ليله عمري تحطمت

السلام علسكم ورحمة الله وبركاته

عزيزتي الله يوفقك ويسر حالك ويسهل كل الامور غاليتي ...

عزيزتي ليلى رمضان

الفترة التي ذكرتها اتوقع انها كافية ... ليس على نسيان من احببناه ولكن لرجعة الامور
الى مجراها الطبيعي
وموقف عمتك غاليتي وانما وهو ترجمه قد تكون عنيفة للمراحل الحزن التي ألمت بها ...
انصحك غاليتي بأن ترجعي العلاقات الطيبة بين أهل ابيك وتجتمعي معهم بهدوء والفة
وحب وحنين لتتفاهموا على هذا الامر ... بعيد عن المشاحنات ... عزيزتي انا اتوقع ان
عمتك لم تقل ما قالت امام الملأ الا لان من حولها من أناس قد فتحوا الموضوع امامها بزدراء
وطحن لمشاعرها ... فالبعض وللأسف الشديد يرقص فرحا للمشاكل والمشاحنات وكأنه
يرى مسلسل متعدد الحلقات ...

عزيزتي زني الامور من منظور آخر وصدقيني بأن الفرحة لن تكتمل بما ان الاهل والاقارب
لم يحضروا ... اذا رأت عمتك بأن يأجل العرس شهرين أو ثلاثة ففعلوا واذا لم ترد بالاصل
الحفل ان يقام كما خططتي كأن تقول حفلة صغيرة وما إلى وحتى بعد التأجيل ففعلي كما
خططتي وتوكلي على الله وعليك بالدعاء والتضرع الى الله وستحل مشكلتك يا الغالية ...

العتب

والله يا غاليه اشوف 3 شهور كفايه ولكن اذا الفرح ما رح يكتمل الا بوجود عماتك فالتأجيل هو الافضل
والله يسعدك ويوفقك

السلام عليكم ورحمة الله وبركاته


أختي ما فيه داعي تأجلين زواجك


الحزن في القلب


ومحد راح ينسى أحبابه طول عمره


ومو معنى ان الشخص اذا راح الحياة توقف

لا

الحياة تستمر بحلوها ومرها

وهذا قدر الله

واحد يموت وغيره ينولد


أنا يدتي توفت شهر 3

انتظرنا تكمل أربعين يوم وصار زواج أختي شهر 5

وانتظرنا أربعين يوم مو عشان شي الا احترام

وعماتي قالوا لأختي تأجل الزواج


لكنها أعطتهم رد أقنعهم

وكلهم حضروا الزواج

لا تنتبهين لكلام الناس


ترى الفترة اللي بتمر كفاية


والله يبارك لج مقدما

يدج الله يرحها ويغمد روحها الجنه
وانتي سوي العرسي وافرحي واستانسي والله يهنيج
وانتي جذي ما راح تجرحين مشاعر احد
يعني العرس مو باجر والا عقب باجر صارلها متوفيه الله يرحمها وقت حفلة عرسج اربع شهور
وانشالله ياربي تفرحين وتلبسين الفستان الابيض

ما عليج الا من نفسج واسوي الي يريحج ويريح زوجج
كلام الناس مايخلص لين متى بنسمعلهم
حبيبتي الله يرحم جدتج ويسكنها فسيح جناته عمتج اكيد تفتقدها عشان جذي سوت الي سوته بس اكيد هي تحبج وتعزج
حاولي كلميها هي والي مو موالفق من هلج بالكلام الي قلتيه
وان شاء الله يوافقوون وقوليهم كل الي كتبتيه فعلا انتي حالج حال الكل
وماعليج من باقي الناس
الي يسمع كلامهم يموت

والله يسهل عليج وتلبسين احلا فستان يا احلى عروي
موفقه ان شاء الله
اختج
#رومانسية#

حبيبتي سوي عرس و لا تفتكرين ... الناس كلامها ما بيخلص و انا مع البنات ... ثلاث اشهووور وااااايد... و الحزن في القلب ... افرحي حبيبتي و لا تبالين و لي يحبج صج بيشاركج فرحتج انشالله ... لا تحرمين نفسج من شي انتي لطالمه حلمتي فيه و الله يوفقج انشالله

توكلي وسوي العرس...

وصدقيني الناس تتكلم سواء سويتي العرس والا ماستويته..

توكلي على الله.. والله يوفقج وييسر لج امرج

ومبروك مقدماً

الحزن 3 ايام

وبعدها خلاص تبدا الحياه الطبيعيه

انتي حاولي تاجلي العرس ولو شهر

والله يرحم جدتك ويغمد روحها الجنه

جـويـل:
السلام عليكم ورحمة الله وبركاته


حاولوا تؤجلونه بس اذا ما تقدرون سووا حفله بسيطه بدون رقص وطقطقه بس توقعي ان عماتك ماراح يحضرون العرس


بعدين موقف عمتك مو من غيره وحسد لا بالعكس اهي زعلانه على وفاة امها و توقعت ان الوفاة لها احترام وتقدير اكثر منك ( هذا شعورها ) و انا لو مكانك أجلت العرس عشان خاطر عمتي و احتراما لوفاة جدتي مهما كان الواحد يراعي شعور غيره وهذي عمتك حسبة أمك وأكيد بتفرحين أكثر لو عماتك صكوا عليك بالعرس واستانسوا مو زعلانين وشايلين عليك ومايحضرون يوم فرحك .... بس هذا الشي راجع لك



الله يوفقك

الله المستعان

عزيزتي كل بنت بتحلم بفستان العرس

والله يرحم جدتك بس كل الاخوات قالو 3 شهور كفايه للحزن واكيد الحزن ما يرجع الميت
انا ضد هذي المقوله لكل انسان قدره ومكانته وما اقصد انه نبقى نحزن طول العمر على وفاة شخص عزيز علينا وانما اقصد احترام ذكرى المتوفي ولو لفتره 6 شهور على الاقل , واحترام مشاعر الوالد الذي فقد والدته التي مهما كان سنها فهي تبقى امه , واحترام مشاعر العمات والاعمام ,
اختي العزيزه الفرحه تكون حقيقيه وما تكتمل الا اذا فرح معك كل اهلك واقربائك وانتي قلتيها بنفسك اريد الناس يفرحون فيه , وشنو فائدة الفستان الابيض ليوم واحد وانتي تكونين زعلتي نص اهلك منك لسبب بسيط هو تاجيل الحفله 3 شهور ثانين
حتى زوجك ما اعتقد راح يحترم احزانك في المستقبل لا سامح الله لان انتي ما احترمتي احزان اهلك بوفاة جدتك
كوني صبوره عزيزتي وقنعي زوجك بتاجيل العرس صدقيني بهذي الطريقه راح تكسبين قلب زوجك اولا وحب اهلك الى الابد
ادري كلامي ما راح يعجبك بس والله والله ما قلت هذا الكلام الا عشان مصلحتك
اتمنالك كل الخير والسعاده

هلا عزيزتي اولا عظم الله اجرك في جدتك

وثانيا الف .. الف مبروك الله يوفقج ويسعد ايامج يارب

وبعدين ماراح اكثر هرج ..انا رايي من راي الاخوات

يعني اجلي العرس شوي ..وان شاء الله بتفرحين وبتستانسين

وبتلبسين الثوب الابيض ..

الله يهنيج .. طلب اخير ياريت تسمعينا الاخبار الزينة

أخواتي الفاضلات انا قريت رد كل وحده منكم وأشكركم كلكم من أول اسم الى اخر اسم تعاطف معاي
وبصراحه انا كنت متأكده اني راح استفيد من مشورتكم ونصايحكم
وانا احترمت كل وجهه نظر سواء المؤيد اني اسوي العرس واللي نسبتهم تقريبا 70% ، أو اللي قالي أجليه واللي نسبتهم تقريبا حوالي 50%
بالنسبه للأخوات اللي انصحوني بأن اؤجل العرس لمده معينه بس اقولكم شي اذا بأجل العرس حتى يرضي
بعض الناس( وبالأخص عمتي) لازم انه ما يقل عن سنه من تاريخ وفاه جدتي هذا مو الشرع اللي يقول جذيه صحيح بس هذا الكلام اللي يرضون عليه أهل ابوي بالأمانه هل من المعقوووول أؤجل العرس بعد سنه وانا صارلي 6 شهور مملوجه اشلون بقول حق زوجي هالكلام ؟؟ الريال راح يطفش جذيه وانا اللي بطفش قبله وهذا السبب اللي منعني اؤجل العرس لانه ماكو فايده من تأجيله بعد جم شهر موقف أهل ابوي وااااحد ماراح يتغير
الحين شنو تقولون لي ؟

حبيبتي دام ريلج وانتي شايفين انكم عطيتوا بفترة 3 شهور حق جدتج <<وعلى فكرة انا اشوفها فترة كافية دامها كانت انسانه كبيرة وتشرف على الموت
خلااص اتكلوا على الله اهم شي راحتج وراحته وماعليج من الناس وكلامهم انتي ريحي نفسج ومومعقولة تنتظرين سنة الا اذا انتوا مقتنعين ومئيدين
مو معقولة بتنطرين وانتي مومقتنعة ورافضة الفكرة
حبيبتي سمعي هذي حياتج من يدري في سنة شوممكن يصير يمكن حد ثاني لاسمح الله يتوفى شبتسوين تنطرين بعد سنة!!!
هذا مو كلام توكلوا على الله
وان شاء الله يتمم لج على كل خير

الله يوفقج
امين

تحياتي
اختج المحبة
#رومانسية#

حبيبتي انا يالسه امر حاليا باللي انتي اتمرين فيه تقريبا

المفروض حفلة خطوبتي تستوي الحين بس خال امي اتوفى وقالوا لي ما يستوي انسوي حفله لين مرته تظهر من العده يعني شهر 10 بس للاسف انه رمضان بيبتدي شهر 10 يعني ما اروم اسويه لين شهر 11 بعد العيد .. اتخيلي انا حفلة خطوبه صغيره مب عرس بعد .. للعلم انه ريال واااايد عود يعني في الثمانينات


نصيحتي لج اصبري شوي العرس مره بالعمر و البنت تستانس يوم اتشوف الكل يكون واقف وياها ومستانس لها لا اتخلين عرسج يستوي في هم ونكد ومشاكل .. اعرف انها صعبه بس صدقيني ما راح ترتاحين يوم تتزوجين في مشاكل .. وفكري بعد العرس يوم ان الكل بيكون شال بقلبه عليج صدقيني ما بترتاحين


اخويتكم الصيدلانيه

بس حبيت اضيف انتي قوليلهم انج ما اترومين اتأجلين العرس سنه يعني بس كم شهر وهذا هو الصح اما سنه منو قال لج انه لازم يتأجل سنه؟! بصراحه انا وياج في هالشي انه واااااايد بس كم شهر يكفي .. اي شرع اي عرف يقول لازم اتأجلين سنه؟!

اخويتكم الصيدلانيه

لالالالالالالالالالالالالالالالالا تاجيل ,
لا شرع ولا منطق يجبرج على التاجيل...طنشي كل الي حواليج, وجهزي لعرسج ولا كان شي حاصل..وقولي لهم اصلا لو جدتي باقية ما رضت على التاجيل والي بيحضر بقدر لة هالشي, والي يحس انة ما يقدر بعد عذرة معاة, ويقدر يبارك لي بعدين.

لا تخلين حد يتدخل في امورج..الي بيحضر حياة الله والي ما بيحضر الله وياة!
انشاء اللة ما تكملين سنة الا والبيبي في حضنج.
انا بنت خالتي تزوجت بعد وفاة جدتها باسبوعين..مع انها كانت مربيتها والله حق البنت بعد كانت تحب جدتها بالمرة, بس هذا قضاء الله والعروس ملتزمة بمواعيد وفية مبالغ بتضيع عليها لو اجلت وجهازها بيجدم وبتروح موضة الثياب والذهب الي شرتة, وحتى لو ما جهزت المهر بيخلص لانها كل يوم بتسحب شوي,,,قولي لي حد بيساعدها او حد بيعطيها؟ اكيد لالالا

من حقج ما اتأجلين و تفرحين بهاليله لأن ثلاث شهور مدى كافيه..و بعدين الحي ابقى من الميت

الحي أبقى من الميت

مرحبا الغاليه0000انا عانيت نفس مشكلتج كنت مجهزه حق العرس احسن تجهيز وماخليت شي ماسويته والكل كان يتكلم عن العرس بس قبل العرس ب5ايام توفت وحده من اهلنا بغيت اموت لان مابقى شي وطبعا لغيت الطق وكل شي اخترب قلت لهم ع الاقل باحط دي جي سوووولي سالفه هلي وصار العرس وطبعا بدون طق يعني ممل وانا نفسيتي زفت حتى ناس واااجد ماجاو مع ان كان العرس في افخم صاله بس ع الفاضي والحين مرت سنتين ع العرس وانا لين الحين متحسفه بس لاحول الله ولا قوه00حطي في بالج ان اللي فيه الخير الله بيسويه وتوكلي على الله ومبررررررررررروك مقدما

هلا اختي ليلى
توكلي على الله و3 شهور تكفي وصدقيني العمات يحبون يتدخلون في هاي السوالف
لووحده من بناتهم كان صار عادي
اقول لك من تجربه انا تزوجت بعد وفاه عمي بشهر كان رجال عود في السن وتعبان من زمان
قاموا عماتي ولا خلو ولا بقوا زعلانين
وحده منهم كانت تقول بتاجل عرس ولدها وبعد عرسي باسبوعين وحياتك زوجت ولدها وجابت فرقه

ارضاء الناس غايه لا تدرك تزوجي وتوكلي على الله