اللي موعد ولادتها في أغسطس الجاى .. تعالوا ندردش سوا

هلا حوامل المنتدى اشلونكم حبيباتي ترى انا ادخل اقرا مشاركاتكم بس كنت مشغولة شوي ما ارد يعني ترى ما قطعت.

سندويشة حبيبتي اشلونج انا قلت الحين بدخلين تبشرينا انج كملتي اغراضج انا نصحتج من قبل لا تأخرين روحج لأخر شيئ ترى بتشتتين وبتنسين وايد اشياء والله عرفته من كلامج ان عندج وقت فراغ يعني مب مزحومة يالله اختي ابتدي جهزي وتركي عنج الكسل.

عسولة اشلونج يا حلوة واشلون البنوتة انشاء الله تمام بشرينا ها شتسوين الحين في التاسع بديتي تمشين والله لحين وكملت اغراضج خلاص بالنسبة حق اغراض النفاس شريتيهم والله لحين وشنو شريتي علشان نستفيد.وبالنسبة لسؤالج عن ماء الورد والزعفران حبيبتي هذا ينشرب اذا كان فيج الم يعني اذا ياج الالم ابتدي شربيها لانه يسرع الطلق ويحميه ولكن اذا شربتيه بدون الم ما اظن ينفعج. نور المدينة وحشتينا شخبارج وشخبار ولي العهد انشاء تمام واشلون الملل معاج خبرينا ايش جهزتي؟؟؟ انتي في العد التنازلي الحين متى معطينج موعد حسب التراساوند لانه هو الاصح . إنشاء الله تبشرينا جريب عن ولادتج.

3bm حبيتي انا داخلة اليوم الموضوع وفي بالي اسأل عنج الحمدلله طمنتينا عليج بس بسألج انتي توج عارفة شنو جنس البيبي؟؟؟ ثانياً شنو قالت الدكتورة فوزيه عن وضع البيبي والماي الي حولينه اوكي كل شيئ .وبالنسبة للتاريخ الي عطيتج اياه الدكتورة فوزية هو الاصح تقريباً لانه انا في هي الي تعطيني الموعد الاصح طبعاً بعد مشيئة الله سبحانه. وليش لحين ما جهزتي ترى انتي تقريبا معاي وما بقى لنا الا شهر تقريباً عن التاسع والمفروض نكون مخلصين اغراضنا قبل دخوله او بعد اسبوع من دخولنا له لانه بعدين ما تدرين شيصير يمكن نقدم عن الموعد .

اما عن اخباري فلله الحمد كل شيئ تمام بس احس بألم نوع المغص يمر علي هالايام واول مره احس بمثل هاذي الالم في اولادي الي قبل ما حسيت فيه الا وقت الولاده ولحين انا في الثامن واحس به الله كريم انشاء الله .ولحين انا دخلت الاسبوع 33 وعندي موعد يوم الاربعاء 20/9 وبس.

اهلييييييييييين بنات اشلونكم عنوني :)

بحرينيه عسل..

انا قلت جذيه لازم نشرب الزعفران لمن يجينا الطلق ما يصير

نشربه منيه والدرب؟؟ بس كثييييير جربوه ونفع معاهم.

انا مخليه ساعه الولاده على الله وصبرت تسع شهور عجزانه

يعني اصبر جم اسبوع؟؟ مو معقوله هههههه.. الله كريم والتساهيل

من رب العالميييييين :)

بالنسبه للمشي ايه بديت امشي بس للامانه مب كل يوم على حسب

ضروف ومشاغل زوجي يعني..

ويوم الاربعاء عندي موعد مع الدكتوره مثلج يا بحرينيه عسل وان

شااااااااااااااء الله خييييييييير يا رب وان شاء الله تقول لي ان البنوته

نزل راسها فى الحوض لاني حاسه انها خلاااااااااص بتطلع من زود الالم والضغط

فى هذيك المنطقه وخصوصا لمن امشي..

الله يقومنا بالسلامه ياااااااا رب.

بنات اشلونكم عساكم بخير

انا اشوف هالايام قل دخولكم الموضوع عسى المانع خير.

ومفتقده كم وحدة مثل كمبوجا ونورس الوجود وممممممممم ونسمة ربيع ودلوعة زوجها الي صارلها وايد ما دخلت ياليت تطمنا عليها .

عسوله حبيبتي اشلونج والله الله يعينكم على هالجو وين الواحد يمشي فيه ما نقدر والله. انا بعد مثلج احس ان البيبي راسه خلاص نزل في الحوض لأنه من ثلاث اسابيع يوم رحت للدكتور وعملت التراساوند خبرتني ان اليهال نزل راسه تحت والحين احس ضغط اكبر اذا امشي فأتوقع ان نزل في الحوض فعلاً الله يعين ويوم الاربعاء انشاء الله نتأكد.

السلام عليكم ورحمة الله وبركاته

وحشوتوووووني كلّكم و نفسي أطمئن عليكم...

يا رب تقوموا بالسلامة يا رب و نفرح بيكم كلكم...

بس عندي لكم رجاء صغير...

يا ريت تبشرونا بولادتكم على ركن الحمل و الولادة...

علشان مثلا أنا ما عرفت إن الأخت نوراااء الحلوة ولدت إلا من الموضوع...ما حد نزل لها موضوع تهنئة...

إن شاء الله تبشرونا بولادتكم قريب :)

ازيكم يا احلى حوامل ، عاملين ايه وايه اخباركم

نور المدينة ربنا يشفي زوجك ويكون بخير ان شاء الله

عسولة

بحرينية عسل

3bm

شاليمار

كل البنات ، ربنا يقومكم بالسلامة ان شاء الله بس اوعوا تتركوا الموضوع وتسيبوني لوحدي علشان أنا آخركم ميعادي لسة في شهر 10 ، بنات اوصيكم من الآن لا تتركوني

اللي تعرف حاجات النفاس تقوللي علشها علشان اجيبها من دلوقت لأني مامتي هتكون خارج مصر غالبا وقت الولادة ومش هاعرف اتصرف

نسمة الربيع

فينك ، يا رب تكوني بخير طمنينا عليك

امس رحت للدكتور ، وقاللي اني لازم احصل 1200-1500 ميلي جرام كالسيوم في اليوم علشان عظم البيبي بدأ يتكون ولازم اكالسيوم مهم لي وله لأني بدأت احس بضعف في عظمي وأظافري

المهم هو قاللي ان علبتين زبادي في اليوم لوحدهم يعملوا 900 ميلي جرام، وتخيلوا بقى ان عصير البرتقال كوب منه يعمل 333 ميلي جرام كالسيوم

لإما كده أو يعطيني حبوب كالسيوم ، بس أنا هاحاول ان شاء الله مع النظام الغذائي الأول

مرموم

اهلا بك يا غالية

معك حق كان لازم نهني نوراء ، اوعدك ان شاء الله لما اقوم بالسلامة هاقوللكم بس ادعولي ربنا يكمل الشوية اللي فاضلين على خير

السلام عليكم
شخباركم حبيباتي
ما راح اعدد الاسماء لأنه اخاف انسى وحدة منكم وتزعل مني

انا اخباري الحمدلله
ودخلت الشهر الثامن لي اسبوع تقريبا
بس اليوم كان عنديموعد وطلعت نتيجة تحليل السكر
والمشكلة طلع عندي السكر مرتفع قليل
وانا خايفة
والدكتورة قالت لي اروح لها بكرة وراح تعمل لي التحليل من جديد
والله يستر ادعوا لي
وقالت لي وصل وزن البيبي كيلو و300 قليل صح!!!!
بس الدكتورة تقول زين
والمشيمة اوكي ورأس الجنين تحت والحبل السري بين رجلة الحمدلله
والله يستر من بكرة

سؤااااااااااااااااااال؟
شنو خطورة السكر علي الجنين؟

اهلين بحواااااااااامل عروس


وحشتوني

]السلام عليكم ورحمة الله وبركاته


كيفكم يااحلى حوامل والله توحشوني كثير


اختي بحرينية الله يسلمك تصدقين عاد كل يوم ادخل المنتدى واعرف اخباركم اول باول


بس اعذروني ما اقدر ارد لان الجلسة على النت تتعب ظهري حيل


انا الحين في الاسبوع 37 وخمسة ايام يعني نص التاسع لكن ماحس بشي ابد واخاف اكون من الصامدات على قولت اختنا عسووووووووولة الله يذكرها بالخير

اخواتي تكفون ادعولي اولد بالسلامة تكفووووووووووووووووووووون


والله يشهد اني ادعيلكم في ظهر الغيب كلكم والف مبروك لاختنا نورس الوجود

والحين اعذروني وفي امان الله محبتكم ممممممم[/size]

بحرينيه عسل..
اهليين حبيبتي
انا بخير والبنوته ابخير ولله الحمد :)
انا بعد مثلج موعدي يوم الاربعاء وان
شاء الله تبشرنا الدكتوره بنزل راس البيبيات
فى الحوض يااااااا رب معناتها قربت الولاده اكيد.


مرموم..
اهليين عنوني منوره موضوعنا والله :)
انا عن نفسي راح اكتب لكم بشاره ولادتي اكيييييييييد.
ولا يهمج..


برايد..
هلا بالغاليه اشلونج حبيبتي :)
لااااااا اتخافين ما راح نتركج وان شاء الله بنتلاقي
فى هالموضوع متى ما سمح لنا الوقت وشي طبيعي
ان حوامل غيرنا بيشاركونج وبتلاقين احد معاج بنفس
موعد ولادتج.. تطمني عنوني.


كامبوجا..
هلا والله وحشتينا وايد الحمد لله اننا تطمنا عليج.
بالنسبه للسكر لا اتحاتينه وان شاء الله نسبته بسيطه
وبيروح عنج بمجرد الولاده. حجم البيبي يمكن صغير
بس الدكتوره طمنتج عليه وقالت لج انه بخير وسلامه
عيل لا اتحاتين شي عنوني.


ممممممم..
اهليييييين حبيبتي اشلونج واشلون البيبي معاج؟
انتي سابقتني باسبوع بالضبطططططططططط على
الله نولد سوا ونفتك من التعب والثقل والله. وان شاء الله
ما نطلع من الصامدات هههههههههههه.
الله يتمم لنا جميعا على خييييييييير ونولد بالسلامه ان شاء الله.

السلام عليكم ورحمة الله وبركاته

اللهم صل على النبي محمد..

بحرينية عسل ..

هلا حلوة..

شخبارك وشخبار النونو..

تسلمي على السؤال ..

هلا مرموم..

اقول الموضوع منوووووووووور طلع مرموم هنا..

شخبار البنتوتة الحلوة..

بإذن الله راح نبشرك بولادتنا وقومتنا بالسلامة مع أولادنا يارب..


برايد ..

احنا كلنا معاك يا حبيبتي..

مش حتلاقي نفسك وحيدة أبداً..

متخافيش..


ممممممممممم

أنا معاك بنفس التاريخ بالضبط...

بس الله العالم منو فينا الا راح تولد قبل؟؟


عسووووووووله..

هلا بيك اختي..

على فكرة ..

أنا بيني وبينك اسبوع ولمن رحت المستشفى قالت لي الدكتورة ان الراس للحين ما نزل..

وان البيبي وزنة 2 كيلو و300 غرام.

وزوجي خاف قال لايكون صغير قالت له الدكتورة لا بالعكس نعومي ولدك و ما راح يتعب امه..

وسألتها وش أسوي عشان تسرع الولادة و يحمى الطلق

قالت من الحين اشربي منقوع ماء الورد والزعفران..

وقالت لي الجماع زين بعد..

أنا قلت " راحت علي"

وزوجي سوا نفسه ما سمع ..

بس من طلعنا من عند الدكتورة شق بوزة من الأناسة..

وقال لي ها شفتي أقول لك الجماع زين وأنا أقول ويلي.. بدبحني من شطانته..

كمبوجا..

ليش خايفة على البيبي..

الدكتورة قالت زين ولله الحمد بعد ليش تحاتين..

ازيكم يا بنات

عاملين ايه هآخد اجازة ان شاء الله ومش هاعرف اكلمكم اليومين الجايين

عسولة

ربنا يخليكي بس انا عاوزكم انتم تفضلوا معي مش حوامل جداد انا خلاص تعودت عليكم وعلى الكلام معكم ولازم كل يوم ادخل اشوفكم حتى لو ما رديتش

بحرينية عسل

ربنا يقومك بالسلامة يا جميلة انت واحنا كلنا

كمبوجة

ايه اخبارك واخبار النونو الجميل

نور المدينة

:D2:D2

اضحكتيني والله

بس غريبة تعرفي انا قرأت في مرة ان الجماع في الفترة الأخيرة مش مستحب علشان بيخافوا على الكيس اللي حوالين البيبي

بنات ليه ما حدش رد علي في موضوع حاجات النفاس

انا اصلي تهت لما عملت بحث على المنتدى طلعت لي موضوعات كثيرة وجميلة لكن مش عارفة استعمل ايه ونصف الكلام مش بافهمه (اعذروني الخليجي صعب شوية) :o

ممكن تقولوا لي باختصار اجيب ايه واعمل ايه؟

اهلين بالحوامل الحلويييييييييييييين

عسولة اي انا بعد احس كيلو و300 قليل
لأنة في الكتاب اللي عندي المعدل لازم يكون كيلو و800
بس الدكتورة تقول لي اوكي
بس ما ادري شنو اسوي علشان يكبر
تعبت من الاكل


نور المدينة
خخخخخخخخخخخخخخخخخ
ضحكني زوجج
انا زوجي خواف
ما يرضى كل يقول لا لا مو زين
اقول له عادي ما يرضى
حتى مرة قلت له بسأل الدكتورة زعل مني ههههههههه
يصحكني والله

برايد
هلا حبيبتي
انا الحمدلله
بس ما شاء الله عليج جهزتي كل شي ورتحتي
انا للحين ما فكرت في توزيعات البيبي

بالنسبة الى موعدي اليوم
نتيجة مالت السكر
رحت اول شي كانت 5.3
بعدين قالت لي روحي تريقي(فطري) بس مو تاكلين كل شي تشوفينة
رحنا ديري كوين اللي بالسلمانية تريقنا(فطرنا)
ورجعت لهم بعد ساعتين سوو لي طلعت النتيجة 5
يعني كلش تمام
قالت لي الدكتورة يالله الحين روحي اكلي لج بقلاوة
حدتني الدكتورة والحين صار خاطري في بقلاوة >>> صج ما انعطى ويه

وبالنسبة الى الرياضة قالت لي يوم الثلاثاء بس ما ادري الساعة كم؟؟
وقالت لي بس السباحة احسن لي
والله يستر
لما القى لي مايو ساتر بروح بس لو ما لقيت بقعد في بيتي استر لي

هلا يا أحلى حوامل بالدنيا

نصيحه....لا تجربو منقوع الزعفران لإنه قوي مره ..يقوي الطلق و يتعب كثير ...كذا ماما قالتلي لإنها جربت ...و يا حبيباتي كل شي بوقته حلو ..لا تحاولو تسرعو خروج الطفل قبل أوانه..فات الكثير ما بقى إلا القليل..صح

عسوووله و الله إنتي عندك نفس أفكاري أنا كنت مصدقه روحي إني بولد في أول التاسع بس شكلي مطوله ههههه...بصراحه ما بديت مشي ما عندي وقت ..أروح أسبح في الأسبوع مره أو مرتين و عندي ألم فظيع تحت أنا البيبي عندي لف و نزل من السابع تصوري و بطني عادي مره فوق و مره تحت ما عرفتله بصراحه. و من دخلت التاسع و أنا عندي نزله برد قويه و كحه الله لا يوريكم بس الحمد لله أستخدم الطب البديل (عسل +ليمون+ ثوم) و ساعدني كثير الحمد لله.
و كيفك إنتي و بديت مشي و لا لسه؟؟ و هل تمارسين أي رياضه ثانيه ...صحيح المشي في هالجو مش ممكن ليش ما تروحين صاله رياضيه علشان تمشين على الــ(الترد مل) ؟؟

بحرينيه عسل ...حبيبتي أنا مزحومه مره و حاسه ما عندي وقت أعمل أي شي و أنا البيبي نزل من السابع تصوري!!

نور المدينه ...أما إنتي عليكي سوالف ..ضحكتيني بس و الله ما درينا مره يقولو الجماع زين و مره يقولو مب زين ما عرفنالهم هذول الدكاتره...و صدقتي و الله في سالفه الحاجه للناس مذله ...اليوم كنت أقول نفس الشي .

برايد حبيبتي أنا ما قدرت أدخل أدور ما إني مضطره أدور على الموضوع بتاع حجات النفاس علشان ما شريت شي بعد و صدقيني أنا نفسي ما أفهم نص الكلام يعني الحال من بعضه ..بس أروح للعطار و أطلب من القائمه إللي معاي و غالبا هو يكون فاهم أنا شو أقصد بس الموضوع أعتقد هو موضوع الأخت (الماضي الجميل) أسهل واحد ممكن تطبقينه و أول ما أحصل معلومات حقولك عليها و لا يهمك و إنتي لسه قدامك وقت صح

أستودعكن الذي لا تضيع ودائعه و أحبكن في الله

برايد تو بي حبيبتي و أنا أدور في ملفي ...(عندي ملف أجمع كل الخلطات) حصلت خلطه عجبتني و أحسها مو معقده مثل الباقي و هي في المنتدى سوي بحث عنها

الموضوع : إللي والده منكم تدخل بسرعه و الله ما تندمين
صاحبه الموضوع: دلوعه زوجها2005

إن شاء الله يفيدك ..

نور المدينه
اهليين حبيبتي اشلونج :)
صححح انتي سابقتني باسبوع تقريبا بس
ليش للحين ما نزل راس البيبي فى الحوض؟؟
انتي بجر ولا لا؟؟ لان البجر ينزل الراس عندها
من نص الثامن بعد اما الولودات يتاخر اشوي.
انا من اسبوعين قالت لي نفس الكلام انه للحين ما نزل
ويمكن ينزل حزه الولاده بعد لا تستعجلين عليه والله يستر
المهم انها طمنتني انه وضعه طبيعي وراسه تحت مب فوق او
مستعرض لا سمح الله. وحجمه وايد زين والحمد لله بس مدري
جم كلغ بالضبط لان مركزنا الصحي ما فيه جهاز التراساوند
لازم اروح خااااااااص واخسر فلوس علشان اعرف.. والله حاله!!
عموما.. عقب باجر موعد الوزن وان شاء الله خيييييييير يا رب :)
بالنسبه للجماع هذا شي معرووف حبيبتي ووالله والله يسرع الولاده
ويجيب الطلق بعد كثييييييييير جربوه وولدوا بس عاد تعببببب وثقل
شنسووووي ما نقدر كل يوم كل يوم!!
بعد شنو..
ايه.. منقوع الزعفران زييييييييين انج سالتي عنه فرحتيني والله يعني
اقدر اشربه من اليووووووووم بعد صح؟؟ ولا انتظر بعد اسبوع مثلج؟؟
ابي اوووووووووولد خلاص تعبتتتتتتتتت والله :(

براااااااااااايد
احنا بنتم معاج لا اتخافين ومثل ما قلت لج بنحاول ندخل موضوعنا كل ما
سمح لنا الوقت تعرفين البيبي يبيله اهتمام ورعايه والمسؤليات اللي راح
تزيد علينا خصوصا انا لان عندي طفلين من قبل :)
ان شاء الله بنكون معاج تطمني حبيبتي واكيد اكيد بنطل على الموضوع
نبي نعرف منو اللي ولد وخصوصا انتي يا سكررررره :)



campoocha
هلا حبيبتي
لا اتحاتين تدرين ان البيبي يزيد 1 كلغ كاااااااامل فى آخر شهر له؟؟
يعني عندج وقت ان يزيد وزنه :) بس لا يصير دببببب ويتعبج فى الولاده
ههههههههه.. ومبرووووك على نتيجه السكري طلعتي براءه :)



سندويشه
اهليين حبيبتي اشلووووووونج وين هالغبه وين رحتين؟؟
انا قلت ليكوووووون سوتها وولدت قبلي خااااااااااينه هههههه..
مسكينه طلعتين براءه..
انا زوينه والحمد لله وايه بديت مشي بس مب فى الهواء الطلق اللي
حار موووت لا امشي فى المجمعات لمكيفه ههههه احسن لي ابوايد.
بالنسبه للرياضه لا ابصراحه ما اروح لا نادي ولا غيره انا يدووب اقدر
امشي وبس.. وقبل النوم اقعد اسوي تمارين وحركات حق رجولي وحوضي
اقول علشان ما ينامون عليي حزه الولاده بللللللللللوه هالشي بعد :(
انتي تقولين ان البيبي نزل راسه تحت من السابع عيل انا شقول بسم الله
ماشاء الله نزل الراس عندي من السادس يا سبحان الله تدرين وااااااايد
احسن على الاقل ظمنا الوضعيه الصحيحه والآمنه للولاده الطبيعيه. اللحين
انا انتظر دخول الراس للحوض لان هالشي معناته ان الولاده قربت ان شاء الله.
يا رب يا رب يا رب نزل للحوض ويطلع احساسي صحيح لان الثقل بزوووووووده
هالايام والضغط بعد على الحوض هذا غير دخولي المستمر للحمام الله يعزكم
كل خمس دقايق حمام :(
عموما.. موعدي عقب باجر مع الدكتوره وان شاء الله تبشرني وارتاح يا رب.
دعواتكم حبيباتي :)

مرموم هلا وغلا حبيبتي وابشري انشاء الله اول ما اولد ببشركم بإذن الله.

برايد توب حبيبتي اشلونج واشلون البيبي ما قلتي لنا بنت والله ولد؟؟؟ بالنسبة لسؤالج عن حاجات النفاس اعتقد ان المسميات تختلف عندج في مصر فايليت الاخوات من جمهورية مصر الحبيبة يفدونج او روحي للعطار وأساليه عن حاجات النفاس والي يناسبج اخذيه.

كمبوجا اشلونج زين طمنتينا عليج اخذي فيتامينات يقولون تسمن البيبي والله اعلم بس ما دام قالت لج الدكتورة انه وزنه زين لا تحاتين وهذا احسن علشان ما يتعبج في الولادة. بس قولي لي من عطتج الدكتورة موعد ولاده حسب التراساوند؟؟

ممممممممم هلا بيج حبيبتي زين دخلتي وطمنتينا عليج بس لا تنسين تبشرينا بولادتج ترى ننتظرج.

نور المدينة الحمدلله ان كل شيئ تمام بس انتي وين تراجعين اي مستشفى؟؟