لأول مرة اشكي لكم!!.. تعالوا عزوني في ملجتي وبكون شاكره لكم

تسلمين عبير الورد عالمرور
الله أعلم
الله يكتب لنا اللي فيه الخير ان شاءالله

السلام عليكم ورحمة الله وبركاته

اختي بزنس غيرل نعم اختي بنت امي وابوي

نعم اختي من لحمي ودمي

نعم اختي حبيتي وماني غنى عنها

نعم اختي واللي اعتبرها توأم روحي وما أخش شي عنها

نعم اختي اللي افتخر فيها.. اعزها وارزها.. وارفع راسي يدام الناس لا طرو اسمها

صح اني يالسه يدامج الحين

بس ما اتجرأ واكلمج

وكنت متأكده 100% انج حاطه موضوع في المنتدى لانج متمسكه فيه وتعتبرين العضوات خواتج

المهم

رساله اوجهها لج ويدام الكل في المنتدى

صدقيني الكل معاج في البيت وخايفين عليج وعلى مستقبلج

الكل باله وياج

وحتى امي وابوي

يدورون اي حل بس عشان يساعدونج

وابشري بالخير

اذا كان الموضوع مضايقنج

انا اقدر اساعدج

انتي اختي

ومالي غنا عنج


لكن
((عسى ان تكرهوا شئ خير لكم))
((عسى ان تكرهوا شئ خير لكم))
((عسى ان تكرهوا شئ خير لكم))

اختج الصغيرة
اختج اللي انحرمت من ضحكتج وتشتاق لسماعها
أميرة الظلام

:cry:

^
^
^
^

صدقيني محد بيجبرج على شي انتي ما تبغينه

واللي في خاطرج بيستوي ان شاء الله

والله بيعوضج بغيره

وعليكم السلام


الله يكون في عونج .. ويعطيج الي تتمنينه يارب


يمكن اختي بعد الزواج تحبينه ويحبج ويكون حياتكم سعيدة ان شاءالله




أدعي ربج .. واتمنالج كل خير


بس الحين ركزي على دراستج ولا تفكرين في هالموضوع


لان الدراسة أهم من كل شي

انا راي والله انك تكلمينه وتوضيحين له وتقولين له اشلوت تبي ووحده ما تحبك او تتقبللك المفروض انك تتكلمين معاه بصراحه قولى له مو انا الى راح تسعدك انا او الانسانه الى تبيها وما في رجال ما يفهم مشاعرالانسانه الى راح يعيش معاها صدقيني هووينها عيوونى ولا يهمك وقاومى وقوولى ما ابيه لانك راح تضيعين نفسك وتضيعيه معاكي والله الله يووفقك وانتى حاولي

الشخص اذا ماعاشرتيه صعب تحكمين عليه وبعدين المحبه من الله بس اوقات تنجبير انج تحبين شخص بتعامله الراقي واسلوبه وصعب تحكمين من البدايه ومابزيد اكثر عن كلام البنات ماشالله كفن ووفن
لو تميت تشوفين الحياه بسلبيه والله بتموتين هم شوفي الايجابيات وخلي املج كبير برب العالمين
في وحده كانت تحب ولد عمها واغصبوها اهلها ع واحد غيره وسوت مناحه وصاحت وعقب فتره من العرس قالت كنت غبيه بتفكري والحين لو وخيروني بين ريلي وولد عمي بختار ريلي

والسموحه منج

حاولي تتقبلين الوضع


لانك خلاص الاهل حطوك امام الامر الواقع


ولازم تتعايشين معاه


وطالما هاشخص طيب ومافيه شي يعيبه


حاولي بشتى الطرق تحبينه


عشان حياتك في المستقبل تكون سعيده



والله يكون بعووووونك

حبيبتي الله يعينك ويسهل امرك

انا رئيي انك تفهمين اهلك بالحرف الواحد انك ماتبينه لان علاقتك مو ذاك الزود باهلك سوا وافقتي او رفضتي

حبيبتي محد بيفيدك اذا خذتيه وماتوفقتي لاقدر الله وبيلومونك في كل الاحوال

واذا مافاد مع اهلك كلمي الولد وفهميه باسلوب كويس

حبيبتي هذا زواج يعني عشره يعني اخذ وعطا

واخرتها انتي وياه ومحد معاكم

توكلي على الله واستخيري

مرحبا اختي ..... حرام لا تكتبين عروس الموت لا تسوين جي ...
مثل ما قالولج الخوات صلي الاستخاره .... وانشاء الله ربنا هو اللي بيسرها ..
واذا في خاطرج اشياء ممكن تتقبلينه فيها مثل انج تبين بروحج تسكنين معاه اشرطي ها الشرط وقوليله لا تسكتين عن حقج لالالازم تتخذين قرارج بايدج وانته ماشاء الله عليج جامعيه خلي شخصيتج مفروضه جدامهم .. وما بيستوي الا الخير انشاء الله ..
ولله يوفقج انشاء الله ..

احساس مخيف جدا ؟؟؟
ان تكتشف موت لسانك عند حاجتك للكلام ... وتكتشف موت قلبك عند حاجتك للحب والحياة ... وتكتشف جفاف عينيك عند حاجتك للبكاء ... وتكتشف انك وحدك كأغصان الخريف عند حاجتك للاخرين ؟؟

ولرب نازلة يضيق بها الفتى ذرعاً وعند الله منها المخرجُ

الخيرة فيما أختارة الله ...

[grade="00008B FF6347 008000 4B0082"]ياعسل لاتشيلي هم الدنيا .. ربي قادر على كل شي ..

واستمري في الدعاء والله سبحانه وتعالى وعد لابن ادم يحقق له كل امنياته واحلامه اذااستمر في طاعته..

والله يوفقك ويسعدك يااااااااااااااااااااااااااااااارب[/grade]

http://go.3roos.com/5BjGqlf0AYH

انصح الكل انه يفتح هذا الرابط ويستفيد

من هذا الرابط بتشوفين كيف ممكن انج تتفقين وتحبين وتتاقلمين مع اي شخص انتي تبينه

وانا عشان اتاكد جربت ونجح الشي بشكل سريع وهم راح تتسلين لانه فعلا ممتع


وحبيت اقول
ان الرسول صلى الله عليه وآله
لم يقل ترضون شهادته وشكله
بل قااااااااااااال
ترضون خلقه ودينه

أختي الغالية

على كل السلبيات التي وضعتيها عن هذا الوضع

إلا أنني أرى بصيصا من النور وسط هذا الظلام

وأرى أن الأمور مختلطة معك .. وقد دخل الحابل فيها بالنابل

شو دخل خطيبك إذا أهلك عملوا معك هيك؟؟

ومن المسؤول عن وصول الموضوع إلى هذه الدرجة مع أهلك

فتشي في نفسك .. وستعرفين اين الخطأ

وطالما قد تدخل أحد أطراف الأسرة لحل الموضوع ففي ذلك كل الخير

ثقي في الله وتوكلي عليه

صلي صلاة الاستخارة مرارات وتكرارا وربنا لن يضيعك وسيكتب لك الخير عزيزتي

(ومن يتق الله يجعل له مخرجا * ويرزقه من حيث لا يحتسب)

أتمنى لك التوفيق

يا اختي البنات نصحوج نصايح زينه

وانا بعد اقولج اهدي واقرأي قرآن وادعي ربج وصلي استخارة وبس.... فوضي امرج لله

باين انه الريال زين بس انتي خوفج هوه اللي مسوي فيج جيه... ويمكن اهلج وكلامهم عن الريال مو مريحنج

بس هي الحياه جيه...

اما بالنسبه لاهلك: تراهم يعاملونج جيه لانهم شايفينج رافضة ومعصبه ... لكن لو كلمتيهم وقمت بروحج وسألتي امج شو بلبس او وين بتعدل تراها بتعدل معاملتها معاج...

يا اختي عسى ان تكرهوا شيئا وهو خير لكم...

وما انصحج تقوليله انج مغصوبة عليه.. عشان ما تسوين مشاكل مالها داعي ....
اكرر عليج بالصلاه والدعاء وقراءة القرآن ورضا اهلج وبس... والباقي الله بيسرلج اياه وبيريحج وبتقدمين امتحاناتج وانتي مرتاح

الله يسرلج امورج ويسعدج في حياتج

اسمحيلي على الكلام الي بقوله بس هذا الي حسيته من كلامج و ردودج على البنات.............. احس انج متقبله الريال بس طريقه ارتباطج فيه و معاملة اهلج مخليتج تدورين في الريال مليون حجه........... كلامج عنه فيه احساس ولو انتي مو طايقته مستحيل تحسين فيه............... ياريت تفكرين

توكلي على ربج ولا تخافين الله مايتخلى عن حد


بس مثل ماتقول لج الأخت مرسى الأحلام لازم ماتخزنين هالكلام براسج هذا كله بيخليج تكرهين الريال حتى لو كان مافي أحسن منه المشكله إنه إعتراضج على تصرف أهلج مب على الريال على جذي أشوف إنه الأحسن إنج تستخيرين علشان ييسر لج الله الطريج إلي فيه الخير


وبشرينا بكل خير :smile:

business Girl
اختي الغالية ...ماشاءء الله عليج.. انتي بنت جامعيه ومب قادره تحلين مشكلتج..

ارتاحي شوي.. وفكري بتأني.. ورتبي الامور كلها جدامج.. وصدقيني..بتلاقين المكشله بسييييطه.. وحلها مافي ابسط منه وانت يغافله عنه..

وبعدين يمكن هالريال يشلج من اهلك.. ومعاملتهم.. ويهنيج..
يعني لاتبردين حرت اهلج في الريال.. تشوفين انه يستاهل.. ؟؟ وإذا فيه اشياء مضايقتنك منه.. مثل اسلوبه او اي شي.. صارحيه وان شاء الله بيتغير

والله ان شاء الله يسر كل امووورج.. ونفرح فيج..

[grade="00008B FF6347 008000 4B0082"]


عزيزتي

لو علمتم ما بالغيب لاخترتم الواقع

لو في نصيب مع ولد عمتك بتاخذينه غصب عن الكل ولو ما في نصيب مهما غصبوك هلك ما بتاخذينه

لأن في شي اسمه قضاء وقدر

أسأل الله العلي القدير أن يفك كربتك وينفس عنك ويقدر لك الخير والصلاح أينما كان

ياريت لو تسمعين نصيحتي

البنات ما شاء الله كان ما قصروا وإنشاء الله ما بيقصروا معاك

وإنشاء الله مارح ننساك من الدعاء لكن إنت الآن في ضيقة

أكثري من الاستغفار

ومن قول " يا حي يا قيوم برحمتك أستغيث ، أصلح لي شأني كله ولا تكلني إلى نفسي طرفة عين "

ومن قول " لا حول ولا قوة إلا بالله "

ومن قول " اللهم يا مدبر كل أمر عسير دبر لي فإني لا أحسن التدبير "

وتمي ادعي أكثري من الدعاء

ومن صلاة الاستخارة صلي بالليل وعقب صلاة الفجر قبل طلوع الشمس

وقومي قبل أذان الفجر صلي ركعتين وادعي في وقت السحر

رب العالمين يكون في السماء الدنيا يسأل عباده

هل من تائب فأتوب عليه

هل من مستغفر فأغفر له

هل من سائل فأعطيه هل .........وهل.........

اسأليه في هذا الوقت الفضيل واتركي السفينة تسير وين الموج يحركها

بقدرة وطلب من رب العالمين

حتى لو هلك غصبوك ثقي بالله وخلي أملك كبير إن مشكلتك تنحل

هونيها تهون وكبريها بتكبر

ولا تنسين " أنا عند حسن ظن عبدي بي فليحسن الظن بي عبدي وليظن بي ما يشاء "

إذا أحسنت الظن بالله تأكدي إنه هو موجود معك

وتأكدي إنه ربنا يحب العبد اللحوح يلح في دعاءه يرجوه يطلبه

يا أختي ما خاب من استخار وما ندم من استشار

إنت الحين استشرتي أخواتك في المنتدى

باقي عليك الاستخارة من رب العالمين

وسبحان الله يمكن يعوضك ويكون لك الزوج والأخ والأب والأم وكل شي في حياتك

وين إحنا من الآية

" ومن آياته أن خلق لكم من أنفسكم أزواجاً لتسكنوا إليها وجعل بينكم مودة ورحمة "

مودة ورحمة وحب وحنان إنشاء الله كله بتلاقيه

ولو قدر ربي وصار النصيب وما لقيت اصبري أختي واحتسبي الأجر ولك الجنة بإذن الله

واحمدي ربك كل وقت والله لو تسمعين عن مصايب الناس بتهون عليك مصيبتك

أنا آسفة طولت عليك وأتمنى إنك تبشرينا عنك دوم
[/grade]

اختي

اول شي اتمنى منك تمسحين اسم ( عروس الموت ) من مشاركتك

ليش هالتشاؤم ....... الحياة اقصر من انا نقضيها في نكد وتعاسة خاصة لو كنا مخيرين

اختي انتي مابينتي ليش ما تبين الرجال هل لانك ماحبيتيه ؟؟ وايش السبب اللي يخلي اهلك يفرضونه عليك ؟؟

عموما انا انصحك تواجهين اهلك والرجال بكل شجاعة

الانفصال في مرحلة الخطوبة احسن من الطلاق بعدين لاسمح الله

التفاهم بهدوء وعقلانية هو الحل

وان شاء الله مايصير شي الا فيه خير وصلاح لك

المشكلة موعارفين القصة بالضبط وبكذا مانقدر نقول لك الحل الصحيح