ممكن أفكـار خطيـرة تودي بداهيــــة ؟؟؟

من كلا م الاخت أيوت أنتبهت لشي..

هو عنده مكتب للخدم..

صح...؟

ليش ما تكون وحده منهم مسويه له سحر ولا غيره..؟؟!!!

المهم جيبي ماي زمزم مقري فيه ورشيه على البيت كااامله وشربيه منه يمكن يهتدي..

والله يهديه

الله يهديكم

أختي نودو مالج غير ربج قومي صلي صلاة الليل كل يوم وادعي ربج من كل قلبج وابكي وانتي تدعين بس يكون من خاطرج وقلبج وارتجي اللة وايد صدقيني الله ماراح ينساج لانج مانسيتيه ولجأتي له اسمعي كلامي وماراح تندمين
ودايما رددي وقولي من كل قلبج خلي على لسانج جملة


حسبـــــــــــي الــــــلـــــــــــــة ونعـــــــــــــــــــــــم الوكيــــــــــــــــــــــــــــــل



وماراح تندمين بس كل شي ويبيله صبر
ويمكن هذا اختبار من رب العالمين يبي يشوفج تصبرين ولا لاء
بس انشاللة راح تنجحين في هذا الاختبار
واللة يكون بعونج ويفك كربتج

آآآآآآميييييين

ايووووووووت كلاامج حلووو

وتقريبا مثل كلامي وكلام معظم الاخواااااااااااااات هنيييييييه



بقولج ليش هي مووراضية تتركه لانه تحبه تمووووت فيه حبه برص

ولو ماكانت تحبه ماكانت كتبت قصتها هنيه عشان نلاقيلها حل لانه اي وحدة شئ طبيعي بتشيل اغراضها وبتنحاااش من هالزوج الفاجر


والاخت عارفة كل بلاوي زوجها وعارفته زين مازين وذابحتها الغيرة والشك فيه من زود مااااااااتحبه وطبعا هو عارف هالشئ ومستغل هالشئ لانه وين بيلاقي زوجة تكد عليه وصابره عليه وساترة امووووره السودة عشان جذيه هو متمسك فيها بعد عشان هالاشياااااااء

ولو تزوج وحدة قوية جاااان يوم واااحد ماقعدت عنده تقلب البيت على راسه وتطلع



الله يعينج اختى ومثل ماقالوا الاخوات محد بيحل مشكلتج الا ربج سبحاانه وتعالى صدقيني مافي غيره

ادعي ربج وايد واقراي قرااان واستغفري وماشاءالله البنات مومقصرات بهذا المنتدى كاتبات وايد ادعية


والله يهديكم

لا اله الا الله...ليش ياخواتنا في الله هالكلام اللي يودي في داهية من جد..

اللحين انتم عطيتوها اللي تبيه ..ليش نقولها من الاساس اتركي زوجك..

ياجماعه الموضوع اكبر من الطلاق..الموضوع هنا في قول

الرسول صلى الله عليه وسلم حيث قال"من كان يومن بالله واليوم الاخر

فلقل خير او ليصمت"

شفتوا الرسول صلى الله عليه وسلم حذر ما اللسان..فلا تكونون سبب

رئيسي في دمار بيت باكملة..


عزيزتي ... اسمعيني بعقلك ... ثم قلبك ... اقتربي لاهمس باذنيك عل

همسي هذا ... ينير دربك ... ويهدئ النفوس ...

وراح اقووووووووولهــــــــــــــــــــــــــــــا ولثالث مررررررررره

"عزيزتي نودو احسنـــــــــــــــــــــــــــــــي الــــــــــــــــــــــظن بزوجــــــك"

**لاتكوني كالدوامة لا شغل ولا شاغل لك الا زوجك وملاحقته ومعرفة

اخباره ... يجب ان يكون لك كيانك المستقل ... تنفسي بعيدا عنه واتركي

له المجال لكي يتنفس ... وبعدها عندما تتلاقيان ...تلتقيان بحب وشوق ...

** كوني ذويقة... بمظهرك وجوهرك ... اي احرصي على اظهار الجميل بك..

** كوني مهذبة مع زوجك ... واختاري الفاظ محببة لنفسه واياك ثم

اياك ان تقذفيه بالفاظ نابية ... صدقيني عندها سيقل احترامه لك ...

**كوني قوية وثابتة ... تحلى بالصبر ... ولاتجعلى اي كان يهز

ثقتك بزوجك ... الذكاء شئ مهم ... اعرفي من اين تؤكل الكتف ...اعرفي

نقاط ضعف زوجك واستغليها لصالحك ... واعرفي مالايحبه وتجنبيه...

خواتي العزيزات ام ربى وماريتا .........

ادري ان فهمتوني اني احرض نودو على زوجها واحرضها على طلب الطلاق منه ؟؟؟؟؟؟؟؟ لا والف لا ؟؟؟؟؟؟

تدرون ليش لانها لو حاولت وياه ان تصلحه ونجحت في اصلاحه مو بس راح تكسب زوجها وتنقذ حياتها الزوجية بل راح تكسب ثواب من عند الله سبحانه وتعالى وحسنات لانها انقذت أنسان من الضياع والسير في طريق التهلكه ؟؟؟؟

بس ان شاء الله ينصلح حاله يا بالمعروف يعني انها تهادنه وتخليه يرضى عنها واتحببه اليها بس لو ما نفعت هالطريقه ؟؟؟؟؟؟ شسوي وياه تستمر على حالتها وياه ؟؟؟؟

خيانه .... ما يصرف عليها ولا يعاشرها ..... ما يتحمل مسوؤلية بيته وزوجته وتربية ابنته ..... زنا ولعب وقمار وسكر ومراقص ورفاق سوء .... كل هاذا واهي ساكته ؟؟؟ لييييييييييييييييييييييييييييييييييييييش اتصير المرأة كائن ضعيف مغلوب على امره اهي مش محتاجة له تقدر تصرف على روحها وتربي بنتها وتعيش حياتها سعيدة بدل هالتعاسة القاتلة اللي اتعيشها ؟؟؟ شنو اللي يجبرها كل هاذا عشان ما اتصير مطلقة او ما تصير بدون رجال ؟؟؟ شنو الفايده من رجال مثل هاذا ؟؟؟

يمكن لاحظتوا ان انفعلت اشويه من موقفها الي احسه موقف سلبي انها ترضخ لشروطه """ انها تسكت عن فعايله وبلاويه واتخليه يسهر ويلعب مع الزانيات ويصاحب رفاق السوء """" وحسيت انها مو مجبورة ترضى بهالشئ ؟؟؟؟

وبعدين يا اختي ام ربى ...... انتي لو مكانها وقال لج زوجك انا برجع البيت ووبعيش وياش وبدفع بس أجار البيت وعليك انتي باقي المصاريف بعد ؟؟؟ بشرط اني بسهر وبلعب وبسكر وبخونج ويا الفلبينيات وبسافر وبروح المراقص والكازينوات ؟؟؟ وانتي لا تتكلمين ولا تتشكين ولا تخبرين أحد يعني يبغيش تدرين بسوالفه البطاليه وتسترين عليه ؟؟؟؟

والساكت عن الحق شيطان أخرس ؟؟؟ يعني اتشوفه ايسوي المنكر ولا تتكلم له ولا حتى اتخبر أمه وابوه عن سواياه ؟؟؟؟
لا الله ولا رسوله أمرنا بهالشئ ؟؟؟
وانه بصراحه ما اقدر اسكت على الشئ الخطأ ؟؟؟

وبعدين انتي اتقولين لها تعدلي وتلبسي وتجملي له ؟؟؟؟ واهي المسكينه مو مقصرة معاه لبس ومكياج وسنع ودلع وحركات ؟؟؟؟ بس لانه شبعان من بنات الحرام مو هامتنه هالمسكينه ؟؟؟؟
تلتقيان في شوق وحب اشلون يأختي ام ربى واهو طول اليوم برع البيت في الدوام وبعدها مع ربعه او مع ............ الله لا يوفقهم ولا يربحهم بنات الحرام ...

صدقيني يا ام ربى انه عارفه هالنوعيه من الرجال ما يفيد وياهم الا العين الحمره ؟؟؟؟؟







بس صدقيني يا نودو قلبي محروق عليج تدرين ليش ؟؟؟؟؟

لاني عمتي المسكينه مثل حالتج ومافي الا ابوي المسكين دايخ سبع دوخات ويا زوجها يبغي يصلحه ويهديه ؟؟؟؟

لكن شتقولين ما ذيل الكلب عمره ما ينعدل ؟؟؟

اتصدقون انه حرق وجها كانت تطبخ في المطبخ وايقول لها بعدش ما كملتي الغذاء وكانت الساعه توها 11ونص ؟؟؟ قالت له بعدهي الصالونه ما استوت ؟؟؟ وما شافته الا ماسك رقبتها بايده الثنتين ومغرق وجها داخل الصالونه واهي تغلي واهي اتحاول اتشيل روحها منه ما قدرت خلاها تقريبا 5 دقايق وهي تلفظ الانفاس مو قادرة تصارع بين الحياة والموت وتخيلي ان بناتها الصغار تحت رجله يسحبونه مو قادرين لما سمعهم أخوهم الكبير وكان بالطبق الثاني ونزل قام أخذ قدر الصالونه ورماه على الارض لكن ما كفاه زوجها انه حرقها قام يرفس فيها ببطنها وظهرها ؟؟؟؟ لما ولدها ما قدر ايشوف امه تنضرب وخواته ياب له حديده من الحديقه وضرب فيها ابوه ؟؟؟؟؟


بعد هاذي الحادثه عمتي شالت اغراضها بعد ما تمت تتعالج عن أثار الحروق والضرب ورفعت عليه في المحكمة قضية الطلاق ؟؟؟؟ وهالسالفه صايرة من أسبوعين والحين اهي قاعده في بيت ابوي لحد ما تحكم لها الحكمة بمعاش لها ولولادها ومسكن لهم ؟؟؟؟

وقصة عمتي مثل قصة الاخت نودو بالظبط الفرق ان زوجها يعمل مدرس ....... ويتعرف على فلبينيات أشكال وألوان وآسيويات ويعاشرهم أكثر مما يعاشرها ويصرف عليهم أكثر مما يصرف عليها ويعاملهم أحسن مما يعاملها ؟؟؟؟

بس على الاقل صح انه بخيييييييييييييييييييييييل بس على الاقل قايم بحقوق بيته ومصاريفه ولا يسهر كثير يعني بالشهر مرتين ثلاث اتلاقيه عتي مختفي وياهم ما تدري عنه بأي داهيه ؟؟؟ بس على الاقل ما يسهر ولا يطله من بيتهم موليه مو مثل الاخت نودو الي مستغلنها وما يرجع الا الفجر؟؟؟؟

صدقيني عمتي اتقول جذي أحسن لي عيالي يتربون بعيد عنه وعن سوالفه وخرابيطه ؟؟؟؟ حتى احنا حسيناها نفسيتها صارت مرتاحه أكثر تضحك اتسولف لي قعدة ويانا عكس الاول على طول مهموم حالها وتعبانه نفسيتها تحاتي مصيرها مع زوجها الخاين الزاني اللي ما عنده دين ولا ضمير ولا اخلاق؟؟؟

تدرون اشلون كشفته ؟؟؟ كانت هي مزاعله وياه وقاعده في بيت جدي وكانت محتاجه أغراض من بيتهم راحت ويا عمتي الثانيه تجيبهم اتصوروا انها لقته جايب لها فلبينيه و الثانيه كأن أثيوبيه ؟؟؟؟ وفي بيتها وعلى سريرها ؟؟؟؟ تخيلوا ؟؟؟؟ لما دخلت بيتهم لقت شنط يد في الصالة ؟؟؟ طبعا اهوا حس فيها واهيا داشه وخشهم بالمخزن بس اهي راحت سيده غرفة نومها وشافت بلاويهم ؟؟؟

بعد هالسالفه يوم انها فضحته ؟؟؟ قال لها خلاص بتوب وما راح اكررها مرة ثانيه ؟؟؟

بس مرةأخذت سيارته بتطلع فيها الا تكتشف رسالة بالفلبيني وفيها صور جابتها لي أقرى لها الكلام المكتوب بس طبعا ما عرفت اقراه لانه مو بالانكليزي ؟؟؟؟؟؟؟؟ بس طلع انه يأخذ رساليلهم ويوديها البريد للفلبين ؟؟؟ اتقول لج صاير مطراش لهم ؟؟؟؟ واهي اذا بغت منه لو يروح السوبرماركت لو البقاله اللي جنبهم ايجيب لها اشويه أغراض أتقوم القيامه ؟؟؟؟
شغل البيت كله على راسها من الالف الى الياء؟؟؟

أنه قلت لج قصة عمتي عشان اتعرفين شنو نهايتها تشوهات وجروح بالجسم وجروح بالقلب وعيالها اللي صادتهم عقد من ابوهم الزاني الخاين الفاشل ؟؟؟

عشان جذي يا اختي اقول لج اذا ما انصلح حاله لا تهتمين فيه ولا في حبه انسيه وبعديه عن حياتج وتابعي حياتج وأخذي لج طريق بعيد عنه لان هلاشكال ما يفيد فيها التسامح والعطف لان اذا الحرام سمم جسدهم ونفسيتهم ما يطمر فيهم العشرة الحسنه ولا المعروف .....


وانه اللي قاهرني بالموضوع اني ما ابغيش تسترين عليه وعلى فعايله واتشجعينه ؟؟؟ واتخلينه يتمادى ؟؟؟؟
وترى انتي بعدج صغيرة والحياة قدامج والله يعوضج في بنتج وتفرحين فيها ؟؟؟

وما تدرين يمكن هاذي نزوة من نزوات الشباب ؟؟؟؟ واتروح وتنسى مع الايام ؟؟؟

السلام عليكم ورحمة الله وبركاته

أخواتي العزيزات..

لو كل واحدة ساقت للأخت نودو مشكلة تشبه مشكلتها..و طلبت منها أن تتصرف مثلها...فستتوه الأخت نودو و لن تجد مخرجا...

نحن هنا بصدد تهدئة النفوس...و مهما فعلنا...ستظل الأخت نودو هي الأدرى بزوجها

و لا تنسوا أن زوجها عشرة 4 سنوات..و بينهم طفلة...يعني ليست بهذه السهولة هدم حياة الآخرين...

وفقكم الله جميعا

الله يهديكي ويوفقك ان شاء الله

اختي "ايوت "

انا لم اقصد احراج او جرح اي احد..ولكن اختي "نودو"لا تحتاج لمثل هذه النصائح من طلاق وغيره..

وللعلم عزيزتي"البيوت اسرار"يعني نودو هيه بنفسه تشك انه يخونها لكن لم تثبت بالدليل القاطع انه يخونها..

فقط تاخره عن البيت هو السبب الرئيسي في شكها..او قبلة احمراء شفاه

قد تكون منها..

وانا قلت احسني الظن..وصدقيني راح ترتاح..

بالنسبه لقصة عمتك...ليس بالضروره ان يكون زوج عمتك من نفس نوعية زوج نودو..

زوج نودو طيب القلب..وممكن ان تصلحه بقليل من الحنكه والذكاء

وليش مانقول انه مثلا مريض"مثلا"وهذ سبب رئيسي في البعد عن معاشرتها او تاخره عن البيت لوجوده في المستشفى طبعا...لم اقصد الامراض التناسليه..

ليش مانقول ان هوه موزع وقته "طول اليوم بالمكتب وبعدها مع اصحابه..

احسني الظن فقد لا غير وسوف تزول كل همومها..

واذا كنت اساءت لاي احد فانا اختي "ايوت "اعلن انسحابي من الموضوع

وسوف اترك المجال لكي ولغيرك من الاخوات...ولكن هذا لن يمنع ان اتابع الموضوع من بعيد..

واقولها لآخررررررر مره""من كان يومن بالله واليوم الاخر

فلقل خير او ليصمت"


وانا مع الاخت العزيزه مرموم

كاتب الرسالة الأصلية : مرموم

السلام عليكم ورحمة الله وبركاته

أخواتي العزيزات..

لو كل واحدة ساقت للأخت نودو مشكلة تشبه مشكلتها..و طلبت منها أن تتصرف مثلها...فستتوه الأخت نودو و لن تجد مخرجا...

نحن هنا بصدد تهدئة النفوس...و مهما فعلنا...ستظل الأخت نودو هي الأدرى بزوجها

و لا تنسوا أن زوجها عشرة 4 سنوات..و بينهم طفلة...يعني ليست بهذه السهولة هدم حياة الآخرين...

وفقكم الله جميعا

أختــي الغاليه ندوو ..

أنصحك بما قالوه الأخوات : نسمة الحياه , ومرموم , وميمي بيبي ..

اعملي بالي قالوه لك وانا اقووووول إن شاءالله تلاقين نتيجه ومتأكده ان حلولهم سليمه والله يجمع بينكم على خير إن شاء الله

اذا انتي كنتي سهراانه ولا جاك نوم وهو توه مارجع من البيت اقعدي اقري

قران عشان لما يدخل يشوفك تقرين القران ويرتاح وقولي له تعال حبيبي

وشرايك كل ليله نحدد وقت نقرأ فيه القرأن وهو قبل لا نام وكل يوم

خلصواا جزأين او اكثر على حسب بترتاحين نفسياً وهو بيرتاح

واذا جاء لا تسألينه وين كنت

وليه توك تجي طنشي والله هو بعدين بيقولك ليه ماعاد تسأليني ..

حتي يمكن يشتاق لك ولأسألتك ...


حبيبتي انتي تحملي واضغطي على نفسك عشان تكسبينه وتبينين له انك تغيرتي وتشجعينه على انه يتغير .. واذا ماتغير بكم يوم معليه اصبري لأن الرجال مايتغير بين يوم وليله يبيله وقت يمكن شهر او اكثر ..

اتمنى لكِ السعاده في حياتك كلها وخاصه ((الزوجيه)) ولزوجك ولأبنتك .. اللهم آآآميــــــــــــن ..


الله يوفقكم ...


:up:

أختي ايوت .. قصت عمتك حرقتلي قلبي

وحسبنا الله ونعم الله في كل إنسان ظالم

لكن ليس شرطا أن نقيس قصتها على قصة عمتك

الأخت نودو كل كلامها شك وظن وهي غير متأكدة من كل ذلك

غيرتها عليه زايدة لأنها تحبه لكنها تقابله بأسلوب عكس تماما ما في قلبها

تكون مشتاقتله ومنتظرة جيته بفارغ الصبر ولما يرجع متأخر تعطيه الوجه الآخر ولا كإنها أصلا مشتاقة وهي فقط تستخدم أسلوب المحاسبة

عندي كذا نقطة أود طرحها

مرة الشيخ وجدي غنيم يتكلم عن أخت جائت لتطلب الطلاق

سألوها ليش تبين تتطلقين منه قالت علشان ما يصلي

هنا يعلق الشيخ وجدي غنيم ووجه لها الكلامك وقال وهو إنتي كنتي ما خداه من على سجادة الصلاة

لا هو كان بيصلي ولا إنتي كنتي بتصلي وإنتي بتتلككي علشان تتطلقي ومش هذا هو العلاج

فأريد أن تكون القصص عبر للأخوات

ترى الدين في اختيار الزوج هو الأساس

إذا حبها أكرمها وإذا كرهها لم يظلمها

لكن إللي أخذت زوجها على غير تدين وهي تدري بذلك وموافقة عليه ثم في نص الطريق تقول تراه يسوي ويسوي .. يا عزيزتي إنتي اللي اخترتيه غير متدين وتعلمين ذلك

الآن حاولي في الإصلاح

لكن للإصلاح حدود .. عندما أصل لمرحلة اليقين أن زوجي زاني وحطي مليون خط تحت كلمة "على يقين" ومليون خط آخر تحت كلمة "زاني" + أن أكون على يقين أن زناه متكرر ومع كذا واحدة وخصوصا مكتب خدم وخدامات وما تدرين كل واحدة وش عندها

أقف وبلا تراجع أحمل نفسي فورا لبيت أهلي ثم أرى كيف تتم خطوات الإصلاح من بعيد ثم عند آخر مرحلة وقبل العودة أطلب منه أن يعمل كشف عن مرض الإيدز

فالأدهى والأمر أن أكون أنا ضحية هذا الزنا وأموت بمرض الإيدز في سبيل من لا يخاف الله ولا يستحقني

لذلك نعم ننصح الأخت نودو بالتمهل والتريث وإزالة كل عوامل الشك وحسن الظن بالزوج وتغيير طريقتها في التعامل معه لأنه إلى الآن هي المتسببة في تعامله معها بهذه الطريقة

لكن تبقى نودو هي من تعلم بأبعاد مشكلتها وعلى غرار كل ما ذكرناه تعلم إن كانت على صواب ولا على خطأ وإن كانت هي المخطئة ولا زوجها

قفي مع نفسك قليلا وحاسبيها .. شوفي اللي لك واللي عليكي

وربنا يختار لك اللي فيه الخير ويبعد عنك كل شر يا رب

وطمنينا عليكي عزيزتي .. تراك من زمان ما رديتي وعسى المانع خير

يا بنات خلاص ,, نودو عرفت الأن الغلط وين وبتحاول قدر المستطاع انها تصلح نفسها أول ثم زوجها .

واحنا ماعلينا الا الدعاء لها بالصبر وان شاء الله ربنا بيعوض صبرها خير.

يمكن بعض الأحيان إحنا نقول كلام قاسي شوي لاننا عايشين مع المشكلة حاطين نفسنا في مكانها وكل وحده فينا عندها ردة فعل خاص بها . أختنا حاليا محتاجة مننا الكلام الحلو والتوجية الصح مش "التجريح" .

وانا بالنيابة من الكل اعتذر وأقول سامحينا لو غلطنا بكلمة وانتي زي ما إعتبرتينا خوات لك احنا بعد حاسين انك أخت عزيزة كثير علينا , ألمك من ألمنا , زعلك من زعلنا وفرحك من فرحنا "سامحينا" اذا غلطنا .


نودو: في عدة نصائح تقدمت لك وانا اضم صوتي الى الأخوات وأقولك المفروض التغير يبداء من عندك أولا بعدها زوجك وان شاء الله ماتشوفين الا كل خير.


أختك المحبة لك دائما,,
صباحي.

خير الله يخليكم ويبعد الهم عنكم ، انا سامحونى غبت عنكم لأن ابنتى كانت مريضة ، من يومين من كثر ما اقط النغزات على زوجي وبشكل طبيعى اسلوبي تغير معاه صار كل بهواش واسئلة وتحقيق ومدة البوز عاد الى وين ، حذرنى لآخررررر مرة وقال لي شوفي انا الى الآن احبك وشاريك ما اريد مشاكل وعوار راس تره والله بتشوفينى بالفعل راح اروح واتزوج وحدة ثانية غيرك علشان احصل الراحه من عندها ، يقول لا تتوقعين ما اقدر اعملها وايد ازواج شردوا من النكد وراحوا تزوجوا علشان يدورون الراحة وساعتها انت الخسرانه ....... هذا كان كلامه .. وانا اقول ليش اعور راسي انا بعدين بطلع الخسرانه اول شي راح اغير بإسلوب طريقتى وتصرفاتي معاه وبطنش طلعاته وتأخيره الى ان اشوف انشاءالله ، وراح اشيل من بالي ان له علاقة مع الحقيرة اللي عنده بالمكتب هذي وحدة منحطه وحقيرة مردها بتذلف لديرتها انشاءالله تروح على عكاز وهي مشلولة بإذن الله تعالى علشان تكون حوبتى ..... وراح اشغل روحى واتمنى ارجعه لصوابه ويهدتى ، حتى امه تلومنى وتقول انت غلطانه انك تطلبين الطلاق بوقت غضبه علشان كذا طلقك ، تقول هو يحبك وشاريك ليش تخربين حياتك بشكك تقول امه لي شنو هذا ولدي يعنى ما عنده شغل غير ان يخونك .. :pain: طبعا ام لازم تدافع بس يالله هذا نصيبي لازم اتقبله ......

والله ما اعرف اللي اسويه صح او غلط .

الغاليه نودو صراحه سويتى ضججججججججه بهذا المنتدي

الله يبعد الهم عنك حبيبتى ويخلى بنتك لج ومالج الا هذا الحل طنشيه

ومرده يرجع لج حاولى اتأقلمين حياتك بدونه حاولي تخصصين وقت تمشين فيه الرياضه وايد تريح الانسان بذات اذا كان فيك قهر حطى حرتك فى الرياضه بس انشاء الله ما تكونين وايد ضعيفه لأنك بتختفين :D2؟؟؟؟؟؟؟؟؟؟؟

عزيزتي nodoo

أولا الحمد لله على سلامة بنتك وما تشوف شر

ثانيا عزيزتي يجب أن تعلمي أن قذف المحصنات الغافلات عقابه أشد وأعظم

طيب بالله عليك عزيزتي .. كيف تطلبين من رب العالمين يحل لك مشكلتك ثم تقذفين واحدة بالزنا؟؟!!

حتى لو كانت عاصية واسلوبها كما قلتي ولن اعيد جملتك فهذا لا يعني بالضرورة أنها زانية

نرى في المجمعات التجارية الكثير من المتبرجات و.. و.. لكن هذا لا يبيح لنا أن نتكلم عن أعراضهن

الكلام في هذا الشيء غاية في الخطورة

طالما لم تشاهدي زناها بعينك وليس شخص آخر اللي قال لك هذا فيحرم عليكي قذفها بل يجب أن يكون هناك 4 رجال يشهدون على ذلك حتى نسمح لأنفسنا بالتلفظ بهذه الكلمة العظيمة

لن أزيد على هذا غيرالقول

من يتق الله يجعل له مخرجا ويرزقه ن حيث لا يحتسب

بالتوفيق لك دائما.. :clap::clap::clap::clap:

وأحلى حاجة فيكي بصراحة "صبرك" وهذا أعتبرة وسام متعلق بصدرك .:up::up::up::up::up::up:

أحلى تحية لأحلى أخت عرفتها,,
صباحي

يا اختى بنت فلسطين هذه مجرد سوالف حريم لا تأخذين الامور بجديه وايدددد

وبعدين الحرمه لا يابت اسم حد ولا شى واحنا لا نعرف الحرمه ولا صاحبت المشكله مجرد أراء وتبادل وجهات نظر :cool2:

هدي اعصابك :shy:

السلام عليكم ورحمة الله وبركاته


بصراحه يا بنات انه من كلام نودو شكلي فهمت السالفه كلها خطأ ؟؟؟؟؟؟؟


انه اللي فهمته انها متأكدة من خيانته وانه زاني ؟؟؟؟؟


حتى انه استغربت اشلون البنات يدافعون عن زوجها واهوا زاني ويخونها ؟؟


اشلون اتعيش وياه وتصبر عليه واهوا يلعب ويسافر ويسهر في أماكن العربدة والفسق ؟؟؟






الحين فهمت السالفه عدل ؟؟؟؟


السالفه كلها شك وظن ؟؟؟؟


الله يهديج يا اختي ؟؟؟؟ ليش مخليه الشك والظن يعمي قلبج ؟؟؟ مدام انتي مو متأكدة من فعايله ليش كل هالمشاكل والمشاحنات ؟؟؟

ترى رجال كثيرين يسهرون لنص الليل وما يرجعون بيوتهم الا الفجر ؟؟؟

يحبون قعدةالدواوين واللمات ؟؟؟ واولهم ابوي يتغذى ويريح اشويه وبعدها يطلع يروح لاخوانه وربعه وبعد صلاة العشاء يجي يتعشى وبعد يطلع للساعه 12 او 11 الحين يوم كبر اشوي قام يرجع البيت 10 الليل ؟؟؟


يعني مو شرط يا اختي ان زوجك يخونك ؟؟؟؟

خلي ربك كفيلك وعونك في حياتك الزوجيه ؟؟؟ واذا كان ظالمك الله بيراويه ؟؟؟


وأنا اسفه لو اني انفعلت اشويه وأكون جرحتك بكلامي ؟؟؟

لاني بصراحه كنت مستغربة اشلون ترضين على روحج اتعيشين وياه مدام متأكدة من سوالفه ولعبه وزناه ؟؟؟؟


بس السالفه طلعت كلها شك وظن ؟؟؟؟

ان في بعض الظن إثم ؟؟؟؟

راجعي نفسك وراجعي تصرفاته وحاولي اتكونين مفتحه اشويه عشان لو في شكوك أتأكدي منها وبعدين حكمي عليه ؟؟؟


الله يهديج ويوفقج ؟؟؟؟

عزيزتي نودو ...

يعني الحمدلله اقتنعتي بكلامي وبكلام الأخوات .. أن بداية حل المشكلة عندك ... :smile:


وهي انك تشيلي النكد ومد البوز عن البيت ... وتبعدي الشك اللي ذابحك وذابح زوجك وذابحنا :cool2:...




المشكلة يانودو اللي ذابحني ... إنك عارفة ايش يبي زوجك ... بس انتي ماتبين تريحيه .. ولاتبين تستوعبي الموضوع ...


الله يهديك ياحبيبتي ... ويبعد عنك وعن زوجك المشاكل ...



ياريت لو تطمنينا عنك أول بأول ...

nodoo مرحبا اختي...
قريت مشكلتك... اغلب مشاكل الناس من ها النوع انتي مب غير الناس
في اشياء كثيره قريتها قد سمعتها من زوجي لمى كنت زيك واشد..بس انا الحمدلله مب شك كنت ابيها يحبني زي ماابغى هههه...والحمدلله عدلت نفسي بنفسي وانا اللي كسبت بصبري.....تذكرين لمى قالك زوجك اتغيري انتي اول ...صدق كلامه ...انا لمى قالي ها الكلام صرخت بوجهه بقوه وقلت ياسلالالالالالالالالالالالالالالالالام ليش اناااااااااااااا ليش مب انتتتتتتتتتتتت اللي تبداء....هبال ...وبعدين فكرت مع نفسي وصبرت ونلت الحمدلله بالصبر والدعاء....انا بعمر زواجك وعندي ولد ...مااكذب عليك الين السنه اللي فاتت واحنا مايمر يومين الا بمشاكل ومليون مره طلبت اتطلق واعانده وانكد عليه .....مااستفدت شىء غير القهر والهم وقل النوم...وهو يتضايق بس مايبين الرجال مثل الحرمه....المهم
انت لمى تكونين زعلانه ومتضايقه مستحيل تسمعين من احد وتبين احد يقولك انه غلطان صح...وش تستفيدين هو غلطان بس تقدرين اتعدلينه والله انا ما اتكلم الا من تجربه وما قلت لك الا لاني حسيت ان زوجك عنده استعداد...لاتقولين مثل كلامي مليت من التغير والتجديد والصبر ...ترى الصبر مب يومين واسبوعين يبيلها وقتتتتت شهرين وزياده ...ههه زوجي قالي 6 شهور...بس صدقيني تعدل قبل المده المحدده :smile:

بقولك اشياء كثييييييييييييره اذا تبين تتغيرين اسمعيني

وش تستفيدين من الطلاق وتفرقين بنتك عنكم....تتوقعين بتتزوجين بعده
جربي قبل الطلاق روحي لاهلك اسبوعين ولا تكلمينه ابد ....ِوفي النار اللي بتعيشينها يمكن يوم وتملين من اهلك...اذا بتحبينه بتتغيرين واذا ماتحبينه طنشيه خليه يلعب بيدينه وبرجوله رب الللي بيحاسبه اعتبريه مات من حياتك وان البيت اللي تعيشين فيه بيت مايعيش فيه الا انت وبنتك واستفيدي من المصروف وابسطي فيه انتي وبنتك وهو بكيفه طنشيه...اذا تحبينه اصبري عليه بانك تتركين النكددددددددددددد
اي لاتنكدين عليه في الدخله والطلعه....سمعيه احلى الكلام حتى لو مايستاهل اكسبيه لصفك عيشي انه حبيبك وصديقك واخوك وزوجك وكلش في حياتك ...يعني لاتحاسبنه على تغيريك له سوي له مايحب ولا تطلبين لك شىء ولا تقولين له شف انا تغيرت ليش ماتغيرت ...هذا اللي ينكد...قبل لاتنامين دقي عليه وهو سهران قوليله يلا تصبح على خير اخاف انام ومااقدر اقولها لك...بيفهم انك بتنامين ....معليش بتتعبين لين هو يتغير
خلي حياتك جنته مب نار له...انتي تغيري 180 درجة كلش يحبه منك اكتبيه بورقه وطبقيه من غير مقابللللللللللللللللللللللللللللللللللل
مقابلك رب بيعطيكياه ان شاء الله ...ونعم بالله
اتصدقين انا كنت زيك احتاج كلام حلو احتاج يعاشرني احتاج يدلعني
عشاني اغثه ماكنت القى منه شىء غير انه يهرب من البيت
الحين ماله خلق يطلع من البيت الحمدلله وبس يلاحق فيني وصرت انا مالي خلقه احبه بس ما ارزز له خشتي كل شوي وصرت اناظر ولدي اكثر منه....يعني اعطيه حقه وزود بس صرت مرتاحه ماالاحقه بكل صغيره وكبيره وصار ولدي ياخذ حقه بعد من الراحه النفسيه اللي يعيشها بيننا
مااكذب عليك قبل ماحبيت ولدي بسبب زوجي الحين اتغيرت الحمدلله

اسمعي شيلي من بالك ولسانك كلمة طلاق....ترى مايفيد التهديد في الحياه...وزوجك معاه حق انه قالها...كل الرجال بالضغط النفسي يقولونها مب بس زوجك لانك انتي غلطانه بالضغط عليه ...ولو مايحبك كان مارجع بعد لحظات لو واحد ثاني كان قال بالطقاق شلي في النكد اخذ بدالها اربع
صح ولا لأ
فكري تراه يحبك

شىء ثاني قدري ظروف الشغل ودايم ادعيله بالتوفيق
الرجال بعد مايرجع من الدوام يبي الهدوء والصدر الحنون...طيبي خاطره بكلمتين...مثلآ بوسي يده اذا دخل وقوليله الله يعطيك العافيه واحظنيه وقوليله اشتقتلك
اذا شفتيه تعبان دلعيه بالهدوء والتدليك وقت رجعته من الدوام خليه وقت نومة بنتك عشان ينعم بالهدوء والراحه
اذا دخل الحمام جهزي ملابس طلعته...اذا تبين يوصلك ولا بتطلعين استأذني منه بدلع وكلمة حلوه...خليه يفهم انك راضيه بطلعته...وانتي لازم تبحثين للك عن طلعات وزيارات عشان ماتملين من البيت

اطبخي له اللي يحبه

عاشريه زي مايحب مو مثل ماتحبين :eek2: عشان تكسبينه

غيري شكلك

اشياء كثير ممكن انك لا اراديا اذا تحبينه بتسوينه له ومقابلك الاجر باذن الله ...

صدقيني مليون بالميه يحبكككككككككككككككككككككككككك

تحملي سنه سنتين غيرك يتحمل اكثر عشان الاجر والاولاد....

:smile: