تجمع حلم الأمومة لشهر رجب

ادخلو صبايا
خلونا نسهر وندردش

هلا وغلا دوودي

انا بخيير حبيبتي
وماكو جديد
والثلاثاء موعدها ..


اممم شسويتي بموعدك
ان شاء الله امورك تمام
انا تحليل زوجي هالاسبوع
واسبوع الجاي النتيجه
الله يستر

هلا عبق
ان شاءالله تحليل زوجك يطلع زين وكل شي تمام

بموعدي جلست تسألني من متى متزوجين و و و الاسئله الروتينية
وقالت ع كلامكم ماعندكم عائق الا التدخين
قلت لها كيف التدخين سبب المشكله وتحاليل زوجي كويسه
قالت يمكن يكون التدخين هو الي مانع الحمل عندكم حتى لو تحاليل الزوج سليمه
بصراحه ما اقتنعت بالكلام

اعرف كثير مدخنين وعندهم أولاد مشاءالله

سلاااام عليكم
يااحلو سهرتكم
زين لحقت عليكم هههه

صح كلام الدكتوره هايدي
اذا راقبنا التبويض نكون متوترين

هلا جوفان
منووووره
كيفك طمنيني عنك

دودي مشي معاها اذا ارتحتي لها
انا بعد اعرف مدخنين عندهم اطفال وجاو بسهوله
وزوجي مايدخن وماعندي خخخ مو شرررط بس هي يمكن مالقت لها سبب

دوودي
الله يسمع منك يالغاليه

احس كلامها غير مقنع ياكثر المدخنيين وعندهم عيااال
زوجوجارتي مدخن بشراهه وماشاء الله حملت من اول شهر
اللي تكون عنده الحيوانات المنويه مو كويسه يمكن اهوه اللي التدخين يأثر عليه


ويلا تعالوا نسهررر مع بعض

ملوكه
بمشي معاها هالشهر واشوف
ان شاءالله احمل وما أشوفها مره ثانيه

عبق
صح كلامك والله
اعرف كثير مدخنين وعندهم أولاد ماشاءالله
بس شكلها بتنصحه عشان يبطل
الله يهديه والله تعبت من الدخان
ريحته تعملي صداع

سولفو
بسالكم سؤال
من اكثر شخص مضايقك بموضوع الحمل
وبس ينق ع السالفه ؟

وازواجكم كيف متقبلين الموضوع ولا يطفشوكم؟

:)
الله كريم

انا مافي احد تحديداا مطفشني بهالسالفه
بس كثار يعني اللي يسألون فلانه حملت ولا لا
واللي يتعب اكثر النظرات الله يعين


أنا زوجي مو مطفشتي بالعكس انا احن على الحمل اكثر
بس واضح على تصرفاته انه حيييييل متلهف على العيال

الله يرزقنا ولا يجعلنا من المحرومين ياااارب

اهلللين
انا الحمدلله
اكثر واحد ينق ومضايقتي عن الحمل أمي��

أنا مااحد يفتح معي هالموضوع الا ام زوجي
وإذا سافرت للمنطقه اهلي كل الي يشوفني يسألني

وزوجي مبين انه متلهف بس ماينق
احيانا أحس انه عادي ومو فارقه عنده

بس امه دايم تسال وتلمح حتى قدام الناس
انا أتحسس لما تسألني قدام احد
حتى يوم الجمعه الي راحت أخذنا عشاء ورحنا نتعشى عندهم انا وزوجي
طبعا كانو مجتمعين كلهم خواته وعيالهم وأبوه
كلهم قالو كثر خيرك وان شاءالله بتخرجك
امه قالت لا مو بتخرك ان شاءالله بجيه ولدكم
فتحت الموضوع ونكدت علي

الله يرزقنا يااارب

ام زوجي ماتجيب السالفه مباشره
مثلاً تقول هذا فلانه حملت والفال لبعض التاس<< عاد واضحه انها تقصدني

بالنسبه لزوجي دايم يحاول يصبرني
ويقول توكلي على الله ،، وثقي بالله

الله يعوضنا حبيباتي

انا ام زوجي مثلا اذا احد حمل تقول الفال لك ولكل وحده ماعندها

توي انتبه للسؤال
انااا الكل مزهقني الكل يسأل الكل يدعي بوجهي بسس صار لي فتره هاجدين شوي يمكن لاني مااطلع وايد