اغراض عرسي"زهبتيه " يا بنات الامارات

السلام عليكم و رحمة الله و بركاته



إشحالج حبيبتي؟؟؟؟؟؟؟



اولا مبروك على الخطبة و يعله عرس مبارك و يعلج تتهنين مع ريلج إن شاء الله ياربي



حبيبتي بخصوص المغربي ..زنصيحة لا تفصلين في بوظبي و لا دبي فصلي في المغرب...................لانه ارخص و أوفر و موديلاتهم يديدة فرش...وبدال ماتسوين 10 مغربيات يكلفنج 20.000 او 25.000 اتسوينهن في المغرب ومابيكلفج أكثر عن 12.000 او 10.000 او يمكن أقل...........و انا اعرف رقم و حدة مغربية شغلها رهيييييييييب و قطعها اتيبهم من فرنسا و انا اضمنها لج............إذا تبين رقمها خبريني.........






والعطور و الدخون لا تعتمدين على مكان واحد خذي من أكثر من مكان انا الحينه وقتي ضيق إذا بغيتي خبريني عالخاص و انا بنزلج اسامي العطورات و المحلات................



وقمصان النوم...............شوفي سويلج طقمين قمصان النوم مع المفارش عن انا و طفلي..................بس حق ليلة الدخله سوي شي فخم عندها و كاسريها على قد ما تقدرين في الأسعار...................و خليها اتسويلج قميص النوم مع المفرش بس مثل ما قلت لج مفرش عروس ابيض و أكيد فخم.................


والباجي خذيهن من فيكتوريا سيكرت يعني اون لاين......وانا عندي مواقع قمصان نوم بطرشلج اياهن



وحق ليلة الدخلة انا أعرف وحدة اترتب غرف نوم العرسان و الحمام و اتخلي الحجرة رهيييييييييييييييبه والله و نصيحتي انج اجربين اتسوين عندها و الله انج ما بتخسرين و بتدعيلي و ريلج بيقول صدق انا خذت وحده لا يعلى على ذوقها............



ونفس الحرمة........اترتب لج زهبتج......اقصد المكسار..................



إذا تبين رقمها خبريني على الخاص بعد..........


وطبعا إذا تبين أقمشة عندج عبد الله حسين خنجي ( شيفونات ,,,حراير,,,,دانتيلات,,,,جبيرات,,,,فايات,,,,,,)
بس إذا تبين قطع حق التنانير انا اعرف محل في دبي عنده قطع تنانير رهيبه و الله اللي يشوف القطع عليه يتخبل عليهن............زو اسعارهن الصراحة ببلاش........زوعنهم كل الألوان اللي تتخيلينه و اللي ما تتخيلينه............انا عن نفسي مشتريه كل الالوان....ولا تستهينين بالسعر البسيط جيمة القطهة لانها القطعه رهيبة.............زو إذا تبين موديلات تنانير انا اصمم و عيوني لج يا عروستنا بصمملج تنانير حلوة لان انا احب اتفنن بموديلات التنانير.............



و عندج العيسائي.......زبس العيسائي سيري اللي في السعودية لانه واااااااااااااااااااااااااايد أرخص عن بوظبي.....................



أما بخصوص الفساتين..............زعندج دونا مودا........وخبريني لان اختي يعطونها اسعار وايد حلوة..............وعندج كوكون...............وعندج البوشي......................



العبي..........ززعندج غواني اللي في دبي......بس كاسريه في الأسعار عدل.........



قمصانج.............وشنطج الماركات ................انا انصحج ابوتيك شانيل في وافي.....وديور............وكاكس فايف افينيو في برجمان..........


ولا تنسين تاخذين لج طقم شنط سفر راقيه يعني عشان إذا بغيتوا اتسافرون وانا انصحج اتروحين بوتيك لوي فيتون...........او فندي.....زيعني شنطة الايد....مع شنطة الملابس الكبيرة............و شنطة السحب الصغيرة يكونن طقم.............



و إذا تبين اي شي انا حااااااااااااااااااااااااضرة...........

دلــوعه,,,,,,,,,,,,,,,

:clap::clap::clap: مشكووره فديتج ,,,,,,,,,,,,,,,, بسرعه لحقيني بالارقام ,, مالت المغربي ,,,

والحرمه اللي ترتب ,,
بالنسبه لانا وطفلي انا فكرت فيها بعد :smile:
لا تخافين انا ما يهمني السعر اذا كان رخيص وزين بشتريه ,, ادري انه مش كل شي غالي ينخذ بس ,,

وابا اللي ترتب الزهبه والاغراض , :cool2::cool2: انتي فاهمتني عدل ما شالله عليكن كل وحده تفحمني باللي تكتبه لحقيني بالارقام الله يخليج ,,,,

وبالنسبه لمحلات الشنط السفر وين وبشوه تنصحيني ,, انا كنت بسير المحلات الكبرى وبشوف عندم من الراقيات ....

وابا اللي قلتي عنهن ابا نعول وشنط ماركات خبريني اكثر لاني باخذلي تقريبا ثلالث او اربع ما ركات وللسهره :up:

يزاج الله خيــر ختيــه على طرحج لهالموضوع.. أنا عن عمري استفدت منكن يا بنات .. ربي يعطيــكن العافيـه..

و ألف مبروك ياختيــه راعيــت ليوا.. ربي يسعدج انشالله...

طلبيــه من الدلوعه.. اذا مافيــها كلافه.. ممكن اطرشيــلي ارقام و عناويــن المحلات.. و الحريــم لي يصممن و يرتبن الزهبه.. للمكسار...
و راعيت المغربي لي فالمغرب.. و السايت مال فيكتوريا سيكرت..

و اسمحيــلي مره ثانيــه.. بس انا في حايتهن : )

السلام عليكم
اول شي ارتحتي من قيمة فستان العرس هم وانزاح
انا عرسي بعد شهر بالظبط من اليوم وتقريبا خلصت كل شي في شهر ونص
بدية اجهز من نص رمضان واللحين بس اللقط
انا من بوظبي وجهزت كل شي من بوظبي ماطلعت من بوظبي
الشيل والعبي من ماي فير ليدي
المغربي من اطلس و محل مراكش شغلهم ماعليه كلام
قمصان نوم لقط من ديكامب ولابيرلا والركن الهادي ومن ومن سكرت
نعال من ناين وست وميلانو القلاليب عشر قلاليب فصوص وترتر وطبعه وخرز ....الخ في خياط ورا بيتنا فنان
فساتين عند افان غارد في بوظبي وشتريت ثنين جاهزات
والشنط من محل في المارينا موول ماعرف شو اسمه مقابل اوكايدي
شو بقالي غير العطور والميك اب
والكوشه من عند فانتازيا والتصوير عند العسه الذهبيه يمدحون فوتغرافيا بس انا ماريد اخاطر واذا عرسج بعد ست شهور بتلوع جبدج من الاغراض اذا خذتيهم من اللحين ووووووووووووووبس

اختي دلووووعه...

اكون شاكره لو طرشتيلي رقم راعيـت المحل لي تفصل مغربيات في المغرب..
و الويـب سايت مال فيكتوريا سكريـت.. عشان اروم اسوي اوردر..
و اريــد اعرف ويـن انا وطفي.. بصراحه ماجد سمعتبه.. انا من دبي..
و بليــــــز بليـــز بليـــز.. طرشيلي رقم الحرمه لي تعدل حجر العرسان.. طبعاً عالخاص...

و بكون في انتظارج.. تسلميــن : )

بنت ليوا اذا تبين علاج للشعر عليج بحمام النخاع وخليهم يزيدون الثوم عشان يطول الشعر وتبان النتيجه في ثلاث شهور واذا تبين وحده سودانيه تفرك تخلي جسمج ابيض وناعم قوليلي اتيج لين البيت وشغلها مضمووون:clap:

مرحبا

الغاليه بنت ليوا المكان في وافي مول :clap::clap::clap::clap::clap:

توتي فروتي
وين ممكن الاقي الصالون اللي يسويلي هذي الخلطه ,,,,,

chocolate_cake
اذا الصالون في وافي صعب عليه ,, لاني انا اريد شي في ابوظبي ,, عشان اكون مستمره في العلاج معاهم:down: ,,


الله يخليكم بنات لا تحلاموني المساعده ,,,,,,,,,,,,,,,,,,,,,



يالله وينكم يا بنات المندى ؟؟؟؟؟؟؟؟؟؟؟؟؟؟؟؟؟؟؟؟:down::down:

بالنسبه ليه سرت اشوف مثل اقولكم المحلات القطع ,,,,, ويتني وحده اليوم في البيت تبيع اقمصة نوم وبيجامات مثل اللي عند BHS خذت من عندها كمن واحد من اقمصة النوم لانه مش كل شي عيبني .. وبعدين حسيت ماركتهن من العاديات ما حبيت اغامر ,, قالت بيبلج غيرهن ,,,, انا قلت بدور وبشوف غير وبعدين بردلها لانه هيه موجوده موجوده ,,,,,,,,,,,,


انا قلتلكم شوه سويت هذا الاسبوع وكل ما با سوي شي يدييد بقولكم ,,,,,,,,,,:smile:


بالنسبه للشعر وحده نصحتني بصالون روز وقالتلي انه علاجهم حلو بس انا ما اعرف ودي انه كل وحده تكون مجربه مكان تخبرني .:up:


يالله بنات لا تحرموني اي مساعده الله يخليكم ,,,,انا في انتظاركم

اختي انتي بروحج في البيت حطي على شعرج مدة ساعة يوم زيت الخردل ويوم زيت جوز الهند وكل يوم جية
وعقب ما تغسلينة من الدهان حطي له حمام زيت من كريم كاب بالثوم خلية خمس دقايق على شعر الين تغسلين جسمج وعقب اغسلية بالماي استمري على هاي الطريقة
وان شاء الله يوم عرسج بيكون شعرج من ارروع ما يكون

وانصحج اختي بان تقرين كل يوم سورة البقرة صدقيني واااااااااااايد زينة
بتحفضج من كل عين وبتباركلج في كل شيء وغيرها وغيرها اشياء بتشوفينها في عينج يوم بتقرينها
بس كل يوم اقريها
ويارب الله يسعدج بقدر جلال وجهة وعظيم سلطانة وينولج كل الي تتمنينة
يارب
اختي ادعيلي لاني محتاجة للدعاء
يارب
والسموحة

اختي انتي بروحج في البيت حطي على شعرج مدة ساعة يوم زيت الخردل ويوم زيت جوز الهند وكل يوم جية وحطي علية الطاقية النايلون


وعقب ما تغسلينة من الدهان حطي له حمام زيت من كريم كاب بالثوم خلية خمس دقايق على شعر الين تغسلين جسمج وعقب اغسلية بالماي استمري على هاي الطريقة


وان شاء الله يوم عرسج بيكون شعرج من ارروع ما يكون:up:

وانصحج اختي بان تقرين كل يوم سورة البقرة صدقيني واااااااااااايد زينة
بتحفضج من كل عين وبتباركلج في كل شيء وغيرها وغيرها اشياء بتشوفينها في عينج يوم بتقرينها
بس كل يوم اقريها
ويارب الله يسعدج بقدر جلال وجهة وعظيم سلطانة وينولج كل الي تتمنينة
يارب
اختي ادعيلي لاني محتاجة للدعاء
يارب
والسموحة

:smile:

بنت ليوا..ألف مبروك و عسى الله يسعدج في حياتج


قريت الموضوع كامل...و البنات ما قصرن...ما خلن شي ما قالنه....

أنا مش معرسه...بس من النوع اللي وايد أهتم بالبشره

شوفي لو بغيتي بشرتج تطلع أحلى ما يكون فيوم عرسج ..سيري عند كوزمسيرج (اللي في الكرامه)...و سوي موعد مع اخصائيه البشره كوكو....و هيه بتسويلج جلسات و بتطلع بشرتج مثل بشره اليهال من حلاتها.....أنا الصراحه ما سويت عندها(بسوي بس بعدين) بس إختي و أم ربيعتي سون و شفت النتيجه عليهن


وإذا نويتي تصبغين شعرج عند وحده اسمها سيده في صالون دولا

فنااااااااااااااااااااااااااااااااااااااانه

ولا تنسين تاخذين المسك مال عبد الصمد القرشي...هذا رووووووووووووعه


إذا بغيتي تسوين حمام مغربي قوليلي في الخاص...لني أحس حرام أقوله هنيه

المنيكير و البديكير في صالون نيلز اللي في المهيري سنتر ....أروع ما يكون.....و يبيعون صبغ أضافر وااااايد حلو عندهم و رخيص ب 30 درهم تقريبا

و فيه حركه حلوه يستانس عليها ريلج.....خذيلج عطر عربي لملابس رجاليه...بتلاقينها عند الحريم اللي متفننات في هل سوالف....مثل أم عوض ولا جسيكا.....عطري فيها ثياب نومه

أتمنى إني أفدتج بشي

هلا إخت دلوعة أنا بعد عرسي عقب 3 شهور و أتمنى إنج اطرشيلي اسم محل قطع التنانير اللي في دبي و أي شارع و إذا سمحتي طرشيلي من تصميماتج...لإني متلعوزة مب عارفة شو أفصل

مشكورة و جزاج الله خير

اسم الصالون اللي يسون فيه حمام النخاع
صالون الهدى في بوظبي

هلا باختي بنت ليوا

اول شيء اقولج الف الف مبروك مقدما على الزواج

وعسى الله يوفقج وييسرلج امرج ويرزقج بالذرية الصالحة

ماشاء الله الاخوات ما قصرن

بس بغيت اخبرج بالنسبة لقمصان النوم نصيحتي لج لا تاخذين من الغالي لانه حرام بتلبسينهن ثواني وبتعقينهن :o
وانتي وبراحتج ياليت لو تسيرين سوق الشارجة الجديم عندهم اشياء روووووووعة وتخبل بعد وبنفس الوقت ارخيصة وعملية بعد
وانصحج بعد اتسيرين سو ق المنال وياكثرهن محلات قمصان النوم بس ما عليج غير اتسيرين وتتنقيين


اسمحيلي الحينه
ولي عودة مرة ثانية

صدق يا بنات مب عارفه كيف اشكركم :clap::clap::clap:


مشكورات على المعلومات ,,,,,,,,,,,,ملاك_بـوظبي
انا خذت رقمهم واانشالله بكلمهم باجر وبحجز عنهم انشالله:up: ,,,,

BnoOoTaH,,,
ماشالله دلوعه بتنفعج واايد :clap::clap::clap: انا مب عارفه كيف اشكرها

توتي فروتي
خذت رقمهم من البداله ,, وبكلمهم باجر بعد ..:smile:

الصديج الوفي
انا مثل ما قلت ماباخذ وايد غلي ,, يعني باخذ المعقول انشالله :smile:

وانا ابتديت باهتمام في الجسم والبشره والشعر من الحين ,,,, والباقي ياي انشالله :up::shy:

مرحبا

هالمسكات شفتهم في موقع وقلة لازم انزلهم لج :smile::smile::smile:

chocolate_cake
تسلميين الغاليه وانا مقرره اسوي لون الحركات اللي في الخيمه قريب من هذا اللون المسكه وبسوي الكوشه بعد من نفس اللون والورد ,,, بس المسكه اباها حركه غريبه وانا قالولي انه الوها اللي على الكورنيش اعتقد يسوي حركات عجيبه في المسكات ,,,,,,,,

اسمحيلي ما طاعت تنزل بس اقصد الاخيره اللي فيها اللون الوردي :pain:

مبروك اخته بنت ليوا

و عقبالنا باجي البنات و انا منهن ان شاء الله هههههههه


المهم حبوبة اهم شي بيزاتج لا تلعبين فيها 100 الف لا تخرينها على خربطان لبس انتي ما تدرين يمكن اتفصلين بالهبل و بعد ما اتعرسين افرضي حملتي هذا كله بيروح

فصلي لج بحد المعقول

خصوصا الملابس المخاوريه و التنانير

اذا اتشريتي و سويتي من الحين شو بتسوين بعدين كله بحر جان حملتي ان شاء الله و اذا سافرتي شهر العسل اكيد بتشترين ليش اتعبلين روحج


سوي لج مخاوير و مغربيات جان كثر 15 عندج فريج المرر في دبي بالهبل مخاوريه منهم (بو سالم هذا فصلي عنده و انتي امغمضه ما شاء الله مب بس شيوخ دبي عنده حتى شيوخ قطر...لا يخرب و لا شي بتخلين قطعج في ايدي امينة و اسعاره لو شوي مرتفعه بس و الله حلال فيها لا يخرب و لا شي..و جان تبين رقمه بطرش لج اياه عالخاص و ان بغيتي مخطط لفريج المرر بخطه لج تامرين فديتج)

المغربيات وايد هناك عندج فيلادلفيا يعني اشياء بسيطه و في كم محل بتأكد لج من أساميهن و بعطيج اياهن

على فكره الشارع هذا كلهم خوارهم و شغلهم امرتب و غاوي
نصيحة لا اتجدسين القطع في محل و لا 2 تراهم بيلعبون فيج و بيخربون و اتحملي عن تطرين العرس جدامهم بيرفعون لج الاسعار




و القطع لا تشترين الغالي و من المراكز تراهم يقصون عليج


الحراير برسم لج مكانه و بعطيج رقمه بيوصل لج القطع لي محلج و اتنقين لا تنسين المكاسر و خلي كم وحده وياج اونهن يتخيرن لرواحهن و الله رووووووووعه الحراير لي عنده بس دوري عدل


شرينا حول 15 قطعه و الله كل من شافهن عيبنه و بعدين ردينا شرينا زود من عنده

انتي قوليله ابا حراير بس خليه يخم لج الحراير لي عنده كلهن
و اييبهن لج


ملابس النوم بعد لا اتكثرين منهن شرات ما قلت لج انتي ما تدرين متى الحمال باذن الله



عطور لا تشترين وايد لأنه اكيد بتييج هدايا خذي لي يسدج او اقل و بتحصلين و بتشترين بعدين عندج ملك العود في الغرير حلوه عطوره




مممممممم بالنسبة للبشرة جان تبين صالون ثقة و بالنسبة للحمامات المغربية و الفيشل لي عندهم عجيييييييييب حتى البديكير و المني كير رووووعه


بعطيج عنوانهم و خريطه للموقع و اسعارهم مب مرتفعه حتى مساج للجسم يسوون ،،و ارد أقول لج أماااااااااان و الله امان لأنه صالون ربيعتي و مب عشان ربيعتي بسويلها دعاية لا و الله أنا من ناحية الأمان و خوفي عليج شرات أختيه

و بترتاحين من المكان لأنه هادي و ماشي زحمة وايد عندهم لأنهم بالمواعيد ياخذون الزباين عشان ما يزحمون عمارهم


و ان عزمتي اتسيرين عندهم خبريني باسمج و بوصيهم عليج او انج اتخبرينهم انج من جداي و ما بيقصرون ان سرتي بروحج او من جداي لأنهم مخلصات في شغلهم و الادارة لي عندهم شاده عليهم من هالناحية


ممممممم شو بقى بعد هيه العبي و الشيل

عن اتسيرين first choice تراهم و الله امقصه الا جان تبين عبي عمليات ساده لشهر العسل سيري بس اطقم لا وايد صراحه اسعارهم و اشياءهم مب هالزود و يلعبون عليج في الاسعار



و جان شي فخاطرج شي ما قلته و تبين اتعرفينه تراني حاضره باللي اقدر عليه


و السموحة جان طولت عليج



هيه صح قبل عن انسى

الجلاليب و المخاوريه اول اتشري القطع و سيري فصلينهن قبل العرس بشهرين اتكونين متشريه و سايره اتفصلينهن لأنه الموضه بسرعه تتغير و هن ما بيطولن وايد يعني خلال شهر بيخلصن باذن الله



أختج


:cool2:الخرشة:cool2: