اغراض عرسي"زهبتيه " يا بنات الامارات

مشكووورات الغاليت ,,,,

علايـــــه
مشكووره فديتج ,, احتفظت باللي طرشتيه ,,,, وبالنسبه لمركز بوهيل جد فصلت عنهم وفي كذا محل ,, كنت ادخل وافصلي في كل محل طقم ولا طقميين ,,,, فصلت في اكثر من مكان ومنهن كان البسطي وجاكارد,,
وبعد انا اقولج تفيلهم :up::up: ما عليه كلام كنت لابسه من عندهم عيد الفطر ,, ويحلفن بنات عمتيه وخالتيه مش مصدقات انه من مركز ابو الهيل ,, تقول نحن اللي نعرفه انه شغلهم ما اول ,, وهذاك اليوم سايره دبي اسوي ليزر ,,,, وبالصدفه قلت حق ختيه قومي بنسير نتفرج الفرجه ببلاش,,,

بس صدقيني لين اليوم شي 4 منهن ما لبستهن ,, ولبستثلالثه بس ,, لانه اشكالهن فخمه ,, وانا ما اسير مكان عند حد عشان يشوفهن ,,, لاني يالسه في البيت ,,, واذا طلعت بسير السوق وتعرفين سيرات السوق يبالهن عباه ساده ,,, ماحب الصرقعه في هذي الاماكن ,, احس شكلي غلط ,,,

وبالنسبه للخريطه مشكوره ,, سجلت المعلومات اللي كاتبتنهن هناك ,,

اختي الخرشة ,,,,

انا جد فصلت قبل بهذي الطريقه وعد كنت ما خذتنهن من مركز اللولو ,, ما اضن اني اقدر افصل اكثر لانه جد شايفينه عليه ,,,اذا ممكن اسوي ستايل هندي بس بطريق ثانيه بقطع انا بركبهن ,, انا احب هذي السوالف ,, البارحه طرا في بالي موديل ,,:cool2::cool2:

واليوم بسير عند المصمم وبقوله فكرتيه في الفستان وبشوف كم يحتاي قطع لانه عندي القطعه وبركب عليها حركات ,, وانا مزاجيه شوي ,, بسوي كل شي على هدوء .....

وبالنسبه لاقمصة النوم القطن ما قلتلي اماكن ثانيه ممكن افصل فيها ,,,

واريد اعرف اماكن ممكن افصل فيهن فساتين ناعمه او تنانير ,,يعني خيايط يصممون ,, انااعرف خياط كشمير لكنه ساعات يبلغ شوي ,, واذا اي وحده تعرف بليز تخبرني :up::up::up:

:shy: مـاأقوووول الا الله يوووفقج .. ويسهل دربج .. :cool2:

اختي BINT_LIWA
جزاج الله خير على المعلومات والله يسعدج يارب ويتمم لج على خير

انا سمعت عن محل الحرمين انة يسوي ملابس نوم حق الي بعد الولادة
يعني عندة موديلات حلوة

واختي بغيت اسالج وين تسوين ليزر وحق شو للوجة ولا للشعر

اتمني تخبرينا علشان نستفيد من برنامج العناية

والسموحة

مشكوره اختي reme_reme

انا اسوي ليزر من سنة 1999 للوجه ,, ونتايجه معايه :up::up::up:

كنت اشتكي من كثرة الشعر في الوجه وانا طبيعة بشرتي بيضا وشعر اسود وكان مبين وكنت اشله بين مده وايد قصيره تقريبا من اسبوعين لين ثلاث :shy::shy:

وبعدين قمت اشله بالليزر ,, والحمدالله في البدايه كنت اشله بين كل ثلاث شهور الحين كل ست شهور مره ,,, ويدووب يطلع ,,,
وشليت في مناطق كانت في جسمي ,, والحينه ما يطلع فيها منهن كان في صدري شليته ثلالث مرات بس وخلاااص ,,, من 4 سنوات الحينه ما شليته ولا طلع :up::up::up:

في مركز كان في ابوظبي بعدين نقل دبي ,, اسمه ليسبري للتجميل ,,,

واي خدمه فالج طيب الغاليه :smile::smile::smile:

اختي BINT_LIWA
جزاج الله خير حبيبتي والله يسعدج يارب ويتمم عليج فرحج

اختي كل ما تسوين شيء خبرينا علشان نسوي في المستقبل ان شاء الله يوم الله يكتب نصيب

عاد عقب انا متاكدة انج ما بتقصرين معاية وبتعطيني من خبرج :smile:

اختي عندي سؤال بعد فستان العرس عند اي مصمم بتسوينة
يمكن ااجرة منج مستقبلا

الي يقول جاني الحينة مخطوبة
لا بس حبيت اعرف

اذا ما سويتي بعدج في مصمم اسمة نيكولاس جبران وايد حلو سوي عندة
:up:

اختي عندي سؤال عن كريم هو يحطونة على الجسم يوحد اللون وفية لمعة ذهبية وشوي يعطي لون على برونزاج

بعد يحطون منه العارضات في ريولهم
واللبنانيات
عرفتية ؟؟؟هو هاء

اشوف البنات في الاعراس حاطين منه ....تعرفين شو اسمه او وين احصله ؟؟؟

اختي سالت عن ليسبري للتجميل في البداله علشان اخذ رقمهم قالولي ما عندهم ها الاسم وعطوني واحد ثاني بس يرن ومحد يشيله
اختي ممكن تعطيبني مكانهم ورقمهم
اسمحيلي تعبتج معاية
لاني حابة اسير اسوي عندهم ليزر حق ويهي ؟
هذا الي عطوني اياة في البداله
Lesprit Beaute

والسموحة ادري تعبتج معاية ومصخيتها وايد




ومشكورة حبي:shy:

مرحبا الغالية بنت ليوا

شو الاخبار وياج للحين ؟ يارب امورج كلها تمام :smile:

بغيت اسألج عن Lesprite Beauty

هم اللي موجودين في فيلا في جميرا ، ورا مركز الشاطيء صح ؟

ليزرهم زين ؟

ابا اجرب عندهم لأن بنت عمي تمدح علاجات البشره اللي عندهم ، و بالذات التنظيف ( Facial )

و أنا أبا اسوي سمكرة كاملة عندهم :D2

يا ليت تخبرينا أكثر عن ليزرهم ؟ و كيف طريقتهم و اسعارهم ؟

و شو جربتي بعد عندهم ؟

و مشكورة مقدما ً حبيبتي

:flower:

اختي الغاليه علايـــــه


* شو الاخبار وياج للحين ؟ يارب امورج كلها تمام
الحمدالله اخباري تسرج الغاليه ...



* هم اللي موجودين في فيلا في جميرا ، ورا مركز الشاطيء صح ؟
هيه هوه الغاليه ...


* ليزرهم زين ؟ هيه ليزرهم زين ,,, لاني انا من النوع العياز شزي لو شفت ليزرهم مب زين والله ما تعنا لين دبي عشانهم ,, يعني انا مرتاحه معاهم ,,,:shy::shy:



* يا ليت تخبرينا أكثر عن ليزرهم ؟ و كيف طريقتهم و اسعارهم ؟ليزرهم ,, العادي مش الضوئي وهذا اعتبره الاحسن لانه عندي ختيه مجربه الضوئي ما نفع معاها ,,, واذا انتي من ابوظبي بدلج على مكان هنيه ,, اما اذا انتي من دبي فسيري صوبهم ,,,

واسعارهم الغاليه ,, انا اول ما بديت اشل ويهي كامل كان 1500 ما ادري اذا 1200 الحينه ادفع 600 اعتقد ,,,, لانه كل ثلاث جلسات يسون خصم ,,,


* و شو جربتي بعد عندهم ؟
بعد انا جربت تنظيف البشره عندهم ورووووعه يجنن بس انا اللي كانت تويلي سافرت يعني ما تشتغل الحينه عندهم ,,,



هذا كل شي واي خدمه تبينها الغاليه فالج طيب ومن عيوني :smile::smile:

واليوم بسير عند المصمم وبقوله فكرتيه في الفستان وبشوف كم يحتاي قطع لانه عندي القطعه وبركب عليها حركات ,, وانا مزاجيه شوي ,, بسوي كل شي على هدوء .....

وبالنسبه لاقمصة النوم القطن ما قلتلي اماكن ثانيه ممكن افصل فيها ,,,

واريد اعرف اماكن ممكن افصل فيهن فساتين ناعمه او تنانير ,,يعني خيايط يصممون ,, انااعرف خياط كشمير لكنه ساعات يبلغ شوي ,, واذا اي وحده تعرف بليز تخبرني


مرحبا الساع

شحالج اختيه بنت ليوا

أقمصة نوم و الله أخير تشترينهم

إذا كنتي تبين اتفصلين بيجامات عندج السطوة شي محلات اتبيع قطن للبيت وايد فنان للبجامات و ملابس البيت

عنده القطن الأندونيسي زين لملابس النوم و اتسوينهن بجامات للنوم
جان شفتي القطن لي يسون منهن المستشفيات ملابس للمرضى
عنده نفس الشي تقريبا لا يشف و واقف و ما يتجسف بسرعه و فيه لمعه شويه يمكن يقول لج الوار ب10 لأنه كان بيقص عليه لو إني مب ماخذه منه قبل
قلت له لا جد ماخذه من عندك ب5 بيعطيج بهالسعر

و بعد بتلقين عنده قطع جنز غاوية شوفي يمكن يعيبج شي تبين حق التنانير

دليت رباعتي في الدوام حرام أحين كله يشترون من عنده جنزات و القطع القطن

شوفي انتي سيري عنده

اسم المحل (طاهر) عدال ريجال



و ان شاء الله يعيبج انتي بعد


و ان بغيتي شي ترانيه في الشوف لا يردج إلا لسانج


أختج


الخرشة

مرحبا رديت لكم مره ثانية

قريت المشاركات لي فوق و فهمت انكم تتنشدون عن الليزر



بغيت اخبركم شي

ترا الليزر يفرق عن الإضائة

الليزر يسير في خطوط مستقيمة لين يوصل الجهة المراده
أما الإضاءة فتشع بطريق عشوائية غير مستقيمة (متعرجة) لين توصل الجهة المراده

يعني باختصار الليزر اقوى من الإضاءة

في منهم يكون إضاءة لكنهم يقولون لج لا هاي ليزر عشان يضربون عليج بالسعر

و الليزر يكون بشكل جرعات تناسب لون البشرة

يعني مثلا البشرة البيضة ممكن تتقبل الليزر
و البشرة الحنطية تتقبل بشكل أقل و البشرة الغامقة تحترق بالليزر

لكن لو اتي البشرة البيضاء للشمس ممكن تحترق لكن في الليزر أفضل و العكس بالنسبة للبشرة الغامقة

و متانة الشعرة أيضا لها دور كبييييييييير في كمية تسليط الليزر
عندج أنا الدكتور ما يقدر يعطيني جرعات كبيرة في الليزر لأني حنطية و شعر ويهي خفيف مثل الزغب اتحسينه فما يقدر يزيد لي الجرعه لسببين لون البشرة + سمك الشعرة

الدكتور لي اتعالج عنده ما شاء الله عليه يشرح لج كل شي و اذا ما كنتي محتاجه الليزر لو يايتنه متعنية من بوظبي بيردج بيقول لج انتي مالج حاية بالليزر


و لي يبا يسأل عن الدكتور و يروح له بخبرني بعطيه اسمه و رقمه و موقعه


و هو بنفسه يشرح لج كل شي بالتفصيل يخليج على علم باللي تسوينه مب شرات الصالونات يقصون عليج وكل مره يلعبون عليج

و اسعارهم اوكيه انا ياخذون عني 700 تقريبا و كل بين كل جلسة و الثانية حوالي 6 أسابيع و بعد 5 جلسات يكون لج جلستين مجانيات

و على فكرة انا هاي ثالث مكان اسوي عنده و الحمد لله اشوفهم اوكيه بديت اتقبل العلاج و مستفيده واااااااايد منهم



اذا تبون اي معلومات راسلوني عالخاص و فااااااالكم طيب


أختكم


الخرشة

الغالية بنت ليوا

مشكورة فديتج و ما قصرتي

بصراحة اسعارهم وايد مناسبة (600 درهم) ، بالذات على نتيجة الليزر معاج ..

يزاج الله خير اختي ، الله يوفقج دنيا و اخر قولي امين ..

:smile:

:flower:

--

اختي الخرشة ، مشكورة عالمعلومات فديتج .. ما قصرتي ..

يزاج الله خير و يعطيج العافية ..

:smile:

:flower:

الخرشة
فديت رمسج الغاليه مليون بالميه صح :up::up: ,,,,, فعلا خواتي الغاليات معلوماتها صح ,, ومشكوره على هذي المعلومات



علايـــــه

العفو الغاليه ,,,,,,

خواتي الغاليت انا قالتلكم اني سرت عند وحده للبشره ,, بس كان لردها عليه فض مش حلو وكان اسلوبها جدا مش راقي ,,,

كانت واصفتلي المكان وحده من البنات , و اسم المركز كوسميراج ,, المهم نعتتني عند وحده وقالتلي اسمها ,, المهم سرتلها وشرحت الموضوع عن الليزر وانا قلت اني اريد اسوي تقشير على الشتا احسن من بعدين لانه الجو الحين يساعد ,,, مافيه شمس وايد ....
واني اريد بشرتيه لون واحد ......


اول شي شرحت الموضوع وتكلمت ,, كنت انتضرها تشرحلي ,, قالتلي طبعا بالانجليزي ,, يالله قولي شوه عندج ,, شرحتلها الموضوع ,,

اول شي شفتهى تحرك راسها كانها تقلي لا ,, قالت اول شي عيونج مستحيل يخف الاسوداد فيهم ,, وللعلم انا ما كلمتها عن عيوني كنت اشرح منهاطق ثانيه اللي هيه اماكن شعر اصلا ,,, قالتلها انا ما اسال عن الهالات السودا ,,اسال عن المناطق الثانيه ,, قالت بعد انا ما اضمن لج بس انا بعطيج كريم واستخدميه اسبوعين وبعدين ارجعيلي ,, وكنت انتضر الشرح الباقي ,, ستويت غلسه ,, قالتلها انا اريد الشرح كامل مع الاسعار ,,, قالت ولا شي بس ارجعي وبنسوي جلسات كرستال ,, وخلاص ,,, وبتسير بشرج افتح ,, هذا كل شي ,, انا استغربت :eek2::eek2:

قلت هذي شوه فيها ,, سالتها الطريقه ,, وشوه ممكن يسوي الكريم معايه ,,بيقشر ,, واذا بغيت اسوي ليزر ,, ممكن يحرقني ,,حسيت كله بسرعه بسرعه ,,

ما عيبني , وسوتلي احباط ,, للعلم انا ما اشتكي من الحبوب بس فيه بعض العلمات الحبوب اللي تطلع للدوره ,, يتم بعض الاحيان اثار , وقالتي عن الهالات السودا سوتلي احباط ,, وعن النطقه شوي اسمر عن بشرتيه من الشعر ,, وانا قلتلكم انه البشره بيضا ,,,((كاني قلتها ميت مره:cool2:))


المهم بنات انا بطلب طلب بليييز اللي تعرف مكان ومتاكده مني والمعامله تكون حلوه ,, تخبرني وتوصفلي المكان ويكون في ابوظبي
انا نسيت منوه اللي خبرني عن هذا المكان ,, بس ابا اتاكد منم الحرمه اللي عطتني اسمها هل هيه نفسها ولا لأ ,, لانه هذي مستحيل الواحد يتفاهم معاها ,, اسلوبها وصخ ,, وينفر اسمحولي على هذا الاسلوب والكلام بس هذا اللي صار معايه ,,, بليييييييييييز بنات ساعدوووني

مبروك مقدما انصحج اذا تبين عطور عربية تسيرين عند ( ملك العود )) في الغرير عندهم اشياء وايد حلو من عطر ودخون وكذلك عند ياس للعطور اعتقد في ابوظبي :smile::smile:

ام ابراهيم

مشكوره اختي ,,, وانشالله انا سمعت انه الياس عنده عطوره تجنن ,,, وفيه عود معطر بعد ,, واما كنت مجربتنه يايني هديه من وحده من ربيعاتي ,,


:up::up::up:


اتريا البنات يردون عليه عشان المركز وين ينصحوني

السلام عليكم

شحالج بنت ليوا

فديت منطوقج الغالية

تسلمين و هذا قليل من لي خبرني اياه الدكتور

صح الشعر ما يروح بالمره بس اهمه انه يخف عن الويه



و الدكتور لي اسير عنده خبروني انه يسوي تقشير
ب300 و يمدحونه بعد

بس لازم يكون فرق الليزر عن التقشير حوالي اسبوعين

و لا اتسيرين اتسوين اي شي قبل ما انتي ترتاحين للمعاملة و الشغل

سيري اول مره بس للمعاينة و بعدها سوي ياللي تبغيينه بعد ما اتحسين بالراحة



الصراحة كوزمسبرج ما ادري شو اسمه احسهم استغلالية
اتعرفين انه صاحبه و صاحب مستشفى الامارات التشخيصي لي حذاه تبع نفس الشخص

و امزطه

امسات كنا امسوين حق الصغيرونه عملية عندهم قبل العملية اونهم ادفعوا كامل المبلغ ولا ما بتسوون العملية

الواحد في البداية همه العلاج و العملية لاحقين عالخردة عنبو عيال البلاد انحن مب شاردين

و مستشفى ويلكير عادي بعد اتخلصين و انتي ظاهرة تدفعين كل ياللي عليج و حافظنج الرحمن

مب هاييل


لا و ازيدج من الشعر بيت

هم على اساس اختي بتبات و الوالده وياها
يقول لج مره من استوى المسا اختيه عزرت اترد البيت و رديناها لأنه الصياح مب زين الها

اتخيلي المفروض يردون باقي المبلغ لأنه على اساس حجزنا للمبيت و لا ردوهن و لمن اتنشدناهم ثاني يوم عشان المراجعه قالوا هيه نسينا اون نعطيكم


احسهم ماديين مب صادقين في شغلهم


الله يكون بالعوون


و بالتوفيق للجميع ياربي


أختج

الخرشة

انزين فديتج اختي الخرشه <<<<< يا ربي الاسم ما يركب ,, الا انتي اللي عاقل

اريد رقمهم فديتج ,,, طرشيلي اياه وانا كنت مطرشه لج على الخاص طلب اتريا الرد منج ...

وصلج ردي؟؟


لأني طرشت لج الرد اول مره و بعدين شفت الرد عالمشاركة انج تترين ردي


اختج


الخرشة

:smile:

هلا إخت دلوعة أنا بعد عرسي عقب 5 شهور و أتمنى إنج اطرشيلي اسم محل قطع التنانير اللي في دبي و أي شارع و إذا سمحتي طرشيلي من تصميماتج...لإني متلعوزة مب عارفة شو أفصل
او حتى بالعين

كاتب الرسالة الأصلية : sensetive
اختي دلووووعه...

اكون شاكره لو طرشتيلي رقم راعيـت المحل لي تفصل مغربيات في المغرب..
و الويـب سايت مال فيكتوريا سكريـت.. عشان اروم اسوي اوردر..
و اريــد اعرف ويـن انا وطفي.. بصراحه ماجد سمعتبه.. انا من دبي..
و بليــــــز بليـــز بليـــز.. طرشيلي رقم الحرمه لي تعدل حجر العرسان.. طبعاً عالخاص...

و بكون في انتظارج.. تسلميــن : )