عزومة رمضان... أعمل ايه ساعدوني

للسف يا مرمر ماما مسافرة وعلشان كده مش عارفة اسألها ، وأنا عمري ما عملت رومي كبير دايما كنا في البيت نعمل حاجة صغيرة تكون في حجم البطة أو أكبر شوية يعني 4 أو 5 كيلو أنا اخترته علشان لما يكون كبير شكله يشرف على السفرة وبيعطي منظر برضه

طيب تفتكري الباذنجان كفاية 4 كيلو ، وهاعمل جنبهم 1 ك ورق عنب ومحشي الفلفل طبعا زي 1 كمان ايه رأيك يكفيهم (أنا قلقة جدا من مسألة العدد دي، عمري ما طبخت للعدد ده كله بصراحة :o :D2*)

انا تفاجئت ان 292 قراءة ولا حد يرد عليا غير مرمر وأحلى عيون :pain:

ربنا يسامحكم

امال كل الطبخات الحلوة اللي على الموقع دي من اللي عاملينها ، كده برضه تخذلوني وقت احتجتكم

ربنا يخليكي يا مرمر انتي وأحلى عيون :smile::up:

شوفي حبيبتي المهم مش الحجم المهم الطعم والسوه يعني انا اقترح عليك بالنسبة للديك الرومي تبدي فيه من بدري اقصد الصبح بدري تتبليه وتخليه ساعتين اقل شيىء ثم تجيبي كاسة اوكاستين عصير برتقال حسب الحجم وتضيفي لهم عصير نصف ليمونة اوليمونة كامله وملعقة صغيرة عسل ابيض وتقطي طماطم حجم كبير :clap:تحطي الطماطم في الصينية الي حتحطي فيها الديك وتصبي على الطماطم السائل (الحوامض) ثم تملحين الديك وتحطيه في الصينية وتغلفية بالا لمونيوم وتحطية في الفرن وتخلية مدة ساعتين على حرارة معتدلة بدون فتح الفرن بس حاولي تشمينه بين فترة واخرى علشان ما يشيط وبعدين ياامورة لما تشيلي الفويل (لاتحطيه خلاص علشان الديك يتحمر )حتلاقين صلصة سقي بيها الديك كل شويه لغايت ماتلاقيه تحمر :smile:الديك وخلص باقي الحشوه

شوفي bridetobe

اذا كنت خايفة انه الديك الرومي مايضبط اشوي دجاج بداله

انا في العزومات الكبيرة و خاصة برمضان نجتمع عندي بالبيت اكثر من 15 شخص

و انا اقلك على الاصناف اللي اعملها

اول شي الشوربة

انا اعمل شوربة العدس الاصفر مع الدجاج افخاذ دجاج اسلقها معاها يعني 6 قطع تكفي للنكهة و لما تستوي تخليها من العظم و تريشيها حتى الكل ياخذ من الدجاج كم قطعة

ثانيا الطبق الرئيسي

انا اعمل دجاج محشي بالخضار و الشعرية و اتبله بتتبيلة حلوة
1- التتبيلة

لبن زبادي 500 غرام، عصير ليمونة، ثوم مبشور حسب الذوق، فلفل احمر حار (شطة) راس زنجبيل مبشور، ملح، كركم(لونه اصفر)
تتبلي الدجاج من الليل للصبح طبعا بعد ما تنظفي الدجاج تقدري تعملي 6 دجاجات

2- الحشوة

بصل نصف كيلو تقطعيه و تحمريه
تكوني محضرة خضار اللي تعجبك مثلا جزر مقطع مكعبات بازلاء او فاصوليا خضراء مقطعة و معها فطر مشروم معلب مقطع علبيتن كبار يعني انت تحطي الخضار على البصل و تقلبيها بعد ما تكونين سلقتيها نص سلق

و تكونين محمرة شعرية نص كيلو و بعد ما تحمريها تحطي عليها ماء و ملح و تخليها تغلي الى ان ينشف ماءها

و بعدين تحطيها على باقي الحشوة و ممكن تحطي زبيب و لوز مع الحشوة
و تحطي البهارات

تشوي كل 3 دجاجات مع بعض بالبداية الفرن يكون حامي و لما تشوفيها تحمرت وطي النار و خليها تستوي ممكن انت تبديها بيها الصبح و تخليها و لما تكملي كل شي و قريب الافطار تشعلي الفرن و تخلي الدجاج فيها حتى ما يبرد

و بعدين تحشي الدجاج بيها و راح تكون كمية الحشوة كثيرة الباقي تعملي رز ابيض مفلفل و لما تقدمي الرز تحطي عليه باقي الحشوة على كامل صحن التقديم الكبير اللي يكفي الدجاج كله يعني الدجاج يكون على الرز الابيض بالنص و على كل اطراف صحن التقديم تكون الحشوة موزعة

الصنف الثاني من الطبق الرئيسي ممكن أي طبق يكون فيه مرق حتى يقدرون ياكلوه مع الرز مثلا مسقعة باذنجان و انا احط معاها كفتة تطلع كثير طيبة

نجي للاطباق الجانبية تعملي سمبوسة محشية باللحم و محشية بالجبنة و البطاطا و معاها معدنوس او نعناع

و تعملي اصابع كباب ( اعتقد انتوا تسموه كفتة) و معاها بطاطا مقلية

و تعملي سلطات خضراء ضرورية طبعا و حمص و بابا غنوج

الحلويات
بسبوسة

و قطايف و هاذي كثير طيبة
و انا اعمل عوامات ( لقمة القاضي)

و أي سؤال انا حاضرة

الحشوة:D2 نسلق بطاطا ونقطعها مكعبات ونجيب علبة حمص حب مش مطحون ونفرغ الميه بتاعت الحمص ونجيب بصلتان ونقطعهم جوانح ونقليهم في (الزيت او الزبدة او السمن) ونحط على البصل ثلاث فصوص ثوم مفرومين وشويه(كمون وحلبه مطحونه وفلفل اسود وبهارات الي تحبينها بس لاتكثرين) ونحط عصير ليمونة ونحط البطاطا والحمص الحب واذا حبيتي اضيفي بعض الكسرات المقليه او المحمصة للخلطة لاتنسين الملح وخليها شويه على النار ثم احشي بها ماشئتي وسلامتك:clap:

ملاحظة

الاطباق الجانبية يعني النواشف تكون مهمة في عزومة رمضان لانه اكثر شي هي اللي تؤكل و انا بعد اعمل اقراص الكبة اللي بالبرغل تكون عجينتها


:up:

و مثل ما قلت اي سؤال انا حاضرة

ملايين

سوزي

أهلا وسهلا بكم منورين :smile: باين عليكم ستات بيوت ما حصلتوش :up:

أشكركم على مساعدتكم وكرمكم

ملايين

أنا عجباني حكاية الصوص قوي هاعملها ان شاء الله

بس في الخلطة مش أحط بصل مبشور؟ يعني انا باحط بصل مبشور وزيت ومايونيز وفلفل حامي واضربهم في الخلاط وبعدين احشي الرفاخ أو غيره ايه رأيك ؟

سوزي

أهلا بك ، وأشكرك على كرمك في المساعدة :up:

أنا فعلا ناوية أعمل قطايف وبسبوسة ان شاء الله لكن لقمة القاضي صعبة وبتبوظ مني :o

ربنا يبيض وجوهكم زى ما بيضتم وجهي :smile:

بالنسبه للبصل تقطيعة اختياري وحبيبتي تعدد الخلطات رصيد عند ست البيت بحيث ان الي يذوق الفراخ مش خيؤل دي نفس الخلطة بس الشيىء هذا راجعلك اختي:shy:

تسلمي لي يا ملايين وتسلم ايديك والله

أنا نفسي تكون عزومة هايلة يفضلوا يحلفوا بيها ومن كثر ما أنا نفسي في كده مش عارفة أجيب ايه ولا ايه وأعمل ايه ولا ايه، ادعولي ربنا يبيض وجههي ويسترها معي يومها ويعديها على خير:smile:

الله يعينك والله حاسه فيك

:down:
بس للاسف ماعندي فكره كتير في الطبخ :confused::pain:


بس حاولي تهدي شوي وتستعدي من بدري

زي الحلا اعمليه بالليل والمحشي والمعجنات :eek2:



وانا حدعيلك انه يكون فطورك يكون هائل :clap:

غيمة حزن

جزاك الله كل الخير انتي وكل اللي ساعدوني، أنا بدأت وجبت الديك خلاص وان شاء الله هابتدي من اليوم، وربنا يسترها ويعديها على خير

رمضان كريم عليكم كلكم وعلى الأمة الاسلامية يا رب يعيده بخير وسلام

السلام عليكم ورحمة الله وبركاته

طمنينا عليكي أختي bridetobe...

و أنا متأكدة إنها هتكون كده :up: إن شاء الله :smile:

أهلا يا مرمر، رمضان كريم يا جميلة :smile:

يا رب تكون ثقتك فيا في محلها وربنا يستر وما يكسفنيش احسن هتبقى علني على رؤوس الأشهاد العائلة كلها :pain::shy:

أنا جبت الديك 6 كيلو وهاعمل معاه 4 فرخات في الفرن وهاعمل ان شاء الله 3 كيلو بفتيك ، و4 كيلو محشي باذنجان وواحد كيلو ورق عنب و2 صينية جلاش باللحمة وواحدة بالجبنة و2 مكرونة بالباشميل، وكيلو كفتة مشوية بالبرغل أو يمكن أغير رأيي وأعملها داود باشا وهامل أرز بالمكسرات على طريقتك :up: ده بقى اللي أنا واثقة انه هيطلع حلو ان شاء الله علشان من ايديك :smile:

تفتكري كده يكفي 16 فرد ؟

طيب بالنسبة للحليب بالتمر علشان يكفي 16 فرد أجيب قد ايه حليب ؟

السلام عليكم ورحمة الله وبركاته

ما شاء الله أختي bridetobe...

جايبة حاجات كتير أوي...صدقيني هيفضل منها كتير..لأن الناس مش بتاكل في رمضان...إن شاء الله بس ترفع راسك قدام أهل زوجك...

إن شاء الله اللي هيفضل من العزومة تفضلوا تفطروا عليه باقي رمضان كله...:smile:

و بإذن الله تكون عزومة ناجحة بكل المقاييس...:up:

برأيي بلاش تمر باللبن...الناس كتير...و السوائل مش هتكون عملية...خليها تمر سادة أحسن...


قوليلنا العزومة إمتى ؟ و طمنينا عليكي...

السلام عليكم ورحمة الله وبركاته

ازيك يا مرمر، والله ربنا يكرمك ويجزيكي عني كل خير يا ريت نكون أصحاب:smile:

هى فعلا السوائل مش هتكون عملية خصوصا ان عدد الأطفال أربعة بس احنا في مصر مش متعودين نقدم تمر فقط من غير خشاف أو حليب وخايفة أعمل كده

هى العزومة يوم الجمعة ان شاء الله، وأنا بدأت امبارح وعملت الجلاش باللحمة

ادعيلي يا مرمر وحياتك أحسن أنا فعلا خايفة في أوقات الأكل بيطلع مني مش مضبوط وخايفة تحصل حاجة مندي يوم العزومة

السلام عليكم ورحمة الله وبركاته

فكّرتيني بنفسي في رمضان اللي فات...كنت خايفة خالص...

بدأت أحضر من قبلها...و الحمد لله العزومة كانت ناجحة بكل المقاييس...

و أنا متأكدة إنه إن شاء الله عزومتك هتكون روعــــة,,,سمّي بالله الأوّل...و خلّي نيّتك رضا جوزك و إفطار صائم...علشان الحسنات...

شكلي أنا برضه هيكون عندي عزومة يوم الجمعة...:pain: ربنا يستر...

:rolleyes:

ربنا معك يا مرمر ، أشمر وأجي اساعدك :shy: عندك شوية وعندي شوية :cool2:

رمضان كريم وبيحب اللمة وربنا يكفينا شر الفضايح في المطبخ :shy::pain:

السلام عليكم ورحمة الله وبركاته


أهلييييييين...bridetobe


طمنينا أخبار العزومة ايه..نريد نعرف النتيجة ...


ان شاءالله عدت على خير..



بانتظارك...



تحياااااااااتي

السلام عليكم ورحمة الله وبركاته

بعد ما نجحت عزومة bridetobe الحمد لله...

جاء دور عزومتي...

عندي عزومة لأصدقاء زوجي ( شباب يعني بدون نساء )...يوم السبت الجاي إن شاء الله...و راح يكونوا 6 أو 7 أشخاص...

احترت في الوصفات...و استقريت على التالي :

في البداية...تمر و قمر الدين...

بعدين السفرة الرئيسية...

شوربة لسان عصفور..

سلطات..

أرز بالخلطة و المكسّرات...

و إن شاء الله راح أسلق لحمة قطع كبيرة...و بعدين أتبّلها و أحمّرها في الفرن...و أضعها على وجه الرز...

دجاج مكسيكي...

كبة

سمبوسة خضار



و الحلو راح يكون بسبوسة و خشاف...

ما رأيكم بالسفرة ؟ تعتقدوا أضيف أي صنف آخر ؟ هل ستكفي 6 أو 7 شباب ما شاء الله ؟

بانتظار إقتراحاتكم...:smile: