ممكن أفكـار خطيـرة تودي بداهيــــة ؟؟؟

السلام عليكم ورحمة الله وبركاته

حبيبتي روحي توضي وصلي ركعتين وقولي دعاء الإستخاره

إستخيري الله في إستمرارك مع زوجك او طلاقك منه

وارمي حملك علي القوي الحكيم وهو بإذنه بيختار لك الطريق الي يسعدك بالدنيا والأخره

إما يهديلك زوجك ويرجعه لحظنك او يبعده عنك

بدون تعب نفسي او بكاء

جربي والله ماتندمين ابد

خسارة انا اليوم ثاني يوم للدورة ، يعنى بس قاعدة واستغفر ربي على حالي.

السلام عليكم حبيبتي الدوره تراها سبب عصبيتك لان هرمونات المراءه


تتلخبط فيها وتصير انتكاسه هدي حبيبتي ومافي غير حل واحد هو الدعاء

له بان ربي يهديه ويرجع لك واهم شي هو حسن الضن با الله لانه هو من اسباب استجابه الدعاء وتركي اوسواس عنك وكل ما حسيتي انك متضايقه اكثري من الاستغفار والتعوذ من الشيطان لانه يزيدك عصبيه ويوسوس لك ان هذا الشي الي في بالك من شكوك صارت فعلا واتمنى من الله انشاء الله انه يفرجلك همك ويوسع صدرك ويرجع لك زوجك امين يا رب العالمين

بناااااااااااااااااااااااااااات يعني انتوا موحاسين فيها

اللى ايده في النار مو مثل اللى ايده في الجنة


بصبر بصبر بصبر لحد متى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لحد مايدخلونهاااااااااااااااااااا مستشفى الميانين؟؟؟؟

هذا كل يوم قاااعد يتمااااااادي فيهااااااااااااااا

1 فلوس مايعطيها مايصرف عليهاااااااااااااااااااااا
2 كلام حلوو مايسمعها
3 مايهتم فيها ولا في بنته
4 ومايعااشرها كلشش بعد ياسلااام وبعد تقولون مايخونها (شابع من الحرام الاخ)
5 ماتشوفه الا نصف ساعة في اليووووووووووووم(وبعد تقولون مايخونها)
6 البيت فاره ورى ظهره وهو يسرح ويمرح على كيفه وفوق جذيه مانعها من الطلعة حتى بنتها لازم تكووون في حجلها بكل مكااااان وليش يعني مو بنته هو ليش مايطلع بنته معاااااااااااااااه
7 وفوووق هذا كله قاعد يغلط عليهااااا ويهددها بالطلااق صج حقيررر كل هذا الظلم والقهر والحرمااان والخياانة بعد يغلط عليهاااااااااا



اتحدى اي وحدة منكم تقدر تعيش هالحيااااااة المريضة القاهرة ؟؟

هذا مخليها شغالة في بيته تهتم بالبيت وببنته وهو يسرح ويمرح ويروح ويسافر على كيفه ولا كانه معااه مسؤولية بيت واسرررة


(بالله بسالكم شنو فرقت بينها وبين الشغالة)؟؟؟؟؟؟؟؟؟؟؟؟؟؟؟؟؟
(اعذريني ياختي نودو بس هذا الواقع اللى قاعدة تعيشينه)


يعني هي مالها حق تستانس بحياااتها وتعيش مثل باقي خلق الله حياة طبيعية حلووووة
انسانة مالها مشااعر واحساسيس وكراااااامة ولاحيوانة شايفها بنظره؟؟



اكبر مشكلة حاليا انج تحبينه وهذا اللى مخليييييييييج متمسكة فيه وماتطلبين الطلااااااااااااق وماتبين تفارقييينه مااعتقد اذا كنتي تكرهنيه بتستمرين معااااااااااااه لانه ما اعتقد اي امراة طبيعية بترضى بعيشة المذلة هذي


الحل بايدج يااختى يااانج تصبرين على بلواااااااااااااااااااااااااج وتدعين ربج ليل نهااااااار

او الطلااااااااااااااااااااااق


والسموووووووووووووووووحة منج ومن الاخواااااااااااااااااات

لا يا ماريتا لا تقولين هالكلام

مين قال إنا مش حاسين فيها

بالعكس الحياة هذه صعبة

وقرار الطلاق الآن مش سهل كثير لإنه في بنت بينهم

نودو حبيبتي .. معلش سامحيني لو شديت بكلامي

بس الواحد وهو معصب تفلت أعصابه وما ينتبه

ندري إنك تعبانة وبالفعل زوجك لابد من حل جذري معاه

اسمعيني يا بنت الناس .. ترى إنتي متحطمة نفسيا من كذا جهة

حقوقك كزوجة ثم حبك الشديد له وغيرتك عليه

اجلسي معاه جلسة أخيرة حاسمة لوحدكم

قوليله يا بن الناس تراني مليت من صبري وسكوتي عن تصرفاتك الواضحة وخياناتك المتكررة

مرة راجع بروج على قميصك ومرة كذا ومرة كذا

وبنتك هاذي مش بنتي بروحي ولازم تهتم فيها وفيني بعد

يا إما إنك تتسنع وتعتدل وتصير زوج تعرف اللي لك واللي عليك

وإلا يابن الناس خل أبوي وأبوك يتدخلون بالموضوع ونقعد نتكلم علنا قدامهم عن أدق أسرارنا وساعتها محد بيفتشل إلا أنت

ومين قال لك الدورة تمنع الاستخارة

لا عزيزتي .. بس بدل الوضوء قعدي سبحي واحمدي الله وكبري ثم قولي دعاء الاستخارة وأنتي على حالك

نعم استخيري في استمرار حياتكم لإنها بدأت تدخل متاهات كبيرة وزوجك تعود على حياة الهياتة واللامسؤولية

هذا ما أستطيع قوله .. وسامحيني نودو ماشي .. ما تزعلي مني

كلنا بالعكس متعاطفين معك وقلوبنا معك ولا نريدك أن تنهاري لهذه الدرجة

وطمنينا عنك عزيزتي

ماريتا، يسلم فمك، كل اللي قلتيه كنت ناويه آقوله,,,

بصراحة يانودو .. كلام ماريتا كله سليم ,آنه عارفة زوجك، بصراحة ماأظن في أمل يعتدل، أنت شوفي حالك هل فعلا كنت بهالشكل من قبل والله كنت وردة مفتحة والحين تكسرين الخاطر، سامحيني على صراحتي بس كاسرة خاطري ودي في راحتك..

زوجك مايريد يغير نفسه، لا تقولين باصبر علشان بنتي، لأنها من الأصل ماتشوفه ولا تحس فيه...

لا تفكرين بأجهزة ولا شي، استخيري وفكري زين وتناقشي معاه ولين وصلتوا لطريق مسدود نصيحتي تركيه وأشتري راحة بالك.؟.؟.؟.؟.؟.؟..؟.؟.

عزيزتي نودو الله معاج

وفي حديث انا ما اذكره بس فكرته: ان الشيطان ما يهداله بال غير لما يفرق

راسين بالحلال ...ولاما تجتمع الشياطين مع ابليس طبعا ابليس يأشر على

الشيطان اللي طلق شخصين ويقوله (أنت أنت أنت) وياخذه ويقعده جنبه من بد الكل !!! :rolleyes:

يعني هذا اعظم فساد يقوم به الشيطان ويكافأ عليه عند ابليس !!!:rolleyes:

عزيزتي كلنا معاج ان زوجك غلطان واااااااايد ... ومشكلتج مش حلها

الطلاق .. لا ابدا !! ...لاتخلين ابليس وشياطينه

يتغلبون ويفوزون عليكم

انا مع انج تحلين المشكله مع طرف من اهلج واهله ..الله يفرج عنج انشاءالله ويهديه

السلام عليكم ورحمة الله وبركاته

و الله أخت نودو إحترت...و مش عارفة كيف أرد عليكي...

من جهة نلاقي زوجك فعلا ما يستاهلك...

و من جهة ثانية أحس إنك تحبيه...و هو يحبك و يحب بنته...

طيب كيف نحل هذه المعادلة...

نفسيتك و صحتك صارت في الحضيض بسبب هذا الموضوع...و هذا شاغل بالي كتير عليكي...

مالك غير الله تلجأي له يا نودو...و هذا إختبار كبير منه ليعلم مدى قربك منه تعالى...

إلجأي له لتبتغي منه الحل فعلا...و هو لن يضيعك أبدا...

الله يوفقك دايما يا رب...

:pain::pain::eek2::confused: صباح الخير يا بنات آآآآآآآه شاقول لكم والله مع حالي بالأمس بعد مالدوام بعد ما ذهبت للبيت كنت كلش غضبانة عليه على الليلة اللي مضت وكان بالحمام يتوضأ للصلاة ويستحم انا وصلت البيت والحجرة طلع من الحمام لكي يسلم علي ويبوسنى انا ما عطيته وجه وابتعدت عنه وبعدها سبنى ولعن فينى ولبس ثيابه لكي يخرج وانا جلست وقلت له طبعاً روح لها الحين انت الحين نظيف ومستحم روح لها الشقة وانا ما اقدر استحمل خياناتك لي كلمة منى وكلمة منه وبالنهاية قلت له اذا انت تخونى طلقنى احسن ما اريد اعيش معاك واعرف لين يغضب يضرب الا يقول بغضب اي اي اي انا اخونك اش عندك اش تبين الحين قلت له بس طلقنى الا يقول انت طالق زين وطلع برع البيت وانا جلست ابكي كأن شالوا قلبي ، بعد خمس دقائق رجع البيت وقال لي استانست الحين برد قلبك حصلت اللي تبينه ليش ما سكتى وبعدها قال لي تره انا طلقتك انا قلت انت مب طالق وجا باسنى وحضنى وانا قلت له ظلمتنى وظلمت روحك وبنتك ، الا يقول انا ما طلقتك قلت شنو بتكذب حتى على الله خلاص انحسبت مرة (طلقة واحدة) المهم اخذ تلفونى بالغلط من كثر ما كان متدوده وخرج آه قبل ما يخرج انا قلت له انا ما اقدر استحمل عيشتى معاك كل ليلة انت خارج البيت وانا لوحدي ما عندي صديقات وانت ما تنام معاي نفس الأوادم الا يقول انت على طول ماده البوز وما تضحكين قلت له شوف غصباً علي لأن ما شوف تضحية من صوبك اشوفك كل خارج البيت كيف تبينى اضحك سافرنا وانت كنت اثقل الثقلاء وصاير ثقيل بالبيت وانا شنو اعمل اكلم من الا يقول خلاص انت تتغيرين وانا بارجع من وقت وبتغير :pain: اتمنى يكون صاج ، قلت له لازم انت تتغير المهم البارحة رجع الساعة 11 بالليل وجاء البيت انا جلست بشيلتى وفرشت له على الأرض يقول من له هالفراش انا قلت له لك انت انا خلاص مش زوجتك الا يقول لا تسوين لك سوالف انت زوجتى وانا ما طلقتك... انا كنت غضبان.........جاء حضنى وشال شيلتى من على راسي وقال تصدقين اليوم خسرت صفقة بـ 20 الف دينار من الصبح وانا عايش بدوامة .. وانا الظاهر جيت الظهر وزيد عليه ..... اشلون الحين وضعي معاه انحسبت لي طلقة او لا... علماً ان فينى الدورة الشهرية وقلبي قارصنى هو يقول انا ما طلقتك انا قلت انت مب طالق وانا سمعته يقول انت طالق وبعدها رجع البيت وباسنى وحضنى تعتقدون هو ندمان ويحبنى او فكر في بنته ورجع لي... شنو حكم هذه الطلقة يا بنات ،،، اتمنى يكون له درس... انشاءالله .. تره ما قلت حق امي وولا أحد لأن اذا امي عرفت ما راح تدخله البيت ولا راح ترجعنى له مرة ثانية . فحليت موضوعي بروحى معاه.

يانودو المسألة تعقدت وايد، أنت مب عارفة الحين هل طلقك أم لا؟

عزيزتي، أتصلي في شيخ دين الحين وسأليه في الحكم علشان تتأكدين، والله يهون عليك؟؟؟؟

عزيزتي نودو الله يعينك

حبيت اقول لك ان اذا زوجك طلقك طلقه واحده تستطيعين الرجوع له ولكن هل لفظ هذه الطلقه من قبل ؟

حبيبتي نودو خلى الاحترام دائماً بينك وبينه لأن الاحترام اساس مهم فى العلاقه الزوجيه يعنى حاولي تمسكين اعصابك معاه لأنه اقرب انسان لج ومن الواضح انك تموتين فيه وصدقيني الحياه الزوجيه يكون فيها مشدات وايد بين الزوجين لكن حلاتها بعدين يوم بتتراضون بتردين وكأنها ليليت دخلتكم واحلاه (u) (u) (u)

ونصيحتى لج لا تيبيين كلمت الطلاق على لسانج ابداً :pain: ولا حتى فى المزاح ولا تكلمين زوجك واهو معصب خليه على كيفه وصدقيني بيدور وبيدو وبيرجع لج لأنه يحبك بس هو مبين عليه راسه يابس ويبى يغيظك بس ولا لو هو ما يحبك كان من زمان طلقك.

وصدقينى يمكن هذا الموقف يرجعكم لبعض أكثر من قبل لكن يجب على الحرمه ان تمسك لسانها شوى عن الريال ومو كل شى اتحسين فيه اتقولينه فكري فى كل كلمه اتقولينها له من يوم ورايح وابتدي صفحه جديده معاه والله يوفقك:up: :up: :up:

هالكلمة احنا مرينا بأخس المشاكل ما تتصورين وما نطق الكلمة ، لأن كنت اسكت عنه ، لكن امس كنت مصرة على المشكلة وتعبت علشان جيذي انا قلت له اذا تخونى ولك علاقات طلقنى معقولة هو صج عنده علاقات علشان جيذه طلقنى او المسألة مسألة عناد وبس:eek2::eek2: وبعدين انا صج هو زوجي وانا احبه وما اريد اخرب بيتى بس نفس ما قالت الأخت ماريتا اللي ايده بالنار مش زي اللي ايده بالجنة ، وها انا بعد مشية السفينة تمشي واحاول قدر المستطاع علشان ما نغرق.. بس يعنى تعتقدون هو ندمان على ان نطق الكلمة وهل هو يحبنى ويكابر او فكر بالبنت انها بتشتت ورجع لي وانكر ان طلقنى ............. :pain:

صرااحه انا والبنااات تعبنا معاج ماتسمعين كلامنا ..

والله ثم والله ثم والله ثم والله العظييييييييييييييييييييم

أني محتره ومنقهر ومتقطع قلبي عليج وعلى بنتج ..

وودي امسك زوجج واكفخه واكفخه تكفخ واعلمه شلووون يمشي صح واعلمه كيف يحترم زوجته وبنته واعلمه المسؤليه ..

وكله افكر فيج وانا قاعده او بالسووق او اذا كليت او اسولف او اتمشى او معزومه يعني بكل الاوقات والله صرت افتح النت كل يوم مرتين بس عشان اشوف وش صار عليك

والله اني ابكي عشانك:confused::confused:

ودي انصحك بس انتي ياحبيبتي ماتاخذين النصيحه ما أدري لييييييييه ..؟؟

وخلي حبـــك له على جنب ..


بسألك ماكرهتيه بعد هالعمايل اللي يعملها فيج ..؟؟

والله اني أسئل نفسي اقول كيف تحبينه للحين وهو يسوي كذا فيج وفي بنتج ..

أنا والله ماابي احرشج علييه بس سوالفه تبط الكبد ..

ياليت فيه هو شي يغطي على شي ..

الرجاجيل الثانين اللي يسهرون يعني اللي اعرفهم انهم يسهرون من 9 لين مثلاً 12 وأن كثروا لساعه 1 هذولا المتزوجيين ..

أما العزاب وقتهم ياخذونه على كيفهم ...

:pain::pain:


الله يكون بعونج .....

والله اني حاطه نفسي مكانج ومحتررررررررررررق قلبــــــــــي ..

لو هو عندي كااااااااااااان علووووووووووووووووم .........

واذا تبين تعرفين وش بسوي لو اني مكانك مستعده اقولك بس ياليت تسوين مثلي ..


:pain::pain:

صباح الخيرات
عزيزتي نودوو صدقيني هذا الرجل يحبك ولكنكم لاتحاولون ان تفهمون بعض كما ان هنالك حساسية شديدة بينكم اما بخصوص الطلاق فانسي هذا الموضوع ولا تحملي همه لانه اول طلاق ولكن اقول لكي شئ والله تعالي اعلم ان الطلاق في حالة الغضب لا يقع وحتي اذا وقع فهو طلاق اول وهو يمكن ان يرجعك عموما لا تدخلي هذا الموضوع من ضمن المشاكل وصدقيني هذا الرجل يحبك ولكنك تثيريه لذلك يقوم هو بنفس الشئ يا حبيبتي حسب ما تقولين فهو يوزع عليك القبلات كلما دخل وكلما خرج بس انتي اهدائي اقول لكي هذا لاني مررت بنفس الشئ مع بعض الاختلافات هذا الرجل من النوع العنيد فاذا اتهمتيه بانه يخونك فهو لن ينفي بل سيؤكد لكي هذه المعلومة . وصدقيني انا احس بمعاناتك :s2

هلا نودو ..


الله يهدي زوجك يعني بكل بساطه قالها !!!!!!!!

والله أخاف أفتي واقول لك اي شيئ غلط , بس الأحسن تسألي أكثر .

الي أعرفه اذا هي أول طلقه بمجرد يقول " رديتك بعصمتي" عادي ترجعين له فورا , بس لو كانت 3 طلقات مستحيل ترجعين له الا بعقد جديد ومهر جديد.

نودو أحسن تسألي أهل العلم حالا ولا تنتظرين .

صباحي
الله يعينك ويصبرك

قريت جميع مواضيعك...كنت ادور على شي محدد ولقيته...ومن غير زعـــــــــــل

انتي غلطانة ثم غلطانه ثم غلطانه..الحين انا وقفت ضدك ومع زوجك..

الصراحه انا جتني حاله نفسيه من اللي تسوينه بنفسك وبزوجك..

تعالي خلينا نحسن الظن ولو قليلا..ليه ما افترضتي ان زوجك في الوقت اللي يغيبه عن البيت (((ممكن يكون يشتغل)))بغض النظر عن دفعه للأجار
اومصروف البيت....

وانا ما اقول الكلام هذا بقصد انك ماتشكي في زوجك "لا" بس لان الموقف هذا صار قبل ثلاث ايام مع اخوي وزوجته..
وزوجته نفس حالتك ووالله ثم والله ثم والله لو ما اعرف وضع اخويه زين ولو انو ماقلي وش يسوي بطلعاته كان شكيت مع زوجته..
طبعا اخوي طلع يكد على سيارته عشان يأمن لزوجته حياة كريمة..

عشان كذا اقولك انك راح تهدمين بيتك بنفسك مع احترامي لاراء الأخوات

ولكن غيرتك وحساسيتك الزائد عن المحدود هي السبب الرئيسي لما يقوم به زوجك..

اختي افترضي حسن النيه..واللي يحب ما يكره..وزي ماقالو الاخوات غيري الاسلوب..قال ضمني ضميه راح تخسرين شي بالعكس راح تكسبين كثير وكثير..

ايضا اختي الرجل لا يحب الكلام الكثير عن الفلوس ..انت جبت انت ماجبت
انا سويت انا ماسويت..والله صعبه جدا
انتي عودتيه من الاول وهو معتبر دفعك للأجار ضريبه غيابك عن البيت..
وعن البنت..

طيب ليش ماتاخذين اجازه ولو لفتره وتجددون فيها شهر العسل..

ادخلي الركن وشوفي الحركات الرومانسيه وكيفية عملها..بمعنى جددي في حياتك...

اما بالنسبه..لطلاق حلفيه اول شي اذا قالها او لا..
واذا قالها فهو باطل لانه في لحظة غضب وايضا انت عندك الدوره..وانا سمعت هالكلام من شيخ ((ان الطلاق في وقت الدوره باطل))

واعتبري هذا درس لكي ..شفتي كيف طلعتيه عن طوره وخليته يغلط....
فانتبهي ياختي وانت الواضح تحبينه بشكل جنوني واظن هذا سبب غيرتك الزائده..
صدق الرسول صلى الله عليه وسلم عندما قال "خير الامور الوسط"

اختي الحقي نفسك قبل فوات الاوان..

واقبل اسفي ..اذا ضايقك كلامي

:up::up::up:مافي اكثر من كدة كلام ربنا يصلح حالكم

نودو عزيزتي

الآن أهم نقطة فعلا تعرفي إذا طلقك ولا لا

يا ستي جيبيله مصحف وحطي إيده عليه وقوليله إحلف إنك ما قلت طالق

وقبل لا يحلف قوليله تراك متحاسب على هالطلاق ولو انحسبت واحدة ما بيننا إلا ثنتين مش ثلاثة فاتق الله وقول الصج

في نفس الوقت بينيله إنك تحبينه وما تبين تنفصلين عنه

إذا طلقك اتصلوا على شيخ واسألوا عن الطلاق وقت الحيض باطل ولا يقع؟؟

أما باقي الأمور ناقشيها معاه بهدوء .. طلعته الكثيرة، اهماله لك ولبنتك، وكل ما يشغل بالك

نتمنى لك التوفيق

الغاليه نودو

صدقيني كل المتزوجون تمر عليهم مثل هذه المواقف الى تقدر تستحمل تمشى حياتها ويضلون مع بعض واللى تقعد على الوحده تنفصل عنه.

زوجك مبين عليه ايحبك وبالعكس من الشى الذي صار بينكم اعنى كلمه الطلاق خاف اكثر انه يفقدك مش عشان البنت بس لا ، عمر العيال ما جمعو الزوجين هو ايحبك انتى لكن الشباب بذات شباب الخليج بخيلين فى مشاعرهم وايد :pain:

وصدقينى ازمه وبتعدي يا نودو وبنسمع اللاخبار الحلوه انشاء الله عن قريب بس اذا قرب منك لا تردينه بالعكس شجعيه

وعلى فكره مشاعرك بتتغير بعد الدوره صدقينى لأن الوحده تكون عصبيه وايد وانا يوم تكون عندي احس ان الشيطان فوق راسي اعصب على شى وعلى ماشى. لكن بعد زواج عشره سنوات خلاص صار يعرف يوم تكون عندي ما يكلمنى.

حبيبتى نودو كم سنه صارلك متزوجه؟

وجاه كمان يكملها طالق طالق بس حسيت فيه صحى من نومه وخرج قبل ما ينطق الثانية والثالثة ، وبعد ما خرج من البيت بدقائق رجع وقال لي استانست حصلت على اللي تبينه وقال تره انا ما قلت انت طالق انا قلت انت مب طالق .. وانا ما طلقتك ، وجاء حضنى وباسنى وتكلمنا بمسألتنا شوي وبعدها خرج وقال انا غضبان ما تنحسب طلقة وبعد قاعد ويقول انا ما طلقتك وانا ما طلقتك ، والله ما اعرف شنو اسوي قلبي قارصنى امام الله اجلس جدامه بشيلة اغطى شعري او لا .. عادي .. يقول انت كل تحنين انت تخونى انت تخونى شنو شايفتى رميو او دنجوان زمان اللي البنات متلهفين عليه...:pain: الحين يعنى انا بمرحلة الخطر الخطر بس الله ستر.