تجمع أمهــــات مـــايو لـشهر ربــيـــع

ام جوجو ,, مبرروووك حبيبتي والحمدلله ارتحتي اهم شي واكره شي الامتحانات وان شاء الله لأحسن ...
والله صدقتي هوو خوف خوف انا رحت مقابلة مرة اخرى من كم يووم ماعجبني الشغل مشكوك به ,,, المشكلة يام جوجو اللي كاسر يدي هي رضاعتها مني وربي يعلم اما باقي الاشيا تهوون والحين تعودت اخليها مع ابوها عادي لكم ساعه باليوم وحتى مع والدتي واهلي ياخذونها ولا تفتكر بوجودي !

انا جربت معاها خيار وجرز مبشوور نااااااااعم مع نعناع خفيف وخلطته باللبنه طلعت لذيذه وعجبتها بداخل الميني سلايس ...

انا بنتي نصابه امس على كيفها اعطيها جزره تقرم منها هههه وتضحك تستهبل علي طال عمرها
اليوم شكللللللللو زكمت! اشوفها تعطس والخشم ماشاءالله يسيل وحاله الله يستر بس
انا احس بما انو قربو عالسنه خلاص نبدا نعودهم على كل وانتي بالذات ان شاءالله مع الوقت ميمي بتخف رضاعتها وكل شي بوقته حلو صدقيني محد ماخذ الا نصيبه

جوفاان
نووو انا تخرجت من الثانويه بدررري كان عمري 16 ههههههه درست سنتين دبلوم بعدين دخلت الجامعه بكالوريوس=) والحين صار عمري 23 ومبلطه فيها بسبة تهوري ولعبي صراحه كنت ببداية الدراسه اخذ ماده مادتين بالسنه وهالشي غلط خصوصا بسنتين التحضير بس يلا على قولة المصريين أهو عمر وماااشي
ان شاءالله السنه الجايه اخر سنه لي

ام جوجو شخبااارها جوجوه على التسنين ؟؟ انا ميمي تروح وتيجي فيها الحالة شكلوو بيطلعون بالجملة هههههههه بس محلينها السنين اللي تحت والتقريض حدث ولا حرج ومتعلمه من تاخذ جزرة او شي يابس مباشرة تقرض شوية وتعطيني (( كريم من مال غيره خخخخخ )) ,,, انا علمتها على اكلنه لان خبرك من على نهاية السابع اهلي الله يهداهم ما اخليها عندهم الا مأكلينها اللي بالبيت وتعلمت لي من ذاك الحين شوي شوي ماتبغي المطحون والماصخ ! ,, ولما رحت لموعد كشفها فعلا سألتني الدكتورة الحين تاكل معاكم اكل العايلة لانه خلاص ...

هااا شنو تطوراات جوجو معاك ؟؟ ,, انا ميمي مجننتني على ابوها بس اشوفها هدأت شوية لما أبوها راح الدوام ولكن لابد من حركاتها ! مرة تدور علبة الكريم وتفتحه على بالها جبن وتاكله والحين اشوفها تبغي تمشي وتعالي صفقي لي اذا مشيت هههههههههه وتترقص ,,,

ام جوجو ماشاء الله ماباقي الا شهرين وشي ويصير عمر كتاكيتنه سنة ! مرت الأيام سبحانك يارب ...

ههههههههههههه ام جوجو الله يحفظها ان شاء الله ,, اي والله انا توني من جم يوم اقول لزوجي يبغي لنا نجهز للحفلة بسيطة وهيك اموور واما الحماال قلت اذا خلصت اموري مع ميمي من ناحية الحمام والرضاعه تمام ان شاء الله ابتدي افكر ,,,

اي الكتاكيت من يحسون انه رجولهم قامت تحملهم خلااص هههههههههه ,, ميمي جننتني بالبداية بس بعدها خلاص تعودت وعلى قولة الوالدة الله يخليها ان الحين رباهم صدق بس ام جوجو انا ابغي احط لميمي كرسي للسيارة ظنك ما بترضى تقعد فيه موليه !؟؟

شوفي ام جوجو دام خشمها بس سيلان اضمن لك مليوون بالمية انه تسنين وشكله بالجملة مثل ميمي ومن قبل للسنون اللي تحت قبل مايطلعون لها باسبوع او اثنين صارت لها هالحالة ,, حاليا الاحظ انه رجعت لها حالة الصياح والتحجج بزياادة ورجعت حالة التبرز المتكرر فاتمنى من كل قلبي انه يطلعون لها ويريحوووونها ان شاء الله قريب ...

جوووفان مالها حس ؟؟

اهلللييييين
اقول مو تسوي الحفلات وتنسوني هههههه

ام ميمي
اتوقع تاخرتي على كرسي السياره انا جوجو من عمرها شهرين وشوي احطها فيه خخخخ ومحاوطتها بألعاب معلقه على الشباك جنبها وعلى السيت حقي من ورا خخخ حفله مسويتلها! بس لازم تعوديها عليه صراحه انا مااحب امسكها واقعد قدام احس مش تمام خصوصا في ناس هنا سواقتهم الله بالخير! والشوارع حدث ولا حرج هههههههههه وهي صايره تحب تحوس ومن يحملها احد تبي تفلت منه وتنزل!اذا تبين تعودين ميمي عليه حاولي تجلسين معها ورا تلاعبينها اول فتره على ماتتعود عليه وتجيبيلها العاب تلهيها مثلا شي يولع ويطفي وتعلقيه على السيت حقك من ورا شوي شوي بتتعود ان شاءالله
امس جوجو ردت عملت فللللم بكا للساعه 2 وبالموت نومها ابوها! يعني ليلتين انا مانمت زين بالمررره يادوب 4 ساعات تهئ تهئ اداوم كني زومبي خخخخخخ الله يستر من الليله صرت اخاف اروح انام انا كل شي بحياتي كوم وهالنومه كوم ثاني ازمه ازمه ازززززمه
جوفان
خلاص لك نصيب من الكيكه ان شاءالله ههههه

جووووفان ولا يهمك بس ها مو تقولين سويناك دووبووش خخخخخ ,,,

ام جوجو ,, ميمي تقعد على المقعد صوبي لما اسوق واشوفها تسكت بس طبعا ممنوع بس اتمنى اني بعد ما اسوي اللي تقولين عنه فعلا تقعد لانها من مكان لمكان ! والخوف اشتريه وما استفيد منه هههههههه لان احس ميمي ماشية بموضوع المشي وتقعد تعدل نفسها بنفسها فاتوقع انها بتقدر تقعد ع الكرسي بروحها ...

والله يام جوجو الحال من بعضوو ! انا بعد عيوني طلعت برره اكثر من يومين ما انام بس هالمرة الفيلم من قليلي الاحترام والاحساس اللي فوقي !! ما يأذن الا يشتغلون طق وطبل طبعا بنتي تبغيها من الله بس عشان تصيح وتتنيحس بالنومة وانا تروح نومتي خلااص واظل قاعده لنهاية اليووم عاد اليوم وصلت حدي وكلمت الراعي جننوني يقولي لاتاخذي عليهم ذول اجانب طبايعهم جذي خير ؟؟ ...

ام جوجو دخلتي لجوجو أكل العايلة لو للحين مابديتي ؟

هههههههههه ام ميمي
هالاقل هذول غرب اجل انا شقووووووول هنا الاطفال مايحلالهم اللعب برا بالحوش=تحت شباكي الا باليل المشكله الجو برا برد ماتحمله انا شلون هم الله المستعان بس الصبر من عندو من فوق لاتشكيلي ببكيلك
الكرسي لازم لازم لازم! ياختي العرب كلهم مايعرفون يسوقون همج مقدر ههههههههههههه انا ماتقبل احطها بحضني انواع التوتر وربي =")

لاا يا ام جوجو منطقه عن منطقة تفرق والله اللي اشتغلت معاهم اهم شي عندهم الهدوء والرتابة بس ذولي ربي اشكرك واحمدك على النعمة!! بس ذلين معروفين يالله يقولي زوجي عنهم بالشغل اللهم لك الحمد ومعروف مايقعدون بمكان لازم شيرنق تخيلي يعني عايلة باطفال شيرنق مع عايلة ثانيه شهالسالفه ؟!هههههه وع قولة زوجي اذا نبغي نحولك وحش كاسر نمنعك من نومة الليل خخخخخ ....

والله ع السواقة كلامك صحيح صارت لي هاليومين وانا قاعده بميمي ومرتاحة البال مع زوجي ويجيك واحد ( غبي واحمق وارعن ) ويطلع على السيارة مع انه ماله الحق ويعطيك الدعمة وفوقها يتفلسف حمدت ربي انه زوجي بذاك الوقت اصر اني اكون بالمقعد الخلفي معاها !! بس حصل له زف مرتب وشكوى حلووة على راسه عشان يتأدب عن حركات التفحيط وازعاج الناس ,,,, وقلت فعلاا لازم هالكرسي أأمن ...

ام جوجو اخبارك مع التجهيزات لعرس اخووك ؟؟ كملتي لو للحين ؟؟ ,,, وجوجو اخبارها مع هالجو المتقلب ؟؟ انا ميمي رجعت سالفة الترييل الزايد مع سيلان الانف والحين تقلد الكلمات والحركات بشكل كبييير هههههههه وترادد فوقها ,,, افكر هاليومين اخذ لها سيارة صغنونة ع كبرها او حصان هههههههه اشوفها تحب هالسوالف خطييرة مريومة ...

جوووفان ,, وين الحلووين ؟؟ شخبارك حبوو ؟؟

التفحيط كلاام ثاني احنا حينا جديد نوعا ما وفي مساحات فاضيه التفحيط حدددددددث ولا حررررررررج من تجي 10 يبدا تفحيط بقووووووووه تخيلي اخاف جويلو تصحى والمشكله الحي فيه اطفال يعني بالله هذا ماعنده ذمه ولا ضمير الي يفحط داخل حي! فرضا لاسمح الله صدم طفل ولا شي حسبي الله عليهم بسس
هأهأهأهأ لاتذكريني بعرس اخوي ميييييييييييييييييح ولا شي لا انا ولا جويل ياطويلة العمر بنجلط خلاص=) وجايني تبلد مشاعر واحاسيس هههههههههههههههه مدري متى الله يريد واشد حيلي شويتين لازم هالويك اند ابدا باي شي الله المستعان المشكله كمان محاضراتي بالجامعه بددددت يعني اوم الزحمه لما كنت فاضيه ماتحركت الحين وانا مشغوله غصبا عني اتحرك هههههه واحاتي وقت نومة جوجو هففففف مدري كيف برتبها مع الزواج والزحمه ماحب ااخر نومتها بنتي نحيسه تصير مررره نكديه

ام جوجو ربي يعييينكم والله ! المشكلة هم بكيفهم يبغون يقولبون بسياراتهم بس ياخي لاتزعج غيرك مو غصب تفوشر علينه الله والقوطي اللي يمشيه ههههههههههه ومثل ماقلتي من تجي حزة الليل يشتغلون خفافيش !؟ <<<< منبطة ...

والله يام جوجو انا بالبيت وبنفجر مو بعد دوام ! جننتني من الصياح والزنة والصراخ وراسي يالله مو راضي يوقف من العوار والصداع النصفي وهالدورة الممملة كلها بوقت واحد لاعت مرارتي احس انه ابغي اخليها هي وابوها واطير هههههههه ربي يعيين ع هالاسنان هم خلص بان بياضهم بس ربي يعين اول مايشقون تجيها الحالة بقووة ...

التجهيزات حاولي قطعه قطعه ومذركير الحين نازلة عندهم فساتييين حلووووووة للاطفال حاولي هالايام تروحين واما لك سمعت ذاك اليوم وحده تمدح سبلاش حاطين فساتين اوروبية للحفلات حلوة وسعرها حلووو ... وربي يعييينك ويقوييييك ..

التفاحه
انا من مده شفت فستان ابيض منفوش ومن تحت فيه زي زيج برتقالي فسفوري مرره كيوت بمذركير يبيلي اروح! جوجو احس من محل واحد اخلصلها اغراضها خخخخ
تصدقين جويلو احس خلاص اماكن اسنانها ماشاءالله مرررره باينين! مدري انا يتهيألي ولاهم من اول كذا بس صارو واضحين عدل بس مابعد يشقون هالسنونات الحين عرفت ليش الامهات يحاتونهم واجد من هالتعب بس الله يكتب لنا الاجررر
اخبار اختك مع بيبيها؟! اعتدلت نومته ولا لا عاد مع الدوام دمار شامل-_-

:(
انا هون

ام جوجو صحيح الاطفال من مكان واحد تخلصين لكن البلوة على الكبار ! وفوقها انتي بتروحين صالون ومكياج وشعر واكسسوارات يعين سالفة طويلة عريضة ربي يعيينك ,,,

ام جوجو لا مايتهيأ لك لان انا من جم يوم اشوف ميمي جذي لما كنت ابدلها كانها سنونها نازلة وبان الخطين بس للحين ماشقوا زوجي ماصدقني بالبداية بس بعدين شاف اللمعه واللي اكد لي ما صارت تعضض فيني احس بهم ومسكينه احسها متألمة أكثر من القبليين كل ربع ساعه تبغي ارضعها بس تعضض ولا تبغي ابوسها بخدها او بالقرب منهم ههههههههه معناه سنون قربوا ...

والله اختي مسكينة تقولين عين وماصلت ع النبي مع انه ماشاء الله خلاص بيكمل 5 شهور بس للحين صغيرووون احسه يعني نص مريومة ! يعني لاوزن فيه وفوقها عنده حساسية قووية وهذاهو مع الزكام ولا خلص منه ع عمري وامساك وغازات ماسكة عنده وع قولتها نوم الليل عافه ههههههههه واختي مثلي اهم شي الليل مسكينه ,,, هي دوامها بيبتدي اعتقد بعد شهر لان اخذت كل اجازاتها تدرين بعد هالفترة وشافت بيبي ماتبغي تتركه حتى مع ابوه خخخخخ ..

ام جوجو اما شفت سيارة ع كبر كتاكيتنه تجنن كبيرة بس من داخل على حجمهم وفيها عصاية من ورا انتي تدفعينهم حلوووة وسعرها حلوو اعتقد توها نازلة بمذركير دوري عنها هههههههههه ولا عليها اشكال بعد انا ميمي حبها امس قلت لازم هالشهر آخذها لها ...

جوووفان أخبارك حبيبتي ؟؟ حبيبتي كل تأخيرة فيها خيرة ذكرتني وحده بنفس حالتك تصدقين حلمت فيها من غير مااعرفها بما معنى انها حملت بس شرط هالحمال ان تعطي صدقة انها تحج بأحد يعني تعطي حجة وفعلاا تبرعت لوحده كبيرة بالسن وتكفلت بكل شي وسعت في زواج بنتها وياسبحان الله تزوجت البنت من صوب وهي حملت بتووم من صوب ثاني ماشاء الله تبارك الله .... فما تدرين ممكن ربك مأخر الموضوع لسبب عشان المستقبل مثلي انا واختي ...

واما الدورة فعلا فعلا لما جتني هالمرة بذاك الالم يالله ذكرتك قمت ادعي ماتجيك العله ههههههههههه والله الحمال اهون من هالطلق خخخخخخ

ام ميمي
هالمره متأخره عليا
وحللت مرتين دم ومنزلي
وتعبت جداً
اليوم شرفت
ممماني طايقه اشوف احد ولا اتحرك من مكاااني و نفسي تلعي تقولي وحااام

جوفان متأكدة انه مافي حمل ؟؟ دام عندك بعض الاعراض ممكن تكوني مثل والدتي 4 شهور لو اكثر وهي تنزل عليها الدورة ويحللون لها ويقولون مو حامل !! انتظري شوي وردي حللي ويااااااااااااااااااااااااارب يااااااااااااارب تكوني حامل والعله تفارقك 9 شهور ان شاء الله ... >>>> ويعطي ام جوجو البشارة خخخخخ

ام ميمي
الله يعيييييييينها اختك! خليها تجربله زيت السمسم تدهن صدره فيها وتدفيه ربي يشفيه ياعمري والله تعب انا مثلكم والله اقتلييييييييينننننني عند نومة الليل! انا انسانه دجاجه صراحه حدددي
عاليساره احس جوجو بتتحمس طبعا تكون محاوطه بشي مدري كيف عشان مايطيح البيبي صح؟!
بعدين الاحظ من فتره شي ثاني ع جوجو ههههه كل مره اقول بقولك وانسى كل ما اجي البسها او افصخها حافظه الروتين بس امسك اللبس تدخل ايدينها ولو فصختها على طول تبدا تحاول تطلعه من حول رقبتها خ خ خ خ تضحكني مدري على ايش مستعجلين اطفالنا الله يحفظهم
جوفان
طولي بالك ادري شي يضيق الصدر وتحسين كل الكلام ماله معنى ومايساوي شي بداخلك بس ربك كريم