ليله عمري تحطمت

اول شي حبيبتي

الله يرحم جدتك


بعدين أعتقد 3 شهور كافية ما في مانع انج تسوينه

ما عليج من كلام الناس .. خصوصاً عمتج .. انتي قولي لأبوج يكلمها .. اذا ما كان ابوج معارض بعض

بس لو تأجلي العرس بعد شهر يمكن ترجع الأمور الى مجاريها بينج وبين عماتج

الله يوفقج

يعني 3 شهوووور كافيه

السلام عليكم ورحمه الله وبركاته
اختي الغاليه سوي عرس ولا عليك من اي احد ثانيا في الاسلام لايجوز الحزن اكثر من ثلاث ايام مو ثلاث شهور هذي الي سونه اعتراض على امر الله خلاص جدتك لايجوز عليها الا الرحمه مدامك بسوين عرس اسلامي خلاص اهم شي انتي اتفرحين او امك تفرح فيك ولله يرحم جميع موته المسلمين ويرحم جدتك
اختك جوليت البحرين

بسم الله الرحمن الرحيم
صار نفس الموضوع جدتي اتوفت قبل فرحي بشهر ونصف بس سويت الفرح بعد شهر ونصف

رغم اني كان والدي حزين جدا على امه وكان يبي يسوي الفرح في البينت بس اصريت

الله يسهل امورج انشالله
واذا اللله كاتب انه العرس يتم الحين بيتم حتى لو اعترض الكل

أهم شي انه علاقة الأهل ما تنقطع وانشالله الله يسعدج ويا ريلج وعقبال الجميع انشالله

اتفائلي وانشالله كل شي بيتم على خير

انه اقول الحي ابقى من الميت [frame="10 80"]

بس عشان تبتدين حياتك بدون مشاكل مع احد شوفي خطيبك شنو يبغي وسوي الي ايقوله ولا عليك من احد اهم شيء خطيبك يكون راضي اذا تم التأجيل

مبروك مقدما[/frame]

سوي عرسك واستانسي .. جدتك الله يرحمها ويغفر لها لها 3 شهور يعني فترة معقولة جدا

اصلا تطويل الاحزان حرام بالاسلام

والله يوفقك

[mark=66CCFF]بصراحه انا مريت في هذا الموقف وكان ولد عم امي بس هو اتقدم لي بعد وفاة جدتي بفترة اسبوعين وبعض خالتي سولي مشاكل مع ان جدتي الله يرحمها كانت تتمنا اني اخذ ولد عم امي بس الله يرحمها يعني لو كانت معانا كانت اكثر وحده فرحة لي بس هذي حكمة الله..

ومعلومه احيانا الاقارب عقارب وانت ما تعرفين مب دايما ايكون اوكيه يعني ليش اتروح وتتكلم عليج انتي مب مسويه شي غلط ولا حرام انت بتتزوجين مثلج مثل غيرج بس هذا ما اقدر اسميه غير غيره وحسد ..

والله يكفيج شرهم انشاء الله ..

انا الحين اتزوجت جدتي اتوفت شهر 12 2004 وانا اتزوجت في 5 2005 والحين الله يكون في العون الزواج غير وهو كل الازواج جيه ولا بس بعضهم انا زوجي بصراحه وايد طيب وبنفس الوقت وايد عصبي ومب لقيه حل علشان اخفف عصبيته اشوي ..

بس اتوكلي على الله

والله يوفقج انشاء الله

بالبركه الغالية

اختج
~.^.~ دمع العيون ~.^.~[/mark]

حبيبتي الف مبروك وانشالله تتهني والعرس لازم يصير لانها مره بالعمر زي محكيتي بس لازم تحاولي تخففي من غضب الاقارب وتمتصيه بهدوء بأي طريقة تشوفيها مناسبة ، روحي لعمتك وشرحيلها وضعك واحكيلها تحط الموقف بوحدة من بناتها واذا عندت احكيلها عرسي لازم أعمله وعشان جدتي بخليكي تحددي التاريخ اللي يعجبك ويمكن هيك تلين وتستحي شوي ومش مشكله لو اتأجل بس لازم تحاولي اهل ابوكي يكونوا موجودين عشان تكمل فرحتك ، كمان عريسك لما يشوفك اعتبرتيهم وعملت لزعلهم احساب بيظل يعمل لاهلك وعيلتك حساب- انشالله لا يقدر ولا يجيب زعل بس ممكن يحكيلك في اي موقف انت اتجوزتي من غير ما يحضروا اقاربك - ترى الاقارب عزوه
أختك التي لن ولم تضيع

انا اقترح عليج اختي انج اتأجلينه شوي عشان ما تخسرين حد من هلج انه ما يحضر العرس بحجة ان ما مر وقت على يدتج

و العرس مو لج بروحج فديتج .. و ما بتلبسين الفستان الابيض لج بس.. العرس حق الناس و الاهل ... يعني مب معقوله تسوين العرس و محد يحضره من هلج ..

هالشي بيخليج تتضايقين اكثر

انا اشوف انسب حل انج اتأجلينه

واللي فيه خير ربج يجدمه يا ررب

تعرفون نفس اللي صار في عرس أختي ما تهنت بعرسها مع أن الرجل المتوفى يقرب لنا من بعيد لكن أمي تحب توجب الناس علشان كذا ما سوينه طقطقة حتى أختي تعقدت لأن بعدين في الحفلة اللي سووها بعد العرس مااات واحد ثاني يقرب لزوجها بس هي اقتنعت أن هذه ارادة الله