ممكن أفكـار خطيـرة تودي بداهيــــة ؟؟؟

اسمعيني

أهم كلمة وسط كل الكلام إنه أثبت على نفسه طلقة واحدة

لكن اسألوا إذا تقع وقت الدورة الشهرية ولا لا

لإنه بلسانه قال باقي لك طلقتين

ومسألة إنك تتغطي عنه حتى لو وقعت الطلقة فما أعتقد إنها صح لإنه رجعك بقبلة في نفس الوقت

وأعتقد بعد إنك لا تروحي بيت أهلك ولا شي

إنتي تسوقين ولا عندك سواق ممكن يوديكِ المكان اللي تبينه (بس لو كان سواق لازم تاخذين الشغالة علشان الخلوة ما تجوز)

يعني فعلا لو اشتركتي بدورة لحفظ القرآن أو تعلم التجويد

وحاولي تثبتيلك يوم ولا يومين لحضور دروس علم تفيدك

وخليكي كوووووووول ولا على بالك لما يرجع البيت استقبليه ولا كأن صار بينكم هواش

وشوفيه مثل مل قال لك إذا تغيرتي بيتغير

بطلي تستقبليه بنكد وهواش وعصبيه ومحاسبة

وركزي شوي بنفسك وثقافتك الدينية الشرعية وركزي بتربية بنتك

ومثل ما قلتي حاولي تقرأي ورد يومي من القرآن وتصلين لج ركعتين قبل ما تنامين والأفضل تكون قبل الفجر واستخيري ربنا بحياتك وربنا يختارلك الخير

طمنينا عما سيحصل وعساه خيرا

أنت ماودك تتركينه، خلاص على راحتك بس لازم تفكرين وعرفي أن زوجك من النوع السهل اللي يتغير، عيل شنو الحل؟؟

بنت فلسطين قالت لك أشتركي بتجويد أو دروس تفيدك، وركزي أنك تشترين كتب تربوية لبنتك علشان تتعلمين اصول التربية وخصوصا وهي تمر بالظروف والمشاكل الدائرة بينكم، يمكن لما تكشتين فيه وتعطينه بو لباس يحس فيك ويلتفت لك...

اختى نودو شوفى ماشاء الله حبايبج وايدين والبنات ما قصرو معاك شو تبين احسن عن جذيه

انا اقول اجاهليه وخليك طبيعيه معاه يوم بتحسين نفسك متضايقه كلمى البنات فى المنتدى او سوي اى شى

انتى اتبعتى الاسلوب الاول معاه وكلتى قلبك ومافى فايده غيري اسلوبك وشوفي كيف بيركض وراج يبى يعرف انتى شو شاغلنك عنه وخليك دايما مثل اللغز :eek2:

يعنى لا تخلين نفسك واضحه وفاضحه مشاعرك وياه .

وهذه الوصفه مجربه :up: لأن الريال ما يحب الحرمه الواضحه

كلااام الاخوااات صح

بعد موحلوة كل مايرجع تهاوشينه ترضينها انتى على نفسج لو كنتي بمكااانه؟؟؟؟؟؟؟؟؟

بتفكرين ماترجعيين البيت تنحااشين منه من هالتحقيق؟؟؟؟

ريلج ماقاعد ياخذ راحته ببيته من هالتحقيق والهواش والزف والشك؟؟

وقالج باقلج طلقتييين يعني شكله مل من هالوضع تنرفز طلع عن طوره

انتى منيه عارفة ريلج هذا اسلوووبه وصفاته وشكله مابيتغير ومنيه ماتبين تتركينه طيب ليش مدوخة ومعورة راسج كل يووم وكل ليله بزف وهواش ونكد وحرب كلامية بينكم خلووو الاحترام والمودة والكلام الحلووو اساس العلاقة بينكم
خليه يطلع ويروح مثل مايبي عقبها بنفسه بيمل من الهياتة وبيقعد في البيت هذا اذا ماكان متزوج وحدة ثانية انا شاكة فيه الصراحة بس انشاءالله لا

اقولج اسلوووب الهوااش زاده عنااد وهروبه من البيت ومانفع معاااااااه ابددد

وانا خبرتج من قبل حاولي تغييرين اسلوووبج ولبسيه شوي لاتعطيه ويه زيادة على اللزوم هو بروووحه بيمل

شغلي وقتج باي شئ اختى دخلي معاهد رياضة تجميل قران اي شئ روحي عند صديقاتج اهلج شاركيهم بمناسبتهم وريلج عطيه بولباااس مايباله غير جذيه عشان يحس

الى ان يحين انشاءالله موعد العمرة والله يكتب لي وله ان نروح وبشغل روحي يوم السبت باروح اسجل وباشوف لي صديقات واتعرف عليهم واشوف حياتى بعد ، لكن اعرف هو يبيها من الله انى ما اسأل عنه ولا عبره علشان ياخذ راحته بس مثل ما قلتوا اتمنى ما يطلع متزوج تره بعدها بصب بترول بوجه زوجته او عشيقته اذا اكتشفت وانا مجنونة اعملها.:down:

الله يهديج

عزيزتي nodo

وأخيراً عرفت سبب مشكلتك ....




وإذا عرف السبب .. بطل العجب ..









وعرفت ليش مشكلتك مو راضية تنحل ...











بس توعديني انك ماتزعلي ...





















وعد ...
























المشكلة فيكي انت يانودو ..



نعم عزيزتي ... المشكلة انك معيشة نفسك في نكد ومعيشة زوجك أيضاً في هذا النكد ...
ودائماً تحسسي زوجك بأن هناك مشكلة أبدية بينكم .. من خلال رميك كلمات ( نغزات ) على زوجك ... يعني : تسمعيه كلام بين الحين والآخر .. حتى لو حاول انه يغير من نفسه .. المسكين : يصَبح بكلمة منك تنكد عليه ويمسي بكلمة تنكد عليه )


لأني لا حظت من خلال ردك الأخير ، قلتي :
قلت له انا مستانسة علشان بتتغير الا يقول انا قلت اذا انت تغيرت انا بتغير لكن الحين ما راح اتغير طول ما انت جيذي ، طبعاً بالليل رجع الساعة 12 لين دش الغرفة الا قلت له سقطت بالإمتحان انت الليلة تأخرت وبعدها غضب وقال اش تبين هاي استقبال تستقبلينه زوجك ..

شوفي عزيزتي :
ماكان المفروض تقولي هذا الكلام ... انتوا تصالحتوا صح ؟؟
طيب المفروض انك ماترمي نغزات عن الموضوع ... يعني ماكان المفروض تقوليله انك سعيدة ومستانسة لأنه راح يتغير .... كان ممكن تقوليله انك سعيدة وخلاص .. وإنك اليوم أسعد انسانة ... بدون ذكر السبب ..

ونفس الشيء لما رجع البيت الساعة 12 ... ليش قلتي له انك رسبت في الامتحان لأنك تأخرت ..ليش انتي تبيه يرجع الساعة 7 مساءاً؟؟؟
يانودو الرجل مايحب يحس نفسه انه محاصر ومراقب وانه في امتحان ... كان ممكن تستقبليه بابتسامة حلوة ، حتى لو انت ميته من القهر .. بس كان المفروض انك تحاولي تكتمي غضبك ..

عشان جذي زوجك يعصب منك ، ويتهمك بالجنون وبأنك انسانة نكدية ... لأنك دائماً تدوري حول نفس الموضوع ... سواء كنتوا معصبين ومتهاوشين أو كنتوا متصالحين ...



حاولي يانودو انك ماتجيبي النكد في البيت .. أعطي لزوجك الفرصة كي يرجع للبيت ... هذا في حال لو إنك فعلاً تبين زوجك يرجع ...




أنا عارفة اني كنت صريحة معك ..
لأنه أحياناً الانسان مايشوف وين غلطه ، فمن الجميل ان شخص آخر يعرفك وين غلطك ..

لأنه مو معقول كل هذه المدة يكون زوجك غلط ... وانت صح ..

إلا مايكون هناك غلط بين الطرفين ..



اتمنى ان يكون تحليلي صح ...

انتي وعدتيني انك ماتزعلي ... :smile:

:pain::pain::pain::pain::pain::pain::pain::pain::pain::pain::pain::pain:
هو كل يقول انت نكدية وعمرك ما تتغيرين تتغيرين اسبوع وبعدين تردين حبيبتى غصباً علي يعنى هو حتى ما يقدر ان انا امر وهرموناتي تتغير يعنى ما يبي يشوف وجهي الا مبتسم امس يقول انا لين اتضايق احب ارجع البيت لأن ما ارتاح الا ببيتى ، اقول بقلبي انت على طول مستانس علشان جيذي كل برع وياريت كل تكون متضايق وترد البيت من وقت ، ويقول انا اذا شفتك تغيرت وما رديت نفس قبل نكدية وحنانة راح اتغير جيذي انسي اتغير طول ما انت نكدية ، يعنى شاسوي بالليل الشيطان يوسوس علي ويقول لي هو مع غيرك قومى واتصلي فيه حتى امس حلف قال بالليل ما اريدك تتصلين لأن افكارك وسخة وتتهمينى وتعملين لي مشاكل وانا ما ارد على مكالماتك فلا تعبين روحك وتتصلين لأن انت تشعللين المشاكل علشان نتطلق ونفترق :pain: يعنى الحين انا طلعت غلطانه وهو لا آآآآآآآآآآآآآآآآآآآآآآآآآآآه انشاءالله بس انتظر اخلص الدورة ابتدى 21 يوم كل ليلة اقرأ سورة البقرة واشربه منه .. يعنى ما اعتقد هو ما يحبنى اكيد يحبنى جان ما جلس معاي وما اعتقد متزوج جان يعترف لي ويروح لها ، لأن لين يتهاوش معاي ويطلع ياخذ اغراضه يروح يبات بيت امه .. يعنى ما يروح مكان ثاني :pain::pain::pain::pain: وهو دائماً يقول لي عندي مشاكل خارج المكتب قدري شوي لا تزيدين علي وتعصبينى وتخلينى اطلقك ، لأن اذا صار كلام بينى وبينه وانا ما سكت وجلست ابربر هو يفقد اعصابه اما ان يضربنى او يطلقنى.
:pain::pain::pain::pain::pain::pain::pain::pain::pain::pain::pain::pain:

ماتزعلي مني يانودو ...


:smile:


:smile:


صدقيني احنا كلنا أخواتك في هذا المنتدى ... وقاعدين نحاول نساعدك قدر المستطاع ...



:smile:


:smile:



عزيزتي : زوجك أعطاكي المفتاح .، وقالك إيش اللي يبيه بالضبط .. وقالك انه مايبي نكد .. ومايبي أفكارك الجنونية ... هو يبي بيته ، بس بسبب نكدك هو قاعد يبعد عن البيت ...


اذاً الحل بإيدك انتي ...


ثقي بزوجك ثقة عمياء .. ولاتخلي الوسواس والشيطان يلعب في عقلك ، ويخليك تشكي في زوجك ... لاتنكدي عليه .. ولاتضلك تقطي نغزات بين الحين والآخر .. حسسيه بالأمان وبالراحة وبأنك واااااااااااثقة فيه لو إيش ماصار ، حسسيه بحبك وحنانك ..(معليش اضغطي على حالك ، حتى لوكنتي مقهورة من الداخل ) ...

الله يعينك ويصبرك ####

بس يابنات بعض الأحيان الزوج يعمل أشياء غلط واحنا نتحمل ليشش؟؟

تاركها لوحدها طول اليوم , مش محسسها انها زوجه كباقي الزوجات ,ناسي ان في شيئ اسمه بنت بحياتهم علبة الدواء اذا مرضت مايجيب !! ويش فائدة الزوج في حياتها؟؟

هي تصرف على كل شي ,, المسكينه حتى ذهبها باعت مابقى عندها الا الدبله وهم تقولون تستحمل ؟؟

لما يكون برا البيت يصرف بالهبل اما داخل بيته بخيل مايعطي الا 100 دينار شهريا ,,وعاد ماتطلع الا بالهواش والصراخ.

نودو زوجه محتاجه تحس انها تحت حماية راجل بمعنى الكلمه , تشوف صاحباتها يمدحون في ازواجهم وهي تدور على خصلة حلوه فيه مافي.

الين امتى احنا نستحمل؟؟؟؟؟؟؟؟؟

انا مأحاول اني أخرب أفكارها بس هذا هو الواقع المرير الي تمر فيه أختنا نودو , يابنات مافي وحده تستحمل الي هي عايشاه ثواني واولهم انا فعلا ما أقدر ابدا , انا أكتب وقلبي يعورني عليها لانها قبل ماتكون عضو معانا في المنتدى هي أختي وصديقتي شخصيا .

والأن يانودو أعطي لنفسك أخر فرصه جربي كل الي قالوه البنات واذا مانفع حاولي تنفصلي (مش طلاق) شهر او شهرين الين ماتهداء النفوس شوي بعدين رجعوا حق بعض.

اتمنى لك التوفيق أختي,,
صباحي

وسامحيني على الكلام اذا كان جارح , بس دائما تذكري الي يقولك هو الي يحبك.

الله يعينج اختي...

الصراحه انا متابعه قصتج من اول ما دخلت المنتدى.....
و ما اعرف شو اقول!!!! كل ما اقرا مواضيعج و افرح انج سويتي خطوه حلوه اعصب ثاني يوم من تصرفاتج!!!

هو اذا كان غلطان مره..انتي غلطانه 100 مره(سامحيني بس انا اعتبر اي وحده في هالمنتدى اختي و اخذ راحتي وياها مدام هي طلبت المشوره و الراي)

انتي وايد منكده عالريال و مطفرتنه في عيشته...والظاهر انه يبغي ايأدبج!! يعني اللي تسوينه معاه..حتى لو كان غلطان و فكر يتوب باللي تسوينه وياه و بشكج و اسلوبج معاه (احيانا تستخدمين الفاظ ما تنقال من مرأه خصوصاامام الزوج) عمره ما بيتوب و بيعاند اكثر و اكثر....

يعني انتي تقولين انج تتعدلين و تكشخين بس شو فايده هذا كله وانتي من يوصل عقيتي عليه قنبله!!!!!!!

انا اسفه حبيبتي...بس الحق ينقال..و الظاهر ان الريال يحبج بس انتي مب عاطيتنه فرصه...و اكيد يوم بيحصل نكد في البيت و شك بيدور حد يريحه...
ترا الرياييل مجرد اطفال...

لا تدمرين بيتج بيدج ترى انتي بيدج كل شي و اتصرفي بعقلج مو بقلبج....

حبيبتى نودو,بحرحب فيكى كتي و بجولك انك اختارتى الاخوات الفضليات لاستشارتهن فهن خير الاخوات:up::up::up::up::up::up::up::up::up::up::up:

أولا اذا بتسمحيلى انت مسؤلة عما يحدث بنسبة 70% دعينا اسالينى انا انا مجربة كل وسائل النكد على خطيبى و الزننننننننننن زززززززززززززز:smile::smile::smile:

لكن ما فى فيدة من هيك و الحين جربت طريقة الدلع و الدلال و ساعات التطنيش المهم اختيار التوقيت ...............

واضح حبيبتى انك ما تختارى الوقت المناسب احب اقولج ان الرجال كالاطفال بيعشقوا الدلال و الحنية اصبرى علية و تدللى و كونى لة كل شى امة و اختة و حبيبتة و معشوقتة:o:o:oوصديقتة فالحياة الزوجية بتحتاج المحاولة و المثابرة حتى تصلوا معا لبر الامان


جربى من اليوم انة لما بيجى الليل اجرى علية و ضمية و حضرى لة اكلة بيحبها و جولى لة هذة خاطر عيونك حبيبى مع شوية دلال:cool2::cool2::cool2::cool2::cool2: و بترى النتيجة و ناطرة النتيجة

اما الطلاق فلااااااااااااااااااااااااااااااااااااااااااااااااا

ترى الحياة مظلمة بدون سند لكى و بترى الفرق لما بتركك ابنتك على بيت زوجها الوحدة صعبة:pain::pain::pain::pain::pain::pain:

تروى شوي و اشغلى وجتك باشياء مفيدة غير النكد و العكننة و اللة النكد بيجصر العمر و انتى الخاسرة

تمنياتى لكى بحياة حلوة و اكثر تفاؤلا و وداعا للنكد

الله يساعدك حبيبتي ويحل مشكلتج

مااعرف شو اقولج:pain:

عزيزتي و أخيتي .. نودو


((صديقي من اهدى الى عيوبي)) ... صح ؟؟

لذلك ونصيحة مني وارجو ان تقراي ما ساكتبه لك 100 مرة وتستوعبيها جيدا

اتركي الوساوس والشيطان الي قاعد يلعب عليكي ويخرب حياتك .. لان الشيطان الحين مستانس وفرحان لانه قاعد يخرب بيت حلال .. فلا تشجعيه على ذلك وعودي عودي عودي نفسك على الذكر ونسيان ان زوجك يخونك او اي شئ من هالقبيل.

ابتعدي عن النكد على زوجك وحتى لو رجع لك متاخر وانتي مقهووورة عليه لا ترمي عليه ولا كلمة .. يعني اسكتي ولا تنطقى بحرف واحد الا بالخير وعودي حالك على هالوضع .. ما دام هو متحجج لك بانك تنكدي عليه اسكتي عنه وشوفي .. يعني اثقلي عليه شوي عشان بعدين هو الي يجي بنفسه لك ويقولك انه راح اليوم هالمكان او طلع مع من....

لا تساليه مع من كنت والله انك مع وحدة او اكيد اصدقائك قالوا لك جذي او جذي او أي شيء .. يعني الكلام الي يضايقه كله انسفيه من عقلك ..

اكتبي كل الاشياء الي تعرفي انها تضايقه والي اعترف فيها لج بانج مثلا شكاكة وحنانه .... الخ ... وحاولي تتغلبين عليها .. ضعي الورقة يوميا امامك وحاولي تضعي حلولا لها وتخيلي انك تتغلبين عليها وستنجحين بالتأكيد :up:

باختصـــــار ... انزعي الشك والغيرة والتفكير الزائد من عقلك وحياتك لتعيشي باستقرار وأمان .. اعتقد ان كل هذا بسبب حبك المفرط له ..

غاليتي .. اعتقد انك لا انتي قادرة تستغنين عنه لانك تحبيه ... ولا انتي قادرة تكيفي نفسك على الوضع الي هو يريده والي حاطك فيه امام الامر الواقع ... فكري بجديه اكثر بوضعك ... وضعي امامك كل النقاط وقارني بينها جيدا ... انا ضد الطلاق بصراحة لان الحل بيدك انتي وحدك .. وباعتقادي تستطيعين انتي وحدك ان تجعلي حياتك سعيدة وتعيشين بامان انتي وزوجك وبنتك .. وانتي وحدك ايضا تستطيعين ان تهدمي بيتك بيدك ؟؟؟ فاختاري بينهما ؟؟؟ .... وفكري جيدا


عزيزتي .. داومي على قراءة سورة البقرة والمؤمنون ويس كل يوم ... ولو الدورة الشهرية معاج البسي قفاز وتوضاي واستقبلي القبلة وادعي ربج ..

مرة اخرى اكرر .. اشغلي وقتك وفكرك باشياء تفيدك وتنسيك همومك ..
من يرجع قابليه بوجه بشوش حتى لو انتي مقهورة والحق معك وانه تاخر عليج .. افتحي معاه مواضيع حلوة .. قصة قراتيها .. مقال بالجريدة او مجلة .. او موقع علىالنت ..

اتمنى لج التوفيق والسعادة

ولا تزعلين مني لاني كنت معاج صريحة وااايد ... لاني احبج واتمنى لج السعادة والهناء يا رب ...
:smile:

لثاني مره بقولـــــــــــــــــــــــــــــها:

"احسنـــــــــــــــــــــــــــــــي الظـــــــــــــــن بزوجــــــــــــــــــــــــــــك"

وتبين الصراحة يبيلك برنامج تمشي عليه..الأخوات المتزوجات راح يفيدوك

اكثر..

بمعنى وش اتسوين قبل لا يطلع من البيت ..وبعد ما يرجع..والاغلبيه كاتبة

نصائح مية مية..

همتكم يااخوات..بالنصائح الزينه

أتمنى انك تكوني استفدتي يانودو من كلامي ومن كلام الأخوات ...

فكلامي يتوافق مع كلام الأخت الحياة الوردية ومع كلام الأخت daisy_hibo ...

لذلك حاولي ان تسمعي الكلام ،لأننا كلنا هنا في هذا المنتدى نريد مصلحتك ، ونبحث عن حلول للمشكلة ، ونحاول أن نصل الى نقطة تجمعك أنت وزوجك ...



وأتمنى أن أسمع عنك أخبار حلوة ... ياحلو إنت :cool2:

السلام عليكم ورحمة الله وبركاته

كلام الأخوات صحيح يا نودو...و هو ما قلته لك في أول صفحة من الموضوع...

مش عيب إنه الإنسان يكون غلطان...بس أسوأ شيء |إنه يكابر و يستمر في الغلط...

و نتي ما شاء الله عليكي عاقلة...و البنات كلهم نفسهم في مصلحتك أولا و أخيرا...

جربي كلامهم ما راح تخسري شيء...حسسي زوجك بالتغيير...و لا تعلمي...يمكن هذه الخطوة تغيّر حياتك كلها...

ما تفترضي فيه السوء دايما...يعني هو برضه إنسان كويّس...

و دايما طمنينا عليكي

:smile:

"احسنـــــــــــــــــــــــــــــــي الظـــــــــــــــن بزوجــــــــــــــــــــــــــــك"

وتبين الصراحة يبيلك برنامج تمشي عليه..الأخوات المتزوجات راح يفيدوك

اكثر..
(مقتبس ام ربي)
ما قيل في هذه المشكله يعتبر موسوعة عن الحياة الزوجية والفائدة نرجو ان تكون لكل الاخوات(انا منهم)
"men are from mars and women are from venous"
التعامل مع الرجل يختلف تمام عما كان موجود في اعتقادنا والرجل كائن حي فيه القوة وفيه الضعف واعتقد بانه ايضا يتوقع منا اشياء كثيرة لم نكن نتخيلها كما نتوقع نحن ايضا منه اشياء قد لا تكون في مقدرته وامكانياته ارجوكي يا نوودو لا تتهوري وصدقيني ا زوجك من النوع البسيط والواضح ويمكنك ان تكسبيه لكن ببعض المجهود منك انا شخصيا اخذت درس عمري واستفدت كثير من هذه المناقشات.يلا ابدائي باصلاح نفسك اولا وحتي لو استغرب او استهزا بكي لا تهتمي وواصلي في البرنامج الاصلاحي

خلاص عيل

حاولي تنسينه ولاتقولين اهو يبيها من الله بالعكس اهو بيستغرب وبيتصلج واذا ماتصل بيرجع من وهل وبيقول ليش مادقيتي غريبه بس معليه ابلعيها ولاتردين عليه

وبعدين صح كلام البنات100%اهو احتمال السبب الرئيسي الي يخليه يغيب عن البيت ان انتي قاعدتله قعده:pain:


انتي الزمي نفسج انج ماتسالينه وين رايح ولا من وين جاي ولا ليش تاخرت

صدقيني هذي الثلاث اسئله اهي الي باطلقج منه :down:


انتي طنشي ادري انه صعب بالبدايه بس بتتعودين وبعدين بيصر طبع من طباعج((التطنيش)) وصدقيني بيتغير اهو الي بيقترح يطلع معاج او يسفرج لانج بتكسرين خاطره وفي قرارة نفسه يدري انج مستحمله

الرياييل يحبون المره الرومانسيه البريئه ابدا مايحبون القويه ال تلاسن

دايما تذكري اللحضات الحلوه

وانتي طبعا اشغلي نفسج بحفظ القران والشغل وزيارة امج مره وتودين بنتج اتلعبينها مره والانترنت وزيارة اهله ورتبي البيت غيري غرفة نومك تغير رومانسي وجذري عشان تتغير نفسكم اهتمي بنفسج خليج بكامل زينتج وريحتج الحلوه

واذا رد البيت باليل خليه يلقاج لابسه قميص نوم من الي يعورون القلب(u)

باحلى مكياج وباحلى لمعه

معليه المسأله بتاخذ وقت بس انتي وبنتج الي بتربحون بالنهايه:up:

السلام عليكم ورحمة الله وبركاته


ااختي العزيزة نودو ........

اولا قبل كل شئ وما ابغيش اتزعلين من كلامي ؟؟؟ مثل ما اتعرفين ان احنا بمنتدى عام وبعض الالفاظ وبعض الكلمات ما تجوز لها النشر ؟؟؟
وحتى عن الاشياء الخاصة اللي بينج وبين زوجك المفروض انج تتحفظين عليها ؟؟؟ يا ريت انج عرفتي قصدي وما تزعلين مني ؟؟؟

انه اللي عرفته من كلامج ان انتي بحرينية ؟؟؟؟؟؟؟؟؟ صح
وان زوجك عنده مكتب لجلب العمالة الاجنبية ؟؟؟؟؟؟؟ صح

تدرين ليش سألتج هاذي الاسئله ؟؟؟؟؟؟؟

كل نعرف سوالف الخدم وبلاويهم ومصايبهم اللي اتشيب الرأس يجون البلاد عشان غايه بنفسهم بعضهم الشريف وبعضهم الخسيس ؟؟؟ وزوجك بحكم عمله يكون اكثر واحد يختلط بهاذي الاشكال ؟؟؟ ويتعرض لمصائدهم ؟؟؟ وحتى الرادع الديني يأثر وتربيته وأخلاقه فإذا كان يلعب من وراج وعنده علاقات اسمحي لي اقول عنه ان ما عنده اخلاق ولا عنده ايمان بالله ورسوله وما تربى صح ؟؟؟
ولانه يماشي رفاق سوء أكيد انه بيصير مثلهم وبيسوي سواياهم ؟؟؟

ومثل ما الكل ايلاحظ بأن الفساد بالبحرين زاد وزادت الفنادق وأماكن العربده والمراقص وأماكن الفحشاء والمنكر ؟؟؟ يعني المجال مفتوح قدام الشباب وما في رادع يردعهم ؟؟؟

ولان زوجك اهله يتسترون عليه ؟؟؟ وأنتي تسترين عليه ما راح يهد هالاشياء يعني البنات والعلاقات المحرمة والسكر والقمار ؟؟؟

ولانه لاقي من يغطي عليه ويشجعه بطريق غير مباشر ؟؟؟ من غير الممكن ان يترك هاذي الاشياء ؟؟؟

يعني الي يشجعه على هالشئ (( امه انتي عمله أصدقائه والبلد اللي عايش فيه ))


هاذي نقطه ؟؟؟؟؟؟؟؟

النقطه الثانيه ؟؟؟ اللي هي انتي ؟؟؟

انتي اول شئ رجعتي له ليش ؟؟؟؟

عشان يصرف عليش ؟؟؟ زين اللحين هو بعد ما يصرف عليش ؟؟ لانج انتي عودتينه على جذي من البدايه اهو مأخذش تشتغلين عشان تصرفين عليه واهوا ايخلي افلوسه حق سوالفه البطاليه ؟؟؟
وبعدين لو انتي تطلقتي اهوا ملزوم من المحكمة انه يعطيج نفقة ويحطش ببيت اتربين بنتش فيه وبعدين انتي الحمد لله مو محتاجه له تشتغلين وشايله روحش يعني لو تطلقتي منه انتي قادرة تعيشين بمعاشك ؟؟؟
يعني على سواياه بعد ما يصرف عليش ولا يدفع شئ حق البيت وحق بنته وحق زوجته اسمحي لي اقول لج انه مو رجال وقاعد يستغلش أبشع استغلال ؟؟؟

الشئ الثاني ؟؟؟
بنتش تقولين ما تبغينها تتربى بعيد عنه ؟؟؟ ليش اللحين هي اتشوفه ؟؟؟ ولا تقعد وياه ؟؟؟ اذا انتي ما اتشوفينه الا ساعه وحده يعني أكيد هي ما تشوفه موليه ؟؟؟ وحتى لو بتتربى بينكم شنو الفايده تتربى وسط نزاعكم وخلافاتكم ؟؟؟

الشئ الثالث ؟؟؟؟

ابي اعرف اشلون مستحمله اتعيشين ويا واحد خاين استغلالي ما عنده اخلاق ولا دين ؟؟؟
صدقيني اهو لان يعرفش اتحبينه وما تقدرين على ابعاده ؟؟؟ وما تقدرين تطلبين الطلاق منه ؟؟؟ قاعد ايدوس عليش يوم بعد يوم ؟؟؟
طلعي من القوقعه اللي حبسش فيها جددي علاقاتك مع صديقاتك اطلعي وياهم زوري اهلك ؟؟؟ لا تحبسين روحش عشانه ؟؟؟
انتي هدديه بالطلاق اذا ما اعتدل وهد سوالفه ؟؟؟

بعدين اشلون اتخلينه ايسافر ابروحه مع شلة السوء ؟؟؟؟ لدبي والفلبين وتايلاندا الى أكثر الاماكن اللي معروفه باللعب والعربده ؟؟؟؟

اسمحي لي اقولش انتي ما عندك شخصيه ويا زوجك ؟؟؟ وساكته عنه الى متى لما يجيه مرض من هالبلاوي وتبتلشين فيه (( الله لا يقوله ))







نصيحتي لج ياأختي العزيزه ؟؟؟؟ وصدقيني انه أعزج لله ؟؟؟ قريت قصتج بالليل وتميت طول الليل افكر في حالتج المأساويه وما قدرت ارد عليج الا الحين ؟؟؟
نصيحتي انج اتحاولين اتعدلين له احواله وترجعينه الى صوابه وتروحين وياه العمرة يمكن الله يهديه ؟؟؟
واذا ما اهتدى خبري اهلش واهله عنه وعن بلاويه وخذي أغراضش وتركي له البيت ؟؟؟؟ خلي الكل يدري عن سوالفه ؟؟؟
واذا ما تاب واهتدى وحاولتين وياه وحاله مثل ماهو طلبي منه الطلاق وافتكي منه عيشي في بيت اهلش معززه مكرمه احسن لج من هالانسان الفاشل ؟؟؟ وخليه يأخذ له وحده من البنات اللي يعرفهم ولا يأخذ له اي وحده اتناسبه واتكون من مستواه الاخلاقي ؟؟؟

وعيشي انتي بشرف وبطهارة بعيدا عن عربدته وفسقه ؟؟؟
والمحكمه بتحكم لج بالنفقه والمؤخر ومصروف البنت وحتى انه يأجر لج شقه اتعيشين فيها اتربين بنتج ؟؟؟؟؟

وخلي شخصيتك اقوى وياه ولا تستهينين بلي ايسويه ؟؟؟؟

ولا حول ولا قوة الا بالله العظيم ؟؟؟؟؟؟؟؟ والله يكفين شر الفحشاء والمنكر ؟؟؟

الله يعينش يا اختي على هالبلاء ؟؟؟؟ ويصبر قلبك ؟؟؟


__________________