ليله عمري تحطمت

السلام عليكم ورحمة الله وبركاته

من سنين وأنا احلم اني ارتدي الفستان الأبيض وياخذني العريس للقفص الذهبي من سنين وانا اروح
الأعراس واشوف العروس واتخيل نفسي مكانها بوسط الفرحه والهلاهل كنت اسرق الفستان الأبيض لاختي المتزوجه وألبسه واتخيل هالليله وأطير من الفرحه مثل المراهقه
هالكلام مو حبا بالزواج بس انما رغبه من قلبي بان اشوف الناس تفرحلي وتشوفني عروس ....
ملجت من بدايه شهر 2 لهذا العام (2005) وحددنا انا وزوجي انه ليله الزفاف بشهر 7 اللي جاي وضليت من شهر 2 وانا اجهز واخطط لموديل الفستان اللي برتديه ولطالما حلمت فيه أكثر من ألف بنت لـــكن ............ شاء القضاء والقدر انه جدتي ( والده ابي ) توفيت "رحمه الله عليها " واخذ الله امانته شهر 4 لهذا العام والحزن سيضل بقلوبنا الى الأبد على فراقها
بعدها أخذ الناس يسألوني عن حفل الزفاف ان كنت راح اسويه ولا لأ وكانو مستبعدين هالحفله لكني كنت على موقفي وقلتلهم انه بخاطري اسوي الحفل
بعدها تفاجأت من كلام بعض الناس وكانو ينتقدوني انتقاد لاذع ويستنكرون الحفله اللي راح اسويها
انتو أكيد بتوافقونهم الراي لكن صدقوني انا عروس وحالي حال أي بنت ياما وياما حلمت بليله العمر لكن عرسي مافيه دي جي يعني مافيه أغاني بالاصل انما هي أناشيد اسلاميه وماأظن انه حرام بعد ؟؟
وثاني شغله عرسي راح يصادف بعد 3 شهور من وفاه جدتي مو ثاني يوم
وثالث شغله جدتي الله يرحمها انسانه كبيره في السن وكان متوقع موتها في أي لحظه يعني مو شابه علشان انصدمنه هالكلام مو يعني اني مااهتم فيها الله يعلم ان لها اثر بقلوبنا لكن خلنه واقعيين
للأسف أهل أبوي وبالأخص عمتي أخذت تتكلم علي بسوط الناس وتشهر فيني وتغلط علي وتحش فيني جدام الناس وما خلت كلمه علي ماقطتها كل هذا ليش اني بسوي العرس
ومع هذا حذرت بنات عمي اللي اهم اكثر الناس قرابه على قلبي وأحبهم من بين صديقاتي من انهم يحضرو عرسي
شسوي هل انا غلطانه بأن اسوي العرس مع الاسباب اللي شرحتلكم اياها ولا من حقي اسوي العرس وأرتدي الفستان الأبيض اللي لطالما حلمت فيه ابي رد كل وحده قرت رسالتي وتحط نفسها مكاني وتجاوبني بكل صراحه
اختكم ليلى