تسوين مثلي؟؟ تعالي نسولف شوي

ههههههههههههههههههههههههههه


رعــبـــوب

الله يقطع إبليسج بس الصراحة حلو موضوعج علشان كل ما شفنا شي يبط

جبدنا في الأعراس ولا السوق نجي ركض هنا علشان نقول إللي في قلبنا :)

كل إللي قلتوه صحيح 100% وأشياء صج تنرفزني وإللي يبط جبدي أكثر

أن على الكلام إللي قلتوه تلقون البنت واثقة من نفسها وتمشي كأنها نانسي عجرم على غفلة

وتطالع الناس بنظرات كأن هم فيهم الغلط مو هي .. والله حاجة ترفع الضغط

طبعاً بحكم إني من البحرين فأنا أشوف بلاوي اسمحوا لي بنات ديرتي بس هذا واقع..


من الأمور إللي تبط جبدي وترفع لي الضغط..

- بنت تحط الكحل زي الفراعنة من داخل عيونها وتوصلها لي حد شعرها <<< أسلوب مبالغة :)

بس والله مو حلو كأنها ماخذة قلم من إللي يستعملونهم للوسائل وراسمة على عيونها

يا الحبيبة شوي شوي ليش تسوين بعمرج جذي؟ ذوووووووووووووووق



- في بنات أشوفهم موديل جديد يحطون مكياج كله بنفس الدرجة مثلا، الشادو برتقال

الحمرة برتقالية ، البلاشر برتقالي وما وصلت لي هنا .. ثيابها برتقالي ، حلق أذنها برتقالي

والشنطة برتقالية والنعال (أعزكم الله) برتقالي.. يعني يكون ذويقة البنت ومطقمة

وهم المشكلة تمشي بثقة كأنها باربي على غفلة...



- بنت سمرا نقول زي سمارة نعومي كامبل طبعا ما فيها شي بالعكس فيه سمروات

يدشون القلب ويعششون فيه بس إللي يرفع الضغط أنها تحط مكياج أبد ما يناسبها

وألوان ما تناسب سمارتها والله بحيث أنها تقضي على ملامحها نهائي..



- اسمحوا لي بعد أقول شي وهي ظاهرة عن جد مال أمها داعي وإللي يقهر هذول أهلهم ما

يقولون لهم شي .. ما يلاحظون ... عمى ولا إيش؟؟ تشوفون البنت في المجمع يعني مجمع

أكيد بتتسوق لكن مكياجها نفس مكياج عرسها <<< ما ادري شنو خلت حق ليلة عرسها

والشعر تقولون قطو متهاوش بشعرها... والأناقة حدث ولا حرج لكن نجي للمصيبة

تلبس ضييييييييييييييييييييييييييييييييييييييييق والجسم يا الله، ترهلات على كرش على أرداف

على شحوم ولحوم طيب أنتي إللي كذا ستري على عمرج غطي لكن هم الثقة موجودة

يا سبحان الله...



- بنات والله تشوفينهم رايحين الجامعة مثلا ومن الصباح حاطين مكياج كاااااااااااااااااامل

ويرسمون عيونهم رسم... سؤالي متى يصحون من النوم؟؟؟ !!!!!!!!!!!!!!!


- بالأعراس تشوفون بنات يحطون لون الحمرة نفس لون الفستان.. فستان أحمر الروج أحمر

برتقالي ... برتقالي

ذهبي .... ذهبي

فضي .... فضي

يعني ذووووووووووووووووووووووق



هذا إللي خطر على بالي الحين بس بإذن الله لي رجعة :)

والسموحة منكم

السلام عليكم ورحمة الله وبركاته

و الله همس القلوب كلامك فطسني من الضحك

:D2

همس القـلوب

عسى هالضحكه دووم حبيبتي

اي والله كل ما نشوف شي يبط جبدنا نجي هني و نطلع حرتنا

كل اللي ذكرتيه واقع ملموس و نشوفه منتشر

فعلاً ذكرتي اشياء صحيحه راحت عن بالي

و بخصوص الأهل ليش يخلون بناتهم جذي

خصوصاً الأم

يا ان الام تكون بنفس الستايل و نفس الطريقه وبجذي تكون قدوة بنتها ،، لا تستغربون في امهات يكونون مراهقات اكثر من بناتهم

او ان الأم كبيرة في السن و مالها بهذي السوالف

او ان الأم تبدي رايها و توجه بنتها ،، بس البنت متمرده وماتعطي امها اي اهتمام

والله انا قبل كنت اذا بطلعه او مناسبه ،، امي ما كانت تمنعني او ما تخليني اشتري مكياج

بالعكس في البداية كانت تساعدني بأختيار اللي يناسب عمري

وبعدها صرت قبل كل مناسبه اخذ رايها و تقول لي مثلاً هذا ينفع او هذا ما يناسب

بطريقة حببتني اني اسمع كلامها و اثق بوجهة نظرها ،، ولين اليوم انا وامي نتسوق مع بعض وهي تسألني وانا اسألها

احس هذي الطريقة المناسبة لتوجيه الأم لبنتها خصوصاً لو كانت مراهقه متمرده


خلاص احنا ننقهر و نجي هنا نفضفض ،، وصاحبات الشأن يمشون بثقه عاليه هههههههه ولا عليهم

لا تحرميني تواصلك عزيزتي

موضوعك اختي رعبوب توب التوب ... وفعلاً راح نستفيد منه ونفيد فيه ...

وراح ازيد على لستتكم بعض الملاحظات ....

بعض البنات يحطون الاساس بطريقه غير متناسقه ... يعني تشوفين وجها مبقع ... صوب فاتح وصوب غامج ..

وبعض البنات يحطون الشدو الغامق بدون توزيع يعني كأنها خاتمه عينها بالشدو ... وبعظهم يتبعون هالطريقه من الصبح للأشغال وللجامعه ...

والبعض يحط المكياج حلو ومرتب ومتناسق بس ينسون سالفة الكونسيلر ... ووقتها تشوفون عيونهم صايره مطفيه من الهالات .. او ان الهالات مخربه المكياج ...

والبعض يحط الروج الاحمر مع المحدد الاسود ... انا لما اشوف هذول اموووت عليهم من الضحك ... لانهم يذكروني بالطقاقات مال اول لووووووووووول ...

وبالنسبه لسالفه المانكير المتشقق والمتقشر هذا يقرفني لما اشوف بنت كاشخه وايدها جذي .. احسها تطابق المثل القائل (( من فوق الله الله ومن تحت يعلم الله )) ...

او تشوفون بنات مكياجهم حلو ومرتب بس تحسين وجهها مغبر لان حواجبها يكونون مغبرين من البودره ... يعني ما ترسمهم عدل او انها تنسى تشيل عنهم البودره ...

او تجيكم بنت مسويه روحها ناعمه بالمكياج الناعم الهادي الطبيعي ... بس تحسونها كأنها سمكه مثلجه<=== ابوك ياتعبير لووووووول ... لان كل الوانها فاتحه الشدو والروج والبلاش ... مثلاً البودره مفتحه وجها وايد كانها حاطه طبقه دقيق على وجهها لوووول وروج بيج وبلاشر بيجي وشدو بيجي او ازرق سماوي فاتح كلش مايبين ... هذا المكياج يذكرني بوحده كانت معاي بالجامعه من اشوفها تخرعني واسمي بالله بوجهها لووووووووووووووووووول ...

ولا يزعلون مني السمر بهالنقطه ... اشوف وايد بنات سمر ويحطون اساس افتح منهم ب10 درجات ويمشون بثقه للأسف ...


والبقيه لاحقاً لوووووووووووول ...

ههههههههه ضحكتوني

على طاري اللي يمكيجون ماتحسون انهم كثروا؟ ياترى هذا جيد او لا ؟

مرحبا ،،
مع انك يا رعبوب كفيتي وفيتي بس باضيف شغله:
** بعض البنات يكون مكياجهم حلو وروعه بس >> ينسووووووووون يغمجون حواجبهم وتكون باهته لا ومغبره فيطلع شكل الوحده كأنها طالعه من كهف :(

** في بنات ما يعرفون يحطون كحل >> مآآآآآآآآآآآساه تطلع عيونهم كأن حد مشخبط عليها بالاسود وانا قريت في احد المجلات انا اللي ما تعرف تحط كحل لازم تحط شدو ناعم لون واحد مع ماسكارا لان شكل العين بدون كحل احسن من شكلها وهي بكحل معفوس
او تقجر تحط لون شدو غامج مثل الاسود>> بي لحد يعفس الدنيا

**في ناس ما تحط كريم اساس >> ويحطون روج احمر غامج >> يطلع شكلهم كانهم دركولا مصاص الدماء

وسلامتكم :)

حبيبتى رعبوب
موضوعك حلو جدا

والله انا مشكلتى انى مش بعرف احط ميكاب كويس مع انى الحمد لله بفهم جدا فى الميكاب

واكتر حاجه مش بتعجبنى ان البنت تحط ميكاب كتيير جدا الصبح وفى ناس الاقيها حاطه جليتر بالنهار

المفروض يكون فى ميكاب لكل وقت وموضوع التحديد مبيعجبنيش خالص خصوصا فعلا لو غامق مع روج فاتح

تسلمووون خواتي على التفاعل والنقاط اللي ذكرتوها فعلاً مهمه

وصحيح اكثر ما يزعجني تلقون البنت مكياجها حلو و مرتب و شغلها مضبوط

بس تهمل سالفة الحواجب ،، تخليها مغبره بدون تحديد او حتى ما تزيل منها الباودر الزايد

ومسألة اللي دمج الظل عندهم مو مضبوط بعد شغله مو حلوه ،، تحسون حد معطيهم بوكس على عيونهم ،، خصوصاً اللي يحطون سموكي اسود وهم ما عندهم خبرة في الدمج


لا تحرموني من تواصلكم


يالله بنات شفيكم ؟؟ خلصت سوالف المكياج ولا مليتوا من الموضوع ؟؟!!

هلا حبيبتي ماخلصت ولا شي في الجعبه الكثيييير هههههههه

مثلا اللمعه لازم ماتنحط في اماكن متعدده في الوجه يعني تشوفين لمعه على العين والخدود والشفايف

ماخلت شي تتبارق من على بعد كيلو اللمعه تستخدم على مكان واحد بسسسسس
[list]
وما يكون العين والفم بنفس الوقت


[/list]
وبالنسبه للمعه اكره شي لما تكون من النوع الcheap

اقصد الانواع اللي زي الزري مادري فهمتوا قصدي

ودمتم بود

هلا بج من جديده

اوافقج على كلامج ،، وانا مثل لج ماحب اللمعه اللي تكون كثيره مثل الجليتر


بنااات تعالوا اقول لكم اليوم الصبح شنو شفت


رحت المستشفى عشان اخوي مسوي عمليه

المهم وانا قاعده معاه جا الدكتور ومعاه دكتورتين متدربتين

مثل ما انتوا عارفين الطبيبات لازم يكونون معتنين بنفسهم وبأحسن صوره بس ببساطه عشان يفتحون نفس المرضى

سبحان الله ياربي انا نفسي انفتحت لوحده منهم والثانيه كشيت منها من اول نظره

و اخوي كان له نفس الشعور

الأولى كانت مرتبه و ناعمه و لابسه درجات الـ pink الفاتح

و باودر فاتح وبلاشر ناعم و قلوس ،، حاطه خط من الشادو الفاتح بطريقة الآيلاينر ومانكيير فرنسي

سبحان الله تفتح النفس و الأبتسامه ما تفارق شفايفها

والثانيه حاطه سموكي اسود وروج فاقع و تنوره شيفون سودا وكعب ،، يعني كأنها رايحة سهره بس لابسه بالطو الأطباء

والأبتسامه ما تعرفها بالمره

ههههههاي تصدقون حتى طبيبهم اللي يدربهم طريقته في التعامل معاهم تختلف

السلام عليكم
انا خبرتي بالميك آب بسيطه جدا مع اني لما احط يعجبهم حتى مرة صديقتي علىبالها اني مسويته بالصالون
بس تعليقاتكم خوفتني الحين خير شر ما بحط

بس في نقط قريتها وحبيت اعلق عليه وهي:البنت السمراء اللي تلبس عدسات زرقاء
من اللي قال موحلو... اعرف بعضهم ما يليق عليهم ولكن بعضهم يخبلون............

أنا لاحظت وحدة ويانا فالدوام دووووم تحط شدو البني دخاني (Smokey) على كل ألوان الملابس
الطريقة الي تحط فيها وااايد حلوة بس:up:
الي مب حلو فالموضوع انها تحطه بدون ما تاخذ فالحسبان لون لبسها

:no:



و السلام ختام:cool:

°ˆ~*¤®§(*§*)§®¤*~ˆ°[size=6]الله يعطيك العافيه وسلمت يداكـ[/s:up::up::up::flower:ize]°ˆ~*¤®§(*§*)§®¤*~ˆ°

[frame="9 80"]الي تحط كريم اساس بكميه كبيره ومع الوقت يسيح ويبدا يتسلخ من جانبي الانف وتحت الذقن

الي تحط كريم اساس بدون ماترطب بشرتها قبل وبكذا يكون الكريم متقشر على وجهها

الي تحط القلوس بكميه كبيره وبعدين يسيح الى خارج الفم [/frame]

يااي كل اللي قلتوه اشوفه وكنت بقوله
وخاصه الكريم لما يتقطع شنووو يكش جسمي
والا اللي يجون الجامعه الصبح والمكياج مكياج عرووس ؟
مادري متى يقعدون
انا الصبح يالله احد اي لاينر خفيف وماسكرا وجلوس شفاف او ناعم مع اني اتنقب بس مادري احب احط جلوس
وبس الحين بعروسنا ماشاالله بيرفكت صراحه
وحده تصك على الثانيه
الكل ذوق
الناس تعلمت
بس على سالفه اللي ماتسوي استشوار
انا عادي شعري مايحتاج
بس اغسله واخليه ينشف واحط شويه كريم عليه والفه
واروح العرس يطلع جنااااااااااان علي
والحين مارقص من كثر ماحسدوني على طبيعه شعري
المهم الله يعين
وكل اللي قلتوه صح

يا هلا فيكم كلكم

وكلامكم صحيح فعلاً

بخصوص العدسات الفاتحه على البنات السمر ،، ممكن تكون على البعض مناسبه

بس صدقيني مبينه مو طبيعيه و over

سبحان الله ربج ما يعطي الأنسان الا اللي يناسبه

هذا ما يمنع ان احنا نتعدل بس بعد المنظر الطبيعي احلى

هلا وغلا رعبوبه
اشلونج حبيبتي
ايش هالموضوع الحلو مثلج
واللي الكل يعرفه الحلو مايجيب الا الحلو


بالنسبه لي كل اللي قلتوا نفس كلامي وبنفس الملاحظات اللي انا ملاحظتها على بعض البنات

والشي انا ملاحظتها انه بعض البنات يحطون كذا لون على الجفن بس من غير دمج وااااضح يعني تطلع عيونج كانها قوس قزح يعني كل لون بروحه مافيه دمج من بين اللونين
عرفتوا قصدي اشلووون

وثاني ملاحظه
اللي تحط تحت الرموش السفلى اظلال وتخليه سموكي غااااااااااااااامج حتى الرموش ماتبين
وتلاقينها تحط الوان تحت الرموش نفس الشدو اللي فوق بسسسسسسس بشكل عررريض يوصل لين الخد مب حلووووو كلللللللش

ثالث ملاحظه
اللي تحط اضااااءه بييييضه قويه وحاده تحت عيونها بحيث لما تشوفينها يكووووون لافت تحسين مافي شدو ولا في كريم اساس الا اضاءه بس كانها حاطه لمبه تحت الجلد
هاي ماااحبه كللللللللللش


ورابع شئ هو مو ملاحظه بس شئ انا ماحبه
ماحب الحركات اللي تنحط على الويه من نقشان
وكريستالات وريمبو لامع مادري احسه غلط يوم اشوف الوحده تحطه ماحس انها حلوه ولا انها ناعمه ولا انها راقيه
هاه انتوا تحسون مثلي ولا بس انا

ووووووو ماشاء الله عليكم ماخليتوا شئ
اذا تذكرت باقول لكم

هيه نعم انا نفس احساسج يا ملاذ الحب ماحب الرسومات على الجلد ولا الكريستالات ومشالله البنات ماقصروا نفس ملاحظاتي

بس بزيد شي واحد مادري البنات ذكروه ولالا

بالنسبه لمكياج الجسم في بنات في الاعراس اشوفهم يلبسون عاري ويحطون على اجساسمهم كريم اساس للجسم بس للاسف يكون عن الباط موصخ الملابس ويوم ترفع ايدها يكون مخترب ولون الباط يكون غامج وكريم الاساس عليه مثل الطحين

يعني الحل يلبسون نص كم احسن :D2

ملاذ حبيبتي

يا هلا بج

والموضوع ما حلى الا بوجود ملاحظاتك اللي فعلاً اتفق معاج عليها

خصوصاً سالفة الظل المو مدموج فعلاً شغله مو حلوه ،، خلاص اللي ما تعرف تدمج لا تتفنن وتحط الف لون
والأضاءه بعد احس اللي يزودونها ،، اول ما تشوفينها تطالعين جفنها لا شعورياً واللي مو حلو صج
اللي تحط اضاءه قويه وما توزعها يعني تحسين بس خط بارز وبعد لو كانت على طول تحت الأضاءه المو مدموجه ظل غامق او فاقع
صج المنظر يطلع بشع

فطيم

انا معاج

في بنات يحاولون يفتحون اجسامهم بطريقه بشعه يعني المنطقه غامقه و يحطون اساس فاتح يطلع المكان رمادي

واللي يبقع في الملابس ،، مايدرون ان في اساس للجسم ؟؟