لأول مرة اشكي لكم!!.. تعالوا عزوني في ملجتي وبكون شاكره لكم

مشكورين خواتي ما قصرتوا

انا شو ضمني اني بقدر اتأقلم معاه بعدين.. صحيح في ناس وايد مروا في هالظروف بس ما أظن الكل لاقى نتيجة ايجابيه

يمكن انا اراعي مشاعره صحيح بس ما احس اني احبه او اعزه.. بس يمكن لأن طبعي حساسه وما احب اضايق الناس لو اي حد كان

خطبتي من سنتين ولين الحين ما احس باي اتجاه صوبه معني كنت اكلمه في التلفون لمدة سنة ونص تقريبا والحين قبل ست شهور بس قطعت المكالمات صار يسأل عني بين فترة وفترة.. طبعا انا اللي مابغيت هالاتصالات

لأن كنت اتضايق اذا اتصل احس بالملل يوم أكلمه.. معنى اهلي اللي سمحوله يتصل فيني بس يوم كنت اكلمه كانوا يحشروني وليش تتكلمين وليش تقولين.. معنى سوالفنا سطحيه كانت وصرت بعدين حتى ما احب اكلمه جدام حد واذا ارد على مكالماته مولأني ابي اسمع صوته لا.. بس ابيه يفكني من الحشره ويصدعني ليش ما رديتي علي ارد عليه لو دقايق واتعذر له اقوله مشغوله بطلع اي عذر بس عشان اسكر عنه .. والحين احس عمري مرتاحه اكثر عن ايام اللي كانت بينا اتصالاات


صحيح تمر علي ايام اني خلاص بستسلم للأمر الواقع .. عشان اهلي بس يرتاحون من همي وافرحهم.. لكن في المقابل بكون انا اتعذب من داخلي واظلمه معاي.. لكن فضلت فرحة اهلي فيني على نفسي وحياتي وفي المقابل احصل هالمعامله




حتى لو وافقت وسلمت امري لله وانا مومقتنعه من قرارة نفسي
تخيلوا حالتي في يوم الملجه
يالسه حزينه مكتئبة من داخلي وامثل عليه وعلى اللي حواليني بابتسامه حزينه
شواسوي ايلس جذي لين ايي اليوم اللي اتأقلم معاه وانا اصلا ما ابيه؟!!!!!

حاولت اقربك و انته ابعدتني
ذقت المرار و قلت لك حلو

ما أدري ليش اجفيتني
بك انا هايم يا صاحب السمو

حب من في المحبة عزك
لا تحب من فكر لحظة يذلك

انا عايش بانفاسك العود
لا همني عاذل و لا حسود

حبيبي لا اتحملني ذنوب العالم
كفاية ذنبي حبك يا أغلى الوجود

شوف حولك من يحبك و ضمه بحنان
لا تحسب الدنيا بدونك أمان

تراهم كلهم يحبونك
كل يودوونك

مب قصدهم يغصبونك
خوفهم على دمعه الحزن اتلازم عيونك

ناظر حولك و ركّز
من اللي ساكت قبالك

متحمل الضيم و يتعب بسكات
لأجل يفاجئك بأحلى المناسبات


الله يسعدك دوم ولا اشوف نظرة عتب في عيونك يا أغلى المحبين


ان احتجتني بتلقاني قريب منك احضنك
لا تبتعد و اتقول عنك انا بعيد


******************************************




اسمحيلي اذا خانني التعبير هاللي طلع معاي الحين


أختج


الخرشة

يا قلبي حنا كلنا خواتك وندعيلك ولكل البنات الي ماتزوجوا الزوج الصالح الي يستر عليها ويسعدها

قولي امين

اذكر في الجريده وواحد كاتب مشكلته

انه عايش مع زوجته طول عشر سنين بدون مايحس باي نوع من الحب او الموده تجاه زوجته

وهو يحاول يحبها بس ابد مب قادر

بس جيه عايش معاها

ويؤدي حقوقها الشرعيه بدون اي احساس

ويقول هو من اول الزواج على هالحالة واللحين بينهم اطفال

وهو يفكر انه يتزوج عليها وحده تكون من اختياره هووووو

ومع ذلك هو يقول انه زوجته مافيها شيء ينعاب

بس نفسياااا هو ابد مايميل حقهااا

.........................................

يعني شوفو ا كيف الحالة النفسية تأثر على الانسان

اهلا اختي 0000بزنز جيرل
في سوال ابطرحه عليك 000الغلط فيك انت يعني انت معلقه الرجال من سنتين والحين اللي افتكرت انك مو مقتنعه هذا فيه شي من الظلم يعني كلنم الموقف من الاول بس يمكن دخولك الجامعه هو اللي خلى الحواجز اكبر يمكن شفت انه مو مناسب لك ولا مو قدك 00
اكرر عليك اخر حل انك تكلميه في موضوعك بانك تعيشي لوحدك او يشوف له بنت الحلال 00
واكرر لك الكلمه لاتخلي نظرتك لاهلك هي المقياس في حكمك على هذا الشخص
وقلبي معاك

حبيبتي

أحسن شي تقدرين تسوينه أولا الدعاء

ثانيا تحاولين تنسين الموضوع كم يوم وماتتكلمين فيه مع أحد وبعد هاليومين تبدين تفكرين بعقلج وقلبج لاتخلين شي يطغى على الثاني

حاولي تفكرين لو خذتي هالإنسان شنو الأشياء إلي بتضرج وشنو الأشياء إلي تسعدج

حاولي تفكرين في إيجابياته ( ومثل ماشفت من كلامج ماحسيت إنج عبتي الريال بحرف)

أبسإلج سؤال وأتمنى إنه مايضايقج بس إذا إنتي تقولين إنج ماترتاحين له (سوري يعني ) بس هل في شي في بالج تتمننينه؟؟ ( أتمنى إنه سؤالي مايزعلج)

إذا لا أتمنى إنج تحكمين عقلج في الموضوع ... وبعدين في غلطه بسيطه إنتي سويتها هي إنج سكتي وسكتي فتره طويله بعد سنتين مش فتره قصيره ويمكن يكون ولد عمج هو إلي تعلق فيج خلال هالفتره وفوق ماتتصورين

أختي الغاليه أتمنى من كل قلبي إنه مايصير إلا إلي يريحج وعسى الله يوفقج ويكون معاج

أختج السهر

سوري بس كنت أقصد هل في شخص في بالج تتمنينه ؟

السلام عليكم ورحمة الله وبركاته ،،،

اختي الغاليه ...

مافي الدنيا هذي كلها اي شي غصب عن البنت .. لا الله ولا والدين ولا الرسول علية الصلاة والسلام امر بالشي هذا

اخيتي ...

كل شي بالدنيا اقتناع ... اذا ماكنتي مقتنعة باي شي لا تسوينه ... انتي في بداية حديثج قلتي اذا اكله معينه ميخالف اغصب نفسي عليها واذا سفره مرحلة وتعدي ... حتى في ابسط الامور اختي انتي الله خلقج حرة نفسج ... تاكلين اللي تبينه وتسوين اللي تبينه بحدود شرع رب العالمين ..

والزواج واهم شي والمرحلة اللي يوصلها الانسان يجب ان يكون فيه ...

الامان
الاحترام
الحب
الاستقرار
الاندماج
التعاطف
الثقة


اذا لم تجدينها فستكون حياتج دمار في دمار

اين السعادة ...

ليس الزواج هو السعادة ... بل الحياة الزوجيه بحلوها ومرها

يجب ان تكونين مقتنعه 100%

من اي خطوة تتخذينها في حياتج

اذا الرجل المتقدم لكي اخلاقه عاليه ويخاف ربه فنعم الرجل ... لاتحاتين ولا تشييلين هم
واذا تحسين انه لج عليه ...
ابعد عن الشر يا ولد وغنيله


وسوي اللي انتي تشوفينه

ماتبين قولي حق اهلج ما ابي وانتهى الموضوع


قفي وقولي لالالالالالالا

والله يوفقج .... انشالله



دمتم سالمين
اختكم شريفة

اختي عليكي بقراءة القرآن والدعاء لله واكيد صلاة الاستخاره
ادعي انه الله يرزقك للي فيه الخير لك ولاهلك
يارب ارزق اختي الشاب اللي تحبه وترتاحله واسعدها فحياتها هي وكل بنات المسلمين اللهم امين

السلام عليكم ورحمة الله وبركاته
خويتي الغالية
صدقيني لو ربج رايدلج ها العرس ترا عصبن عنج وعن هلج بتعرسين
وصدقيني لو ربج هب كاتبلج ها العرس
ولا اكبر راس بيغصبج على ها العرس :)

حبيت بس اطمنج بعد لن خواتي ماقصروا

[grade="FF4500 4B0082 0000FF 000000 F4A460"]ما شاء الله عليكم يا بنات كفيتوا ووفيتوا ما عندي اي شيء اقوله الا ان شاء الله ييسر امرج بما تحبين ويطمنج يا رب .[/grade]

الله يكون في عونج
حاسه فيج بس تقبلي الموضوع بدل ما تحسيه فرض عليح ولو انه فرض بس صبري الصبر زين
وبما انه ما في مفر فتذكري ان الخيرة فيما اختاره الله وعسى ان تكرهوا شيئا وهو خيرا لكم


الله معاج ولا تتضايقين ما في شئ يسوى خلي هذا الشئ لصالحج مو ضدج دام انج ما قدرتي تسوين شئ ففكري زين في انج تكوني شئ كبير في حياة زوجج وربنا راح يعوضد خير وانتي تكوني الامر الناهي ولا تحاتين بس يبيلها صبر

ما رديت عالكل قبل لضيق الوقت
والحين برد على وحده وحده فيكم
ومشكووورين على وقفتكم الطيبه معاي..


أميرة الظلام
انتي ادرى بالحال بس محد يدري بالقلب غير رب العالمين ..
مشكورة عالمرور
والله كريم


نور^القمر
شاكره لج مرورج ودعائج
يصير خير ان شاءالله


ام مهى
أمس طرشت له مسج اني مب مستانسه ولا مستعده..
تخيلي؟!
قالي توكلي على الله.. ولا حتى سألني شواللي مضايقنج ولا منو مأذنج؟
فوق ضيقتي انقهرت زياده من أسلوبه اللامبالي
مشكورة عالمرور


طفرااانه
كلامج والله على عيني وراسي
بس مروا علينا سنتين بدال ما اتقرب منه بالعكس صرت انفر منه.. يعني لوالمشاعر معدومه اهون بس اني انفر منه واعيش وياه ما اتخيلها؟!!!
تسلمين عالمرور


المسالمه
الله كريم أختي
والأمل موجود ان شاءالله
بحاول احبه وبجامله.. بس كم بيستمر هالشي قولي كم سنه؟!
لازم بيي يوم وبطفر وبمل من المجامله
تسلمين عالمرور


عاشقة الجوري 50
مثل ما قلت حق ام مهى فوق
وصلت له اني مضايقه من غير ما ابين السبب.. بس حتى ما كلف نفسه يسأل ويطمن.. صحيح التوكل على الله ضروري.. بس وين معاملته لي؟؟
هو الزواج موبس بيت وعيال!!.. لازم فيه مشاركه من القلب
مشكورة عالمرور


الوهــــــم
خلاص اختي ما عدت اكتب عروس الموت عشان خاطركم
السالفة ياريت بس لوعالبيت.. انا لو احصل الانسان اللي يريحني واريحه مستعده ايلس معاه في غرفه بس تستر علينا.. بس السالفه والله اكبر عن جذي
صحيح جامعية بس الأهل ما خلوا فيني ثقه ولا شخصيه.. دايما كلامي غلط وتفكيري مومنطقي وعواطفي تتحكم فيني
ان شاءالله الله يكتب اللي فيه الخير مشكورة عالمرور


Mai salah
فعلا احساس مخيف!! والله كريم
مشكورة عالمرور


مرايم السعوديه
والنعم بالله
الله يكتب اللي فيه الخير ان شاءالله
مشكورة عالمرور


فتاة الجبال
كلامج اللي عسل
لايرد القضاء الا الدعاء والله كريم ان شاءالله
مشكورة عالمرور


زهوووره
تسلمين عالرابط اتصفحته وفعلا مفيد بس ما تعمقت فيه وايد لضيق الوقت
"وحبيت اقول
ان الرسول صلى الله عليه وآله
لم يقل ترضون شهادته وشكله
بل قااااااااااااال
ترضون خلقه ودينه"
ما انكر هالشي.. بس الفارق التعليمي في بعض الأحيان يكون حاجز للتفاهم.. وكل واحد وجهة نظره..
تسلمين عالمرور


Ben_palestine
هالظلام عايشه فيه سنتين والحال للأسوء يوم عن يوم
أهلي واقفين ضدي.. المفروض هو يوقف معاي .. بس أبد ما أشوف منه هالشي.. همه بس يملج ويزوج .. اما عني يصير فيني اللي يصير.. واذا ابديت برايي قالي انا واهلج نبغي هالشي
وباجر أهلي بيكونون معاي وحتى انا معرسه بيكرهوني فيه,,, لين متى هالحال؟! طبعهم ما راح يتغير
تسلمين عالمرور


انوار
كلامج يطيب الخاطر
لكن هو وأهلي وأهله ماخلوا فيني حال ولا اطمئنان
وكيف تبيني اسير اقول حق امي شوبلبس وشوبسوي وانا من داخلي مب مستانسه من موضوع الزواج
الله كريم
تسلمين عالمرور


روح الروح
احاول اتقبل الريال لأني لازم اتقبله عقب ما ارتبط اسمي باسمه لمدة سنتين.. بس حتى هو ما يبدي شي من اهتمامه والحنيه صوبي.. يوقف ضدي ويا أهلي
تسلمين عالمرور


السهر
مشكورة عالمرور
وربج كريم ان شاءالله

خواطر
الصراحه ما تنفع معاه.. تفكيري غير عن تفكيره.. ولايحاول يدور حلول حق المشاكل.. مخه مبرمج انه يملج ويعرس وبس.. وين المشاعر والاهتمام.. الزوج والزوجه كل واحد منهم يشيل الثاني ويريحه موبس ورقة عقد وخلاص..
الله اعلم يهنيني ولا لأ .. لأني كم مره اقوله عن أموري ويسير يتكلم عند أهلي سواء الموضوع يستاهل ولا لأ .. وأهلي يحطون علي ليش قلتي له.. على اتفه شي والله ما تتخيلين..
مثلا مره قلت له بروح عيادة الأسنان ابي اكشف على اسناني .. وعقبها بيومين قام وخبر الوالده هي ادري انها سايره العياده هي خبرتني.. وطاحت فيني الوالده يعني لازم تقولين له انج سايره العياده.. المفروض ما تقولين وين سايره وين يايه.. وكم مره فهمته الكلام اللي بيني وبينك لا تنقله لأهلي بس ما شي فايده ..
الله كريم
تسلمين عالمرور


Neama
تسلمين حبيبتي والله عالمرور
وكلامج صحيح 100%
وكل شي قدر ومكتوب ان اشاءالله وأسأل الله تعالي ان يوفق الجميع يارب
دعواتج غاليه علي
مشكورة


Ro0o0m_M
تسلمين عالمرور الطيب..
وعرفتي الحال


الخرشة
تسلمين الغالية عالمرور
وشاااكره لج وقفتج معاي من كل قلبي.. ولج أجر ان شاءالله من اللي تلاقينه حواليج


Row3a
آمين يااارب
الله يفرج مصايبنا أجمعين
تسلمين عالمرور


نوووسه
وانا خايفه من هالنقطه وايد
وحالتي النفسيه وايد تأثر علي.. موبايدي بس غصبن عني
لكن منو يفهم؟!!!!
تسلمين عالمرور


مرسى الأحلام
من بداية الخطبة كنت رافضه اني اتزوج ووراي مشوار دراسه.. بس هم قالوا انهم مستعدين ينتظرون لين اخلص دراستي والحين باقي لي سنه واتخرج ان شاءالله
المشكله انه ما شفت منه الانسان اللي يناسبني وكلام الأهل يزيدني نفور منه..
تسلمين عالمرور



السهر
الشخص اللي أتمناه.. يريحني ويهتم فيني ويسعدني ويعوضني اللي افتقده في بيت أهلي
وانا في هالسنتين كنت احاول افهم اهلي اني مب مرتاحه بس كانوا يتجاهلوني.. وانا طبعي كتومه يعني يوم يصير موقف افهمهم هالشي بس محد يفهمني
وهذا اللي مضايقني انه متعلق فيني وانا ما ارغب فيه!!
والايجابيات اللي لقيتها اذا عشت معاه معظمهما ماديه.. وانا ما تهمني الماديات كثر المعنويات!!
وتسلمين على مرورج ودعواتج



SHREEFA
وعليكم السلام ورحمة والله وبركاته
منو يفهم قولي لي هالكلام؟؟!!
وانا افكر بنفس طريقتج هاذي.. بس اللي حوالي موراضين يفهمون.. ردهم انه الريال شاريج ويبغيج حرام اتضيعينه.. انزين باجر في تبادل عواطف ومشاعر وحب واحترام.. مستحيل هالشي يكون من طرفه وانا ما اظن بقدر اعطيه هالأشياء وانا من داخلي ما اتقبله.. ولا أسلوبه وتعامله معاي يساعدني اني اتأقلم معاي
الله كريم
تسلمين عالمرور


بنوتة مسقط
آميــــــــــــــــــــــــن ياااارب
تسملين والله عالدعاء والمرور الكريم


Deeeeeeeeeeeeeeb
وعليكم السلام ورحمة والله وبركاته
تسلمين أختي وكلامج صحيح .. وان شاءالله الله يكتب لنا اللي فيه الخير


Meemo0o
تسلمين عالمرور والدعوه الطيبه


Elmaha
تسملين غاليتي عالمرور
وكلامج يدخل القلب
الله يصلح الحال ان شاءالله ويكتب لنا اللي فيه الخير

قلبي يتقطع عليك
لا شفت دموع عينيك

ارحم يا حلو حال والديك
صدقني نحنا كلنا حواليك

كلمات والله كتبتها من القلب

صدقيني اختي الله ما يكتب شي الا فيه خير لعباده

بس

العبد لازم يدعو ربه ويسأله الرأفه بالحال


قريت هالكلمات وحبيت اشاركج فيهم
صيح على من حبك وخليته.. ولا تصيح على من حبيته وخلاك

صح الواقع اللي تعيشينه تحسين انه مر

بس الله يقول في محكم كتابه

(ان مع العسر يسرا)


اختي الغاليه

انا دووووم اقول اختي بزنس جيرل عاقل
والله يكملج بعقلج

الدنيا قسمه ونصيب

والمكتوب مقسوم

والله عارف شو المقسوم بهالدنيا

أمن يجيب المضطر اذا دعاه ويكشف السوء
أمن يجيب المضطر اذا دعاه ويكشف السوء
أمن يجيب المضطر اذا دعاه ويكشف السوء


اسمحيلي طولت عليج

اختج الصغيرة
اميرة الظلام

يا عيوني وعسى ان تكرهوا شيئا وهو خيرا لكم.

صدقيني انت خلي ها الشئ مثل ما قلت لج لصالحج لانج في النهايه مضطره تطيعينهم فليش ما تكوني الاذكى وتكسبي الكل وتكوني الامر الناهي عزيزتي الطفل لما ينغصب على لعبه ولو انها غاليه وما يبيها لكن يتكدر ويتنكد بس يضطر يسكت لانه ممكن ينضرب بس حتى لو انظرب تتوقعين امه او ابوه اللي ضربه مو مجبور اكيد!! قصدي من كل ها اللفه كلها ان الكل عنده حكته وعنده عذره وانتي فيها فيها يعني لا مفر فانتي بدل ما تنجبرين تقبلين الموضوع وخليج الاذكى لا شافوج مستانسه كبرتي في عيونهم وعلاقتج مع ابوج راح ترجع لانه بيقول بنتي تقدرني وتقدر اللي انا اسويها لها. الكل بيحطج على راسه وعاد انتي وشطارتج تقدري تقلبين كل شئ لصالحج في النهايه ما فيه شئ يسوى الواحد يضيق خاطره عليه انا دايم افكر واقول هذه الحياه ثواني وتعدي وبعدين ندفن تحت التراب شو اخذنا يعني من الزعل والعصبيه ولا شئ
اذا الافضل اني ارمي حملي على المولى واكيد في هذا الشئ خير لج عزيزتي

تحياتي يا الغاليه

شيكي عالخاص

قوليله بويه مابيك واني مغصوبه عليك

لاتحطمين مستقبلج تحمليييي

اوقفي بويهالكل
بس قبل فكري

هل في عيوووووب؟؟؟ عشان ترفضينه؟؟؟؟؟
واذا مافيه عيوب بس جذي لله في لله ماتحبينه
فترة خطوبه بتعودين وبتتأقلمين معاه انشاء الله
وترا فعلا الحب يكبرويزيد بعد الزوواج .....

ساعد الله قلبج اضاهر لازلنا عايشين في عصر الجاهليه ، طيب انتي ليش ماتصارحينه عن اللي بقلبج مو أحسن من طلاق بعد جم سنه وراح تنزلين من راس والديج بالقاااع يعني ماكو الا انج تقولينله انه مثل أخوووج واكيد اهو راح يتفهم هالشي ولو انه راح يتضايق لكن بعدين الكل راح يشوف طريجه وبتلقين الزوج اللي يدخل قلبج وتلمون بعض عن حب وشراكه للأبد
وبالنسبه لأهلك اهي فتره وتروح وهذي قصتج متداوله مع بنات كثير لكن الذكيه والعفريته اللي قدرت على أهلها وسوت اللي براسها والباجي يصطفلوووووووو

فديتج والله لو بيدي شي ماقصرت مابإيدينا غير الدعاء