تجمع أمهــــات مـــايو لـشهر ربــيـــع

ام جوجو ان شاء الله بخبرها ويارب ينفع معاه ,,, ههههههههه حلاته الدجاجة ...
ع السيارة صح هي جذي والاحلى انه المقعد تبعها صاير صغير وضيق ولها مكان تحط رجايلها من غير ما يصيرون متقوسين يعني كانها ع دراجة ...

هههههههه يعمري ع الحلوووين ايي اتذكر اني شفت موضوع ع هالسالفه انهم بهالعمر يحاولون يكونون استقلالين بما ضمنهم اللبس انا اشوف ميمي تحاول تدخل يدها ورجايلها وصارت تفهم للحفاظ يعني اذا ادخلها الحمام وانتي بكرامة توقف حتى افصخها اياه وبعدها تتحرك هههه ,,, ايي كنت بقولك دام انها تعرف تقعد بروحها وتتوقف جربي معاها النونية او تبع التويلت للتبديل اريح ليك ومنها تتعود ع روحه الحمام انا جربته لميمي من يوومين ومررريح واشوفها تفهم له ماشاء الله وتحب شي اسمه ماي هههههههههه ...

ام جوجو وجوفان أين انتم ؟؟

نحن هنااا

والله ام ميمي ماعاد فيه لعب هههههههه بدا التعب لزواج اخوي بقوه!
طبعا الحمدلله امس واخيرا بعد ماجربت عشرطعش فستان لقيت الفستان المنشود هههههههه>>متعوب عليها
باقي جوجو حبيبتي لا وعاد طالعينلي بطلعه احنيلها رجولها! عشان التصوير قال... يعني لو طبعه بس بدون نقش مدري والله جوجو احسها بتهبل فيني لو فكرت حتى لو وقت نومتها العصر الرجول منطقه حساسه انواع التدغدغ! بس انا حابه الفكره عشان بالتصوير تبقى ذكرى حلوه مدري عاد من هنا لوقتها افكرر
وبص

جوووووووفان ولكمووووووو حبووش ماهي اخبارك واخبار ابنتك <<< قلبت بنت العرب ...

ام جوجو هههههههههه الله يعطيك العافية يااارب وملبوس الهنا والعافية ان شاء الله ,,, جوجوو روحي بمذركير يا اختي انقهرررت شريت لها كم بدلة وبعدها بيوم الا يقولي زوجي لوصابرة لليوم الثاني اكو سووا تخفيضات توصل ل 50 بالمية شوفي القهر هههههههه وفوقها كنت شايفه ثياب جديدة وفساتيين يالله حلوووووووين ...

الحنة الله يعييينك اذا بتحطينهم ههههههههههههه ماعتقد بتخليك بحالك ,,,,

هههههههه احنا مذركيرنا مافيهوش تخفيضات وكالعاده انا وابو جوجو صدامات عالفستان الا يبي يلبسها ملون اقوله حلاته العرس تلبس ابيض او اوف وايت فرصه البسها فستان منفوش مدري متى تتكرر مو راضي وللحين في صولات وجولات على الفساتين خخخخخ
جالسه احاول ادور مصره تجينا للبيت بس المشكله موسسسم واغلبهم يفضلون يروحون لعرايس لان ياخذون كذا البوم

ههههههههه ام جوجو دائما أذواق الرجال جذي !! ولكن كنصيحة من مجرب اخذي الفستانين اللي يصير احلى عليها لبسيها وصوريها والاقل جمالا خليه للحفلة لان فيه ناس ماتذكر الله ,,,

غريبة ماله تخفيضات ! ,,, يعني الفستان بذيك القيمة بيطلع !! ...

اخبارها جوجو مع التسنين ؟؟ والله ذكرتك يام جوجو اقول مسكينه دوام ومافي نوم وتعب وفوقها سالفه هالتسنين يالله متعبه جد جد هالمرة الضعف احسها ريمي والمشكلة اثنينهم يبغون يتفضلون يعني انواع الاسهال والحرارة غير الصياح والزكام ع عمرررري يااارب هالاسبوع يشقون وترتاح بنتي ومسكينه بخضم كل هذا مصرة تمشي ههههههههههه وان طاحت تصيح يعني شنو اقدر اسوي ؟؟ اصير شبح وامسكها عن الطيحة ؟؟ ههههههه

ههههههههههههههه جوجو طاحت امس عند الباب وزعلت لان تفشلت بدخلة ابوها تستحي بنتي وكل شوي تتمسك باي شي بس خلوني واقفه خبوله
المشكله انا كمان اسناني ضربت ااععع رحت لدكتورة اسنان مافي تسوس واجد بس سنين عادي وطلعلي ضرس العقل تحت عاليسار احسب التعب منه طلع الي فوقه ماكل جذر الي جنبه وحوسه ومابعد يطلع بالعظم ياربي انواع التعب="( والله متخوفه منه الله يسترر بروح لدكتور جراح اشوف وش سالفته

هههههههههه سالفة طوويلة بهالسنون بس لاتخافين دامه طالع ع الثاني يعني بروحه راح يطيح الأول ويجلس مكانه هههههه حرب ع لثتك يام جوجو ,,, ذكرتني بأخوي مسكين معاناة مع هالسن لدرجه انه من طلع تسوس والله بلشة وآخر شي وصل التسوس للعصب وصارله شهر وبعدها قرروا يقصون العصب ههههههههه مسكين يوم تشوفينه وجهه منتفخ من الحساسية يووم متألم ويجي بحضن الوالدة تخفف عليه ....

دام جوجو تحب الوقفة عجل ابشرري بتشوفيها الشهر الجاي او نهاية هالشهر تتوقف بروحها او تمشي ع الكنب خخخخخخ وخذي ازعاج عاد ,,, ماتلاحظين انه زادوا بالدلع ؟؟؟ يعني أي يبغونه يعني ياخذوونه والا مايسكتون أبد !

والله قلبي مو متطمن! بروح واتاكد على هالاسنان
اما الدلع ماشاءالله ابوها مو مقصر يرفع ضغطي اقوله هذا بعدين كله بيطلع فوق راسنا! مو راضي -_-
والله غبت وانا برحلة البحث لجوجو على فستان وطبعا ما اتفقنا بس اكثر شي عجبني الي من فوق ساتان بعدين طبقات تول وبين التول ورد يتحرك مررره حلو فوشي اتوقع يطلع جميل بالصور...بس زوجي مابعد يقتنع ميه بالميه بس بروح اخذه شكلي خلاص خخخ
تخيلي صديقتي توريني يد بنت اخوها هههههههه عمرها 6 شهور مسوينلها طبعة ورده بالحنا على كف ايدها تهبللللل الله يحفظها عسللل خااطري صار الحين اسوي لجوجو بقوه خخخخ

ام جوجو توفعتك لاهية بالعرس وبجوجو والدوام ربي يعطيك الصحة والعافية ان شاء الله ,,,
الفستان ع وصفك حلووو ونعوومي وحلاته ع البنوتات جيي ,,, والطبعه دامها ما تأثرع صحة جوجو سويها لها وخليها هي بعد تستانس لما تشوف شي ع يدها تلتهي فيه شويه هههههههه...

آخر تطورات ريمي انها للحين تعاني مع هالتسنين وشكله مو بس ضرسين الاا 4 !! انا انصدمت انه اللي جنب السنون اللي فوق بعد نفس الشي نازلين بياضهم عدل ومنتفخين ع عمري بنتي تعااااني ياليته فيني ولافيها ... والكل اللي يشوفها يقول خلصت عافيتها كلش ضعفت !! ياخوفي نزل وزنها والله قلبي يعورني ع هالسالفه

ام ميمي
انا عالوزن فقدت الامل من جوجو! رحت اشتريلها شوية ملابس تخيلي مفروض تلبس الحين من 9 ل12 كلللللللللشششش كبيررر ووسيع عليها مممممرررررره اوففف اييييي جوجو نفس الشي ولاحظي حتى جهة الناب في بروز كمان! تصدقين اليوم طلعت ميموري قديم اشوف صور ولد اختي ياعمري انا مصورته فاتحه فمه عشان تبان سنونه يادوب سنونتين تحت والي فوق يادوب شاقين هههه وربي اتذكر التصوير كنه امس وكان عمره 8 شهور ياعمري عليه ماشاءالله الحين كمل 5 سنين الله يحفظه
جوجو الحين تبي بس توقف والتلفزيون هي تبي تطالع وتلعب وتفرفر وكل شي لها هي بس لحالها! اقول لزوجي لاتعطيها وجه مااااش قاهررررني محتله كللللل شي! زين اشوه ماتعودت عالاب توب ولا كان احتلته حتى جوالي البلاك بيري اذا مسكته تصيح تبي تاخذه -_- بتجيلي الجلطه
ام ميمي في محل كنت اطلب لجويلو منه وتوهم من شهرين ثلاثه فتحوه عندنا اسمه children place اشيائه مرررره حلوه وكيوته وجميله واحسه ارخص من مذركير بس خامة اشيائه عدله جربي دوريه عندكم اكييييد في فرع

ههههههههههه ام جوجو عجل بدأ الاجتياح عندك !! انا لما اقول لاهلي واهل زوجي عن فعايلها محد يصدقني والكل يقولي انتي تبالغين والله وكيلك من كم يوم سووت لهم أكشن قووي خخخخخخ صدقوني بعدها !! طبعا الاخت تعرف من قبل للاب توب شلون تفتحه وشلون تشغل مقاطعها المفضلة ( شلون مادري ! ) سبحان الله فعلاا اولادنه نعمة الواحد يتفكر فيها يعني اروح وارجع لها الا اشوفها قاعده ومشغله موسيقى او شي وتضحك لي خخخخخ والتي في طبعا تعرف الريموت تبعه وتفرق بينه وبين الريسيفر او البليستشن هههههههه وبس ماخذته يا فاتحته يا مسكرته وهي واقفه ومستمتعه ! واما تلفوني كل يوم نغمه تخلي فيه خخخخخ تعرف تعدل فيه النغمات شلون بعد مادري ماشاء الله عليها عبييثه ,,, انصحك ام جوجو تلفونك غيريه او خذي لك واحد معاه يكون رخيص ولما تشوفه عندك ع الاقل مايعورك قلبك اذا صار فيه شي ,, انا سويت جي وبلا اصارخ عليها او اعصب ع تلفون مايسوى اخليها براحتها واذا كبرت شوويه آخذ اللي بخاطري ....

والله ع الثياب يام جوجو مسكينه ميمي الوزن كل مالها يقل بس الطول يزيد ! الظاهر طالعه ع ابوها حتى جواتي تخيلي ماخذه تبع سنه ونص واكثر وبعد صغيييير عليها يعمري عليهم ,, والثياب نفس الحالة طول فقط هذا اللي مغربلها واما الوسع حدث ولاحرج كل ماله يصير فضفاض اكثر والله كررهت التسنييين واياامه ومثل ماقلتي الانياب منتفخين واشوف بياضهم وشكلهم بالتقسيط المريح ههههههه الحين اتوقع يومين ويشق السن الايمن لانه كلش مثل الجبل وهكذا الى نهاية الشهر الله يعيييني ...

المحل كأنه شفته من قبل بأحد المجمعات بس ما جذبني ممكن بس بعد بسأل زوجي واذا ملابسهم حلوووة ناخذ ليش لا ,,

ام جوجو تعدلت نوومت جوجو بالليل ؟؟ ماتلاحظين انهم صاروا ينامون طول الليل ؟؟؟ انا اشوف ميمي ماشاء الله من بدأت تتوقف بروحها وفهمت شووي صارت تنام الليل وماتغربلني بالنومة صلوات على محمد اللهم انها ماتبغي سريرها ولازم معاي عشان اذا اقعدها اذا عندها حرارة او شي .....

جووفان اين انتي ؟؟ ما اخبارك ؟

اهلييييين ام ميمي
ماشالله على ميمي ذكرتني ببنتي في طفولتها شقد تعشق الابتوب وابوي اذا شافها تشغل مقاطع يموووت ضحك عليهاااا( الله يشافيه ويطول في عمره)

ام جوجو
وانا اقول حلاتها بالفستان الابيض. ونقشة الحنا ياااناااسووو
لاتنسين تقرين عليها قبل لاتطلعينها من البيت
هي اوردي بتعتفس عليج بعد ماتطلعين من الزواج من الزحمه والاصوات ونومتها بتعتفس ،، لاتستغربين يعني شي طبيعي
بس الله يحفظها

ام ميييييميييي
جيت ابشررررررك اخيرا شقو سنون جوجو الي فوق!! عقبال ميمي ياااارب بس ماعرفت احدد كم واحد مو راضيه النحيسه ههههههه
اي ترا المحل جنان واسعاره مره رخيصه مقارنه بمذركير وغاب وكذا,,
اسكتي انا ابوها مايصدقني ويقول هذا قدامي ماتسوي شي لما ارجع من الدوام؟!!!! امس قبل لانطلع للدوام حطيتها عالكنبه بغير حفاظها وحطيتها ع البتاع حق تغيير الحفاض ورحت اقط الحفاظ الوصخ شوي الا زوجي يناديني الا الاخت نازله وتحبي عالارض طال عمرها اصلا وربي غبت يعني ثواني!!!! جننتني ههههه
جوفان
الله يطول بعمر باباتك ويعطيه الصحه والعافيه,,,
اي والله ادري النومه بتعتفس عددددل وزي ام ميمي انا مستانسه الحين نومتهم باليل تعدلت خخخخ شكلي ماحتهنى! بس قلت لزوجي بعد زفة المعرس خذها وروح البيت! لان الرجال زواجهم يخلص قبلنا بكثير انتي عارفه ان شاءالله يعدي ذاك اليوم على خير يااارب

جووفان ويخليك حبيبتي ويحفظ لك بنتك ياااااااارب ويشفي لك والدك ويطول بعمره ويعطيه الصحة والعافية ان شاء الله ,,, ههههههههه لايكون بنتي وارثه اللي عند بنتك ؟؟!

ام جوجو ,,, شفتي شلوون هاذي مثل مايقولون بداية الرقص حنجلة ههههههههههه انا ميمي تمشي الحين وذابحتني وكنت بقوولك من كم يووم شقووا اللي فوق واحد منهم والثاني بالدرب والطريقة اللي عرفت انهم شقوا بعد ماشفتها رجعت لحاله الأكل القبلية ! استغربت ماشاء الله تبارك الله سويت لها شوربة فيها كلشي واكلت برغبة عااد قمت اشووف سنونها وانا اضحكها الاا ماشاء الله اليمين شق وباقي اليسار بيشق ممكن هالاسبوع مثل اللي تحت والانياب اشوفهم متابعين زحف ههههههههههههه ,,, مبرووووووووووك ام جوجو ( تقولين رابحين ملايين مو جذي خخخخ ) ,,

ام جوجو لكن بذمتك ماتضحك وهي بدون حفاظ هههههههههههههههه امووت فيهم انا ميمي كانت بذيك الفترة اللي تحبي تموووت ع سالفة انها تشرد مني يدي وتراكض وتضحك خخخخخ ,,, جربي مع جوجو المشاية ( اللي تمسكها ) دام انها تحب تتوقف هاذي بتساعدها عشان تتمشي بالمساعده عشان ماتحس بخوف ....

والله يبيلي مشايه بقوه!
وجوجو اليوم اضحكها واشوف الا ماشاءالله 4 اسنان شقو واتوقع الانياب بعد شوي ,بس الي بارزين الاربع بس مسكينه خشمها حالته حاااله واحترت معاها ياعمري الله يعيني الخميس حبكت تمرض الحين

الله يعيينك ام جوجو والله أحس هالسنون اللي فوق اخس من اللي تحت بألف مرة ,, انا ميمي احس انه شوي احسن وضعها يعني سن سن يشق ورا بعض ويعطي فترة راحة على ماتجي الحالة لها ع الاقل تعوض الاكل والتعب اللي تعبته عاد ارتاحت اسبوع والحين جا دور السن الثاني وطبعا لازم ع الرايحة والجاية تصيح ع اتفه الاسباب !! واولها اذا ابوها موجود وماشالها وطلعها معاه وتظل ماتسكت الا اذا طلعها ورجعها لي داييييييخة حدها وبعد واويلاه ماقول الا ربي يلهمنه الصبر والقوة والهدووء على مانخلص من هالفترة المزعجة جدااا ,,

ام جوجو العرس بيوم الخميس ان شاء الله ؟؟ ,, اذا جذي تحملي على جويلوو بعد مافيها شدة مرض وعين ! ربي يحميها ان شاء الله ...

المشاية بتشوفينها بكل مكان وع الاقل تقضي وقت فيها وهي بتستمتع بس انا ميمي استعملتها قليل جداا لما جتها الشجاعة انها تمشي بروحها ومرة مرتين وخلص ,, بس الفايدة انه تقدرين تعيدين تخزينها لان كل قطعه بروحها مثل العاب التركيب بسيطة وسهله ...

انا جاتني هديه بيوم تمايمها لعبه تتحول مشايه وتصير كمان لما البيبي منسدح عالارض فوقه كمان! بس زوجي الله يصلحه قط العلبه ههههه كان الحين قلبتها مشايه وفكيت عمري خخخخ
اي والله الخميس الله يعيني مشغل وجويل وسهر باليل بس الحمدلله السبت اجازه عالاقل اريح يومين بعد العرس وربك يسهلها
جويلو مسكينه لان الاربعه شقو سوا والحين الانياب وااضحين خلاص بيشقو
الله يصبرنا عساهم بس يخلصون الباقي بسرعه يعني ماتجي سنه ونص الا احنا مفتكين من هالسالفه يارب

ماشالله ميمي بدت تمشي الحين
انتبهي لها من الطيحااات

مبروك سلفاً ام جوجو الزواج