ختان الاناث

احب اقول لاخواتي شي هو انه مهما اختلفت ارائنا حول الختان للاناث مستحيال اننا نرضى تكون بناتنا في موقف كشف عورتها
وهي لاتزال صغيره انا والحمد لله حمدا كثيرا على الرغم من معرفتي بهذا الشي الا مؤخرا فإنني لم اسمع من احد هذه الكلمه
وذلك دليل على عدم فعله وخاصة ان القرآن والسنه لم تذكره نصاً في ختان الانثى فقد ذكرت ختان الذكر وليس الانثى

انا لا اعاتبكم على ارائكم ولكني لا استطيع ان اضع ابنتي مستقبلا بين يدي شخص يرى عورتها سواء كان هذا الشخص رجلا ام امرأه

انا احييد الختان حق الولد .. شو يخص البنات في الموضوع ....؟؟؟
معقوولة يختنون البنات ؟؟ عجب !!!

اول مره اسمع عنه انه موجود في الخليج

والحمد لله انه مش موجود في قطر


وعمري ماسمعت عنه

وخاصه في قبايلنا البدويه

يمن موجود عند طائفه معينه

على حسب ما قريت مره عن الموضوع في قناه العربيه[/size]

أختى angel eyes ليش اتعممين واتقولين انه بنات الامارات باردات جنسيا لانهن مختنات عيل ليش امهاتنا ويداتنا كل وحده عندها درزن عيال ولو الختان الى عندنا هالكثر ياثر على الجنس جان ما شفتى هالكثر زيادة في شعب الامارات و مثل ما قلت قبل الختان ما منه فايده ولا مضره فعشان جيه ما له داعى
بس حرام تظلمين بنات الامارات

راعية العين:
أختى angel eyes ليش اتعممين واتقولين انه بنات الامارات باردات جنسيا لانهن مختنات عيل ليش امهاتنا ويداتنا كل وحده عندها درزن عيال ولو الختان الى عندنا هالكثر ياثر على الجنس جان ما شفتى هالكثر زيادة في شعب الامارات و مثل ما قلت قبل الختان ما منه فايده ولا مضره فعشان جيه ما له داعى
بس حرام تظلمين بنات الامارات

البرود الجنسي من ناحية

وانجاب الاطفال من ناحية

يعني انجاب الاطفال مب دليل قوة الشهوة الجنسية

واللحين الحمدلله الناس تطورت والبنات وصلوا للجامعات
فسالفة الختان راح تنقرض ان شاء الله
لانه اصلا من وجهة نظري ماله اي فايده تذكر بس انه الامهات يسمعوا كلام الجدات في تقليد هالشي

ومااظن انه اي وحده ترضى على بناتها هالشيء اللي ماله فايده حتى لو هي مرت بالهشيء سابقا


وشكراااا على الموضوع الحلووووو

حلو نقاشكم لبعض وان شاء الله يظل على هالدرجة من الهدوء .... ومثل ما قالت angel eyes اختلاف الرأي لايفسد للود قضية

ومرة ثانية وثالثة ورابعة والف نكرر للاخوات ... البرود ليس له علاقة بالانجاب ... ولا بالحب بين الزوجين ... فيه حريم ظلوا متزوجين سنين طويلة ولا يحبون ازواجهم والمشاكل ما تنقطع من بيوتهم وعلى الرغم من كذا عندهم اولاد

الختان مثل ما ذكرنا في البداية قضية خطيرة وحساسة .. ومن خلال مشاركات البنات عرفت انها عادة لدى قبائل معينة او في مجتمعات معينة .. والحمدلله انه غير منتشرة او على الاقل في طريقها الى انها تختفي

انا الحمدلله ما تعرضت لهالشي .. وحتى لو صار لي مستحيل اني اعرض بنتي لنفس الموقف

مشكورة اختي angel eyes على طرح موضوع يستحق النقاش

السلام عليكم وصبحكم الله بالخير

ماشاءلله عليكم يا بنات العروسه على تفاعلكم مع هذا الموضوع الحساس وهذا ان دل على شئ فإنه يدل على مدى تفهمكم واقترابكم من بعض وكلنا نعلم بإن إختلاف وجهات النظر وتباين الآراء أبدا لا يفسد للود القضيه

أحببت ان اشكركم على هذه الروح العاليه من التفهم والهدوء لما يحمله الموضوع المطروح من إحراج ومسائل شخصية حساسه بعض الشئ

أختي انجل آيز .. سملت يداك على طرح هذا الموضوع الشيق ...... ولنا عوده ان لزم الأمر

إنسانة

والله يا بنات شو ختان ما ختان أنا يستحيل أخلي بنتي بهالشي أبدا أساسا شو في المكان عشان يقص ؟؟؟؟؟؟؟؟؟؟؟ مو كافي يا جماعه من التشريخ والقص والخياطة اللي تصيبنا وقت الولاده وتغير شكل المنطقة عاد والله حرام نتعبث ببناتنا من الحين كافي من الشي اللي بينتظرهم .

وبعدين اعتقد والله اعلم الختان لا يشمل كل الإناث في بنات يحتاج لهم الخفظ وذلك لبروز تلك المنطقه بروز واضح جدا وقد يكون مشوه في بعض الأحيان اما اغلب البنات تقريبا ما أظن يحتاج لهن ختنان لأن المنطقة تجي صغيرة وساتره نفسها .

وفي وحده من الخوات الله يجزيها خير قالت انه بنات الرسول صلى الله عليه وسلم ما كانن مختونات فهل في حديث او أقوال صحيحة ؟؟

شكرا عزيزاتي على هذا التفاع الرائع...والله من زمان ودي اكتب في هالموضوع بس ما يتني الجرأه الا الحين :)

دراعه..

اسعدني مرورك ..وشكرا على المعلومات القيمه اللي حطيتيها :)

بنفسجه العين

شكرا لمرورك...ونعم للاسف انا تفاجأت مثلج !!

بندور

شكرا لمرورك :)

راعيه العين

احب اكرر مره اخرى انه عمر البرود الجنسي كان له علاقه بالانجاب..اكيد انتي بعدج بنيه و يوم بتعرسين بتفهمين هالشي :)
انا ما اقصد ان كل بنات الامارات باردات...اللي بغيت اقوله انه من كثر ما هالشي منتشر وسبب البرود صار البرود يعمم على الكل للاسف..وهذا مب كلامي انا..انا نقلت اللي سمعته حرفيا

نوووسه

انتي اللي احلى وحضورج في موضوعي اسعدني :)

روومييي

شكرا للتوضيح ...اتمنى تكون معلومتج وصلت الكل واقتنعوا بها ..للاسف في مجتمعنا نعاني من قله الثقافه الجنسيه مما سبب الكثير من المشكلات الاجتماعيه...

انسانه

اشكر حضورك و تفاعلك المميز في موضوعي..ولا تحرمينا من وجودك معنا سواء لزم الامر او لم يلزم :)


ام انوار

اشكر مرورك و مشاركتك الحلوه :)

لا شكر على واجب ياحلوة المفروض النقاش في المواضيع الحساسة دائما يكون بموضوعية وهدوء والحمدلله البنات ماقصروا

عموما انا امس شريت زهرة الخليج وفيه معلومات حلوة عن الموضوع انصح الكل انه يقراه

الصراحه أني أنا وخواتي كلنا تختنا عند دكتوره لما كنا صغار....

بس الحمد لله ما صادنا برود ولا حاجه...

والحمد لله لا صار لنا ألتهابات ولا نزيف لأن الدكتوره ما تقطع شي.... بس الدايات يسووون مصايب في البنات

بس بناتي ما باسوي لهم هالشي رغم أن خواتي يختنون بناتهم...

لأني مو شايفه فايده من الموضوع...


هذا رأيي الشخصي...

حورا

اشكرك عالمرور...وعلى ذكر تجربتك

تصدقون يا بنات اني متزوجه .......... و لهلا ما بعرف انو حصل لي هالشي او لا ؟؟؟؟؟؟؟؟؟؟؟؟؟؟؟؟؟؟؟؟

تصدقواااااااااا؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!! :think::think::think::think::think::think::think:


انا كنت كتير اسمع عنه بس بعمري ما حسيت او اتوقعت انو هل الموضوع في ناس ضده او لا .....................او انه يسبب البرود الجنسي للبنت ويسبب الطلاق لا سمح الله ................

بس انا الحمدلله علاقتي مع زوجي 100 % سليمه و ما عندي برود جنسي و لا اي شئ و الحمدلله كل اهلي ما عندهم هذي المشاكل ان شاء الله رح اتكلم في الموضوع مع امي و اشوف !!!!!!!!!!!!!!!!!!!! :think::think::think:


متزوجه و ما تدري شئ ...............هههههههههههههههههههههههههههه

اشكرك حبيبتي على طرحك للموضوع و الله انو موضوع هداف و رائع و مفيد مع انو ما في احد فينا للحين اتوصل لراي متفق عليه الجميع بس من خلال ردود البنات و الروابط الي زوودونا فيها انو الختان ما له داعي ابدا للبنت ومتل ما فقالوا اخواتي التربيه و الاساس و الدين و تربيه الوارع الديني كافي لنحافظ على بناتنا ...................... و اشكرك مره تانيه حبيتي angel

رجعت لكم ...

صدقوني انا من فتره مسجله في منتداكم ... بس مافكرت اني في يوم رااح اكتب فيه شي خخخخ لكن هالموضوع تفاعلت معاه . لما تعرضت له من اهانه من قِبل ربيعاتي ..


طبعا انا من ولدت وماسمعت عن ختان البنت .. وربي تفاااجات وانصدمت صدمه وتمييييت اصارخ مجرد ماسمعت هالشي بلسان اختي .. لانه ربيعاتها في الكوليج تمن يرمسن عن هالموضوع (((قالت لي انه في كلاسها كل البنات متختنات ماعدا 4)) بس والله قالت لي انه المتختنات تمن ينصحن بعض عن خطورة هالشي .. وانهن مستحيل بيسوون هالشي حق بناتهن مستقبلا !!!!

وبعدين نسينا هالسالفه .. لين في يوم يت وحده من البنات ترمسنا عن الختان وبثقه وعلى بالها اني متختنه !! ويوم عرفت اني مب ,,,,,,,, تمت تضحك عليه وتحسسني انه شي عظييييم ناقصتني !!!! تخيلووااا ... قلت في بالي يمكن هي صاجه .. جان اسير عند امي ،، فهي قالت لي انه الختان مب زين حق البنت ..

واختي قالت لي انه ربيعتها قالت لها انه الختان يسبب صعوبه واآلام بالاضعاف اثناء الانجاب وهي تمت تصيح لاختي من هالشي

واصلا الحين محد يفكر يسوييي هالشي حق بناتهم مستقبلا >>يعني حتى المتختنه مابتسوي هالشي حق بنتها ...


ويزااج ربي خير ياختي ملاك على هالموضوع الحلووو وبصرااحه حبيت تفاعلج وحضورج الدائم في موضوعج

مشكورة اختي قمورة الامارات على الاضافة

الختان بالاضافة الى الألم الجسدي اللي يسببه ما ننسى الحالة النفسية اللي تدخل فيها الطفلة ... يعني تكشف عورتها قدام حريم وبعدين تحس ان احد انتهك خصوصيتها .. الحمدلله ان هالظاهرة بادية في الاختفاء وان شاء الله الوعي يقضي عليها خاصة ان مثل ما ذكروا الاخوات

اتوقع حتى اللي صار لها هالشي مستحيل تسويه مع بناتها لانها جربت وعاشت وشفنا من تجربة الاخت حورا

قمورة الامارات ....
قرأت سطورك وانا متعجبه بإن هناك من يضحك (من جهل) على إنسانه غير متختنه على إنه شئ عظيم وضروري ناقصج .... شئ غريب !

المشكله تكمن ان هؤلاء الأشخاص يقومون بتختين بناتهم بدون ما يعرفون شنو الفائده من ذلك، فقط لأن هم تختنوا وهم صغار فيقومون ويفعلون المثل مع بناتهم ... والبنت الغير متختنه تعتبر في نظرهم غير طاهره أو ناقصه شئ عظيم مثل ما ذكرتي .. بما ان العكس هو الصحيح، أي ليس هناك شئ او خلل في تركيبه هذه الفتاه !!!

ختان الإناث موضوع يطول الحديث فيه .. وكل يوم اكتشف معلومه تصدمني اكثر من اليوم اللي قبله .. انا ابدا ما تخيلت ان هذا الشئ موجود بس اللحين تأكدت ان في بنات وايد تختنوا .. بس محد يدري عنهم عشان هذا الموضوع وااااااااااايد حساس فممنوع الحديث فيه....

قمروة الامارات.. انتي من البنات القلائل اللي ذكروا انهم ما يفكرون يسون هذا الشئ حق بناتهم في المستقبل بس للأسف هناك من يفكر القيام بهذا الشئ مع بناتهم وليس هناك قوة تمنعهم من ذلك والسبب ببساطه انهم يؤمنون بوجوب هذا الفعل :(

الله يكون في عون البنات مستقبلاً

RONITTA9003

شكرا حبيبتي علي مرورك الحلو....عادي..في كثير متزوجات ما يدرون عن هالشي...لانه ما يتكلمون عنه في البيوت..وهذا اكبر دليل على عدم صحته...وان شالله ما كوني مختنه :)

قمورة الامارات

يزاج الله خير على مشاركتك الفعاله....والله اسعدني ردك الغاليه
تدرين انه صار معاي نفس الشي و قالولي هاي وساخه وعدم نظافه!!!! واني مسكينه.تخيلوا

الله يستر يالغاليات ...
RoOoOmy_M +insana اشكركن على ذكر اسمي في ردودكن خخخخخخخ>>وحده يديده عليكم مب مصدقه عمرها :smile:

والله حراام عليهم ....


انا والله مجرد ماسمع ختااان اخااف !! احسبه شي مقزز بالنسبه للبنت :confused:

انا اللي ضايق بي ،، انه ربيعاتي مقتنعات بانهن هم الصح وانا الغلط !!

صدقيني يا اختي insana ,,, انه في المجتمع الاماراتي هالشي عااادي والبنت اللي موب متختنه يعتبرونها ناقصه وانا اقول هالشي بحكم ماشفته من نظرات بعض الناس ..

لدرجه شكيت في عمري وتميت ادور واسوي سيرجينج عن هالمووضوع لين ماشفت انه هالشي مب زين حق البنت ,, حتى تضاربت ويه اهلي عن هالموضوع !!!!:pain:

بس والله احبكمممممممممممممممممم لانكم تناقشتوا عن هالموضوع .. فديتكن يااارب

قموره

والله اني حاسسه انه في وايدين مثلي عشان جيه كتبت هالموضوع على الرغم من حساسيته واحراجه...المشكله انهم يدافعون عن هالشي عن جهل وما يطيعون يسمعون كلام غيرهم.. والمشكله للاسف فيهم

بارك الله فيج ...و سعداء بانضمامك لاسرتنا :) لا تحرمينا من تواصلج

RoOoOmy_M:
في البداية احب اوضح اني احترم كل وجهة نظر ورأي لأي عضوة دامها تتكلم بمنطق وعقل

اخواتي

عندي اسئلة

لو كانت يفيد المرأة ليش ما شددت عليه الشريعة وحثت عليه مثل حرصها على تنبيه المسلم بأهمية احكام معينة تفيد المسلم والمسلمة ؟؟

بعدين لو كان صحيح ماله تأثير سيء على المرأة ليش يسونه من البداية ؟؟

انا مع احترامي لكل العادات والتقاليد في مجتمعي لكن لو شفت ان فيه موروث اجتماعي مايحث عليه الدين وضرره كبير وليس له نفع بكل صدق ماراح اسويه حتى لو كنت الوحيدة .... انا اعتبر هالشي من الخرافات والخزعبلات اللي انتشرت مثل بقية المعتقدات اللي في مجتمعاتنا

سواء القطع كان بسيط او كبير مثل الختان الفرعوني ما ننسى اثره الكبير على نفسية الطفلة حتى لو كان عمرها 4 او 5 سنوات .. ليش اللي عمرها صغيرة ما تذكر ولا تتاثر ؟؟ انا اشبه الختان بالجريمة في حق البنت ... وبالنسبة لي انتهاك واغتصاب لخصوصية البنت خاصة ان الاسلام كرم المرأة وهالفعل مثل ماهو باين مو من الاسلام في شيء .. بينما ختان الذكر حث عليه الشرع في بأحاديث صحيحة معروفة للجميع ونشوف هالشي متوفر في المستشفيات ومافيه طفل مايسويه

اما قصة ان الجزء يجرح رأس الطفل فهذا موضوع ثاني بس ما فيه فايدة اننا نخوض فيه لانه شي بالعقل سبحان الله كيف يصير فيه جزء في جسم الام يؤذي طفلها ؟؟ حكمة رب العالمين اكبر من خرافاتنا

دمتم بود

انا اكرر ان ماعندي فكرة عن الموضوع و لكن عجبتني وجهة نظر رووومي أحسها منطقية

و للتأكيد انا لا مؤيدة ولا معارضة و آرائكم كلكم على العين والراس و اختلاف الرأي لا يفسد للود قضية