تسوين مثلي؟؟ تعالي نسولف شوي

اول شي مشكوووووره على هالموضوع صراحه وايد روعه

فيه كم شي لما اشوفه اخذ فكره مب زينه عن البنت وبقولكم بعض النقاط اللي اذكرها

منظر قدم البنت لما تكون جافه ومب نظيفه يعني البنت شكلها ماسوت بديكير حق ريلها من كم شهر يطلع المنظر مقرف حتى لو لبست اغلى نعال

منظر البنت اللي تلبس البدله مع الجوتي والشنطه والحلق والقلب والخواتم الشيله مع العباه كلها نفس اللون يعني فاكره انه هذا الذوق

البنت اللي تلبس ستمية خاتم في اليدين وكلها خواتم كبيره (زحمه يادنيا زحمه)

منظر البشره اللي م تقشره وعليها كريم اساس او بودره والله حرام انا افضل اذا الوحده بشرتها متقشره ماتحط شي غير الكريم المرطب والله شكله ارتب من كريم اساس على بشره متقطعه اوالله لما تشوفينها قلبج يعورج على هالبشره

اكره شي عندي ريحة العطر الثقيل مع العطر العربي الثقيل مع دهن عود تصير الريحه جدا جدا منفره خصوصا العطورات العربيه فيها عطور تكون وايد ثقيله ومب حلوه يعني ممكن تتقبلينها من العيايز بس من البنات مااحبها مول

التسريحات اللي فيها سبراي وايد يطلع الشعر كأنه حطبه او متخشب هذي مافيها ادنى درجات الذوق وللاسف ياكثر البنات اللي اشوفهم في الاعراس يسوون هالحركه يطلع الشعر متخشب ومافيه روح ويابس ويلمع بكبره من كثر السبراي

التسريحات المعقده اللي نشوفها في الاعراس ابدا مافيها جمال ويقلل من جمال البنت

المكياج اللي يغير الشكل تماما تشوفين البنات فرحانات انه المكياج مغيرنهم وهذا بعد مافيه ذوق يعني كأنه لوحه مرسومه ماعندي اي مانع بالمكياج الثقيل للاعراس بس يكون محلي البنت يعني مش مغير ملامحها هذا وايد غلط

الفساتين المعقده اللي متروسه فصوص على شيفونات على سلاسل على ربشه (الذوق في صوب وهالفساتين في صوب ) واللي مستغرب تراه بعده فيه بنات يحبون هالسوالف

مايعجبني منظر البنت اللي تلبس عبايه وشيله وتشوفين نص شعرها ظاهر من الشيله والمصيبه اذا كانت صابغه اشقر مع هايلايت افتح عاد الشعر الاشقر مهما كانت البنت بيضا مايطلع حلو على ملامحنا وعلى الشيله والعباه

هذا اللي اذكره الحين

علايه

ملاحظاتك مهمه وايد

بس خلونا نتكلم عن المكياج عشان كلنا نستفيد من الأخطاء

اسفه رعبوب انا شفت البنات تكلموا بشكل عام فحطيت الاشياء اللي ماتعجبني ومب قادره امسح ردي الحين

الموضوع وايد حلو ومهم...

انا لاحظت لما اتروحين الصالونات يسألونج اذا تبين مكياج عادي او مكياج سبيشل ... مب فاهمة شو هوه الفرق ولما سألت قالوا لي زيادة مكياج ولمعة.وإلي قهرني زيادة سعرة غااااااااااالي . ومرة رحت عرس وشفت صديقتي.. والله ما عرفتها.. من كثر المكياج إلي حاطتنة على ويها .. استغربت وسألتها وقالت انه مكياج سبيشل... كان كميت الاساس طن تقريبا .. والظل فضيييييع ... ألف لون ولون ومن غير الهاي لايت البايخ.... ...

انا اشوف ان البنت احسن لها اتحط المكياج العادي بتطلع احلى وابسط وراح يبرز جمالها اكثر واكثر

للتوضيح

المكياج العادي ,,,,,,,, يعني يكون عادي

المكياج الاسبيشل ..... يستخدمون فيه كريمات اساس خاصه عساس مايخترب لفترات طويله يعني ضد العرق ومخصص للتصوير

ومن صالون الين صالون يفرق فيه منهم يبالغون بشكل وفي منهم يحطونه حلو ومناسب للاعراس

علايه_ابوظبي:
اسفه رعبوب انا شفت البنات تكلموا بشكل عام فحطيت الاشياء اللي ماتعجبني ومب قادره امسح ردي الحين

لا بالعكس حبيبتي ليش تمسحين ردك

الأمور اللي ذكرتيها فعلاً مهمه

بس انا اقصد بشكل عام ان احنا تشعبنا عن الحديث الأساسي

وهو عيوب المكياج اللي نلاحظها

لا تحرميني من تواصلك يالغلا

ام خلفان

كلامك صحيح

ممكن يكون الأسبشل يعني الظل فيه شغل اكثر او ان الكريمات والأشياء المستخدمه افضل
والكل على حسب ميزانيته

بس عن تجربتي انا الفرق اللي شفته بين الأسبشل والعادي ،، بس تركيب الرموش

وكلام فطيم بعد صحيح

مرحبا يا اخوات .. الصراحه كلامكم كفى ووفى .... تخلون الواحد يفكر في كل شغله ...خخخخخخخخخخخخخخخخخخخ

حبيت اضيف شي وهو ان حتى لوكان المكياج بسيط و الوانه هاديه ممكن يكون غير مريح للنظر يعني تلقين وحده راسمه وجهها لوحه تهبل بس ما تقدرين تستحملين تشاهدينها وايد .. مثلا يوم كنت بالجامعه تجيج البنت كشخه و عطر و ميك اب على حله بس تلقين مو موزعه الكريم عدل .. الكحل ملقمص ... الماسكرا متكتله ... لا و تجيج حنطاويه و حاطه روج فوشي فاقع مع بلشر نفس اللون و لا روج بني لون الجوكليت .. عاد الله لايرويكم جنها مشيشه و جايه .. انا عني احط ميك اب حق المناسبات و الزيارات فقط في الجامعه ما كنت احط لان دكاتره و في الشغل بس احط كحل .

اهلين حبيبتي رعبوووب

موضوووع افادني كثييييييييييييييييييير

انا الشي اللي يزعجني اللي اشوف عيونه كلها سوداء من الشدو والكحل والماسكرا والالوان ..
والله لـ درجة اني احيانا استغرب اقول انا عندهم كأني طفلة لاني ما احب احط كحل والوان كثيرة .. شي بسيط وطرفي العين بــس


بالنسبة للمانكيير الفرنسي ودي اعرف ايش هو ؟؟ يمكن اني استخدمه بس ما اعرف ان اسمة المانكيير الفرنسي

خوش موضوع

تسلمين يالغلا

الحديث ممتع معكم كثير

ماشااااااااااااااء الله ما قصرتو ما خليتو لنا شيء


بس اكثر شيء يقهرني انه الوحده تحط لون اساس افتح بكثير عن لونها وتطلع رمااااادية

يا هلا بالجميع

كلامكم و ملاحظاتكم صحيحه

كفيتوا و وفيتوا

يالله بنات شكلكم مليتوا من السوالف؟؟

لا حشى ما ملينا ........ بس نتذكر اللي كنا نشوفه ..............خخخخخخخخخخخخخخخخخخخخخخ

اختي مي

جبت لك هالصور توضح لك شنو المانكير الفرنسي French Manicure

المها 999

يالله حبيبتي

خلي ذاكرتك قويه

وتذكري لنا شنو اللي مو عاجبج

ملاحظاتكم كلها مهمه بس من يفهم

هلا ملاذ

كلامج عدل
واللي يقهر انج تشوفين ان اللي يسون كل هالشغلات يمشون بكل ثقه

الموضوع روعه

والمناقشه احلى

بالنسبه لي كل ماكان انعم كل ماكان احلى

بس مرات اضطر احط ثقيل في المناسبات من ناحية الكحل والشادو بس يكون في تناسق وارتب

بس شرايكم نتكلم عن افضل مكياج تستخدمونه من ( شادو واساس وبودرة المضغوطه والكحل والمسكره

دلووعه

اشكرج على المشاركة

و ذكر افضل منتجات المكياج ،، في كثير من المواضيع في القسم بنفس الفكره

موضوع حلووو ومفيد
ما احب البنت اللي تحط لمعة تحت الحاجب واتمدها لي شعرها >>>>>>>>>اتشوفينها تبرق على بعد ميل>>> كخخخخخخخ

ما احب البنت اللي تكون راسمة حواجبها بكحل اســــــــــــــــــــــــــــــود وخصوصا لما يكون شعرها فاتح تطلع جنها امنا الغولة

هذا اللي في بالي الحين واذا تذكرت شي لي رجعة