كل وحده تدش وتقول..........................؟؟

بعد الزواج متى صرتي حاملل اي في اي شهر من الزواج؟؟

انا عرست تاريخ 23/6/ 2006 وحملت تاريخ 14/8/2004 يعني تقريبا شهرين .. بس كانوا كانهم شهرين


هل ادوش الناس على ما صرتي حامل من الاسائله؟؟

يالله عوروا راسي .. كل مل امرض يقولولي اكيد حامل وانتي ما تدرين .. وكل ما يشوفوني يسالوني مب حامل .. ما حملتي بعدج ..؟؟


شنو كان وقع الخبر عليش لما عرفتي انش راح اصيرين ماما او شنو ردت فعل زوجش؟

والله عرفت بالصدفة ..

كنت حاسة بلوعة والم .. وانا فيه القرحة .. رحت اراجع في مستشفى الايراني ,, عقب الفحوصات قالي الدكتور مبروك انتي حامل وزوجي كان يالس .. من الفرحة ما عرف شو يسوي قام وطلع برع وخلاني انا داخل عند الدكتور .. الدكتور سالني ليش زعلان .. سكت وطلعت ويوم رحت السيارة كان يكلم امه يبشرها وهو بيطير من الفرحة ..

والحمدلله انا الحين فالتاسع باقيلي كمن اسبوع ادعولي...

انا جلست الربع شهور بعد زواجي بعدين حملت الي حسيت انه اندوش هو زوجي

ما ارتاح الين ما حملت

تعالو فيدونا

يحلاتكم والله يرزق اللي ما عنده


وأنا إذا تزوجت بخبركم ..

ياحلوكم يابنات ويا حلو سوالفكم

موضوع قديم بس حلو نتكلم فيه

انا من تزوجت صار لي سنة وستة شهور وأربعة ايام

للحين ما حملت والحمدلله على كل حال بس كثرت الأسئلة ومثل بقية البنات لو امرض او يتغير وجهي الكل قال حامل

انا ما أتضايق لاني مرتاحة كثير من المسؤليات خاصة اني موظفة

الله يرزقني ويرزق موضوعية وروينا و G I S وكل البنات ان شاء الله عشان نقول لكم

هلا وغلا حبيباتي


اللهم آمين


أنا يا بنات صار لي خمس سنوات وشهر وللحين ماصار حمل

أحياناً أتمنى وأحياناً أقول عادي

زوجي مايدقق على الموضوع بس النـ ـ ـ ـ ـ ـ ــاس مزعجين حيل من هالناحيه


يعني مهما وصفت ماراح أوفي وأكفي في وصف إزعاجهم

أعتبر تدخل في حياة الغير !!

إن شاء الله خلال هالصيف يرزقنا ربي ونجي نبشركم بالخير يارب


RoOoOmy_M

يارب تحمل والله من معزتها أتمنى ربي يرزقها قبلي فديتها هالبنت طيبه وعسل وأخلاق

الله يرزق كل محرومه .

أما أنا قصتي تحمل الكثير من الامل لغيري وأتمنى فقصة غيري تحمل الامل لحياتي الجايه لاتستغربون مش لغز وبتعرفون الخبر بالتفصيل بعدين لاني مشغوله الحينه انتظرووووووووووووووووووووووووووووووني

أنا حملت من أول شهر زواج


يعني ما يتني الدورة من تزوجت للحين


وأنا الحين في الثامن يا رب تسهل علي وعلى الجميع


الناس ما مداهم يسألون عني حملت أو لا

لأن الحمد لله الحمل صار في شهر زواجنا

بس عمتي ما كانت تبي تقول لأحد

لأن زوجة حماي بعد كانت حامل


وتقول تخاف من العين


أول ما سويت تحليل الحمل كان قبل دورتي بأسبوع


لأن أنا متعودة أنها تيي قبل موعدها

فلما ما وصلت قبل عرفت إني حامل


وسويت التحليل المنزلي


وطلع لي خطين واحد واضح والثاني لا


المهم رحت خبرت زوجي إني حامل


على باله أمزح وحطمني قال لي ما يبين الحين


المهم بعد أسبوع من موعد الدورة سويت التحليل في العيادة والحمد لله طلعت حامل

عاد المشكلة موهذي

المشكلة إني استحيت أخبر الناس إني حامل


فما قلت إلا لأمي وأم زوجي بسس

وأغلبهم عرفوا إني حامل الشهر اللي راح في زواج أختي يعني وأنا كان لي 7 أشهر



الله ييسر على كل حامل ويرزق كل محرومة يا رب

الموضوع رائع و ممتع و المشاركات حلوة


يارب ترزق كل بنات المنتدى الذرية الصالحة يارب رومي و موضوعية وكل البنات يارب

ريم الفلا نحن في انتظار القصة

السلام عليكم ورحمة الله وبركاته

اللهم صل على النبي محمد و آل محمد..

هلا اختي موضوعك حلو وذكرنا باللي مضى..

بعد الزواج متى صرتي حامل اي في اي شهر من الزواج؟؟
أنا حملت والحمد لله بعد سنة وشهرين..

بس ولله الحمد والمنة كان فرج لي ولله الحمد..

تزوجت بعد التخرج مباشرة وبقى التدريب وكملت التدريب وظليت في البيت شهرين وأنا ادور شغل وحصلت شغل و قالوا لي 6 شهور تدريب وبعدها يثبتوني وبالفعل اتيت جدارتي و عطوني شغلة اعلى وصعبة وبعدها مباشرة حملت ولله الحمد ..

يعني لوما تأخرت بالحمل جان ما بقدر اكون نفسي واثبت ذاتي ولله الحمد..

هل ادوش الناس على ما صرتي حامل من الاسائله؟؟
آ ه آه آه آه من الناس ومن اللي سوووا وقالوا لي.. راح اقول لكم مقاطع بس وانتوا احكموا ..

1. وحدة من الجيران كل شهر تتصل بيت اهل زوجي وتسألهم نور المدينة حملت والا لا..

2. أم زوجي كل يوم تقول لي ( فلانة حملت، فلانة ولدت ، فلانة تروح تتعالج، فلانة سقطت......)

3. صديقتي كل يوم تتصل لي ها رحتين المستشفى والا لا؟؟؟ ها وش صار ؟؟ وتوصف هذي افضل طريقة وهذي ايام التبويض.....)

4. أختي تروح وتجي تقول يا الله احملي لمتى بعد؟

5. وحدة من صديقاتي تزوجت وياي بنفس الاسبوع حملت بعد 4 شهور من الزواج خشت عني وما قالت لي .. خايفة اني احسدها..

ما ظن فيه اكثر من هذا اللوعة.

شنو كان وقع الخبر عليش لما عرفتي انش راح اصيرين ماما او شنو ردت فعل زوجش؟؟

والله ما كنت مصدقة.. وكنت اقول للمرضة لا سوي تحليل مرة ثانية.
بس قالت لا خلاص ما دام تحليل الدم والهرمون تمام الحمد لله..

واتصلت لزوجي وما استوعب الأمر بالمرة..

كان رده بارد وجاف ويبين عليه انه يأس..
وبعدها اتصل لبيتهم وخبر امه جان امه تقوم وتقعد تصلي من الأناسة والفرح
ولما راح زوجي البيت جت له وحضنته
وانا رحت بيتنا بس ما قدرت ام زوجي تصبر جت لي البيت والفرحة والوناسة مبينه عليها وحضنتي بقوة
اهني صدقت وفرحت..

بس زوجي كان بعده بارد حتى مبروك ما قال لي..

ظل لمدة 10 أيام وهو على ذا الحال وانا حزينة أقول وش فيه ليش ما يتكلم ولا يقول لي اي شي ولا حتى شرا لي شي..

بس ما قلت له...

وبعدها كت رايحة حق التراساوند على اساس تشوف الدكتورة هل الحمل بالرحم..

والحمد لله طلع كل شي سليم..

زوجي كان معاي
وشاف نقطة صغيرة داخل الرحم.. اهني ضحك وراح اشترى حلاوة للممرضات ولبيتهم وبيتنا..

ويوم ثاني شرى لي حلق ذهب يجنن..

لك الحمد والشكر يا رب يا كريم..

والحين كل حاجة اشتريها من لبس واغراض للبيبي يصوره ومعلق ملابس البيبي في خزانته عشان كل مرة يفتح خزانته يشوف ملابيس ولده..

الظاهر زوجي انخبل وانا ما ادري..

اللهم ارزق يارب كل محروم من الذرية وسهل على كل حامل يا رب..

مشكورة اختي ريم على الدعوة الحلوة

الله يتمم لك على خير اختي نور المدينة والواحد اذا بيتابع الناس بيتعب

هلا اختي موضوعك عنجد حلو ................. بس ادعولي انا لسا ما عندي حمل ............................(r)(r)
وبصراحه الكل داوشني ب الموضوع ........................... انشالله عن قريب يارب .................ادعولي اخواتي .........:shy::flower:

يارب يعطيكم ويعطيني ويعطي الميع يارب

الموضوع وايد حلو


بعد الزواج متى صرتي حامل اي في اي شهر من الزواج؟؟

بعد تسعة شهور من زواجي بس بعد علاج


هل ادوش الناس على ما صرتي حامل من الاسائله؟؟

اه من الناس ومن كلام الناس ماصار لنا سنة من تزوجنا وبزوجون زوجي وحده ثانية عشان العيال

وكان يرد عليهم زوجي احنا موقفين الحمل تونا صغار نبي نستانس زوجتي مافيها شي محد كان يدري اني اعالج


شنو كان وقع الخبر عليش لما عرفتي انش راح اصيرين ماما او شنو ردت فعل زوجش؟؟

ماكنت مصدقة طبعا ومن الفرحة رحت ركض على الدكتور ابشره وقالي ليش تركضين نسيتي انك حامل

وزوجي اخذني من المستشفى وقلت له ماصدق قعد يستعرض بالسياره

واقول حق خواتي الي يعالجون ترا النفسية تاثر وايد خلوا ايمانكم بالله قوي وان شاء الله يرزقكم رب العباد

قصصكم حلوه
بس وين بنات المنتدى الباقي؟؟

هلا خواتــــــــــــــي

الحوامــل :مبرووك حبيبااااااااااااااتي و يالله يثبت حملكم و يسر الولاده عليكم يا رب "ولا تنسونا بالدعاء وقت الطلق"

اللي اولدوا بالسلامه : ربي يحفظ لكم البنات و الاولاااد و يبلغكم فيهم ياااا رب

اللي للحين ما احملوا : يا الله ارزقهن يا رحمن البنين و البنااات بقدرة كـــن فيكــــووووون



للبنات اللي تأخر عليهم الحمل .. بقول لكم قصة خالتي .. عشان محد فيييكم ييأس

خالتي تزوجت سنة 1990 .. و مرت سنة و سنتين و 3 سنوات

مافي حمل



4 و 5 و 6 سنواااات



ما صااار حمل




سنة 2001 .. يعني بعد 11 سنة من الزوااااج

الحمدلله رب العالمين احملت


و يابت بنت حلووووه كنها البخت


و بعد 9 شهور من ولادتها بالبنت

احملت بعد

و الحمدلله يابت ولد اشزينه و اشحلااتـــه



يا بنات ما في شي على ربكم بعيــــــــــد


لا تيأسوا و لا تملوا .. و ألحــــوا في الدعاااااااااااااء


الله يرزقكم الذريــه الصالحـــه ياااااااااااااااااااااااااااااااا رب



اختكم،،،
ام ثانــــي

للاسف عزباء


بس ان شاء الله يرزقني ربي واجي اقولكم:o

بس ماابي قبل سنه((طرار ويتشرط)):D2

موضوعك حلو كتييييير يا شذى الروح

وشكلك كل ما قلَّت المشاركات وتراجع الموضوع ونسوه البنات .. تنشطينه :)

بس بصراحة موضوع لزيز كتير وبيستاهل

أحكيلك قصتي .. يمكن غريبة شوي (أعتقد بالنسبة لي بس هي غريبة لكنها ربما عادية عند الكثير)

سبحان الله من فترة الخطوبة نحاتي الحمل .. وما كنا نبي يصير حمل إلا بعد سنة على الأقل

وقلنا استغفر الله هذه هدية من رب العالمين ومتى ما أراد يقول له كن فيكون <---- مفتكرين كلش يعني الحمل من أول شهر وزعلانين

المهم أختك تزوجت بشهر 12/2003 وما كملت 6 أو 7 شهور إلا وأنا قلقانة ليش ما صار حمل :think:

<------------- مو تقولون ما تبون إلا بعد سنة .. غريبين إنتوا الصراحة

طبعا تخلل هذه الفترة كلام كثيييييييير ممن حولي لكن كلهم مهتمين .. يعني ما ضايقوني بالكلام ولا زعلوني

وأحلى موقف موقف حماتي (أم زوجي) تقول لي على طرق غريبة للحمل .. مادري شاحط الفوطة في الطشت واتسبح فوقها .. يحليلها تبي تخدم وما تعرف شلون وشكلها مفكرة إني لما حملت كان بفضل الله ثم بفضل هالطريقة العجيبة :D2

المهم بعد مرور 6 أو 7 شهور أخذت حالي ومن مكان لمكان ومن هون لهون .. وتابعت مع دكتورة تقول لي عندك التهابات ومش عارفة شو المهم تسندرت منها ومن تناقض كلامها مرة تقوللي زوجك ممتاز والمشكلة منك ومرة تقول هذه عدوى من زوجك .. مملة الله يسامحها

وفي الأخير تركتها وتركت علاجها وقلت خلاص خليني أنسى شوي الموضوع وقلت راح أتابع في المستشفى العام لإنه أكيد خبراتهم أكثر والخاص همهم الربح المادي ربما أكثر

تركت الأدوية شهر واحد بس وكنت كملت سنة كاملة من الزواج وزوجي بعدها سافر الحج وكان باقيلي 3 أيام وتيجي الدورة .. سافر زوجي يوم السبت وموعد الدورة الثلاثاء

طبعا رحت بيت أهلي وأنا زعلانة إنه راح الحج وما أخذني معاه .. لكن سبحان الله مسبب الأسباب

العجيب سبحان الله لما كان زوجي في المدينة المنورة يوم الاثنين وليلة الثلاثاء جاه في المنام إني حامل وبصراحة ما أخبرني إلا بعد ما رجع

يوم الثلاثاء نطرت ما جات قلت الدنيا شتاء وربما تتأخر الدورة عادي .. ونطرت والأيام تمر قلت عادي لأسبوع .. يوم الأحد اللي بعده ما قدرت أستحمل وجبتلي تحليل منزلي ونايمة وأنا حاطة يدي على قلبي .. يا رب أكون حامل

قمت الفجر للصلاة وقلت يا رب يا كريم ودخلت دورة المياه وانتوا بكرامة وسويت التحليل بو نقطة أو نقطتين

قعدت في الداخل على أعصابي .. ليما طلعت النقطة الثانية وعيوني على التحليل هيك :eek2:

تجمدت في مكاني مادري من ربع ساعة لنص ساعة بس اطالع النقطتين .. حامل؟؟!!! انا حامل؟؟؟!!! معقووووووووووول؟؟؟!!! بعد سنة يا رب ومن غير علاج

اقول في نفسي ألحين النقطة الثانية بتختفي .. ألحين مادري شنو .. وحسيت حالي راح أموت من السعادة.

توضيت وطلعت ورحت أصلي الفجر مع الوالدة الله يحفظها وخبرتها

حبيبتي طارت من الفرح .. وقالتلي ما تحكي لحد ..

المهم رحت ثاني يوم للمركز الصحي ومعاي عينة وحللت وأخذت النتيجة الظهر.. الحمد لله رب العالمين أيضا تأكدت إني حامل .. طبعا أختكم أم لسانين ما تقدر تسكت العائلة من طرفنا كلها عرفت حتى أزواج أخواتي صاروا يباركولي

المهم أهم شيء قلت مش راح أقول لزوجي إلا لما يرجع علشان أشوف ردة فعله بنفسي وأمام عيوني مش عن بعد

يعني أزواج أخواتي دروا قبل زوجي :D2 بس شو أعمل هو بعيد عني وقلت مابي أحرق المفاجأة

ولما رجع من الحج وإحنا في السيارة يقول لي ها بشريني جات الدورة ولا لا .. وانا ساكتة واقول له في البيت .. بصراحة بعد في السيارة راح تنحرق المفاجأة .. لازم نكون على راحتنا علشان تكون ردود الأفعال واقعية وفي بيتنا :shy:

المهم ما دخلنا البيت .. ها بشريني شو صار؟؟ قلت له حامل :shy: مسكين من السعادة مش عارف شو يعمل طبعا إنتوا عارفين بردود الأفعال الخاصة .. خليها على جنب .. وقام سجد سجدة شكر لله لما سمع الخبر

كانت سعادتي أكبر لما شفته سجد هالسجدة لإنه أجمل شيء أن تكون ردود أفعالنا فيها طاعة لله

وما خلى حد من أهله ما دروا .. مساكين كلهم في بلد زوجي (للعلم أنا من بلد وزجي من بلد آخر) .. أهله طاروا من السعادة وزغاريت على التليفونات وضحكات ووناسة

سبحان الله .. طلبنا من ربنا أن نحمل بعد سنة وسبحانك يا رب تم الحمل تماما بعد سنة وكأني بعدني عروس بعد أول ذكرى زواج جاتني الدورة وبعدها حملت

يعني تزوجت 8/ 12/2003 .. جاتني الدورة 13/12/2004 .. وبعدها تم الحمل

اللهم لك الحمد

وربنا يرزق كل المتزوجات .. وتقر عيونهم بالذرية الصالحة

ألحين انا في الشهر السابع ولله الحمد والمنة وباقي تقريبا شهرين ونص

دعواتكم أخواتي لي بولادة سهلة

وسامحوني طولت عليكم كثييييييييييييير .. بس موضوع شيق للغاية ويذكرنا بأحاسيس غاية في الروعة

أخواتي الغاليات اللي ما حملوا لليوم .. همسة أهمسها في أذنكم

لا تقنطوا من رحمة الله .. ولا تشعروا بالضيق والهم إنه ما صار حمل .. ترى الواحد يحس إنه الموضوع بعييييييييييييييد عنه

لكنه عند رب العالمين لا يحتاج منه جل وعلا إلا قول (كن) وأحيانا كثيرة بدون علاج .. ويكون التأخير لحكمة لا يعلمها إلا الله

والخيرة فيما اختار الله

كونوا على يقين بالله وسوف تشعرون بسعادة تامة في كل الأحوال

يا رب ارزق كل الأخوات اللي تزوجوا ولسة ما حملوا بالذرية الصالحة وعجِّل لهم بذلك

آمين يا رب العالمين

وسامحوني مرة ثانية .. طولت عليكم

bent palestine

الله يتمم لج على خير و يسهل عليج الولاده و يرزقج بيبي مثل العسل ويجعله ذريه صالحه....حبيت قصتج وايد و مادري ليش اثرت فيني....انا طول عمري احاتي اني ما اقدر احمل!!! من كثر ما احب الاطفال اخاف ما احمل......و مع ذلك قبل الزواج كان نفسي اضل سنه بدون حمل....بس الحين بعد ما كملت شهرين عالزواج نفسي احمل!! وطبعا نحنا حاولنا واليوم المفروض تجيني الدوره بس لين الحين ما فيه شي...مع اني حاسه بالم البطن و اسفل الظهر....بس بعدني على امل..:)
مع اني وايد احس الفتره اللي فاتت باعراض غريبه مثل اللوعه والغثيان و التعب بس مو شرط يكون حمل واللي الله كاتبه حلو...

الله يرزق كل المتزوجين يا رب و يرزقني يا ارحم الراحمين

angel eyes تسلمي يا عسولة على دعواتك الحلوة

والف مبروك الزواج .. ولو إنها متأخرة

وصدقيني أنا كنت مثلك أحاتي من بعد شهرين وعلى أعصابي وليش ما صار حمل

لا واللي زادني زعل وضيق أخوي اللي أصغر مني تزوج بعدي بشهر ونص تقريبا ومرته حملت من أول شهر

وكانوا يباركولها وأشوف نظرات الحزن إنه لسة ما صار الحمل عندي

يعني اللي بعدك تزوجت واحملت وإنتي لسة

مع العلم حبيبي أخوي ما كان نفسه زوجته تحمل بالسرعة هاذي ولما باركناله قال أحسن شي إنه لسة ما صار الحمل لي

سبحان الله .. لا اللي جاه الموضوع بسرعة سعيد ولا اللي متأخر عليه سعيد

يختي وكليها لله وصدقيني ربنا ما يقدر علينا أمر إلا ويعلم أن فيه الخير

يعني إحنا بداية زواجنا ديون الزواج من عرس وسفر وخلافه وقعدنا سنة كاملة نسدد فيها ولو كان في نونو في أول سنة كان بس الله وحده العالم كيف راح يكون حالنا

لا تحاتين وايد .. وخليها على الله وراح تسمعي الخبر في وقت هو الخير أنه يتم فيه

بصراحة حمل في بداية الزواج صعب جدا الواحدة تحس إنها ما انبسطت بزواجها إطلاقا وحتى زوجها إذا شافها على طول من البداية كله راقدة ودايخة ولايعة جبدها راح يحس بالضيق لإنه ما استمتعتوا بالزواج

ربنا يبارك لكم في الزواج وإنتي بعدك عرووووووووس لا تفكرين وايد واستمتعي بزواجك

وخليكي ريلاكس على الآخر (هذا رد على أحد مواضيعك الأخرى) وراح يكون الموضوع افضل بكثير مما تتوقعين

أتمنى للجميع التوفيق