اغراض عرسي"زهبتيه " يا بنات الامارات

السلام عليكم ورحمة الله وبركاته

:smile:


مبروك

أنا مع آراء البنات الحلوة

فكري عدل ووفري

وفي نفس الوقت اشتري اللي في خاطرج


كم مرة بتعرسين؟؟؟؟؟؟؟


ومبروووووووووووك

هلا بنات ,,,,,,,,,,,,,,
انا اوعدكم بالتوفير انشاء الله ,, بس ابا اسامي المحلات ,,, بالنسبه لمارك سبنسر مريت عليه وشفت اغراضه ,,, فيه بجامات عيبتني وقلت باخذهن على التنزيلات .......... وفيه ملابس داخليه واعرف انه اخذهن وانا مغمضه لاني اعرف نوعيتهن ممتازه لاني مجربتنهن قبل :up::up:,,,,,

بالنسبه لاقمصة النوم انا ما باخذ غالي الا لاول يوم بس ,, ويمكن واحد معاه زياده ,,,,

بنات بالنسبه للمكياج بغيت اسال سؤال ,,,,,,,, انا من الناس اللي امكيج عمري عدل ,, بس بغيت معلومات ازيد ,,,, اريد اعرف شوه الماركات اللي ممكن اخذها وانا مغمضه من الاي شادو (( على العلم اني جربت كذا ماركه ومنهن سيشيدو بس يعني ما يثبت اللون مثل ما اباه +ديور + ماك بس جربت الاسود وايد حلو :up:+ ميكاب فور ايفر جربت اكثر من 8 الوان وثابت بعد :up:+وماكات ثانيه بس الباقي لايذكر ))هيه صح ولانكوم بعد لاكن ابدا ما ينفع :down::down::down:
انا اباكم تنصحوني بالافضل من الماكات واريد كريمات الاساس من اي ماركه على العلم اني جربت (( ماك كريم اساس + كونسيلار بس اشوفه يعني مش من الثابت واستخدمت بعد ميكاب فور ايفر واايد كان حلو يمكن اريد اخذلي واحد للعرس )):cool2::cool2:
واريد احسن بودرة خدود ومن اي ماركه ....؟؟؟
وعلى العلم انا بشرتي بيضا لاكن اعاني من الهالات السوداء تحت عيوني ابا نصيحه ؟؟؟؟؟؟؟؟؟:pain::pain: (( ادري اني طماعه )):shy::shy:

واخيرا بالنسبه للمكياج ابا احسن ادوات الفراشي من اي ماركه اخذهن بليييز افيدووني ....

هذي طلباتي اليوم ,,,عشان ابدا اخذ الاشياء ,, ببتدي في القطع اول شي وبسير اشوف اللي باخذه يوم الاربعاء والخميس ,,, عشان احطهن في الخيايييط من الحين ببتدي احط لو كل مره ثنتين ثلاث ,,,, على العلم انا من الناس اللي احب البس جلاليب وايده ,,,, وبنجبر البسهم عند ريلي يوم بنكون في البيت طبعا :smile:

اخليكم الحين واتري الردوود الله يخليكم لا تحرموووني ,,,,,,,,,,,,, بااي

الله يسعدج حبيبتي ويتمم لج امورج على خير
اختي اذا ساريتي المحل الي في ابراج الامارات الي قالوا علية البنات خبرينا شو رايج فية لانة اول مرة اسمع عنة
والسموحة

مبروك مقدما ان شاء الله ........والله يوفقج

بالنسبه للمحلات وايد صراحه وتحتارين :eek2:
الجلابيات :shy:سيري شارع المطار وعندهم المخوريه هناك بالهبل "الدار مركز التطريز ام سلطانه جميرا بيت النور او مركز النور نسيت اسمه المهم هذاك السيد كله عندهم اشياء مميزه
وبعد هناك محل اسمه الحسناء المغربيه تسوي مغربي حلو والله واسعارها حلوه وفتحت حاليا فرع ثاني لها ومحل ثالث في العين
عندج محل اسمه اطلس والنفيس هذيل للمغربي وحلوه موديلاتهن بعد وعن تجربه ....مممممممممممممممم شو بعد تبين:cool2:


هيه قمصان النوم ؟؟؟؟(u)
شفتى مجوهرات الجابر عدالهم محل لقمصان النوم والله ناسيه اسمه بس صراحه وايد حلوه قمصانه:up: بس غاليه شوي بس تدرين العروس تبالها شئ مميز
وعندج محل بلوليلي:up: اعتقد في الخالديه اذا انا مش غلطانه بعد اطقم العرايس تجنن والله وانا ما خذه من عندهم حلوات بس اسعارها تذبح
ومن سيكرت اشيائها حلوه بعد ومارك سبنسر ممكن تطلبين من النت اذا تعرفي من فكتوريا سيكرت بعد عندهم بجامات وقمصان وايد حلوه...

يعنى حاولي تشترين 30 قطعه على الاقل من القمصان والبيبي دول والبجامات لانج بتستحين تشترين اول الايام وفي نفس الوقت تبين تغيرين من المجموعه الى عندج فكثري منهن ما بيضرنج..
شوفي نعومي صراحه انا ما احبه احس انه تقليدي مش يلين هناك
ممكن لاسنزا عنده مرات اشياء حلوه والمحل الى في ابراج الامارات صراحه وايد مميز حاولي تتصلين فيهم عشان تعرفين فترة الخصومات عندهم وسيريلهم بتحصلين مجموعه عندهم
عندج بعد في مركز وافي كذا محل بس ما اعرف اسمائهن وانتى تدورين هناك بتشوفينهن لانهن مميزات...


الجواتى والنعول في المارينا محل في الطابق الاول ناسيه اسمه بس عنده اشياء حلوه وشنط بعد
في فتوح الخير بعد
انا عقدتي الجواتي:down: ما القي الى يناسبنى وعلى ذوقي وتلقينى الف لحد ما يدور راسي ...بعد في وافي وايد محلات ممكم تلقين عندهم..

العبايا والشيل عند مشاعل ومشاعر حبايب خنجي غواني ما يفير ليدي اربيسك في دبي البندر بعد... وانتى وذوقج

العطور:up: من باريس غاليري انتى وحبج للعطور حتى يكثر وحد يحب ياخذ كميه محدوده بس نصيحه لا تاخذين اكثر عن 6 عطور بس كثري من كريمات الجسم المعطره ..العود خذيه من ادم وحواء عنده عود مميز صراحه وبعد معمول كل واحد احلي عن الثاني
عندج ياس للعطور بعد عنده المعمول الملكي ما عليه كلام دايما مطلوب
موزان عنده بعد عبايا وشيل نسيت اخبرج بعد مميزات بس شوي مبالغ فيهن وعندهم المعمول والعطور الفرنسيه ممتازه...
واي شئ ثاني تراني في الخدمه ومبروك مره ثانيه بعد:up:

موضوع وايد حلو اشكرج عزيزتي على طرحج لهذا الموضوع
واكيد وايد من البنات راح يستفيدون منه

مبرووك مقدما والله يتمم على خير انشاء الله

تقريبا البنات قالوا المحلات الي كنت ابي اقولها بس في محلات انا اسمع فيها بس ماادلها ...مثل غواني ولاسنز ياليت البنات يفيدونا في اي المراكز موجودة

وعن قمصان النوم انا انصحج انج تاخذين بحدود 25 او 30 قميص نوم من غير الشورتات وغيرها ولازم اتنوعين منها القصير والمتوسط والطويل...التغير ترا مطلوب...ومثل ماقالوا البنات وين تلاقين محلات قمصان نوم وانا بضيف محلات في مركز المنال بتلاقين قمصان نوم

وعن الجلابيات عندج في مركز الكرامة وسوق مرشد ومحل عكاظه على مااعتقد هذا اسمه او عكاظ ...المهم هذا كله بتلاقينه في دبي ...وطبعا انتي محتاجة انج تكثرين من الجلابيات لانج في بيت أهل ريلج
وخذيلج جم جلابية من اليشمك وراجو حق العزايم

وعن المكياج اخذيلج من مكياجي وخاصة البودرة عندهم وايد حلوة والشدو والغلوس

وطبعا بها البيزات لاتنسين تشترين الذهب وطقم ذهب ابيض للفستان يعني في ليلة الحفلة

خذيلج كريمات وعطور حق الجسم من بودي شوب

سلام عليكم
:o:shy:
السموحه حبيبتي واسمحيلي اني رديت عليج متاخره لان كمبيوتري وايد يبدع(طولت عليج )
عالعموم :اول شي تسوينه انج ترتبين عمرج عدل قبل لاتتسوقين ولازم تكتبين قائمه لكل غرض على صوب
وشي ثاني انا اشوف انج ماتستعيلين وايد وتركظين من الحين وتتشرين قطع وتفصلين مخاوير ومغربي من الحين اشوف لو تأجلينه لين قبل العرس بثلاث شهور احسن لان العيد العود بيقرب وراح يحرقونج حراق مثل حرقوني واصلا راح ينزلون قطع ومخاوير يديده يعني خليج كا شخه وعلموضه لانج لوفصلتي من الحين راح يطيح موديله لين عرسج
وانا الصراحه من الشارجه وراح اقولج وين تروحين
1_المخاوير:فالشارجه(ورا سوق المجره+العروسه+في مكان كان اسمه شارع الخياطين وعلى فكره كلهم قراب من بعض وفدبي فريج المرر الصراحه انا ماروحت بس وايد يمدحونهم ولو اول شي تبدين فالشارجه احسن
2_بلنسبه للمكياج والله انا مااعرف وايد يعني شو الزين وشو المب زين بس انا خذت كريم الاساس+البودره من لانكوم والكحال الاسود من نينا ريتشي عل طاري الكحال خذت كحال عربي من غير لاين الصراحه روعه خذت لونين اسود وبني وفي الوان ثانيه لو حابه تغيرين اما الارواج والغلوس والشدو فغذته من وايد ماركات من الزين ومنه!!!
انصحج تروحين دبنهامز+باريس غاليري+اريج+محمد شريف


حبيبتي بعدين بكمل برنامج السوق معاج لاني تعبت وابي ارقد وراح اسالج زياده من ربيعاتي يلا مع السلامه
اوه صح تذكرت شي مهم وايد حطي فبالج ان وايد من العرب والاهليه راح ايبونلج هديا عقب العرس:smile:

صح تذكرت انا اول مره اشارك ( ويهج حلو علي):smile::shy::up:

لاني قبل وايد حاولت بس مايستويلي
والاهم من كل هذا الصراحه مستحيه اقول لاني اعرف انكم بتضحكون علي:D2:D2

بس بقول ولي فيها فيها انا








مااعرف وايد على الكمبيوتر :o:confused::o:confused:
وخايفه أني ماأقدر أشارك مره ثانيه

سلام عليكم
:o:shy:
السموحه حبيبتي واسمحيلي اني رديت عليج متاخره لان كمبيوتري وايد يبدع(طولت عليج )
عالعموم :اول شي تسوينه انج ترتبين عمرج عدل قبل لاتتسوقين ولازم تكتبين قائمه لكل غرض على صوب
وشي ثاني انا اشوف انج ماتستعيلين وايد وتركظين من الحين وتتشرين قطع وتفصلين مخاوير ومغربي من الحين اشوف لو تأجلينه لين قبل العرس بثلاث شهور احسن لان العيد العود بيقرب وراح يحرقونج حراق مثل حرقوني واصلا راح ينزلون قطع ومخاوير يديده يعني خليج كا شخه وعلموضه لانج لوفصلتي من الحين راح يطيح موديله لين عرسج
وانا الصراحه من الشارجه وراح اقولج وين تروحين
1_المخاوير:فالشارجه(ورا سوق المجره+العروسه+في مكان كان اسمه شارع الخياطين وعلى فكره كلهم قراب من بعض وفدبي فريج المرر الصراحه انا ماروحت بس وايد يمدحونهم ولو اول شي تبدين فالشارجه احسن
2_بلنسبه للمكياج والله انا مااعرف وايد يعني شو الزين وشو المب زين بس انا خذت كريم الاساس+البودره من لانكوم والكحال الاسود من نينا ريتشي عل طاري الكحال خذت كحال عربي من غير لاين الصراحه روعه خذت لونين اسود وبني وفي الوان ثانيه لو حابه تغيرين اما الارواج والغلوس والشدو فغذته من وايد ماركات من الزين ومنه!!!
انصحج تروحين دبنهامز+باريس غاليري+اريج+محمد شريف


حبيبتي بعدين بكمل برنامج السوق معاج لاني تعبت وابي ارقد وراح اسالج زياده من ربيعاتي يلا مع السلامه
اوه صح تذكرت شي مهم وايد حطي فبالج ان وايد من العرب والاهليه راح ايبونلج هديا عقب العرس:smile:

بالنسبه للمكياج..

كريم الاساس و البودره: اذا بتاخذين من لانكوم انصحج تاخذين Color Id أو photogenic ... من سيشيدو خذي Shiseido the makeup enriched Loose powder ..

الكونسيلر: من ماركة ايف سان لوران اسمه Touch eclat أو من بوبي براون خذي Creamy concealer kit هذا عباره عن كونسيلر و لوس باودر.

الكحل: اذا تبين كحل لونه اسووووووود وايد خذي من ماركة lord and berry بتحصلينها في مكياجي و دبناهمز... عندج بعد الكحل العربي من جيفنشي.. و من ماك اسمه Smolder

الآي شادو: ماك و ميك اب فور ايفر

المسكارا: لانكوم Hypnose

اقلام التحديد : من ماك خذي Spice يناسب معظم الوان الجلوسات و الارواج ..ديور و فيرساتشي

بودرة الخدود : من ماك .. Mocha و Blushbaby

الجلوسات: ماك و كريستيان ديور جربي عندهم مجموعة dior addict

أحسن أدوات المكياج : ماك + ميك اب فور ايفر

مرحبا اختي بنت ليووووااااااااااااا

اول شي قبل ماتتسوقين عشان ماتصرفين كل اللي عندج

اول شي

اكتبي الاشياء اللي انتي تبينها واللي ناقصتنج
وثاني شي لاتنسين العنايه يعني اللي اقصده
مساجات
حمامات زيت
وفي صالون كيلوبترا يسوونلج حمام من الروز وحليب وهالاشياء ووااااااااااااايد روعه

اذا سرتي اهناك اطلبي منهم انهم يسوونلج على كم يوم مب مره وحده لانج بتتعبين
وكل هذا ياخذ وقت

ولاتفصلين قبل العيد عن يخربون القطع وحسافه شي شارتنه وغالي وىخر شي يخترب

عندي لج مجموعة عطور عربيه روعه

في اجمل اسئلي عن مجموعة كلاسيك روووعه وعلى فكره ترا هالمجموعه نادره

اختي الغاليه حق اول يوم خ>يلج من نعومي لانه وايد راقي وحلو

بس اتريي على المهرجاان

اختي انا عندي فكره لج وااايد حلوه وان شاءالله تعيبج

شورايج تاخذين مجموعة من الفود والروبات بلون البيج وتدينهم عند مصمم ويكتب عليهم حرفج وحرف ريلج مثل مايسوون الفنادق الراقيه مثل برج العرب والماريووت

وانصحج ف برج العرب لانه روعه المكااان ومااادج تظهرين منه

وعن الفندق انتي اتفقي معاهم انه ينثرولج ورد احمر وابيض على الارض ويزينونها بالروز صدقيني فكره رووووووعه

وفي شي يبيعونه في لندن بس ماااادري اذا عندنا في البلاد رووووووووووووووووووعه يعطي شكل كيوت وحلو مع الميك اب
انا بوصفه وانتي دوريه وان شاءالله تلقينه

شوفي هو على شكل صبغ الاظافر اوكي اتحطينه على جوانب الويه بعد ماتحطين الفاونديشن
وللاسف نحن ماعندنا هالماركه اللي هي بينيفت
وعقب توزعينه باليد
شي منه انواع والوان
بس اللي انا ان شاءالله باخذه لونه وردي خفيف وعليه قليتر بسسس مايبين ووايد خفيف

وعن العطور شي في الجمعيات يبيعونها وصدقيني ماعليج اصليه وريحتها تظل وماطير

مممممممممم

وانا انصحج في اسكاليني حق الفستان لانه رووووووووووووووووووعه تصاميمهم

مرحبا


اوووووووووه نسيت شي

اختي شورايج تاخذيلج شنطه من هالمجموعه من كوتشي لانه رووووووووعه

ووايد حلوه ومميزه للمناسبات وانا افكر آخذلي وحده

http://go.3roos.com/zZ8nkCyMIhR

تقدرين تطلبينهم من السايت

reme _reme مشكوره على المروور واوعدج يوم بسبر واشوف بخبرج عن اسعارهم ,,:smile::smile::up:

للعروس وبس,,,

اشكرج اختي على كل معلومه قلتيها وسجلت كل المحلات اللي كتبتيهن :up::up: ,, وانا غالبا كل وحده تكتبلي محل اسجله عندي وموزعه كل شي في ورقه واحط فيها اسم المحلات وين موقعهن ,,,:cool2:

وبالنسبه للخيايط اللي في شارع المطار انا مجربه عند الدار ((ممتاز)) ومركز التطريز ((افصل وانا مغمضه لكن اسعاره شوي غاليه )) اما الباقي ماجربت بس بحاول اوزع ثيابي عندهم يعني ما بحطهن كلهن في خياط واحد .
المغربي ,, الحسناء +النفيس+مراكش ,, هذيلا مفصله انا عندهم وعجبني مراكش والنفيس ,, اما الحسناء المغربي شوي بسيط يعني يصلح للزيارات اللي هيه في البيت .

الملابس الداخليه كل اسامي المحلات سجلتهن :up:

رياح الامل ,, مشكوره على كل معلومه انا سجلت اسامي المحلات ويوم بسير دبي بحاول امر عليهن لكن مثل ما قالن الخوات يمكن اخليه بعد العيد الكبير ,, وبسير اخذ عنهن فكره قبل انشالله ,, ومشكوره الغاليه :smile::smile:

ماسيه ,, مشكوره اختي :smile:,, وبحاول امشي على نصيحتج ,, اما بالنسبه للترتيب مسجله كل شي في ورقه ,, وكل ما اذكر شئ اضيفه وانتم ماشالله مساعديني في هذي المهمه واايد :up::up:

والحمدالله اني ويه خير عليج :shy::shy:

وانشالله نشوفج دايما وانا اتريا ردودج

Hemaayel ,, مشكوووره اختي واااايد وااايد :clap::clap::clap::clap:

بصراحه افدتيني بمعلوماتج ,, وكتبت كل شي عشان اسير اجربهن وبسبر انشالله باريس جالاري وبسال عنهن كلهن ,, وبعد ماك وبشوف الليي يناسبني وباخذه :smile:

chocolate_cake ,,, مشكوره اختي على النصيحه :smile:,, وبالنسبه للصالون كليوباترا ,, ممكن اعرف موقعه وين ؟؟؟؟
اما فكرة الفود هذي وايد حلوه :cool2::cool2:,, وبالنسبه لبرج العرب بصراحه انا اتمنى اني اول ثلاث ايام اكون هناك ,,, آآآآآآآه قولوا انشالله ,,:shy::shy:((ما استحي صح )) :cool2::cool2:

وبحاول ادور الكريم اللي قلتي عنه ,, ودخلت الموقع وبشوف اللي يناسبني وبثقل على اخويه في امريكا عشا يبلي :smile:

وفيه عندي طلب (( اعرف اني اثقل عليكن وايد لكن مالي غيركن ))

:smile::smile::smile::smile::smile::smile::smile::smile::smile::smile:


اريد اسوي علاج لشعري واريد ابتدي من الحينه ,, واذا فيه اي صالون ممكن اروحه بس يكون فب ابوظبي احسن عشان اتابع العلاج معاهم بليز خبرووني ,, لاني محتاره ابا علاج لشعري واباه يكون لين هذيج الايام حلو ومنظره جذاب ,,,

انا شعري ناااعم بس وصبوغ ويتساقط اذا عندكم معلومه عن اي صالون ممكن اشترك فيه اسوي علاج انصحوني به ,, وبالنسبه للسعر مش مشكله :cool2: اوكي اتريا الرد :up:

وفيه عندي طلب (( اعرف اني اثقل عليكن وايد لكن مالي غيركن ))

:smile::smile::smile::smile::smile::smile::smile::smile::smile::smile:


اريد اسوي علاج لشعري واريد ابتدي من الحينه ,, واذا فيه اي صالون ممكن اروحه بس يكون فب ابوظبي احسن عشان اتابع العلاج معاهم بليز خبرووني ,, لاني محتاره ابا علاج لشعري واباه يكون لين هذيج الايام حلو ومنظره جذاب ,,,

انا شعري ناااعم بس وصبوغ ويتساقط اذا عندكم معلومه عن اي صالون ممكن اشترك فيه اسوي علاج انصحوني به ,, وبالنسبه للسعر مش مشكله :cool2: اوكي اتريا الرد :up: