كل وحده تدش وتقول..........................؟؟

حبيبتي يا رومي الله يسعدك ويبارك فيك

دموعك غالية علينا .. تسلميلي على مشاعرك الحلوة ودعواتك الأحلى

وأنا طلعت متزوجة بعدك بأسبوع تقريبا .. سبحان الله .. ذكريات جميلة .. صح؟؟

صحيح الحمل حلو بس صدقيني أكيد كل تأخيره وفيها خيره وأجمل شيء إنك مازلت تحسي بإنك عروس

بس برضو نصيحة .. حتى لو كانت المشكلة من زوجك روحي بعد واطمئني على نفسك .. يعني مثلا لو كان في التهابات أو أي مشكلة بسيطة تتعالجي مع زوجك في ذات الوقت مش هو يتعالج وبعدين تكتشفي إنه كان في شغلة بسيييييطة محتاجة بعض الوقت وكله راح في انتظار علاج الزوج

الله يسعدكم ويهنيكم ويرزقكم الذرية الطيبة اللي تكون باره بكم وتقر عيونكم بشوفتهم

وما تتضايقي من اللي بيتكلموا يا رومي لإنهم بيحبوكي وبيتمنوا يشوفوا على إيدك نونو

الناس تتمنى لك الخير لكن سبحان الله هم ما يعرفون إنهم يضايقونك بكلامكهم

يا رب يا رومي ما يمر الشهر إلا وإنت حامل .. وصدقيني هذا راح يكون عندي أحلى خبر

مشكورات اخواتي على الردود الحلوه بس وين الباقي؟؟

السلام عليكم ورحمة الله وبركاته

انا عن نفسي حملت بعد ثلاث دورات يعني ثلاث شهور ....

وكان على طول الناس تسال وانا مافيني صبر اكثر منهم ....

اما لما عرفت اني حامل ماصدقت اول شي لانه لسه ماتاخرت على الدورة بس

رايحه للمستشفى لانه معاي الم في بطني موقادرة اتحمله فقلت لو دوره خل اخذ شي ينزلها وارتاح من الالم

بس الدكتوره قالت لازم تحليل حمل وسوته وطلعت حامل

وكان شعور لايوصف ..وحتى زوجي فرحته ماتوصف لانه كان مستني هاليوم على احر من الجمر....

والله يرزق كل وحدة ان شاء الله بالحمل ...آمين ....

اختي شذا الروح

اشكرك جزيل الشكر على هذا الموضوع الرائع

بالنسبه لي

انا حملت بعد زواجي بسنتين و6 اشهر بالضبط

طبعا الناس تسأل بس بدون لا يجرحوني بكلام وبعد ما اجاوبهم بلا يدعون لي وانا افرح بدعوتهم لي

رد فعلي ورد فعل زوجي هو كالتالي

طبعا الدوره تاخرت علي 4 ايام وامي تحن وتقوللي حللي وانا اقول لها ليش ؟؟ انا مو حاسه بشئ !!

وهي تقول يابنتي حللي يمكن حامل ... انا عاد عشان ما ازعلها قلت لها ان شاء الله بس راح انطر اسبوع بعد عشان يمكن تجي وانا مابي اتعب نفسيتي بالتحليل يمكن مش حامل

نطرت لين صارت الدوره متاخره علي 11 يوم وشريت التحليل وانا متاكده 100 % اني مش حامل لاني قاعده احس بآلام نفس الاام الدورة

رجعت البيت الساعه 8 بالليل بس ماكنت متشجعه اسوي التحليل ... قلت انتظر لين بكره الصبح

وبالفعل ، قطيت التحليل عالطاوله ونمنا وقمت قبل اذان الفجر بنص ساعه

وقبل لا ادخل الحمام يكرم السامع قلت خل اسوي التحليل

اخذته وسويت التحليل ومهملته وقاطته على جنب لاني متاكده انه سالب .... لكن الله يفعل ما يشاء :)

بعد ما خلصت تكرمون التفت عالتحليل الا خطين بس الثاني افتح من الاول !!

انصدمت !! بققت عيوني عالتحليل اشوف اذا انا اشوفه صج والا متوهمه .... !!! اخليه واغسل وجهي وارد اشوفه ...

لا خطين ينشافون !!

اتصلت على امي الساعه 3 وربع قبل اذان الفجر بربع ساعه وقلت لها يمه ترى طلع لي خطين بس واحد افتح من الثاني

قامت المسكينه تبكي من فرحتها قالت لي اعتقد انتي حامل بس لازم تسوين تحليل دم

سألتني قلتي حق زوجج ؟؟ قلت لها لا هو نايم مابغي اقعده .. هو راح يقوم للصلاه وانا بقوله

قامت تبكي اكثر تقوللي ماشالله عليج عندج صبر عجيب ... وقمنا انا وياها نبجي عالتلفون

المهم قمت اتوضيت وصليت الفجر وسجدت سجدتين شكر لله طبعا هذا كله وانا ابجي

قام زوجي لصلاة الفجر على صوت البكاء ... قام متضايق ودخل الحمام يكرم السامع وانا اصلي

خلصت صلاتي وهو طلع معصب لاني ابجي على باله ابجي لان النتيجه سالبه

طالعني بعصبيه وقاللي : انتي وبعدين معاج ؟؟ قولي الحمد لله على كل حال

جان ارد عليه : الحمد لله على كل حال ، ترى انا حامل !

كان اللي صب عليه ماي بااااااااااااااااااااارد

وقف مكانه جامد ويسأني .. قوللي والله ؟ شلون عرفتي ؟؟ نسى ان امس شاف تحليل الحمل عندي

قمت وراويته التحليل وقلت له .. لازم نتأكد بتحليل الدم .... قال اصلي والحين نروح

اقول لكم ما صارت الساعه 4 الفجر الا طيران على مستشفى خاص سويت التحليل وطلعت حامل ولله الحمد والمنه والله يرزق جميع الاخوات المحرومات ودعائي خاص لرومي الله يعطيج على قد نيتج


والحين خاطري اقول لكم شي يابنات

بهالسنيتن كنت اراجع مليون دكتوره ... لدرجة ان وحده فيهم قالت لي انتي رحمج صغير ما تحملين الا تاخذين ابر !!

لا تصدقون الدكاتره وايد ... ترى ربج يقول كن ... فيكون

والحمد لله حملت بحبوب التنشيط كلوميد ولله الحمد والمنه

وغير هالشيء والشيء الاساسي اللي احس اني حملت بسببه هو :

الاستغفار

حبيباتي الاستغفار مهم جدا ، اقسم لكم بالله ان قبل لا احمل ب 3 شهور استغفر بسيد الاستغفار يوميا .... وحملت بكل سهوله

تدرون ليش ؟؟

الله سبحانه وتعالى يقول : " فقلت استغفروا ربكم انه كان غفارا ، يرسل السماء عليكم مدرارا ، ويمددكم بأموال وبنين ويجعل لكم جنات ويجعل لكم انهارا " صدق الله العظيم

أما سيد الاستغفار فهو :

اللهم انت ربي لا إله إلا انت سبحانك ، خلقتني وانا عبدك ، وانا على عهدك ووعدك ما استطعت ، اعوذ بك من شر ما صنعت ، ابوء لك بنعمتك علي ، وابوء بذنبي ، فاغفر لي فإنه لا يغفر الذنوب الا انت "

داوموا عليها يوميا ... وشوفوا الخير اللي بيجيكم

هذا الموضوع إللي قاعدة أدورة

لي عودة .....

موضوع عجيـــــب
الله يرزق كل وحده ودها تحمل

يـــــــــــــــــــــــــارب يثبت حملكن خواتي

و يزقنا بعد

ادعولنا يوم بتولدون بالسلامة ان شاء الله

بعد الزواج متى صرتي حاملل اي في اي شهر من الزواج؟؟
بعد سنه و 3 شهور....لأني كنت بعدني أدرس في الكليه و أنا و زوجي كنا متفقين انأجل الحمل لين أتخرج

هل ادوش الناس على ما صرتي حامل من الاسائله؟؟
لا ... أهلي و أهله كانو يعرفون انه نحن مأجلين الحمل لين أتخرج من الكليه

شنو كان وقع الخبر عليش لما عرفتي انش راح اصيرين ماما او شنو ردت فعل زوجش؟؟
ما صدقت عيوني لما شفت الفحص المنزلي ... زوجي طول الوقت كان واقف عند باب الحمام كرمكم الله يترياني .. و استانس وايد :o

عاد هذا كان في حملي الأول... الحين ولدي عمره سنتين و 3 شهور .. و انا حامل في الشهر الثالث :smile:

يسلموووو على الموضوع الحلووووووووالله ورجعتينا للذكريااااااااات الحلوة

بنسبه للحمل ,,,,,,,,, حملت بعد 10 شهور بعد العلاج طبعاااا,,,,,,,,, واكيد النا س ماخلوني بحااااااااالي وهاتك اشاعاااااات


وبعد الحمل جاني شعور مختلط بين الفرحة والخوف وأشياء كثيرة وبصراحة اكثر ..ماكان عندي استعداد حقيقي للأمومة

وزوجي فرح طبعا :D2


والله يرزق الكل

ما شاء الله هالموضوع وايد حلو

و الله يرزق الجميع يارب

انا دورتي منتظمة و صارلي 2 و نص من تزوجت

بس هالشهر تاخرت علي الدورة 5 أيام و سويت الفحص المنزلي مرتين و بصراحة انا وايد تأملت من أول يوم تأ خير و بديت اتوهم اني حامل لين و صلت لليوم الخامس و سويت الفحص مرتين و طلع سالب

و بسبة هالشي تضايقت بس الحمد الله

الله يرزق الجميع

نسيت أقول أن اليوم جتني الدورة :)

هلا حبيبتي على الموضوع الحلو
انا حملت بعد الزواج اب 3 شهور بس الياهل مات يوم كملت 3 شهور ونص وبعدين ما حملت 6 شهور وبعدين حملت
واول ما عرفت اني حاما شو كانت شعوري؟؟؟؟؟؟؟ اممممم شعور رائـــــــــــــــع ما اعرف اقوله ما في كلمه اتعبر عن الي كان افداخلي
هيه ونسيت اخبرج طبعا الناس ما يرحمونج من الاسئله الي اتصدع الراس
وبس

لسه متزوجه لي فتره وماصار حمل

الله يرزقنا اجمعيآ بالذريه الصالحه

للرفع

مرحبا بنات ,,


موضوع حلو قريته كله ,,

بالنسبة لي توني مكملة أربع سنين بالضبط

ماصار فيهم حمل إلا مره وحده وسقطت في الشهر الثاني ,,

والله يرزقني ويرزق كل محرووووم ,, انشالله ,, ادعولي يابنات ..

فمان الله

الله يرزقنا ويرزق كل الأخوات بالمنتدى بالذرية الصالحة يا رب

يوم بعرس إن شاء الله والله يرزقني بتواصل معاكم بمثل هالذكريات الحلوة .

السلام عليكم
ياحبيلكم بناات مره اشتقت لكم

الموضوع قديم وكل شوي يرتفع وعجزت وانا ادوره لقيته بالصفحه 6

شخباااركم ؟؟ الشهر عليكم مبارك
مبرووووووووك لكل الي صاروا امهاات وربي يرزق كل محرووم باطفال يرفعون راسكم باهلاقهم وعلمهم ودينهم

رومي
شخبارك ؟؟
تذكريني ؟؟ انا تزوجت قبلك يمكن ب5 شهور ما ادري بالضبط انتي احسبيها ههههههههه تزوجت باخر شهر 8 2003
يعني الحين لي سنتين وشهرين متزوجه
مافيش بيبي من وقت لوقت احاتي الموضوع بس الي مريحني شوي ان زوجي مرررررررره مشغلته الدراسه والغربه
اتخيل شكلي لو ان ربي رزقني بيبي وش صار فيه وفيني
حاليا ما استخدم موانع لكن ودي اثبت نفسي بالدراسه قبل لااحمل لاني اعرف نفسي اذا مادرست قبل لو 6 شهور راح اقول للدراسه عليكي السلام
لسى مابديت ادرس بس انشالله ناويه اسجل بالترم الجاي ربي يسهل ومايصير زي كل ترم انوي اسجل بس ربي مايكتبلي

ربي يرزقك قريب بيبي يفرح قلبك ويملى عليك دنيتك


بنات لاتزعلون من الناس اذا سئلوكم خصوصا الصاحبات صح تلقين وحده ولا ثنتين يسئلون لاقافه بس متاكده الباقي يسئل علشان يدعيلك وتحاول تساعدك
انا ما احب اسئل احد ..لكن اذا حطيت نفسي مكانها ابي احد يدعيلي ما ابي يصير عندك معلومه ممكن تفيدني وانتي ساكته ماقلتيها لي خايفه تجرحين مشاعري؟؟
مشاعري مجروحه مجروحه كل شهر لما تجيني الدوره فليه ما اتحمل زياده بالجرح علشان تدعيلي دعوه حلوه او تقولي عن علاج جديد حتى لو انا مو محتاجته يمكن اعرف احد يحتاجه
اهم شي الاسلوب وطريقت السؤال.. تعرفين اذا هي تسئل لقافه ولا هي تحبك وتبي تساعدك اقلها بدعوه من القلب

وحده من صاحباتي صجتني كل ماكلمتها تسئلني والمشكله تقولي ليه انتي ماتبين تجيبين بيبيات .. بس هي صاحبتي طول عمرها قريبه مني
اعرف انها تحبني وتبي مصلحتي بس يمكن ماعرفت تعبر بطريقت سؤالها
كلمتها وفهمتها بهدوء ان هذا شي من عند ربي واعطيتها صوره عن وضع الغربه الي هي ماتعرفه وكيف زوجي مره مشغول ومايقدر يتخمل مسؤليه اكثر خصوصا هالسنه (مسؤليه التربيه والاهتمام بالطفل خصوصا باول شهور عمره تطعيمات وحراره ويبكي باخر الليل ماتدرين وش فيه وانتي ماعندك احد يساعدك الا زوجك)
فسبحان الله هو اعلم بالطروف ويمكنها خيره منه

بس هي حاامل وكانت تبي عيالنا يصيرون كبر بعض .. انا تزوجت قبلها بسنه وكانت تقولي استنيني نحمل سوا ههههههههههههه
ربي يهون عليها بنات ادعلوها هذا شهرها والحمل مره متعبها

الله يرزقني ويرزق كل محرومه أنشاء الله بالذرية الصالحه.......................

شكرا على تفاعلكم

الله يرزقني ويرزق كل محرومه أنشاء الله بالذرية الصالحه
أنا صارلي سنه وتسعة شهور ولله الحمد ما حملت.........(ربي لا تذرني فردا وأنت خير الوارثين)
الناس ما يخلون حد فب حاله .. بس أنا عندي ثقه كبيره الحمدلله بأن الله بيرزقني قريب انشالله..
والحمدلله كل تأخيره فيها خير... الله يرزقنا جميعا.انشاء الله...( اللهم أنت ربي..لا اله الا أنت.. خلقتني وأنا عبدك..وأنا على عهدك ووعدك ما استطعت..أعوذ بك من شر ما صنعت وأبوء لك بنعمتك علي وأبوء بذنبي فاغفرلي فانه لا يغفر الذنوب الا أنت)