تجربتي الخاصة في علاج الهرمونات و التخلص من الشعر الزائد بإذن الله

ميس بس لازم تحاولين تسوين ريجيم لانه من الاحسن تخفيض الوزن مع العلاج

الحمدلله انا من انتهيت من العلاج النتايج للحين اوكي الحمدلله والدورة منتظمه

بس اللحين رجعت للاكل وزني رجع مثل اول

فاخاف انه ياثر على هرموناتي مرة ثانيه

فان شاء الله راح اعمل تحاليل علشان اتاكد واطمن

موضوعج وايد مهم ومفيد اتمنالج الشفاء العاجل باذن الله :) انا ببدا علاج بالخميس ان شاءالله :) بتطلع نتايج الفحص و ببدا بالأدويه

ماشالله عليج الله الله يشافيج من الهرمونات انشالله ويعطيج العافيه ياطويلة العمر :)

فتاة مسلمه
تسلمين حبيبتي :) الحمدلله رمضان بعد اسبوع يعني اقدر اخفف مع ان و الله أكلي طبيعي ما احتاج رجيم

نوووسه
الله يبشرج بالخير و يطمنج مثل ما طمنتيني
وايد قالولي دايان زين بس لما تتركينه ترجعين مثل ما كنتي .. على العموم انا مستمره على الدوا الثاني يعني ما تركت العلاج نهائيا

serenity
حبيبتي ما تشوفين شر و ماوصيج خلج معانا .. قوليلنا نتايج فحوصاتج و عطينا كل أخبارج أول بأول
اتفقنا ؟ :)

فطوطه
اللهم آمين
مشكووورة بعد عمري ما قصرتي
:)

Miss.B هذي ثاني مره اسير اتعالج هرمونات... المره الأولى كانت عندي الهرمونات واااااااايد ملخبطه ... الهرمونات الذكريه كانت وايد عاليه و كان يطلع لي شعر في اماكن ما يخصها :| بعدين رحت للدكتور و مشاني على ادويه و الحمدلله خفيت وايد و انتضمت الدوره عندي و بدا وزني ينزل طبيعي... لكني بطرانه :( مليت من الأدويه و قررت اني اوقف علاج على كيفي... بس الحمدلله ما كان في اي نوع من الأثر العكسي للأدويه او اي شي... هالكلام من سنه... بس رجعت سرتله من اسبوعين عشان اشوف الحال كيف صار (لاني صرت وايد نسايه و دايما مصدعه, قلت اشوف الهرمونات)... سوالي فحص الدم و ال scan و بعد ما طلعت النتايج طلعت الهرمونات شوييي ملخبطه و قاللي بتعتدل لو نزلت وزن زياده... و الحين استعمل بس ال غلوكوفاج و فيتامينات عشان الذاكره :) و بعد اسبوعين بشوف اذا نزلق الوزن كيف بيأثر عالهرمونات.... و بس :)

serenity

ذابحنا هالوزن الزايد !!
اتصدقين انا طول عمري جسمي مليان و ما خليت رجيم ما سويته و بالأخير صار جسمي حلووو و متناسق و قمت البس كل اللي بخاطري .. عقبها بديت العلاج و صرت أسمن من ما كنت عليه حتى قبل الرجيم
اللهم لا اعتراض .. أهم شي الصحه و العافيه و انا عندي أمل ان شالله لما اقط الحبوب ينزل وزني

يالله شدي حيلج و نزلي وزنج ورانا عيد الفطر لازم نحتفل فيه و احنا رشيقات :o

و الله يبشرج بالخير على طاري مفعول الأدوية اللي تركتيها .. ماني عارفه ليش الكل يقولي احتمال تنتكسين !! انتي و نووسه طمنتوني.. خلاص بسمع كلامكم :)

مشكورة والله ييسرلك ويعافيك

اختي الغاليه

أتمنى لكي الشفاء العاجل

يارب

وانشالله بتكونين افضل واجمل واحسن !!!

طمنينا راح ازور صفحتك بين كل فتره ,, وانشالله القى اخبار حلوه عنك ؟!!

تحياتي لك

ساندي111

اللهم آميــن تسلمين يالغاليه

:)

أم ضيف الله

آميــــــــــــــــــن
مشكورة يالغاليه على هالدعاء اللي يشرح القلب
و أتشرف بزيارتج


الحين صارلي 3 شهور من تركت حبوب دايان و قاعده أحاول أخفف وزني و الحمدلله أهم شي الانتفاخ خف وااايد و تقريباً رجع جسمي طبيعي لكن لي الحين يبيلي أنقص كم كيلو .. الشعر الزائد ما زال موجود لكن الحمدلله بفضل ربي وايد أخف و يطلع بصورة ابطأ و أفتح و فيه مناطق راح الشعر منها و ما زلت مستمره على حبوب ألدوكتون و ان شالله خير

أهم شي يا بنات الاستمرار على العلاج لأني شفت وايد بنات عندهم خلل بالهرمونات و دايماً يقطعون العلاج و يقولون ما فادنا !!
السر بعلاج الهرمونات هو الإستمراااااار .. اعتبروا الحبوب شي روتيني تسوونه بدون تفكير

و الله يعطيكم الصحة و العافية

عزيزتي miss .b
شكرااااا على هالموضوع الرائع.. حبيبتي عندي كم سؤال.. انا بعد عندي خلل ف الهرمونات ورحت اعمل فحوصات بس الدكتوره خوفتني لما اتصلت فيني و قالت لي ان ارجع اعمل واحد من فحوصات الدم مره الثانيه لان النتيجه طالعت غريبه وان الخلل كبير!!! بس لما كلمت الممرضه خبرتني ان يمكن يكون خطأ من الفحص.. طبعا انا من الخوف طنشتها وما رجعت لها مره الثانيه :bigsmile:

المهم انا اعرف ان عندي خلل ف الهرموناااااات لان جسمي ملياااااان شعر وثقيل بعد بس الحمدالله الدوره منتظمه عندي ومعدلها طبيعي يعني المشكله بس ف الشعر الكثيف.. الحين اللي فهمته من كلامش ان انتي تاخذي دوا يعدل الهرمونات و دوا يعدل الدوره صح؟؟ في حالتي هل اذا بس كتبتلي الطبيبه على دوا الهرمونات (بدون منظم الدوره) بيزيد وزني او لا؟؟؟؟ لاني ما اريد امتن ابدا :cry:

infs

هلا حبيبتي

لا انا أدويتي أثنينهم للهرمونات لأن دورتي الحمدلله مضبوطه و منتظمة
لكن لأن مفعول ألدوكتون بطيئ عطتني الدكتورة دايان و اهو حبوب منع حمل و اهو اللي يزيد الوزن بس الصراحه مفعوله سريع و واضح و بعد فضل الله اهو اللي وخر حب الشباب اللي كان تارس ويهي
لما رحت بمراجعتي الأخيره و شافوا وزني انصدمنا !! حتى الدكتور انصدم ههههههه
قالي تركي دايان عشان وزنج ينزل لأن زيادة الوزن اتخرب الهرمونات فما يصير نعالج من صوب و انخرب من صوب .. ما جنا سوينا شي

تكلمت وايد .. الزبدة : انا معاج دورتنا منتظمة و انا معاج عندنا خلل بالهرمونات و الشعر الزائد

امشي على تعليمات الطبيبة و يمكن مع الوقت تغيرلج بالحبوب أو اتزيد عليها مثل ما سوت معاي و استمري عليها ولا اطنشين التحاليل .. الموضوع محتاج صبر و طولة بال

و خليج معانا قوليلنا آخر التطورات

:)

اهلين يا مس ب

انتي الين الحين تعانين من الهرمونات و الشعر الزايد و لا تحسين بشوية تحسن

أهلين GIS

بشرينا عنج انتي شلونج الحين ؟؟

:)

انا الحمدلله أحسن و نتايج التحاليل وايد تحسنت بفضل الله
مثل ما قلت قبل .. الشعر ينمو ابطأ و أفتح و اتحسين الشعره صارت ضعيفه بعكس الأول كانت الشعره سميكة .. بالنسبة للبشرة الدهينة و حب الشباب الحمدلله ماعندي مشكلة الحين و يادوب الحبوب اللي تطلع قبل الدورة

بس أكيد العلاج لازم أكمله لأن الشعر ماراح بشكل نهائي و لأن الهرمونات محتاجة فترة على ما تستقر

علاجي صارله الحين ســـنة و نـــص بالضبط و مداومه عليه بشكل مستمر و على كلام الدكتورة قالت استمري على العلاج طول ما أنتي بعدج مو متزوجة و اذا بغيتي اتزوجين بلغيني .. مطولة يعني هههههههه

:)

هلا أختي

ألف ألف سلامه عليـــــــــك .. وماتشوفين شر ...

وبصراحه حالتي تشبه حالتك ... بس يرجع لك بكره أو بعده

أقولك سالفتي :) لاتنسيني ... شيكي على الموضوع

fofo2

هلا فيج حبيبتي
انا موجوده ان شاء الله و انتظر تجربتج بس لا اتطولين علينا

:)

السلام عليكم ورحمة الله وبركاته ...

هلا وغلا غناتى Miss.B
انا تقريبا مثل حالتك بالتمام كأنك تتكلمى عن حالتى
حبيبتى انا بعد عندى خلل هرومونات والدكتورة واصفتلي : الدكتون + جلوكوفاج 3 حبات باليوم + حبوب كالسيوم + قطرة فيتامين د

وانا ياقلبي مشكلتى بعد في زيادة الشعر بجسمى ولخبطة بالدورة وزيادة في الوزن وقد ملاعملت رجيم ما عم أنزل استمريت في العلاج مدة سنه تقريبا مع تخفيف الأكل ونزلت ماشاء الله 8 كيلو مدة 6 شهور وسار وزنى 66 وكنت مرتاحة ومبسووطة هادا الكلام سار لو 3 اشهر وفي ها الفترة سرلي حادث سيارة وتعبت واخدت ادوية تانيه لخبطت كل شي وتركت علاج الهرمونات وكل شي وخلال ال 3 شهور الباقيه طلعت الوزن على طول وبزيادة حتى الدكتوة استغربت رجعت 74
والان احاول انزل لأن شي ضروري لأن ضهري اضرر بعد الحادث واللحين رجعت اخد الادوية والحبوب
غير كدا انا الدورة الان ليها 3 شهور ماجاتنى .... ولمن قرأت مشكلتك قلت اجل مو بس انا كثير من البنات مثلنا ومالنا غير ندعي ونحمد رب العالمين
يارب تشفي كل مريضة وينزل وزن الجميع يارب واحنا بصحة وعافيه ياكريم

أختك
بتول

ست الكل

هلا فيج يالغاليه معانا .. سبحان الله خلل الهرمونات صار مثل الانفلونزا !!
الحمدلله على كل حال

دايان واااااايد ممتاز لتنظيم الدورة و ماشالله يخليها تنزل مثل الساعه .. تاخذينه 21 يوم و تتركينه اسبوع و بعدها اتشوفين الدورة على طووول لكن مع علاجج مادري يصير تاخذينه ولالأ .. شوفي دكتورتج

:)

الوزن لا اتذكريني فيه .. آآآآآخ
انسوي رجيم و تطلع روحنا على جم كيلو و بعدين ناخذ حبوب اتزيدنا .. ان شاء الله بفايدة

انا الحين أسوي رجيم فصيلة الدم و الصراحه نتيجته بطيئة لكن فرقت على نفسي وايد .. حاولي اتخففين مع العلاج و شربي شاي أعشاب وايد لأن مشكلة حبوب الهرمونات انها اتخزن ماااااي بالجسم خصوصا مع احتباس الدورة

ما اتشوفين شر حبيبتي و خلج معانا بشرينا عن النتايج

السلام عليكم ورحمة الله وبركاته

هلا ياغاليه Miss.B مشكورة فديتك
بس تعرف غناتى ان جلوكوفاج أصلا يزيد الوزن انا كدا قالتلي الدكتورة حقتى ...

وانا اصلا احس ان عندي احتباس سوائل لأنى ابد ما اعرق " أعزكم الله " لو بذلت مجهود كبير وبالاخص في الرياضه ما اعرق ابدا ودا مش كويس بعد

والحمدلله على كل حال بس تصدقي اللحين انا اتشجعت مرة انى استمر بالحبوب واردلها تانى لانى قطعت 3 اشهر منها واتنكست الحاله بزيادة

نصيـــــــــــــــــــــــــــــــــحة الا عندها مثل حالتنا لا توقف العلاج فجأه بليز لأن راح يضر بصحتها لأن هاى غلطتى وما بدي حد يغلط نفس الغلطة بالتوفيق ياحلوووين


بتول

وعليكم السلام ورحمة الله وبركاته

حبيبتي ست الكل معاج حق احنا نفس المشكلة .. انا دايان زاد وزني بشكل فظيع لدرجة ان الكل يقولي صرتي سمينة لازم تضعفين و صار الموضوع مزعج .. تخيلي ملابسي ضاقت علي

الحين تركت دايان من 3 شهور و مستمره على الدكتون و بديت امشي على رجيم وقت الدورة قمت آخذ اعشاب مثل شاي المرمية و الرشاد عشان تنزل الدورة المحتبسة من شهوووور و فعلاً بديت ألاحظ جسمي يضعف حتى بدون ما ينزل وزني .. يعني كافي السوائل تنزل

:)

شفاكي الله و عفاكي حبيبتي