كل وحده تدش وتقول..........................؟؟

:) شكرا على ردج الغاليه ....ومثل ما يقولون..اللي فيه الخير يقدمه ربنا :)

والنعم بالله

مبروووووك اختي bent_palestine

وعقبال angel eyes

الله يبارك فيك أختي الملاك الحزين

الله يرزق كل المتزوجات الذرية الصالحة

اللهم آمين

انا صارلي 6 اشهر متزوجة و لهسه ماكو حمل...... ادعولي... كل شهر اكول الشهر الجاي راح اكون حامل انشاء الله..... بس ماكو.... والحمد لله على كل حال.......

الزواج متى صرتي حاملل اي في اي شهر من الزواج؟؟

بعد شهرين من الزواج

هل ادوش الناس على ما صرتي حامل من الاسائله؟؟

مب اذيه الصراحه بس بدوا يلمحون و ينغزون :)

شنو كان وقع الخبر عليش لما عرفتي انش راح اصيرين ماما او شنو ردت فعل زوجش؟؟

الصراحه كنا ناويين نأجل الحمل عالاقل 6 اشهر بس مادري فجأه قررننا اننا نبغي بيبي...والحمد لله ضبطت مع اني ما كنت متوقعه تضبط بهال سرعه..الحمد لله رب العالمين....طبعا كنت اعتني من الام الدوره و الكل يقوللي شو فيج ذبلانه...وكله مالي خلق و تعبانه ولايعه جبدي و ابغي انام..ولما اتأخرت الدوره 3 ايام زوجي قاللي حللي...خذت جهاز الفحص المنزلي و فحصت اول ما قمت من النوم...ما صدقت عيوني و قمت اتنافض....و رحت قومت زوجي و قتله اني سويت الفحص و طلع موجب طبعا ما استوعب و انا قتله هذا مب اكيد بروح العياده باجر...طبعا ما خلاني اتريا...قاللي روحي اليوم...والحمد لله طلعت حامل....طبعا شعور لا يوصف و هو طاير من الوناسه....بس خايفه اني ما اكمل من كثر ما اقرا عن البنات اللي يسقطون....الله يستر :(

مبروك angel eyes

ولا تحاتين


كل وحدة تفكر في هالشي


خلي اعتمادج على الله

الله كريم

مرحبا بنات حتى انا حابه اشارك معاكم في هالموضوع

متي صرت حامل بعد الزواج باربع اشهور
بس الله ما تمم لي
وحملت مره ثانية على طول يعني ولا مره يتني الدورة عقب التسقيط
والحين انا في الشهر الثاني


عن اذيه الناس

بس اهل ريلي اقصد ععماته واهله حشروني من اول شهر
وشككوني في عمري ان فيني شيء
ورحت اتعالج وطلع الحمدلله مافيني شيء


عن شعوري
في المره الاولي مافي شعور
عشان حالتي الصحية
اما المره الثانية زوجي العزيز صار عنده خبره
فكله يراقبني ويراقب تصرفاتي وانا خبر خير
وسار الصيدلية وجاب تحليل حمل وانا طبعا عصبت وقلت لها
بدري ماراح يظهر شيء الحين

بس سبحان الله طله موجب وما صدقت
ومن ثاني يوم على المستشفي وسويت تحليل دم
والحمدلله طلعت حامل

ولين الحين ما خبرنا حد بس انا وزوجي واختي



وبيني وبينكم مب ناوية اتكلم
لغاية الثالث

اسيرة الروح

الله يتمم لك بخير ويسهل عليك ويقومك بالسلامة ان شاء الله

bent_palestine

والله نزلت دمعتي وانا اقرا كلامك يوم انتي تطالعين في النتيجة ...... الله يتمم لك على خير ويرزقك الخلقة التامة ويسهل عليك ان شاء الله

كلامك صحيح الحمل بعد سنة حلو ...... احنا للحين نحس ان احنا في شهر العسل لاننا نسافر براحتنا ونجي ونروح بكيفنا بس اللي يضايق في الموضوع كلام الناس او التلميحات السخيفة اللي يرمونها

والحين اي احد يسمع عني تعبانة يفكرني حامل ( صار لي متزوجة سنة وسبعة شهور وخمسة ايام ) وليلة السبت كنت في زواج ولد خالي وحدة تقولي كيفك مع الحمل !!!!!!!!! تتوهم الاخت

لكن شعارنا دائما هو طنش تعش

angel eyes

الله يسهل عليك ويقومك بالسلامة ان شاء الله

ولا تحاتين اي مشكلة اهم شي تهتمين بنفسك وبالبيبي وان شاء الله تبشرينا عن سلامتك

رووووووووومي حبيبتي شكرا...:)

بس قوليلي انتي شيكتي مع الكتوره ؟؟

تبين الصراحة ......... لأ

لأن زوجي هو اللي راح وفحص اول وطلعت عنده بعض المشاكل تحتاج الى علاج وللحين ننتظر

انا مبسوطة والحين ودي اكمل سنتين على الأقل لانه في 30 نوفمبر نكمل سنتين واقول مدام صبرنا كل هالوقت ما حبكت على خمسة شهور

المشكلة ان الرجال يتحسس كثير اذا كان هو السبب ....... انا الحمدلله ما عمري حسسته ولا بينت له بس هو حبيبي اذا شاف اطفال احسه يتضايق لانه يتمنى يصير اب

وكل مرة نروح السوق يشتري لبسة مواليد وحدة لبنت والثانية لولد

الله يرزقنا جميعا ان شاء الله و يسهل على كل الحوامل .... آمين

الله يصبركم حبيبتي.....

يلا ماعليه...الله ان شاء الله بيرزقكم كل اللي تبونه.....ونسمع خبر حلو قريب ان شاء الله

الله يسمع منك ويرزقنا جميعا

مشكورة حبيبتي

يالله بنات وين الباقي نبي نشوف مشاركاتكم

بعد الزواج متى صرتي حامل اي في اي شهر من الزواج؟؟
بعد اريع شهور من زواجي..

هل ادوش الناس على ما صرتي حامل من الاسائله؟؟
لا بس يمكن شخص او اثنين ...

شنو كان وقع الخبر عليش لما عرفتي انش راح اصيرين ماما او شنو ردت فعل زوجش؟؟
انا تاخرت عندي الدوره تقريبااربع ايام..
سويت تحليل منزلي وماظهرلي شي فعقيت التحليل في الزباله نفس وحده من الخوات وظهرت من البيت وكنت يومها بيت قوم ابويه..ويوم رجعت كنت برمي شي في الزباله وكان الكور مال الزباله مش موجود وماكان في الزباله الا الاختبار وظاهر فيه خط ثاني خفيف...وقفت عند الزباله اصيح:cry:واول واحد كان عندالي اخويه وقتله وهو يضحك ع ردت فعلي .اتصلت في ريلي ويا بيت قوم امي ويوم قتله للاسف كانت ردت فعله بارده وقال لازم نتاكد من المستشفى ونحبطت وتكسرت الفرحه فيني..وسرت ثاني يوم العياده بس من وراه والمصيبه يوم سويت تحليل ظهر اني بعد هب حامل..تميت اسبوع زعلانه وما نزلت عندي الدوره...وبعدها اربيعتي تشتغل في المستشفى يت خذتني ودتني روحها اتسويلي تحليل دم وظهر اني حامل من شهر ونص بعد بس كانت هرمونات الحمل عندي ضعيفه:eek2:

وبعدها يبت التحاليل حق ريلي واستانس بس للاسف بعد شو عقب ماصدمني بردت فعله:cry:

رومي قولي امين

ان شاء الله ماتكملين السنتين الا وانتي تقولين

بنات باركوا لي انا حامل

بعد الزواج متى صرتي حامل اي في اي شهر من الزواج؟؟
كملت 3 شهور و للحين .. لا حس و لا خبر

هل ادوش الناس على ما صرتي حامل من الاسائله؟؟
عمتي ... اذتني باسألتها كل يوم .. و الناس اللي يعرفني و اللي ما يعرفني يسأل
و انا اتجاهلهم ..

اتمنى احمل هالشهر و اخبركم بالنتيجة

الله يرزقنا و يرزق المؤمنين و المؤمنات ..

استغفر الله ربي و اتوب اليه

بعد الزواج متى صرتي حامل اي في اي شهر من الزواج؟؟


بعد سنة ونص بالضبط .. اي سنة وستة شهور ..



هل ادوش الناس على ما صرتي حامل من الاسائله؟؟

اكيد..
خصوصاً النسوان الكبار في السن .. وحتى اللي من برا اهلنا ..
رغم اني كنت مأجلة سنة حق الدراسة الجامعية..
بس بعد السنة خليت المجال مفتوح والله كتب لي احمل بعد 6 شهور..
يعني احسها عادي ما تأخرت ابد..
يمكن لأن عندنا حالات في العايلة تأخروا لسنين .. وبعدين حملوا .. فما كنت شايلة هم ذاك الزود..
بس الاسئلة تضايق واجد..

شنو كان وقع الخبر عليش لما عرفتي انش راح اصيرين ماما او شنو ردت فعل زوجش؟؟

دورتي كانت مو منتظمة على الاطلاق... من بلغت وهي على هالحال.. يعني كنت متعودة تأخر اسبوعين ثلاثة وحتى شهر..
اول ما تزوجت كل ما تأخرت يقولون حللي .. بعدين يوم طولت السالفة ملوّا وسكتوا عني.. تالي قمت انا احاتي :D2

بعدين مرت اخوي اكتشفت انها حامل.. رغم انها متزوجة بعدي بفترة ودورتها ما شاء الله منتظمة فما صار لها الا 4 شهور وحملت..
جاني احساس غريب وقلت لأختي بروح انا بعد اشتري جهاز تحليل من الصيدلية.. قالت لي والدورة متأخرة؟ قلت ايي اسبوعين ويومين فوقهم..
قالت انتي دائما تتأخر .. ليش هالمرة ؟؟ لا تتحسسين لأن مرت اخونا حملت وانتي لا .. هذا قضاء الله..

احبطتني .. لكن طلعت من عندها ورحت شريته من الصيدلية ولا خبرت احد.. ولما نمت حطيته تحت وسادتي <<< خايفة يهرب منها :D2


من الصبح سيده سويت التحليل وطلع واااااااااااضح واضح واضح... اول شيء جمدت.. والعيون مبققة .. تالي الابتسامة مع الدموع وطلعت من الحمام ركيييييييييييييييييييييض على زوجي اللي كان يقرأ قرآن بعد صلاة الفجر.. وبشرته..

احبطني بردة فعلة..يقول متأكدة؟ مو مثل كل مرة ؟؟ قلت له لا .. هالمرة تحليل!
قال لما نروح المركز ونتأكد بعدين خبري امي وامج ..


بسسس انا ولا انتظرت سيده رحت بشرت عمتي الله يحفظها.. كانت ما ترضى احد يتكلم علي .. او يقول فيني شيء ولا شيات..



والغريب ان زوجي ما طلع ولا ردة فعل الا يوم رحت المركز اول موعد للحوامل وسمع نبض البيبي .. حس انه فيه شيء صدق .. وقعد يضحك عدل عدل..


الله يرزق كل محرومة يارب مثل ما رزقني وتذوق هالفرحة المميزة.. :)

مشكورة اختي عاشقة الجوري50 على الدعوة الحلوة

الله يرزقك من اوسع ابوابه ان شاء الله

ألف ألف مبروك اختي عاشقة الجوري 50 والله يتمم عليك ويحفظك

وإن شاء الله أختي رومي لما تجي تحملي تحملي بتوأم مرة وحده


عاد الحين خلني اعلمكم بتجربتي
بعد الزواج متى صرتي حامل اي في اي شهر من الزواج؟؟
ما واحيت أرجع من شهر العسل في نفس الأسبوع اللي رجعت منه كشفت وطلعت حامل، أنا بعد العرس بأربع أيام نزلت عندي الدوره وبعدها ما شفتها مرة ثانية المهم من رجعنا للبلد اتذكر اني كنت احاتي ليش الدورة متاخرة تقريبا يومين او اربع أيام مع العلم انه دورتي منتظمه فشفت زوجي هب واقف وطلع برع البيت الا وبعد شويه جاي ومعاه جهاز فحص الحمل وانا كله ولا على بالي ولا متوقعه انه الحمل كذا **ما أدري شو على بالي ***

المهم جى واحرجني طلب مني عينه من ((-------) عاد انا كيف وعروسه وأعطيه ...... عشان يسوي فحص وانا احاول اقنع فيه يا رجال خليني أنا بروحي بدخل الحمام وبفحص وهو مصمم المهم عطيته عينه وبعد عناد شديد وخجل وفحص وبعد شوي راواني النتيجه من دون ما يتكلم شفت خطين وما فهمت وأساله شو يعني قالي يا حلوه مبروك أنتي حامل وانا ضليت ما مصدقة لين ما شفت نبضات الجنين بنفسي . وعاد ما تتصورو كيف كانت فرحتنا زوجي أتصل بامه وقالي أنتي خبريها بنفسك وأتصلت بامي وامي ما قصرت علمت كل خواتي . وطبعا هذا خبر مفرح وخاصة انهم ما لحقو يرتاحو من فرحة عرسي يعني كانت أيامنا أفراح في افراح واللي نكد علينا هو.................................................... الوحام كان حمالي متعب كثير الله يصبر كل الحوامل.

هل ادوش الناس على ما صرتي حامل من الاسائله؟؟
ما لحقو يا عيني حد يأذيني