تجربتي الخاصة في علاج الهرمونات و التخلص من الشعر الزائد بإذن الله

هلا عيونى Miss.B

ربك كريم .. ويعطينا العافيه ونتشجع ونكمل العلاج يارب بس الا مضايقنى اكثر ان الدكتورة قالتلى الفترة تطول على الاقل كمان سنتين ودا الا مزعجنى مرات يجي في خاطري انى اطنش العلاج واتركها من كتر الحبوب بس ارد اخاف انى اتخن زيادة وارجع اعمل كنترول على حالى

وربي يعينـــــــــا يارب

بتول

السلام عليكم اختي..
انا بعد عندي مشكلة بالهرمونات و هو ارتفاع الهرمون الذكري
و المشكلة الدورة اتني 3 مرات خلال 40 يوم فقط.. و صج محتارة شنو اسوي
رحت للدكتورة قالتلي لازم خذ حبوب منع حمل اشان تتنظم عندي..بس انا خايفة آخذهم
و يصير عندي عقم مؤقت..علمآ بان صارلي متزوجة 7 شهور و ا حملت :cry: فإذا تقدرين تفيديني
بمعلومة لان هني عدنة الدكاترة ما يفهمون شي ....

ست الكل

لالالالالا تقطعينه أبداًً

ترى و الله عادي حتى انا الدكتورة قالتلي نفس الكلام و بالعكس قالت لو اتطولين أكثر يكون أحسن .. يعني اعتبر العلاج جزء من روتيني اليومي لحد ما اتزوج
لا اتشيلين هم الأدوية خليها شي عادي و طبيعي مثل الأكل و الشرب و صدقيني مع الوقت بتنسين انج تاخذين العلاج لأنج بتعودين عليه

:)


liwliw

انتي نفس مشكلتي و انا بعد اخذت حبوب منع الحمل "دايان" و الصراحه مفعولهم ماشالله روووووعه ماعليه كلام
لكن انتي متزوجه مادري و الله شلون أنصحج .. ان شاء الله خواتنا المتزوجات ما يقصرون معاج

:)

هلا والله حبيبتى Miss.B
تصدقي اليوم جاتنى خالتى " في اول يوم عيد الأضحي " المهم والتحطمت حييييييييييييل لأنى زايدة :cry:مرة وباين عليا وانا من قبل قايله لماما والله مانى نازله لو حد علق لهاي الدرجة قالتلي خلاص انا بتصرف لو حد علق .... وأهل ماما من جدة أصلا ومن زمان ممكن لينا 3 اشهر ما شفتهم بس وفرقت عليها مررررة قالتى تراكى زايده انتبهي لنفسك وأنا:mad2: خالتى قالتلي مو الفترة الكبيرة الا رحتى فيها عننا حتى تسيري كدا وانا ساااكته :mad2: ماما قالتلها مو رجعت للحبوب الهرمونات بعد ماقطعتها عن الدكتورة " فلانه " قالتلى خالتى أرجعى اتركيها دامها عملت فيكي وتراها مو مرة دحين زمان كان ليها سمعتها اما اللحين مو مرة لأن دكتورتى في جدة وانا من المدينة ومرات يكون عندى موعد وأضرب مشوار لين جدة ويلغولي هوا من دون ما يكلمونى ان اتلغي

انا قررت انى اترك الحبوب وعلاج الهرموووووووووون مررررة لأنى زهقت وكتير خوفونى ومش لاقيه بديل عن هادى الدكتورة والله يعينا

"حبيت اخبرك هاى اخر اخبار الهرمونات ولخبطتها الواحد زهق ومش عارف مين الصح والحبوب الواحد عن جد سار يخاف من كترها " الله يعين

بتـــــــــــــول

الغالية ست الكل

و الله حاسه فيج .. انا العايله كلها اتقولي سوي رجيم و شكلج بالعرس الفلاني مووو حلوووو و جسمج غلط و ملامحج مادري شنو و ليش تهملين نفسج ؟؟ خففي أكل !

مو معقوله بمشي و أقول للناس و الله من الحبوب مو من الأكل !!!! اول الفترة كنت اضحك اقولهم من الرباده مافي دوام و طول اليوم نايمه يعني أحاول اسكر الموضوع لكن الناس ما ترحم و مدخلين روحهم بموضوع ماااا يخصهم ولا لهم علاقه فيه لا من بعيد ولا من قريب
محد له دخل بوزني .. يعني انا بكيفي اسوي بنفسي جذي ؟ شنو المتعه ان وزني يزيد كل يوم ؟

ست الكل لا تتركين الحبوب لأن هذي صحتج و المفروض تحرصين عليها بغض النظر اللي حواليج شقولون
سمنا ولا ضعفنا محد بيستفيد و محد بينضر .. خلج حرة نفسج و خلي الناس اتقول اللي تبيه

ترى و الله صدقيني العلاج مهما زاد وزنج مردج بالأخير بتتركينه بإذن الله و بتضعفين .. عالأقل تضعفين و انتي سليمة ولا تضعفين و مشاكل الهرمونات مازالت موجوده .. صح كلامي ولا لأ ؟

محد علق على الوزن كثر اللي علقوا علي .. لدرجة انهم يستقبلوني عند الباب بالتعليقات حتى قبل السلام تخيلي !!

طنشي يا ست الكل و اهتمي بصحتج .. ترى صحتج أهم من كلام الناس

تأكدي ان احنا كلنا معاج و قوليلنا تطوراتج أول بأول

:)

مشكوووره على موضوعج المفيد
و انشاءالله الله يعافيج و يعافي الكل

moonmoons5

اللهم آمـــــــــين

حياج الله نورتينا

:)

هلا وغلا حبيبتى Miss.B .......

ربي يسعدك يـــــــــــــــارب ياقلبي عن جد ماتعرفي قديش ارتحت من كلامك الحلو ربي يسعدك وخاصه ان في وحده معايا نفس المعاناه ونشد بعض وربك كريم يارب ....
عن جد حبيبتى بعد كلامك الحلو راح ارجع للحبوب تانى وربك كريم يارب الف شكر غناتى
ست الكل

ست الكل

و الله انتي اللي فرحتيني .. خليج معانا على طوووول و قوليلنا شصير معاج

:)

هلا وغلا حبيبتى اكيد راح اكون معاكي على طول وراح نقول اخبارنا لبعض انشاء الله وانا عندي مراجعه بعد 3 شهور انشاء الله يكون خير يارب


ست الكل

الله يشفيج يارب :)

ست الكل

حياج الله حبيبتي بأي وقت .. انا مراجعتي بإذن الله بتاريخ 5/3
راح أبلغكم شصير فيها ان شاء الله

:)

miss_faith

اللهم آمين .. ربي يشفي الجميع عاجلاً غير آجل
مشكووورة بعد عمري (f)

ان شاء الله تتحسنين حبيبتي و ان شاء الله تصير كلها سوالف عن قريب ان شاء الله ..

حبيبتي خليكي دايما متفائله و نفسيتك دايما مرتاحه

[size=4]عزيزتي Miss.B

موضوع جميل ..
وشكرا لك لطرحه ..
حتى يتسنى للأخوات الإستفاده من تجربتك..
والحمد الله إن حالتك إتحسنت..
وبالتوفيق إن شاء الله في رحله علاجك.. [/size]

موعود باحساس

الله يسمع منج يالغاليه
انا الحمدلله متفائلة و مصرة على العلاج خصوصا من بعد ما شفت التحسن بعيوني من فضل الله

:)

أم حتومه

مرورج و تشجيعج هو الأجمل حبيبتي ام حتومه
نورتينا

السلام عليكم

أختي الكريمة .. اولا ادعوا لك بسرعة الشفاء.. واشكرك على طرح هذا الموضوع المهم......

اختي اذا الوحده عندها نفس الاعراض تقريبا ( شعر في الذقن..شعرانية زياده على الارجل والأفخاذ وحول الحلمة..الدورة تنزل ضعيفه وتنتهي من ثالث او رابع يوم..مرة تيجي بألم فظيع ومرة الم عادي..) هل هناك خربطة في الهرمونات.. علما انه قامت بعمل تصوير للرحم منذ فترة طويلة وتحاليل دم وكان عادي..مع اختلاف بسيط انها نحيفه ..

هي محتارة.. ان التحاليل قالت مافيها شي والرحم كذلك جيد.. لكن الاعراض الخارجية من زيادة الشعر على الجسم .. الخ تجعلها في حيرة..(للعلم هي غير متزوجة)...

شو تنصحينها اختي .. تسير تعيد الفحوصات ؟ وهل تظنين هالاعراض هي خربطة بالهرمونات...؟

مشكورة ...

تحياتي......

sadlove

اول شي مشكووورة على الثقه اللي عطيتيني اياها لكن انا مجرد مريضة اتعالج و ماعندي الخلفية الطبيه الكافيه :)

بس عشان افيدج أكثر .. انا بعد مو متزوجة و الأعراض اللي ذكرتيها اهي فعلا اللي كنت أعاني منها بالضبط و ما كنت عارفه ان لها علاقه بالهرمونات يعني لما ظهر حب الشباب كنت اروح لعيادات الجلدية و طبعا النتيجة وقتيه و ترجع الحالة أسوأ من الأول
الشعر بجسمي كنت أشيله باستمرار و حتى الشعر اللي بوجهي كان يعذبني خصوصا ان الحاله ابتدت معاي على بداية دخولي الجامعه .. يعني احرااااااج

سبحان الله بالأخير ربي هداني اروح اسوي فحوصات شامله للهرمونات و انا ليومج هذا مادري شلون يتني هالفكرة .. الحمدلله سبحانه ربج الهادي

و فعلا لما رحت عيادة الهرمونات و الغدد الصماء ( أعتقد هذا اسمها ) الدكتور نفسه طلب مني فحوصات كثيييييرة لأني مراجعه يديده و لازم يعرف كل جوانب الخلل اللي بجسمي و اكتشفت وقتها ان كل المشاكل اللي بجسمي سببها خلل الهرمونات و كان هالشي واضح بالتحاليل و أيضا واضح بالأعراض اللي ذكرتيها

نصيحتي انج اتعيدين جميع الفحوصات و التحاليل عند دكتور متخصص لأن فيه تحاليل معقده و طويلة ما يعطيها الا الدكتور المختص بهالمجال

و ما تشوفين شر يارب

ياسبحان الله ... كنت أتصفح مواضيع .. وشفت الوصلة اللي حاطتها ..

صحيح صار لك فترة طويلة وماشاء الله .. الله يتمم على خير وتصيرين على أفضل مايكون ..

أختي أنا عندي زيادة في شعر الوجة وبعض الأماكن المتفرقة في الجسم وكمان الدورة تنقطع عندي في وقت أقل من قبل
ونفسيتي دايماً مفتوحة على الأكل بالرغم إني كنت ما آآكل كثير قبل .. وأيضاً أنا عندي تساقط في شعر الرأس ..

هل إنتي صار لك مثلي في العرضين الأخيرين ؟؟!

أنا وحده نصحتني اروح لطبيبة جلدية لإنها هي كمان كان عندها تساقط في الشعر وعطتها الدكتور رشة للشعر وفيتاميين بعد ماسوت لها فحص للهرومونات وطلعت سليمة بس ملخبطة شوي ..


إنتي رايك أروح لعيادة خاصة بالهرمونات أو للجلدية .. أنا محتارة اروح للنفس اللي البنت راحت لها أو إني أروح لعيادة خاصة بالهرمونات ..


الله يعطينا ويعطي الجميع العاافية والصحة ..

chord

يا بختي صرت خبيرة و الكل يسألني ههههههههه

لالا اتغشمر

و الله يا الغاليه أوصيج تروحين عيادة هرمونات .. تقولين صديقتج : بعد ماسوت لها فحص للهرومونات وطلعت سليمة بس "ملخبطة شوي"

بالهرمونات حتى الشوي له تأثير .. سبحان الله هرموناتنا خصوصا احنا الحريم مثل الساعه .. لازم تمشي عدل و أي تغيير فيها بسرعه يبين عليج

من ناحية الأعراض بقولج كلام الدكتورة

تقول ان لخبطة الهرمونات تختلف من وحده للثانية .. يعني انا معاج " على سبيل المثال " عندنا لخبطة بس يمكن انتي شعرج يطيح لكن انا مشكلتي بحبوب الوجه
انتي دورتج خفيفة جدا لكن منتظمة بس انا اتييني غزيرة و مو منتظمة
وحده مشكلتها ان شهيتها مفتوحه و الثانيه مشكلتها بالشعر الزائد

شفتي شلون ؟ الهرمونات بجسم المرأة مختلفه فلما اتسوين التحاليل اهني يبين وين الخلل بالضبط و شنو اللي زايد عن معدله الطبيعي و شنو اللي منخفض عن معدله الطبيعي

حتى من ناحية الحمل .. تقول الدكتورة ان في حريم عندهم لخبطة ما يحملون الا بعد ما يعالجون فترة طويلة و في حريم بسرعه يحملون لأن الخلل اللي فيهم ماله علاقة بالحمل .. سبحان الله

كلهم يعتبرون خلل بالهرمونات لكن أي هرمون بالضبط و كم النسبة ؟؟ اهني الإختلاف

الخلاصه .. لا تعتمدين على أعراض معينه للخبطة الهرمونات لأنها تختلف من وحده للثانيه

:)

انا من رايي سوي تحاليل الهرمونات بالأول لأنها كثيرة و تاخذ وقت طوييييل و شوفي الجلدية بعد اذا اتحبين عشان تطمنين


ما تشوفين شر يارب و طمنينا عليج

مشكووورة حبيبتي على سرعة الرررد ..

ايه والله صرتي خبيرة ومنكم نستفيد الله يعطيك العافية ...


ايه والله المرأة بلاويها بلااوي بس الله أكرمها وخلى لها على كل شي ثوااب زي مثلاً الدورة وآلامها للمرأة ثواب كبير سبحان الله ..

ترى حتى أنا فيني حبوب زايدة في الوجة بس نسيت ماأقول لك .. واللي اقصده إن الشعر يتساقط أقصد شعر الرأس ويلييييي

وكمان الوزن على كثر ماآآكل أشوف وزني ينقص .. الله يشفينا من الأمراااض أحنا وجميع المؤمنين والمؤمنات أجمعين ياااارب ..

.. إن شاء الله أروح في أقرب فرصة .. الحين تعرفين بدت الدرااسة وكذا والواحد يصير مشغووول .. الله المعين ..

ومشكووورة عزيزتي على الرد مرة ثانية