وأخيرااااااااا نجحت ياهوووووو زاد وزني في مده قصيره

زين وكم صار طولج؟؟

السلام عليكم ورحمة الله وبركاته..

حبيبتي مشتاقه للرسول!؟
سؤالج غريب!! كيف كم صار طولي؟!
حبيبتي طولي ثابت.. انا تعديت سن ال18 والخميره ما يخصها بالطول :think:

تراج طريتي الطول في اول الموضوع

فقلت يمكن تغير:eek2:

عالعموم

انا ناويه اجرب هالخميره بعد رمضان

ون شاء الله في اسبوع واحد بغدي متينه:D2<<<<مب مصدقه في شي بيمتنها

السلام عليكم ورحمة الله وبركاته..

لا حبيبتي مشتاقه للرسول انا قصدت الوزن مش الطول..
وان شاء الله تغدين امتينه:D2

الله يعطيكي العافية اختي ام سعيدة


معلومات حلوة ومفيدة :up:

السلام عليكم ورحمة الله وبركاته..

مشكوره حبيبتي susu_redrose على الاطراء الجميل والله يعافيج ويعفي غالييج :up:

عزيزتي بغيت أسألك ، هل لهذه الحبوب مضار على الرضاعة، لأن بصراحة ودي إجربها بس خايفة على ولدي اللى عمره اربع شهور؟؟ وبصراحة من خلصت الأربعين وآنه شعري يتساقط بكثافة وباستمرار ، هل بتفيدني هذه الحبوب؟؟؟

السلام عليكم ورحمة الله وبركاته..

عزيزتي رانيا ما عندي اي فكره..
بس اكيد الشي الي تاكلينه بيروح نصفه للحليب والياهل يرضع منه.. اسالي الصيدلاني او الدكتوره اولا..

مبرووووووووووووووووووووووووك

تسلمين عزيزتي deeeeeeeeeeeeeeeb على الرد :shy:

انا مثلج ام سعيده ضعييفه حيل طولي 170 وزني 52 :(

اخذت من الصيدليه حبوب فاتح شهيه وغذاء ملكات النحل يقول انها فيتامينات ومشهيات تمتن والله للحين مافي شي بس انا باستمر عليها لما اخلص العلبه يعني يبيلي بعد اسبوعين واذا مازاد وزني لي 60 بسوي طريقتج وباستعمل حبوب الخميره


بس على طاري الرياضه؟
انا على طول امشي ساعه كامله او نص ساعه باليوم بس من بديت اسوي برنامج لزياده الوزن قطعت المشي اخاف اني اضعف .
بس انتي قاعدة تسوين رياضه بعد كل وجبه بساعه ليش؟؟؟ احنا نبي نتمن والرياضه تحرق السعرات الحراريه اللي اخذنها؟؟؟؟؟


انا ما اسوي اي نوع من الرياضه الا رياضه البطن لمدة 10 دقايق لان اخاف تطلعلي كرشه . واعتقد هالرياضه ماتحرق سعرات حرايريه وايد عدل؟

ومشكوووره

السلام عليكم ورحمة الله وبركاته

عزيزتي bardana انا اسوي الرياضه لاني آخذ حبوب الخميره وحبوب الخميره اتسوي كرش.. والرياضه اتعدل الجسم واتخليه متناسق.. مب شرط امشي او اركض.. عالاقل اتحرك من مكاني.. وتسلمين على الرد حبيبتي..:smile:

انزين كم وصل وزنج الحين؟

شنو هي رياضه البطن؟؟؟
شلون يعني..
و يفضل لو في صور
وثاانكس حبووبه عالموضووع و الوصفه
:up:

السلام عليكم ورحمة الله وبركاته

عزيزتي الماسة اماراتية وصل وزني الحين بعد الرمضان 55.. وشكلي ببدء بسوي هالجدول من جديد لاني سويته وما ترك اي اثر جانبي..

عزيزتي تويم.. ان شاء الله ولا يهمج :up:

من 45 الي 55

وااااااااااااااااايد زين


و انا مثلج وزني 45

و ابقيه يوصل 55

شكلي بمشي على جدولج :up:

السلام عليكم ورحمة الله وبركاته..

ألماسه اماراتيه ان شاء الله تنفع معاج :up:

الله يعطيك العافيه اختي
<<<<<< الحمد لله وزنها حلو 52
بس بنت عمتي مررررررره نحيفه وادور لها برنامج انشاء الله تقدر تنفذه
وراح اطلعك على اي تغير فيها

السلام عليكم ورحمة الله وبركاته..

تسلمين النوري على المتابعه الطيبه.. وان شاء االله تفيد مع بنت عمج :up:

:D2:D2
ضحكتيني
انا لما النمله تشبع اقول قبلها الحمدالله

تبغيني اكل كل هذا الاكل :eek2:

انا طولي 171 و وزني 52 لا و ازيدج من الشعر بيت حامل في الشهر الثالث
يعني اللي في بطني عايش في مجاعه .. اكل وجبه وحدة في اليوم و احس اني بنفجر ما اقدر اكل اكثر و اللي يشوفني يقول في ذمتج هذا اكل :o

انا في خاطري امتن بس لازم اكل بهذه الطريقه ؟ معدتي ما تستحمل
و بعدين هذه بعد الولادة لها تأثير على الرضاعه ؟

ابا امتن الحينه بس الكل يقولي بعد الولادة بتنتفخين :pain:!!!!
مع اني كل يوم عن يوم اضعف اللي مضايقني ويهي مع اني احب جسمي بس ويهي اصفر و ضعيف اخرع :confused:


شو اسوي ؟؟؟؟؟