اللي موعد ولادتها في أغسطس الجاى .. تعالوا ندردش سوا

هلا حبيباتي الحوامل

كيفكم إن شاء الله كلكم و البيبيات تمام

أنا بخير و الحمد لله

أنا بدخل التاسع بتاريخ 14 /7 وقالولي موعد الولاده 14 /8 بس حاسه إني ما بوصل و بولد قبل وزوجي يقول إني إذا ولدت بين هالتاريخين يعتبر المولود من الخدج ...صحيح يا بنات و لا لا؟؟

جاوبوني بليز

اهلا بك يا سندويشة

يعني ايه المولود من الخدج؟

عسولة
برايد
اتصلت في الدكتورة وقالت لي اروح على الساعة 6
ودعواتكم لي

برايد
خدج يعني اللي ينولد قبل وقتة

سندويشة
يارب الله يسهل عليج
وتولدين بالسلامة

3bm اشلونج حبيبتي يالله ننتطرج يوم السبت تطمنينا.

كميوجا عادي الحركة تكون يوم خفيفة يوم وايد مادام البيبي بخير لا تحاتين هذا الي اعرفه واذا رحتي للدكتورة طمنينا.

سندويشه حبيبتي انتي في تاريخ 14/7 ادخلين التاسع يعني اذا ولدتي في هذا اليوم معناته البيبي كامل انشاء الله لانج دخلتي التاسع المولود الخديج قبل دخولج التاسع.

كيف حالكم ويش اخباركم وحشتوني حيل
بس ويش اسوي ماني قادره مره تعبان حتى النت ماعد ادخله مثل قبل
وانا في التاسع وليه اسبوع والام في ظهري واسفل بطني وحركة البيبي قويه وخاصتن تحت عند المثانه مره تتعبني ومقدر امشي لمن احسها
بغيت استفسر يابنات لبيبي لمن يتحرك تحت مره حركته زي دقات القلب بس قويه الدرجه المنطقه الي تحت اشوفهاترتفع
افبالكم هذا طبيعي ......
والالم الي احس فيه هذا طلق ولاوشهو.......
ادعولي يابنات اني اولد بسلامه اناخايف ان الولاده تتعسر ماابي طلق صناعي ولاعمليه ابي اولد طبيعي
واملي برب العالمين كبير..........
انتظركم......

نورس الوجود الحركة ده عادي انا كدة من الشهر الثامن و فعلا بتكون قوية عند المثانة و بتكون زي نبضات القلب فده كلة عادي و الطلق دلوقت شئ عادي لانك في التاسع و ربنا يقومك بالسلامة

بحرينية عسل
حت الى الدكتورة ومن شافتني وشافت ويهي شلون صاير من التفكير والقلق
قامت تضحك معاي
تقول لي لو كل الحوامل قلقوا مثلج كتن الدكاترة صارو اغنياء من ورايهم
قلت لها مو بيدي
شافت الضغط إلا كان نازل من التفكير
سوت لي التراساوند وكان البيبي يتحرك
بس انا ما احس بالحركة
وشفت دقاات قلبية بعد
تقول لي هو بكيفة يوم يبي يتحرك بقوة ويوم يبي يرتاح ويعذبج
زوجي يقول لها دوووم تفكر وتحاتي تقول له اوكي يوم عن يوم هاتها المستشفى انا ما راح ارد ال10 دينار خخخخخخخخ يعني تضحك معانا
وبعدين زوجي طول الدرب وهو يقول لي شفتي ما في شي
كل شي اوكي لا تعبين قلبج وتحرقين دمج واعصابج

نورس الوجود
الله يسهل عليج
بس حاولي تشترين اغراض الى البيبي
ما بقى وقت بعد

نورس الوجود تقومي بالسلامة ان شاء الله

الله يسلمكم من كل شر يارب
وتسلمون على الرد

سندويشة

الطفل الخديج اللي يكون مولود قبل اوانه وما كمل

التسع شهور يعني من السابع ونازل.. ولااااااااا تخافين

اصلا انتي البيبي عندج الحين اكيييييييد كامل النمو ولو

ولدتي الحين بيطلع كاااامل وما فيه اي مشكله. حريم يولدون

من اول يوم من التاسع وما شاء الله اعيالهم بصحه وسلامه.

والله لو بيدي انجان ولدت الحين مع ان باقيلي خمسه ايام

وادخل التاسع بس بعد البيبي راح يكون كااااااامل.

مرت اخوي ما شاء الله عليها اعيالها الثلاثه ما كملت حملهم

اثنين منهم ولدتهم فى الثامن والاخير فى السابع تعااااااااالي

جوفيهم الحين ما شاء الله عليهم جنننن شاقين الارض وطالعين ههههههه.

اتمنى اكون طمنتج اختي :)



نورس الوجود

حركه البيبي طبيعيه وهذا اللي احسه انا بعد مع انج سابقتني باسبوعين.

الحركه صايره مثل نبض القلب بالضبط ونازله تحت صوب المثانه صححححح.

بالنسبه للالم فهو عااااااادي انا بعد يجيني الم ويروح احنا نسميه ريح استقبال

مدري شنو اتسمونه انتو منان اعتقد؟؟ يعني الرحم يقوم بتقلصات تدريبيه ليييين

ما يزيد ويحمى ويصير طلق صجي. لاااااا اتحاتين اختي وان شاء الله الله يسهل

ويهون عليج الولاده انشااااااااااء الله.



campoocha

ههههههههه يا حليلها دكتورتج باين عليها طيوووووووووبه وحبوبه وايد :)

اهم شي انج تطمنتي على البيبي بس انتي لا اتحاتين وايد وخلج مرتاحه دووووم.

عسووولة
اي دكتورتي فن خفيفة دم عدل
لما تكلمي يرتاح قلبي من طيبتها

شباب شخباركم وحشتوني اكيد راح اطمنكم اذا طلعت النتيجه

عسوله شخبارش اكيد مستانسه بدخلين التاسع قريب عقبالنا يارب

بحرينيه عسل الحين انتين اي شهر وصلتين

كمبوجا الحمد لله انشاء الله البيبي ما فيه شي بس انتين لا تحاتين وايد مو زين

برايدتوب اخبارك ايه مع البيبي وانتي بأي شهر دلوقت

رواء الأسلام الله يقومك بالسلامه يارب انتي والبيبي

سندويشه الله يقومك بالسلامه انتي والبيبي في وقته يارب

نورس الوجود الله يهون عليك الولاده وتقومين لنا بالسلامه ويا البيبي بدون عمليه ولا طلق صناعي يارب

الله يقومكم كلكم بالف سلامه ياحوامل ومعاكم اولادكم وتكونون كلكم بصحه وعافيه وتطمنونا عليكم يارب

3bm

ايه والله ما بغيت اوصل التاسع عاد يقولون

انه اطوووووووووووول واتعب شهرررررر

الله يهونه عليي يا رب ويردني بوقتي بالسلامه.

عسوووولة
مبروك عليج الشهر التاسع
يارب يعدي عليج مثل الطيف

نورس الوجود اشلونج حبيبتي يالله راح الكثير ما بقى الا القليل بس الحركة الي تحسينها احسها انا بعد انتي شنو فيج بنت على ما اظن لانه البنت هي الي تكون دايما تحت على حسب علمي وتجربتي الحالية.وطمنينا عليج اول بأول ننتظرج.

رواء السلام اشلونج حبيبتي انتي شنو فيج بنت والله ولد ومتى موعد ودلادتج.

كمبوجا الحمدلله طمنتينا عليج وعلى البيبي يعني نفس ما قلت لج هذا شيئ عادي والله صرت دكتورة ههههههههههه.

3bm اشلونج حبيبتي طمنينا عليج ننتظرج وننتظر الاخبار الحلوة. بالنسبة لي انا بكرة ادخل الثامن بس على حساب التراساوند الاسبوع الياي ادخل الثامن الله المسهل إنشاء الله.


يالله عسوله ما بقى لج شيى الله يهون عليج و قولينا عن تجهيزاتج حق الولادة اول بأول.

بنات عندي سؤالين انا الاول هو: انا الحين اصدق من؟؟!! فيني ولد والله بنت في الرابع بعد تدقيق قالت لي الدكتورة 70% بنت وبعدين في بداية الخامس بدون تدقيق قالت لي ولد وثالث مرة في نهاية السابع توني من جم يوم قالت لي الدكتورة بعد تدقيق بنت والدكاترة الثلاث مختلفات وانا محتارة وايد اصدق من؟؟ ثانيا بنات البحرين ياليت يدلوني محل يبيعون اشياء للتوزيع لاني سويت الستند وايد حلو بس الاشياء الي تتوزع لحين محتارة ياليت تساعدوني.

صباح الخير يا أحلى حوامل الله يقومنا كلنا بالسلامه و يرزقنا الذريه الصالحه آمين

برايد عزيزتي ...مثل ما قالت كمبوجا يعني إللي ينولد قبل وقته

كمبوجا مشكوره حبيبتي و إن شاء الله إنتي كمان يا رب

بحرينيه عسل مشكوره حبيبتي علرد و أنا كمان فهمت كذا بس زوجي مصر على إنه قرأ هذي المعلومه في إحدى المواقع العالميه و الموثوق بها ..يالله الله كريم و المهم يسهل علينا يا رب و يرزقنا الذريه الطيبه الصالحه آمين

بحرينية عسل
لاريسا في بداية شارع بو كوارة عندة توزيعات حلويييين

مشكورة كمبوجا بس لاريسا ما اقدر اخذ منهم الاشياء واخذها لمكان ثاني يرتبونهم لي لانه انا مسوية الستند في مكان وابي اشتري التوزيعات واخذهم لهم هم ينسقونهم.