تسوين مثلي؟؟ تعالي نسولف شوي

angel eyes:
ههههههههههههههههههههه والله جتلتوني من الضحك لانه بالفعل هاي الاشياء اللي انا و صديقتي دايما نعلق عليها و ازيدكم من الشعر ابيات :)

1.البنت اللي تحط روج عنابي مع محدد اسود!!!
2.البنت اللي مشقره ويها بس التشقير صاير لونه برتقالي لانها سمره و الشعر طويل!!! اعتقد الحف احسنلها!!
3.البنت اللي تفتح شعرها في المناسبات لانه طويييييييييييييل يمكن لين تحت الركب بس للاسف خفيييف جدا و متقصف لين النص...يعني يا حرام الناس بدل ما يمدحون شعرها بيعلقون عليه و هي تتحسبه حلو....لا والمشكله بدون سشوار بعد!! يعني اذا الوحده تبي تطول شعرها لازم تحافظ على صحته و جماله قبل ما تطوله
4.اللي تحط تحت عينها شدو برتقالي ليييييين الخد تقريبا!!! و للاسف فيه وايد خبيرات مكياج يسوون هالحركه فتطلع الوحده جنها مدمنه مخدرات!!!
5.اللي تكبر بوزها بالمحدد بطريقه مبالغ فيها....و احس حتى هالحركه تسبب الحول :)
6.اللي ترسم حبات خال بواسطه الكحل !!!!!!!!!!!!!!!!!!!!!!!!! علي جنب الذقن او فوق البوز !!!
7.اللي م اتحط مسكارا و ويها كله كريم اساس و بودره و الرموش مغبره و هي عادي عندها
8.المكياج المبالغ فيه للاوقات العاديه!!! شو خليتوا حق الاعراس!!؟؟


و للحديث بقيه :)

يا عسى هالضحكه دووم فديتج

بس سالفة المحدد الأسود لين الحين منتشره؟؟:pain:

في النقطه الثانية و الثالثة انا معاج 100 % لأنها فعلاً اشياء منتشرة و بشعه

اما اللي ترسم حبات الخال ،، اعتقد هذي منقطعه عن العالم الخارجي و متوقفه عندها الموضوع لين الحين على ايام نوال الزغبي و ديانا حداد على اول طلعتهم

وبخصوص الكريم و الباودر بدون ماسكارا كنت ألاحظها على وحده من البنات و دوم اتخيلها طابه في كيس طحين

انا صح مافهم في المكياج بالمره


بس ماحب اشوف البنيه تارسه وييها بالمكياج

احب المكياج الخفيف

رعبوب

هيييه للاسف فيه بنات لين الحين يسوون جيييييه :)
والمحدد الاسود موجووووووووووووووود لين الحين :)

صلصوحه

شاكرة لك ردك الحلو

لا تحرمينا من تواصلك

angel eyes

الله يعين

شاكرة لك ردك الثاني ولا تحرميني من تواصلك الجميل

والله جبتيها رعبوب

سالفة المناكير الأخضر والأزرق حتى البنفسجي الغامق ما اقدر عليها

انا عندي المناكير الفرنسي احلى شي ويخلي اليد انيقة

فيه شغلة انتي ذكرتيني فيها ... ما أطيق اظافر الرجل اذا كانت طويلة مايخافون يحصلون لهم ضربة او يطيحون وتتكسر !! احسها تبان مقرفة كأن الوحدة مشعوذة اعوذ بالله

فيه شي يضايقني اكثر من هذا كله هو صحيح مو عيب في المكياج بس ما احب اشوف هالشغلة ابدا

الوحدة الله يهديها تكون متعدلة ومتكشخة بس مع الحركة تطلع لها ريحة ... ناس اجسامهم على طول ما تتحمل .. المهم ما ابي اعور راسكم من الصبح بس كفاية ريحة العرق وزحمة الناس تجي ترش لها عطر !!!!!!!!! وهنا المصيبة

طيب يابنت الناس روحي الحمام وغسلي وحطي لك ديودرانت مو احسن من العطر على ......

لي عودة لان راسي عورني ما أقدر اكمل

هلا بروومي الغاليه

سلامة راسك ولا تتأخرين علينا بالعوده

المانكيير الفرنسي فعلاً ناعم و حلو ،، والأحلى انه يناسب كل الوان البشرات وابداً ما يعطي اليد ايحاء انها سمره

و بخصوص اظافر الأقدام فعلاً شي مقرف اللي يطولونهم ،، وربي انا خوفي من مسألة الضربه هي بدون ظفر و تألم كيف والظفر طويل
لا وبعضهم يبدعون يخلون الظفر مقوس هههههه


اما سالفة الريحة هذه موضوع لحاله
واللي يزعج بجد اللي تختار لك عطر قوي بمكان مزدحم واساساً الواحد مو طايق حاله ،، واللي تحاول تغطي ريحة العرق بالعطر هذي فعلاً تجيب النتائج عكسيه

والأحلى لو البنت تحممت و حطت ديودرنت و عطور بارده للصبح او الأماكن المزدحمه عشان التأثير يكون افضل

مابي اوصل لمرحلة الحش لكن بقول لكم سالفة بنت

دوم اشوفها بالمجمعات كنت اعرفها ايام المدرسه بس بصراحه اتجنبها

عندها بعض الأشياء الغلط اللي تكلمنا عنها بموضوعنا

كريم الأساس اللي يصير رمادي والعدسات و المكياج الـ over

وكل انواع العطور ،، بس لها ريحة فم منفره مانبي نلوع جبودكم

بس بجد هالشي ينفر الناس منها

خلاص مانبي نطلع عن موضوع المكياج:D2 والروايح اللي مالها داعي من الصبح

لوووووووووووووووووووووول

روميي و الله جبتيها...ريحه العرق مع العطر.....وووووووووووووع احس برجع...يا ويلي...ما فيه اختراع اسمه ديودرانت عندهم...

والظفور الطويله تبين الرجل وسخه و بالتالي تخلي البنت شكلها وسخه و ما تتسبح...


و من الاشيا اللي تجلط اللي تكون لافه الشيله و قصتها نازله على حواجبها!! يا ناس ما تحر!!!! ما تطلع لها حبوب على جبهتها من الشعر!!!

angel eyes

يا هلا فيج من جديد حبيبتي

والكلام اللي ذكرتيه صحيح


شفيكم بنات ما تكملون ؟؟ معقوله خلصت سوالف المكياج؟؟

فيه بعد اللي تحط الكونسيلر اللي ما يناسبها..و يخلي حوالين عيونها رمادي ...او تحط كونسيلر وايد ابيض كانها مريضه حوالين عيونها .....بتذكر و بقول لكم :)

صحيح كلامج

البعض يحطون درجه فاتحه من الكونسيلر على بالهم تفتح ما دروا ان النتيجه بتصير هالات رماديه


بأنتظارج ،، لأن شكلج تحبين قز المكياج مثلي ههههههه

رعــــــــــــــــــــــــــبوب

انا اموت في المكياج...و اول شي يلفت نظري المكياج عالوحده قبل ثيابها :)

شي ثاني يقهرني

في بنات اول ما يعرسون يبدون يحطون روج احمر!!! كله روج احمر كنايه عن الجمال!!! مادري شو السر بالروج الاحمر اللي تحطه في جميع الناسبات و لكل الوان الثياب!!

يعني كلنا نتشارك بالأدمان على المكياج

هههه اللي يقهر تلقينهم قبل العرس ما يعرفون الروج

مو على كذا وبس ،، تلقين اهم شي الروج اهم من الكحل او الماسكارا

هلا وغلا برعبوب

فديتك فتحتي موضوع يطووووووول شرحه

انا معاكم بكل اللي قلتوه

بس بزيدعليه البنات اللي يروحون حق وحده تمكيجهم وتطلعهم سحر والله

يخرعوووووون وعلى بالهم انه فن

ولا اللي يحطون روج ذهبي لا والمحدد بني غامج

واللي يفكرون انه كل ماكثرتي يطلع احلى

البنت اللي تبطل شعرها وشعرها كشه ههههههههههههههههه

السلام عليكم ورحمة الله وبركاته

هلا بيكي رعبــــوب...

ينفع أشارك ؟ صحيح أنا مش خبيرة مكياج...يعني خبرتي كلها تقريبا أخذتها منكم...

ما يعجبني اللي ما تعرف تضع كريم أساس صح...يعني لا نوعه و لا لونه لايق عليها...تغير شكلها الطبيعي تماما...مثل الممثلات العرب في الأفلام...في حين لو شفتي الأفلام الأجنبية...صعب تكتشفي إذا الممثلة حاطة كريم أساس أصلا...

اللي تحط مكياج ثقيل وين ما كان...في أي مكان و زمان ( و إتجاه :) )...في شيء إسمه إيتيكيت المكياج...يعني طلعة الشغل الصبح...مش لازم لها كل هالزواق...

غير عن الطلعة بالليل مع زوجك...لازم تبيني حالك حلوة و محترمة في نفس الوقت...

ما أحب المكياج اللي يعطي الواحدة سن أكبر من سنها...مثل مكياج جويل في ( بالصراحة أحلى )...تدخل لها البنت عمرها 20 سنة...تطلعها بمكياج واحدة عمرها 45 سنة...

البنت الصغيرة يكفيها شوية بودرة خفيفة...على كحل...على جلوس...مش لازم كل هالأفلام في مكياجها...فعلا أحسها تقتل براءة السن...

ما أحب المكياج السموكي الغير متقن...واحدة تمسك الشادو الأسود...و دايرة حول عينها...لا حول و لا قوة إلا بالله...بعدين أساس ثقيل على كل وجهها...و بعدها روج بيج...

بالضبط ساحـــــرة...كل وجهها بيج..ما عدا منطقتين في الوجه لونهم أسود...مثل الباندا...

يعني هذه الأشياء اللي على بالي الحين...و إذا في شيء ثاني برجع علطول :)

noumas

كلامج صحيح 100%

لا تحرميني من تواصلك

مرموم

ام مريم الغاليه

انتي لو ما شاركتي كنت بزعل ،، هو الموضوع يحلى بدونك ؟؟

كل كلامج كان يدور في بالي وماعندي اي تعليق اضيفه ،، كلامك يكفي و يوفي

بس لي تعليق بخصوص فرق مكياجنا نحن العربيات و الأجنبيات

صدقيني هذا كلام سمعته بأذني من رجل شرقي ::

ان العربيات عموماً والخليجيات خصوصاً يتمكيجن اكثر عن الأجنبيات

وردي كان ان احنا يالعربيات نعتني بأنفسنا اكثر

وهو كان قصده مختلف ان احنا ما نسوى بدون مكياج وان الأجنبيات جمالهم صفاء بشرتهم طبيعي من الله

قلت له ياريت تشوف كل وحده على طبيعتها ،، يعني اللي يشوف برامج الواقع مالتهم او يمشي بشوارع اوروبا ينقرف من البشرات اللي مالها عدال ،، تقولين نمش احمرار حبوب شحوب عدي وما تخلصين

الأخ طلع مو شايف الأجنبيات الا بالسينما:no: و صورته مبنيه على هالأساس

فعلاً شي محبط

السلام عليكم ورحمة الله وبركاته

تسلمي أم خالد الغالية...أحبّك جدا لما تناديني أم مريم...أحب هذا الأسم :)

صح أختي هم بشرتهم أبدا ما بيهتموا فيها...مع إنه عندهم ما شاء الله كل الماركات و الأشياء...

بس تعرفي السهر و التدخين و الخمر و العياذ بالله...كلها أشياء تدمر البشرة...

لكن الفرق عندهم...إنهم لما يريدوا يغطوا هذه الأشياء...يغطوها بأشياء سحرية...يعني مش عارفة كيف تصير صافية و حلوة...بأقل المكياج الممكن...

لهم طريقة عجيبة في جعل الوجه طبيعي و مشرق...

أحس مكياجهم يشبه المكياج اللبناني أكثر...يركزا على نقاط معيّنة تظهر الوجه...

هذا رأيي...مش عارفة صح أو غلط :o

هلا عزيزتي ام مريم

الله يخلي لك مريم و تفرحين فيها بأذن الله

مثل ما قلتي العوامل كلها تساعد في ان بشرتهم تخرب بسرعه ،، وهم مثل ما انتي عارفه ما عندهم مثلنا وصفات وعلاجات طبيعيه

و هم اساساً ما يتربون او يكبرون على اهمية العناية ببشراتهم و اجسامهم

الى جانب ان الشقراوات بشراتهم تشيخ اسرع منا بكثير

المنتجات اللي عندهم اكيد لها قريبه عندنا اذا ما كانت نفسها متوفره لنا

بس احنا نحط تفكيرنا و تعبنا برسم الكحل و الألوان

وهم مفهوم المكياج عندهم :: تعديل عيوب الوجه وبس

بعكسنا احنا :: اللي يعني تغيير ملامح الوجه ،، استعراض ألوان او كرنفال ممكن

الغربيات غالباً يكون مكياجهم بروفشنل والبنات العاديات تلاقينهم اقصى خبرتهم كيف يحطون الروج

لا تحرميني من تواصلك غاليتي ام مريم