى ما رأيك بظاهرة الشللية أو مايسمى بالأحزاب بالنسبة للمشاركات ( فئة ترد على مشاركات أسماء بعينها نظير أن تقوم بالرد على مشاركتها ) ؟؟
انا مالاحظت يمكن لاني متأكدة ان الأعضاء كلهم خير وبركة ومايقصرون في المشاركات والردود على مواضيع الجميع ، يمكن كونك مراقبة عامة لاحظتي هالشي ، لو كانت هالأحزاب تهاجم اعضاء معينة مثلا او تكتفي بالرد على اعضاء معينة اكيد هالشي بيضر المنتدى ، لأن البعض راح يشعر بالتفرقة ، بس لو كان العضو الفلاني يرد على موضوع عضو آخر ويحرص على المشاركة في كل مواضيعه ، بدون ان يؤثر على مشاركاته في بقية الاركان وبقية المواضيع فما اعتقد انه فيه ضرر ، لأنه يساعد على تقوية الروابط بين الأعضاء ، يمكن كل اعضاء المنتدى اخوان بس حلو ان يكون عندي اعضاء معينين اثق فيهم واحب اخصهم بهمومي ومشاكلي ومناسباتي الخاصة ..
** بين فترات قصيرة تتغير موضة الأثاث فهل ربة البيت مضطرة للتغير بين الحين والأخر؟؟ و ماهي الوسيلة التي تمكنها من أقتناء أثاث يدوم فترة طويلة ؟؟
من المعروف ان الموضة تتغير في كل موسم خاصة في الديكور والموضة ، بالنسبة للديكور اكيد راح يكون من الصعب على ربة البيت ان تغير الأثاث او تغير الأصباغ مثلا مع كل موسم او كل فترة ، لكن ببعض اللمسات البسيطة تقدر تواكب الموضة وتغير في الديكور وبأقل التكاليف مثل اضافة قطع اكسسوارات بسيطة ، تغيير الاضاءة ، استعمال النباتات الداخلية ، تغيير أماكن الأثاث وغيرها الكثير يسهم في اضفاء لمسة متجددة على البيت
اكرر شكري لك اختي نبع الوفا على المرور وان شاء الله نشوفك في محطة ثانية مع المجهر .. كما يسعدني تشرفيك لركن الديكور والأعمال اليدوية
ص
20-08-2005 | 10:13 AM
حيالله مس ديكور
ما شاء الله اشوفج متحمسة ع الصبح
اسمحي لي انقز من فوق الاجوبة السابقة ، كلها عن الديكور ومافيني ألت وأعجن فيها اكثر و اكثر
هذي اسئلة خفيفة لزوم الفرفشة والنعنشة ، اشوف الاعضاء من اولها هدّوا عليج ذيج الهدّه اللي هيّه
كم عمرج ؟ :gum: <----<< متأكد انه سؤال خفيف
لونج المفضل ؟
مرتاحة للون الاخضر ولأ ودج بلون غيره ؟
الساعة . .تلبسينها باليمين ولأ الشمال؟
عضو للحين ما دخل المجهر وانتي تنتظرينه على احر من الجمر ؟
ولي عودة
ما شاء الله اشوفج متحمسة ع الصبح
اسمحي لي انقز من فوق الاجوبة السابقة ، كلها عن الديكور ومافيني ألت وأعجن فيها اكثر و اكثر
هذي اسئلة خفيفة لزوم الفرفشة والنعنشة ، اشوف الاعضاء من اولها هدّوا عليج ذيج الهدّه اللي هيّه
كم عمرج ؟ :gum: <----<< متأكد انه سؤال خفيف
لونج المفضل ؟
مرتاحة للون الاخضر ولأ ودج بلون غيره ؟
الساعة . .تلبسينها باليمين ولأ الشمال؟
عضو للحين ما دخل المجهر وانتي تنتظرينه على احر من الجمر ؟
ولي عودة
R
20-08-2005 | 10:22 AM

حياك الله اختي خيماوية حتى النخاع
1) ما هو شعورج تجاه الاعضاء اللي من بلد غير بلدج ؟؟؟ يعني مرتاحة وياهم ولا لاء وشو الصفات اللي شفتيها فيهم ؟؟؟
المنتدى فيه اعضاء من كل الخليج .. وكل الخليج والعرب واحد .. من اكثر الأشياء اللي فادني فيها المنتدى اني تعرفت على بنات من الامارات والكويت والبحرين وقطر وعمان وكل بلدان الخليج بما فيها مصر وفلسطين .. وهالشي كثير خدمني .. يعني تخيلي اني بروح دبي ... اسأل البنات عن الأماكن اللي اقدر اروحها وعن الجو واي سؤال يخطر على بالي ، بذمتك مو احسن من المكاتب السياحية ؟ البنات ما قصروا معاي والحمدلله صار عندي صديقات من كل بلد وفيه بعضهم اتواصل معهم خارج المنتدى وان شاء الله اذا رحت بلادهم راح ازورهم شخصيا
والصفات تعتمد على العضو مو على جنسيته .. كل الأعضاء فيهم الخير والبركة
على فكرة عليك سؤال سلف لأنك سألتي بس سؤال واحد باقي الثاني .. في الانتظار
يعطيك العافية
R
20-08-2005 | 10:28 AM

يا هلا angel eyes منورة الموضوع ..مشكورة على الكلمات الحلوة .... كلك ذوق
ما اكثر شئ تحبينه في المنتدى و اكثر شئ تكرهينه؟؟؟؟؟
أكثر شي احبه في المنتدى !!! ما أدري فيه اشياء كثيرة تعجبني .. مثلا الرسائل الخاصة اللي تجيني لو تأخرت ساعة عن الدخول الى المنتدى .. يحسسني بأن لي مكان في قلوب الأعضاء اللي يسألون عني .. أحب الأركان كلها لانها فادتني ولازالت تفيديني في حياتي ، أحب اشوف اعلانات مناسبات الأعضاء .. احب اسمع عن خبر الحمل الأول لوحدة من الأخوات واتابعها الى الولادة ... احب الطريقة المحترمة اللي يتعامل فيها الأعضاء مع بعضهم
اما عن اللي أكرره فهو شئ واحد .. أنا قلتها من قبل وارجع واكررها .. اكره حب الظهور بمظهر مثالي ... واكره التعصب لرأي معين خاصة اذا كان من البديهي انه يكون خاطئ .. لكن العضو يتمسك فيه بس عشان يثبت للباقي انه صح !!
بانتظار اسئلتك الجديدة .. يعطيك العافية
R
20-08-2005 | 10:40 AM

صبحك الله بالخير اخوي ابو محمد
تصدق احس نفسي اول مرة اكون متحمسة ومصحصحة في الدوام خاصة ان اليوم السبت ... طبعا عشان الموضوع
جاية واني متشوقة اشوف اسئلة الأعضاء وتوقعت انك تكون اول عضو يشرف الموضوع
حياك الله
كم عمرج ؟
اخوي ابو محمد الانسان لا يقاس بعمره بل بتجربته وخبرته في الحياة >>>>>>>>> ومن هذا نستنتج اني اتفلسف عشان ما اقول عمري
never ask a lady about her aga
لونج المفضل ؟
لوني المفضل :think: تصدق عندي الوان كثيرة احبها .. يعني في اللبس كنت احب الأزرق والأسود والبني .. الحين صرت احب الاخضر .. يمكن مالي لون مفضل بس انا مو حاسة بهالشي !!
مرتاحة للون الاخضر ولأ ودج بلون غيره ؟
اللون الأخضر حلو والحمدلله ماودي اغيره !! كذا ومو ملحقين
الساعة . .تلبسينها باليمين ولأ الشمال؟
كنت البسها في الشمال عادي مثل بقية الخلق والعالم بعدين صرت في اليمين والحين ما ألبسها اصلا ... عشان ما أحس بالوقت .. يعني ساعة الجوال والكمبيوتر والسيارة تكفيني .. لكن مواعيدي دقيقة واحب النظام
عضو للحين ما دخل المجهر وانتي تنتظرينه على احر من الجمر ؟
بعدين اقولكم عليه ... مو الحين
مشكور على الأسئلة الحلوة ... بانتظارك
ص
20-08-2005 | 10:46 AM
شكرا على الاجوبة الحلوة
وان شاء الله هذا الحماس يستمر لآخر يوم في المجهر ولا تشيلي هم ترا كلنا معاج
اقول
باقي على يوم زواجكم 3 اشهور واسبوع و3 ايام
ماذا تعني لج هذي المناسبة ، وهل اهتمامكم بها انتي وابو الشباب بنفس المستوى
وان شاء الله هذا الحماس يستمر لآخر يوم في المجهر ولا تشيلي هم ترا كلنا معاج
اقول
باقي على يوم زواجكم 3 اشهور واسبوع و3 ايام
ماذا تعني لج هذي المناسبة ، وهل اهتمامكم بها انتي وابو الشباب بنفس المستوى
أ
20-08-2005 | 11:31 AM
السلام عليكم ورحمة الله وبركاته
اخوي ابودحم :
بصرحة كنت واايد مشتاقة للمجهر والجمعة الماضية كنت بسأل عن الموضوع يوم شفته ما نزل بس بعدين هوّنت .. تدري انته بعد اللقافة مب زيينه ههههه
اخيرا رجع المجهر مع ضيف يستحق كل الاحترام والتقدير
سلمت يا اخوي على هذا الاختيار ...
رومي (مافيني اكتب بالانجليزي كككككككككك)
يا مرحباا الساااااااااااع .. حي الله مس ديكور على قولة صارع
كيف الحال والاحوال ..؟؟
بصرااحة ما عندي اسألة الحين بس يمكن في وقت لاحق ... بس يايه اسلم عليكم واستمتع بهاللقاء الجميل ..
السموحة
بنفسوجة
اخوي ابودحم :
بصرحة كنت واايد مشتاقة للمجهر والجمعة الماضية كنت بسأل عن الموضوع يوم شفته ما نزل بس بعدين هوّنت .. تدري انته بعد اللقافة مب زيينه ههههه
اخيرا رجع المجهر مع ضيف يستحق كل الاحترام والتقدير
سلمت يا اخوي على هذا الاختيار ...
رومي (مافيني اكتب بالانجليزي كككككككككك)
يا مرحباا الساااااااااااع .. حي الله مس ديكور على قولة صارع
كيف الحال والاحوال ..؟؟
بصرااحة ما عندي اسألة الحين بس يمكن في وقت لاحق ... بس يايه اسلم عليكم واستمتع بهاللقاء الجميل ..
السموحة
بنفسوجة
R
20-08-2005 | 11:52 AM

صــــــارع
وهذا العشم فيكم ان شاء الله بأسئلتكم يكون اللقاء ممتع
بالنسبة لسؤالك
باقي على يوم زواجكم 3 اشهور واسبوع و3 ايام
ماذا تعني لج هذي المناسبة ، وهل اهتمامكم بها انتي وابو الشباب بنفس المستوى؟
يمكن الكثير يقولون ان ذكرى الزواج ماله اي اهمية وان من يهتم فيه انسان سطحي .. او يقلد الغرب ومن هالكلام .. بس انا عمري ما حكمت على احد بهالطريقة ولا احب احد يحكم علي بالمقابل ..
اعتبر ذكرى زواجي اسعد يوم في حياتي لليوم ، ان شاء الله اذا الله كتب لي وصرت امي بيكون أسعد من ذكرى زواجي اكيد ... هالمناسبة تعني لي دنيا جديدة .. بداية جديدة مع الانسان اللي اخترته عن حب وقناعة انه راح يكون شريك حياتي ، نهاية سعيدة لتجربة الخطوبة .. ومافيه بنت تنكر انها تتمنى تكون عروس وتشوف نفسها في المراية بالثوب الأبيض والطرحة .. وهذا اللي صار لي .. كأني كنت في حلم حلو وللحين ما صحيت منه ( الله لايغير علينا ) .. مو قادرة اشرح لك اهمية هاليوم في حياتي .. والحمدلله زوجي مهتم بهاليوم مثلي ويمكن اكثر وكل يوم يجيب فكرة جديدة ( الله يطلعنا من افكاره ) ... بعد ما يمر بقول لكم على ايش صار في الذكرى الثانية
a
20-08-2005 | 11:56 AM
RoOoOmy_M
الله يعدي هاليوم على خير و ان شالله تستانسين فيه :)
انتي مثلي...بس الفرق اني انا كل شي اسويله ذكرى...يعني يوم عقد القران و يوم الخطوبه و يوم كلم ابوي اول مره عشان يخطبني...كل الاشيا و غيرها و غيرها انا و هو حافظينهم و نحتفل فيهم :)
الله يعدي هاليوم على خير و ان شالله تستانسين فيه :)
انتي مثلي...بس الفرق اني انا كل شي اسويله ذكرى...يعني يوم عقد القران و يوم الخطوبه و يوم كلم ابوي اول مره عشان يخطبني...كل الاشيا و غيرها و غيرها انا و هو حافظينهم و نحتفل فيهم :)
ا
20-08-2005 | 01:30 PM
أحيي ضيفتنا الكريمة
وأشكرها على أجوبتها الرائعة
وللمرة الثانية أكرر
أرجو الالتزام بوضع سؤالين فقط