اللي موعد ولادتها في أغسطس الجاى .. تعالوا ندردش سوا

اهلييييييين حبيباتي

بالنسبه لي انا جاااااااااااااهزه للولاده من الحين هههههههه

الحمد لله كللل شي جاهز واغراضي واغراض البيبي جاهزه

وتوزيعات الولاده بعد جهزتها كللللل شي سويته بنفسي

حتى لستاند سويته وانا اللي اخترت التحف حلووووه وااااايد

وصيت عليها من الامارات على اساس ان فيني بنوته وودي

اسميها داااااانه وصيت مرت اخوي تجيب لي تحف على شكل

دااااانات والحمد لله لقتهم شكلهم طلع رووووووعه والله :)

بالنسبه للسويت بغلفه عقب اسبوع او يمكن اسبوعين على حسب

الالم اذا حسيته جاني او لا تعرفون جو البحرين حرررررر مووووووووت

وما ابي لسويت يخترب او يذوب..

ومن اليوم ان شاء الله ببدي اقرا الادعيه وآيات تسهيل الولاده على الماي

بشتري غرشه ماي حجم كبير احسن علشان تكفيني واشرب منها طووول

الشهر لييييييييين ما الله يسهل عليي واولد بالسلامه.

دعواتكم :)

عسوووولة
عفية عليج
زين سويتي خلصتي كل شي
علشان ترتاحين شوي هالشهر

حلوة فكرة الدانة الله يتمم عليج بخير

بس ما قلتي لي شنو الادعية علشان اطبقها وقت الولادة

بس ما قلتي شنو شريتي لج من اغراض
غير الفوطة والبجاما والنعال(الله يعزكم) وشامبوا صغير وصابونة شنو بعد؟؟؟؟؟


بحرينية عسل
اها فكرت تبين تسوينهم
زين روحي فخر البحرين او الانوار يمكن عندهم شي عدل

كامبوجا

اهلييييين حبيبتي

ايه انا مجهزه كل شي علشان ارتاح هالشهر وخصوصا

اني ببدي امشي من الليله باقيلي 3 ايام وادخل شهري

ابي عضلات حوضي ورجولي تقوى اشوي لانهم يعوروني وايد

واخاف يأثرون عليي فى الولاده او ينامون عليي :(

بالنسبه لاغراضي ابصراحه انا ما اشتريت اشياء وايده المهمه

بسسس ولاني مو بجر هذي ثالث ولاده لي يعني ما دلعت روحي

واااااايد ههههه. شريت لي اشياء حلوه بس بقول لج الاشياء اللي

حطيتها فى شنطتي للمستشفى.. وتراها بسيطه لاني مو بجر مثل

ما قلت لج وما راح اطول بالمستشفى كلها يوم وطالعه ان شاء الله.

حطيت..

3 دشاديش الوانها هادئه ( وردي_ اصفر_ بنفسجي ) ما احب البس

بيجامات فى المستشفى. وطبعا مفتوحه من جدام للرضاعه.

ملابس داخليه جديده كل نوع 3

مشمر وملفع صغير.

مشط_ شباصه_ مزيل عرق_عطر

شبشب مريح او نعالي الطبي واحد وبس

أدوات السباحه_ فوطه

علبه اولويز مهمه لاني ما احب اللي يعطونه

اياه فى المستشفى.

حفاظات الثدي للحليب علشان ما يسربون.

وطبعا هدومي كلهااااا مبخره ومعطره وريحتها جنان :)

وبسسسسس..

الادعيه اخذتها من المنتدى هنيه سويت بحث عنهم ولقيتهم

وسجلتهم فى ورقه وان شاء الله ببتدي فى قراءتهم على

الماي من اليوم.

واللللللللللللللله المسهل ان شاء الله.

عسووولة
مشكورة يالغالية
الله يتمم حملج على خير

بحرينية عسل
انا حامل في ولد ان شاء الله و اولد يوم 3 اغسطس ان شاء الله بس يمكن طبعا قبل او بعد
الجميع سلامي ليكم

عسووووله
تسلمين عيون على الرد والله فيك الخير
ون شاءالله تولدين وتقومين بسلامه
3bm
تشكرين على الدعوه الحلوى ولكي مثلها بس انتبهي على نفسك
بحرينيه عسل
جزاك الله خير على السؤال
بنسبه لجنس البيبي معرف كل ماأكشف يقولو مهو باين
بس عندي مراجعه 5\6 ون شاء الله يبين
وتتمنى اني اقدر اطمنكم عليه
لاني اقضي وقت فراغي كله في المشي

ياأخوات بغيت اسأل عن معلومه
يتردد عندنا في السعوديه على لسان النساء
انه البطنها زي الكوره وله راص بتكون حامل بولد
والي تكويره عادي وماله رص بتكون حامل ببنت
وانا الي يشوف بطني يقولي انتي حامل بوالد
والله أعلم........

يــــــــــــــــــــاأخوت بماأننا اغلبيتنا قرب موعد الولاده
فخلونا نجهز رسايل في الجوال نبشر الأهل بمولودنا الجديد
وسلامتكم...........

ازيكم يا بنات وامهات أغسطس وازاى النونوات ، ان شاء الله تكونوا بخير

بنات أنا لسة ملخبطة دلوقت أنا في الأسبوع 24 بدايته يعني، طيب كده ابقى خلصت السادس؟ يعني الدكتور قاللي كل يوم 25 ادخل شهر جديد وانا لسة في أول الشهر ازاى بقى على حساب الأسابيع ابقى دخلت السابع؟

تعرفوا رحت شفت محلات كثير علشان مستلزمات السبوع جميلة جدا الحاجات ومحتارة مش عارفة اجيب ايه، لكن لاقيت حاجات ديزني ميكي وبطوط بقى والحاجات دي حلو قوي اعتقد تعجب الأطفال كثير ، ولسة ما حددتش اجيب امتى لكن غالبا الشهر ده لأني فعلا بدأت اتعب واتقل اليومين دول

تعرفوا احس بألم في رجلي وظهري فظيع ولو حاولت اتقلب وانا على السرير اشعر بآلام مزعجة جدا وتوجعني قوي ده طبيعي تفتكروا؟ بما اني لسة في أول السادس؟ يعني؟

ممكن طلب؟

اللي تعرف أحكام العقيقة تقوللي لو سمحتم

يعني المفروض يكون عمر الذبيحة قد ايه ، و،اكل منها ولا كلها للفقراء والضيوف يعني الأب والأم ما ياكلوا منها ؟ افيدوني افادكم الله

عسوله حبيبتي يالله الله يسهل عليج انا تقريباً بعد جهزت كل شيئ بس بقى لي سيتينات للرضاعة و شبشب الله يعزكم للمستشفى اشياء بسيطة بعد وبالنسبة للبيبي بقى ملابس للخروج وملحف خفيف واغراض التنظيف. وإنشاء الله بعد ما يبرز الطقم الي حقي وللبيبي بأبتدي اجهز الشنطة يعني على آخر الثامن انشاء الله وبقول لكم شنو حطيت فيها علشان افيد واستفيد.

رواء الاسلام الله يسهل عليج يا رب.

نورس الوجود ننتظرج تطمنينا عليج حبيبتي متى موعد الولاده انشاء الله؟؟

برايد توب حبيبتي خلج من حساب الاسابيع وركزي على الاشهر احسن و اسهل. وعن العقيقة ما اعرف والله بس بحاول اسال لج واخبرج.

بنات البحرين اشرايكم بدكتورة فضيلة العليوات من حيث التراساوند اوكي اهي يعني شاطرة؟؟!!

[font=Arial Narrow]السلام عليكم ورحمة الله وبركاته[/font]عندي لكم خبر واااايد حلو \\\\\\\\\ترى اختنا شاليمار ربت ويابت بنوته حلوه ماشاء الله عليها\\\\\(})

تستهلون سلامة اختنا شاليمار والله كنت مفتقدتها.

نورس الوجود:
ياأخوات بغيت اسأل عن معلومه
يتردد عندنا في السعوديه على لسان النساء
انه البطنها زي الكوره وله راص بتكون حامل بولد
والي تكويره عادي وماله رص بتكون حامل ببنت
وانا الي يشوف بطني يقولي انتي حامل بوالد
والله أعلم........

احنا بعد عندنا هالنظريه ههههههه.

اللي بطنها مكووووور فيها ولد واللي بطنها

مسطح ورايح فى العرض يكون بنت واللللللله اعلم.

عموما.. انا بطنى مسطح ورايح بالعرض وقالولي فيني بنوته :)


ايه بنات تستاهلون سلامه الغاليه شاليمار والف الحمد لله على سلامتها

وسلامه البنوته الضاهر انه موسم البنااااااااات الحين وناااااااااااسه :)

براااااااااايد

اهليييييين حبيبتي ازيك انتي عامله ايه :)

بالنسبه للعقيقه الكلام طول فيها وايد وللحين ما عرفتي شي

انا اقول تسألين شيخ من شيوخكم احسن ولا تقولين صعبه اكيد

تعرفون شيخ عندكم لانه الوحيد القادر على اعطائج المعلومات

الصحيحه واكييييد بيساعدج عكسنا احنا ابصراحه ما نفقه فى هالامور

ومحد يقدر يفتي لج فى اي شي لانه كل بلده تختلف عاداتها وتقاليدها

عن الثانيه.

نجي حق حساب حملج انتي تقولين انج فى الاسبوع ال 24 وللاسف ما ابي

احبطج بس الاسبوع ال 24 هو اول اسبوع من الشهر الساااااادس توج فى بدايته

باقيلج 3 اسابيع وتدخلين السابع :)

الاسبوع ال28 هو اول اسبوع من الشهر السابع وهكذا...

ومثل ما قلنا لج لااااا تنتبهين للاسابيع وخلج مع حساب الاشهر

احسن وافضل لج صدقييييييييني راح تجنين اذا تابعتين حساب

الاسابيع مثلي ههههه. انا بالاسابيع ادخل التاسع يوم الاربعاء

ان شاء الله بس بالاشهر ادخله يوم الاحد فرررق خمسه ايام تقريبا

جفتي اشلون. حسبي بالاشهر افضل.

والله يتمم لي ولكم على خيييييييييييير يا رب.

بحرينية عسل

مشكورة على ردك وربنا يقومك بالسلامة

عسولة

أشكرك يا جميلة على ردك على انا فعلا هاركز على الشهؤ علشان الحكاية ملخبطة معايا قوي

بالنسبة للعقيقة هو فعلا صعب لكن مش قوي لأني علشان اكون مطمئنة للحكم لازم أروح دار الافتاء ودي بقى عاوزة لها يوم مشوار يعني عموما لو عرفت حاجة هاقوللكم

هو انا كنت سمعت انها لازم يكون فيها شروط الأضحية يعني لها سن معين ومواصفات خاصة لكن بالنسبة للتقسيم مش عارفة لكن أعرف انها لازم تكون عزومة والناس نعزمهم ويأكلوا منها فقراء وأغنية

شاليمار

الف مبروك وحمد لله على السلامة مبروك البنوتة ربنا يخليها وتتربى بعزكم ان شاء الله

براااايد
الله معاج اختي وبالتوفيق يا رب :)

سلام حبيباتي شخباركم

برايدتوب اخبارك ايه والبيبي عامل إيه معاكي
عسوله الحمد لله جهزتين كل شي الله يسهل عليش وعلى باقي الحوامل يارب
بحرينيه عسل اول مره اسمع فيها الدكتورة هذي
كمبوجا شخبارش ويا البيبي
نور المدينه واسلاميه وسندويشه ما يبينون
مبروك لشلمار البنوته وتتربا في عزهم يارب



انجي لأخباري
الحمد لله (صحتي ليست على مايرام وانا قادم للعلاج)على قولت عبد الحسين عبد الرضا في مسرحية بايباي لندن خخخخخخخ

اني الحمد لله بخير كل آلام الجسم فيني كليتيني يألموني مثانتي تألمني ظهري يألمني رجايلي يألموني بطني كلش يألمني والترجيع للحين شغال ويش باقي بعد اي اياديي الحمد لله ما يألموني


والبيبي الحمد لله زين بس تقول الدكتورة الماي مو واجد ناقص شويه ولكن البيبي صغير شوي الحمد لله على كل الأحوال